प्राणा वा ऋतुयाजास् तद् यद् ऋतुयाजैश् चरन्ति प्राणान् एव तद् यजमाने दधति षड् ऋतुनेति यजन्ति प्राणम् एव तद् यजमाने दधति चत्वार ऋतुभिर् इति यजन्ति अपानम् एव तद् यजमाने दधति द्विर् ऋतुनेत्य् उपरिष्टात् व्यानम् एव तद् यजमाने दधति स चासु संभृतस् त्रेधा विहृतः प्राणो ऽपानो व्यान इति [एद्। ऽपाणो] ततो ऽन्यत्र गुणितस् तथा ह यजमानः सर्वम् आयुर् एत्य् अस्मिंल् लोक आर्ध्नोति आप्नोत्य् अमृतत्वम् अक्षितं स्वर्गे लोके ते वा एते प्राणा एव यद् ऋतुयाजास् तस्माद् अनवानं ततो यजन्ति [एद्। अनवानन्तो, चोर्र्। पत्यल्] प्राणानां सन्तत्यै सन्तन्ता इव हीमे प्राणाः अथो ऋतवो वा ऋतुयाजाः संस्थानुवषट्कारः [एद्। अनुवषट्कुआरो] यो ऽत्रानुवषट्कुर्याद् असंस्थितान् ऋतून् संस्थापयेत् यस् तं तत्र ब्रूयाद् असंस्थितान् ऋतून् समतिष्ठिपद् दुःषमं भविष्यतीति शश्वत् तथा स्यात् ॥ ७ ॥
prāṇā vā ṛtuyājās tad yad ṛtuyājaiś caranti prāṇān eva tad yajamāne dadhati ṣaḍ ṛtuneti yajanti prāṇam eva tad yajamāne dadhati catvāra ṛtubhir iti yajanti apānam eva tad yajamāne dadhati dvir ṛtunety upariṣṭāt vyānam eva tad yajamāne dadhati sa cāsu saṃbhṛtas tredhā vihṛtaḥ prāṇo 'pāno vyāna iti [ed. 'pāṇo] tato 'nyatra guṇitas tathā ha yajamānaḥ sarvam āyur ety asmiṃl loka ārdhnoti āpnoty amṛtatvam akṣitaṃ svarge loke te vā ete prāṇā eva yad ṛtuyājās tasmād anavānaṃ tato yajanti [ed. anavānanto, corr. Patyal] prāṇānāṃ santatyai santantā iva hīme prāṇāḥ atho ṛtavo vā ṛtuyājāḥ saṃsthānuvaṣaṭkāraḥ [ed. anuvaṣaṭkuāro] yo 'trānuvaṣaṭkuryād asaṃsthitān ṛtūn saṃsthāpayet yas taṃ tatra brūyād asaṃsthitān ṛtūn samatiṣṭhipad duḥṣamaṃ bhaviṣyatīti śaśvat tathā syāt || 7 ||
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.