Jayadeva: Gitagovinda-kavya (in pausa) 6

अथ ताम् गन्तुम् अशक्ताम् चिरम् अनुरक्ताम् लता-गृहे दृष्ट्वा । तत्-चरितम् गोविन्दे मनसिज-मन्दे सखी प्राह ॥

atha tām gantum aśaktām ciram anuraktām latā-gṛhe dṛṣṭvā / tat-caritam govinde manasija-mande sakhī prāha //

Sanskrit only: no published translation is held for this verse.

पश्यति दिशि दिशि रहसि भवन्तम् । तत्-अधर-मधुर-मधूनि पिबन्तम् ॥ नाथ हरे सीदति राधा वास-गृहे ॥

paśyati diśi diśi rahasi bhavantam / tat-adhara-madhura-madhūni pibantam // nātha hare sīdati rādhā vāsa-gṛhe //

Sanskrit only: no published translation is held for this verse.

त्वत्-अभिसरण-रभसेन वलन्ती । पतति पदानि कियन्ति चलन्ती ॥ नाथ हरे सीदति राधा वास-गृहे ॥

tvat-abhisaraṇa-rabhasena valantī / patati padāni kiyanti calantī // nātha hare sīdati rādhā vāsa-gṛhe //

Sanskrit only: no published translation is held for this verse.

विहित-विशद-बिस-किसलय-वलया । जीवति परम् इह तव रति-कलया ॥ नाथ हरे सीदति राधा वास-गृहे ॥

vihita-viśada-bisa-kisalaya-valayā / jīvati param iha tava rati-kalayā // nātha hare sīdati rādhā vāsa-gṛhe //

Sanskrit only: no published translation is held for this verse.

मुहुः अवलोकित-मण्डन-लीला । मधुरिपुः अहम् इति भावन-शीला ॥ नाथ हरे सीदति राधा वास-गृहे ॥

muhuḥ avalokita-maṇḍana-līlā / madhuripuḥ aham iti bhāvana-śīlā // nātha hare sīdati rādhā vāsa-gṛhe //

Sanskrit only: no published translation is held for this verse.

त्वरितम् उपैति न कथम् अभिसारम् । हरिः इति वदति सखीम् अनुवारम् ॥ नाथ हरे सीदति राधा वास-गृहे ॥

tvaritam upaiti na katham abhisāram / hariḥ iti vadati sakhīm anuvāram // nātha hare sīdati rādhā vāsa-gṛhe //

Sanskrit only: no published translation is held for this verse.

श्लिष्यति चुम्बति जलधर-कल्पम् । हरिः उपगतः इति तिमिरम् अनल्पम् ॥ नाथ हरे सीदति राधा वास-गृहे ॥

śliṣyati cumbati jaladhara-kalpam / hariḥ upagataḥ iti timiram analpam // nātha hare sīdati rādhā vāsa-gṛhe //

Sanskrit only: no published translation is held for this verse.

भवति विलम्बिनि विगलित-लज्जा । विलपति रोदिति वासक-सज्जा ॥ नाथ हरे सीदति राधा वास-गृहे ॥

bhavati vilambini vigalita-lajjā / vilapati roditi vāsaka-sajjā // nātha hare sīdati rādhā vāsa-gṛhe //

Sanskrit only: no published translation is held for this verse.

श्रीजयदेव-कवेः इदम् उदितम् । रसिक-जनम् तनुताम् अतिमुदितम् ॥ नाथ हरे सीदति राधा वास-गृहे ॥

śrījayadeva-kaveḥ idam uditam / rasika-janam tanutām atimuditam // nātha hare sīdati rādhā vāsa-gṛhe //

Sanskrit only: no published translation is held for this verse.

विपुल-पुलक-पालिः स्फीत-सीत्कारम् अन्तर्- जनित-जडिम-काकु-व्याकुलम् व्याहरन्ती । तव कितव विधाय अमन्द-कन्दर्प-चिन्ताम् रस-जलधि-निमग्ना ध्यान-लग्ना मृगाक्षी ॥

vipula-pulaka-pāliḥ sphīta-sītkāram antar- janita-jaḍima-kāku-vyākulam vyāharantī / tava kitava vidhāya amanda-kandarpa-cintām rasa-jaladhi-nimagnā dhyāna-lagnā mṛgākṣī //

Sanskrit only: no published translation is held for this verse.

अङ्गेषु आभरणम् करोति बहुशः पत्रे अपि संचारिणि प्राप्तम् त्वाम् परिशङ्कते वितनुते शय्याम् चिरम् ध्यायति । इति आकल्प-विकल्प-तल्प-रचना-संकल्प-लीला-शत- व्यासक्ता अपि विना त्वया वर-तनुः नैषा निशाम् नेष्यति ॥

aṅgeṣu ābharaṇam karoti bahuśaḥ patre api saṃcāriṇi prāptam tvām pariśaṅkate vitanute śayyām ciram dhyāyati / iti ākalpa-vikalpa-talpa-racanā-saṃkalpa-līlā-śata- vyāsaktā api vinā tvayā vara-tanuḥ naiṣā niśām neṣyati //

Sanskrit only: no published translation is held for this verse.

किं विश्राम्यसि कृष्ण-भोगि-भवने भाण्डीर-भूमी-रुहि भ्रातर् यासि न दृष्टि-गोचरम् इतः सानन्द-नन्दास्पदम् । राधाया वचनं तद् अध्वग-मुखान् नन्दान्तिके गोपतो गोविन्दस्य जयन्ति सायम् अतिथि-प्राशस्त्य-गर्भा गिरः

kiṃ viśrāmyasi kṛṣṇa-bhogi-bhavane bhāṇḍīra-bhūmī-ruhi bhrātar yāsi na dṛṣṭi-gocaram itaḥ sānanda-nandāspadam | rādhāyā vacanaṃ tad adhvaga-mukhān nandāntike gopato govindasya jayanti sāyam atithi-prāśastya-garbhā giraḥ

Sanskrit only: no published translation is held for this verse.