Jayadeva: Gitagovinda-kavya (in pausa) 8

अथ कथम् अपि यामिनीम् विनीय स्मर-शर-जर्जरिता अपि सा प्रभाते । अनुनय-वचनम् वदन्तम् अग्रे प्रणतम् अपि प्रियम् आह साभ्यसूयम् ॥

atha katham api yāminīm vinīya smara-śara-jarjaritā api sā prabhāte / anunaya-vacanam vadantam agre praṇatam api priyam āha sābhyasūyam //

Sanskrit only: no published translation is held for this verse.

रजनि-जनित-गुरु-जागर-राग-कषायितम् अलस-निवेशम् । वहति नयनम् अनुरागम् इव स्फुटम् उदित-रस-अभिनिवेशम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

rajani-janita-guru-jāgara-rāga-kaṣāyitam alasa-niveśam / vahati nayanam anurāgam iva sphuṭam udita-rasa-abhiniveśam // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

कज्जल-मलिन-विलोचन-चुम्बन-विरचित-नीलिम-रूपम् । दशन-वसनम् अरुणम् तव कृष्ण तनोति तनोः अनुरूपम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

kajjala-malina-vilocana-cumbana-viracita-nīlima-rūpam / daśana-vasanam aruṇam tava kṛṣṇa tanoti tanoḥ anurūpam // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

वपुः अनुहरति तव स्मर-सङ्गर-खर-नखर-क्षत-रेखम् । मरकत-शकल-कलित-कलधौत-लिपेः इव रति-जय-लेखम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

vapuḥ anuharati tava smara-saṅgara-khara-nakhara-kṣata-rekham / marakata-śakala-kalita-kaladhauta-lipeḥ iva rati-jaya-lekham // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

चरण-कमल-गलत्-अलक्तक-सिक्तम् इदम् तव हृदयम् उदारम् । दर्शयति इव बहिः मदन-द्रुम-नव-किसलय-परिवारम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

caraṇa-kamala-galat-alaktaka-siktam idam tava hṛdayam udāram / darśayati iva bahiḥ madana-druma-nava-kisalaya-parivāram // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

दशन-पदम् भवत्-अधर-गतम् मम जनयति चेतसि खेदम् । कथयति कथम् अधुना अपि मया सह तव वपुः एतत् अभेदम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

daśana-padam bhavat-adhara-gatam mama janayati cetasi khedam / kathayati katham adhunā api mayā saha tava vapuḥ etat abhedam // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

बहिः इव मलिनतरम् तव कृष्ण मनः अपि भविष्यति नूनम् । कथम् अथ वञ्चयसे जनम् अनुगतम् असमशर-ज्वर-दूनम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

bahiḥ iva malinataram tava kṛṣṇa manaḥ api bhaviṣyati nūnam / katham atha vañcayase janam anugatam asamaśara-jvara-dūnam // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

भ्रमति भवान् अबला-कवलाय वनेषु किम् अत्र विचित्रम् । प्रथयति पूतनिका एव वधू-वध-निर्दय-बाल-चरित्रम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

bhramati bhavān abalā-kavalāya vaneṣu kim atra vicitram / prathayati pūtanikā eva vadhū-vadha-nirdaya-bāla-caritram // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

श्रीजयदेव-भणित-रति-वञ्चित-खण्डित-युवति-विलापम् । शृणुत सुधा-मधुरम् विबुधाः विबुध-आलयतः अपि दुरापम् ॥ हरिहरि याहि माधव याहि केशव मा वद कैतव-वादम् ताम् अनुसर सरसीरुह-लोचन या तव हरति विषादम् ॥

śrījayadeva-bhaṇita-rati-vañcita-khaṇḍita-yuvati-vilāpam / śṛṇuta sudhā-madhuram vibudhāḥ vibudha-ālayataḥ api durāpam // harihari yāhi mādhava yāhi keśava mā vada kaitava-vādam tām anusara sarasīruha-locana yā tava harati viṣādam //

Sanskrit only: no published translation is held for this verse.

तव इदम् पश्यन्त्याः प्रसरत् अनुरागम् बहिः इव प्रिया-पाद-अलक्त-छुरितम् अरुण-छाय-हृदयम् । मम अद्य प्रख्यात-प्रणय-भर-भङ्गेन कितव त्वत्-आलोकः शोकात् अपि किम् अपि लज्जाम् जनयति ॥

tava idam paśyantyāḥ prasarat anurāgam bahiḥ iva priyā-pāda-alakta-churitam aruṇa-chāya-hṛdayam / mama adya prakhyāta-praṇaya-bhara-bhaṅgena kitava tvat-ālokaḥ śokāt api kim api lajjām janayati //

Sanskrit only: no published translation is held for this verse.

दृप्यद्-दानव-दूयमान-दिविषद्-दुर्वार-दुःखापदां भ्रंशः कंस-रिपोर् व्यपोहयतु वः श्रेयांसि वंशी-रवः

dṛpyad-dānava-dūyamāna-diviṣad-durvāra-duḥkhāpadāṃ bhraṃśaḥ kaṃsa-ripor vyapohayatu vaḥ śreyāṃsi vaṃśī-ravaḥ

Sanskrit only: no published translation is held for this verse.