Govindbhagavatpada: Rasahrdayatantra [GRht] 1

जयति स दैन्यगदाकुलम् अखिलम् इदं पश्यतो जगद् यस्य । हृदयस्थैव गलित्वा जाता रसरूपिणी करुणा

jayati sa dainyagadākulam akhilam idaṃ paśyato jagad yasya / hṛdayasthaiva galitvā jātā rasarūpiṇī karuṇā

Sanskrit only: no published translation is held for this verse.

पीताम्बरोऽथ बलिजिन्नागक्षयबहलरागगरुडचरः । जयति स हरिरिव हरजो विदलितभवदैन्यदुःखभरः

pītāmbaro'tha balijinnāgakṣayabahalarāgagaruḍacaraḥ / jayati sa haririva harajo vidalitabhavadainyaduḥkhabharaḥ

Sanskrit only: no published translation is held for this verse.

मूर्छित्वा हरति रुजं बन्धनमनुभूय मुक्तिदो भवति । अमरीकरोति सुमृतः को ऽन्यः करुणाकरः सूतात्

mūrchitvā harati rujaṃ bandhanamanubhūya muktido bhavati / amarīkaroti sumṛtaḥ ko 'nyaḥ karuṇākaraḥ sūtāt

Sanskrit only: no published translation is held for this verse.

सुरगुरुगोद्विजहिंसापापकलापोद्भवं किलासाध्यम् । तदपि च शमयति यस्मात् को ऽन्यस् तस्मात् पवित्रतरः

suragurugodvijahiṃsāpāpakalāpodbhavaṃ kilāsādhyam / tadapi ca śamayati yasmāt ko 'nyas tasmāt pavitrataraḥ

Sanskrit only: no published translation is held for this verse.

तस्य स्वयं हि स्फुरति प्रादुर्भावः स शांकरः को ऽपि । कथमन्यथा हि शमयति विलसन्मात्राच्च पापरुजम्

tasya svayaṃ hi sphurati prādurbhāvaḥ sa śāṃkaraḥ ko 'pi / kathamanyathā hi śamayati vilasanmātrācca pāparujam

Sanskrit only: no published translation is held for this verse.

रसबन्धश्च स धन्यः प्रारम्भे यस्य सततमिव करुणा । सिद्धे रसे करिष्ये महीमहं निर्जरामरणम्

rasabandhaśca sa dhanyaḥ prārambhe yasya satatamiva karuṇā / siddhe rase kariṣye mahīmahaṃ nirjarāmaraṇam

Sanskrit only: no published translation is held for this verse.

ये चात्यक्तशरीरा हरगौरीसृष्टिजां तनुं प्राप्ताः । वन्द्यास्ते रससिद्धा मन्त्रगणाः किंकरा येषाम्

ye cātyaktaśarīrā haragaurīsṛṣṭijāṃ tanuṃ prāptāḥ / vandyāste rasasiddhā mantragaṇāḥ kiṃkarā yeṣām

Sanskrit only: no published translation is held for this verse.

सुकृतफलं तावदिदं सुकुले यज्जन्म धीश्च तत्रापि । सापि च सकलमहीतलतुलनफला भूतलं च सुविधेयम्

sukṛtaphalaṃ tāvadidaṃ sukule yajjanma dhīśca tatrāpi / sāpi ca sakalamahītalatulanaphalā bhūtalaṃ ca suvidheyam

Sanskrit only: no published translation is held for this verse.

भूतलविधेयतायाः फलमर्थास्ते च विविधभोगफलाः । भोगाः सन्ति शरीरे तदनित्यमहो वृथा सकलम्

bhūtalavidheyatāyāḥ phalamarthāste ca vividhabhogaphalāḥ / bhogāḥ santi śarīre tadanityamaho vṛthā sakalam

Sanskrit only: no published translation is held for this verse.

इति धनशरीरभोगान् मत्वानित्यान् सदैव यतनीयम् । मुक्तौ सा च ज्ञानात् तच्चाभ्यासात् स च स्थिरे देहे

iti dhanaśarīrabhogān matvānityān sadaiva yatanīyam / muktau sā ca jñānāt taccābhyāsāt sa ca sthire dehe

Sanskrit only: no published translation is held for this verse.

तत्स्थैर्यं न समर्थं रसायनं किमपि मूललोहादि । स्वयमस्थिरस्वभावं दाह्यं क्लेद्यं च शोष्यं च

tatsthairyaṃ na samarthaṃ rasāyanaṃ kimapi mūlalohādi / svayamasthirasvabhāvaṃ dāhyaṃ kledyaṃ ca śoṣyaṃ ca

Sanskrit only: no published translation is held for this verse.

<औफ़्ल्öसुन्ग् प्फ़्लन्ज़ेन् -> अमरत्व> काष्ठौषध्यो नागे नागं वङ्गे वङ्गमपि लीयते शुल्वे । शुल्वं तारे तारं कनके कनकं च लीयते सूते

<Auflösung Pflanzen -> amaratva> kāṣṭhauṣadhyo nāge nāgaṃ vaṅge vaṅgamapi līyate śulve / śulvaṃ tāre tāraṃ kanake kanakaṃ ca līyate sūte

Sanskrit only: no published translation is held for this verse.

परमात्मनीव नियतं लयो यत्र सर्वसत्त्वानाम् । एकोऽसौ रसराजः शरीरमजरामरं कुरुते

paramātmanīva niyataṃ layo yatra sarvasattvānām / eko'sau rasarājaḥ śarīramajarāmaraṃ kurute

Sanskrit only: no published translation is held for this verse.

अमृतत्वं हि भजन्ते हरमूर्तौ योगिनो यथा लीनाः । तद्वत्कवलितगगने रसराजे हेमलोहाद्याः

amṛtatvaṃ hi bhajante haramūrtau yogino yathā līnāḥ / tadvatkavalitagagane rasarāje hemalohādyāḥ

Sanskrit only: no published translation is held for this verse.

स्थिरदेहोऽभ्यासवशात्प्राप्य ज्ञानं गुणाष्टकोपेतम् । प्राप्नोति ब्रह्मपदं न पुनर्भवावासदुःखेन

sthiradeho'bhyāsavaśātprāpya jñānaṃ guṇāṣṭakopetam / prāpnoti brahmapadaṃ na punarbhavāvāsaduḥkhena

Sanskrit only: no published translation is held for this verse.

एकांशेन जगन्ति च विष्टभ्यावस्थितं परं ज्योतिः । पादैस्त्रिभिस्तदमृतं सुलभं न विरक्तिमात्रेण

ekāṃśena jaganti ca viṣṭabhyāvasthitaṃ paraṃ jyotiḥ / pādaistribhistadamṛtaṃ sulabhaṃ na viraktimātreṇa

Sanskrit only: no published translation is held for this verse.

न हि देहेन कथंचिद् व्याधिजरामरणदुःखविधुरेण । क्षणभङ्गुरेण सूक्ष्मं तद्ब्रह्मोपासितुं शक्यम्

na hi dehena kathaṃcid vyādhijarāmaraṇaduḥkhavidhureṇa / kṣaṇabhaṅgureṇa sūkṣmaṃ tadbrahmopāsituṃ śakyam

Sanskrit only: no published translation is held for this verse.

नामापि योगसिद्धेः को गृह्णीयाद्विना शरीरेण । यद्योगगम्यममलं मनसोऽपि न गोचरं तत्त्वम्

nāmāpi yogasiddheḥ ko gṛhṇīyādvinā śarīreṇa / yadyogagamyamamalaṃ manaso'pi na gocaraṃ tattvam

Sanskrit only: no published translation is held for this verse.

यज्ञाद्दानात्तपसो वेदाध्ययनाद्दमात्सदाचारात् । अत्यन्तं श्रेयः किल योगवशादात्मसंवित्तिः

yajñāddānāttapaso vedādhyayanāddamātsadācārāt / atyantaṃ śreyaḥ kila yogavaśādātmasaṃvittiḥ

Sanskrit only: no published translation is held for this verse.

गलितानल्पविकल्पसर्वार्थविवर्जितश् चिदानन्दः । स्फुरितोऽप्यस्फुरिततनोः करोति किं जन्तुवर्गस्य

galitānalpavikalpasarvārthavivarjitaś cidānandaḥ / sphurito'pyasphuritatanoḥ karoti kiṃ jantuvargasya

Sanskrit only: no published translation is held for this verse.

भ्रूयुगमध्यगतं यच्छिखिविद्युन्निर्मलं जगद्भासि । केषांचित् पुण्यकृताम् उन्मीलति चिन्मयं ज्योतिः

bhrūyugamadhyagataṃ yacchikhividyunnirmalaṃ jagadbhāsi / keṣāṃcit puṇyakṛtām unmīlati cinmayaṃ jyotiḥ

Sanskrit only: no published translation is held for this verse.

परमानन्दैकमयं परमं ज्योतिःस्वभावमविकल्पम् । विगलितसर्वक्लेशं ज्ञेयं शान्तं स्वयंसंवेद्यम्

paramānandaikamayaṃ paramaṃ jyotiḥsvabhāvamavikalpam / vigalitasarvakleśaṃ jñeyaṃ śāntaṃ svayaṃsaṃvedyam

Sanskrit only: no published translation is held for this verse.

तस्मिन्नाधाय मनः स्फुरदखिलं जगत्पश्यन् । उत्सन्नकर्मबन्धो ब्रह्मत्वमिहैव चाप्नोति

tasminnādhāya manaḥ sphuradakhilaṃ jagatpaśyan / utsannakarmabandho brahmatvamihaiva cāpnoti

Sanskrit only: no published translation is held for this verse.

अस्तं हि यान्ति विषयाः प्राणान्तःकरणसंयोगात् । स्फुरणं नेन्द्रियतमसां नातः स्फुरतश्च दुःखसुखे

astaṃ hi yānti viṣayāḥ prāṇāntaḥkaraṇasaṃyogāt / sphuraṇaṃ nendriyatamasāṃ nātaḥ sphurataśca duḥkhasukhe

Sanskrit only: no published translation is held for this verse.

रागद्वेषविमुक्ताः सत्याचारा नरा मृषारहिताः । सर्वत्र निर्विशेषा भवन्ति चिद्ब्रह्मसंस्पर्शात्

rāgadveṣavimuktāḥ satyācārā narā mṛṣārahitāḥ / sarvatra nirviśeṣā bhavanti cidbrahmasaṃsparśāt

Sanskrit only: no published translation is held for this verse.

तिष्ठन्त्यणिमादियुता विलसद्देहा मुदा सदानन्दाः । ये ब्रह्मभावममृतं सम्प्राप्ताश्चैव कृतकृत्याः

tiṣṭhantyaṇimādiyutā vilasaddehā mudā sadānandāḥ / ye brahmabhāvamamṛtaṃ samprāptāścaiva kṛtakṛtyāḥ

Sanskrit only: no published translation is held for this verse.

आयतनं विद्यानां मूलं धर्मार्थकाममोक्षाणाम् । श्रेयः परं किमन्यत् शरीरमजरामरं विहायैकम्

āyatanaṃ vidyānāṃ mūlaṃ dharmārthakāmamokṣāṇām / śreyaḥ paraṃ kimanyat śarīramajarāmaraṃ vihāyaikam

Sanskrit only: no published translation is held for this verse.

प्रमाणतोऽपि प्रत्यक्षाद्यो न जानाति सूतकम् । अदृष्टविग्रहं देवं कथं ज्ञास्यति चिन्मयम्

pramāṇato'pi pratyakṣādyo na jānāti sūtakam / adṛṣṭavigrahaṃ devaṃ kathaṃ jñāsyati cinmayam

Sanskrit only: no published translation is held for this verse.

यज्जरया जर्जरितं कासश्वासादिदुःखवशमाप्तम् । योग्यं तन्न समाधौ प्रतिहतबुद्धीन्द्रियप्रसरम्

yajjarayā jarjaritaṃ kāsaśvāsādiduḥkhavaśamāptam / yogyaṃ tanna samādhau pratihatabuddhīndriyaprasaram

Sanskrit only: no published translation is held for this verse.

बालः षोडशवर्षो विषयरसास्वादलम्पटः परतः । जातविवेको वृद्धो मर्त्यः कथमाप्नुयान्मुक्तिम्

bālaḥ ṣoḍaśavarṣo viṣayarasāsvādalampaṭaḥ parataḥ / jātaviveko vṛddho martyaḥ kathamāpnuyānmuktim

Sanskrit only: no published translation is held for this verse.

अस्मिन्न् एव शरीरे येषां परमात्मनो न संवेदः । देहत्यागादूर्ध्वं तेषां तद्ब्रह्म दूरतरम्

asminn eva śarīre yeṣāṃ paramātmano na saṃvedaḥ / dehatyāgādūrdhvaṃ teṣāṃ tadbrahma dūrataram

Sanskrit only: no published translation is held for this verse.

ब्रह्मादयो यजन्ते यस्मिन् दिव्यां तनुं समाश्रित्य । जीवन्मुक्ताश्चान्ये कल्पान्तस्थायिनो मुनयः

brahmādayo yajante yasmin divyāṃ tanuṃ samāśritya / jīvanmuktāścānye kalpāntasthāyino munayaḥ

Sanskrit only: no published translation is held for this verse.

तस्माज्जीवन्मुक्तिं समीहमानेन योगिना प्रथमम् । दिव्या तनुर्विधेया हरगौरीसृष्टिसंयोगात्

tasmājjīvanmuktiṃ samīhamānena yoginā prathamam / divyā tanurvidheyā haragaurīsṛṣṭisaṃyogāt

Sanskrit only: no published translation is held for this verse.

तस्यापि साधनविधौ सुधिया प्रतिकर्मनिर्मलाः प्रथमम् । अष्टादशसंस्कारा विज्ञातव्याः प्रयत्नेन

tasyāpi sādhanavidhau sudhiyā pratikarmanirmalāḥ prathamam / aṣṭādaśasaṃskārā vijñātavyāḥ prayatnena

Sanskrit only: no published translation is held for this verse.