Govindbhagavatpada: Rasahrdayatantra [GRht] 18

<वेधमहत्त्व> अनया खलु सारणया क्रामणेन च विशति योजितो विधिवत् । असति वेधविधौ न रसः स्वगुणान्प्रकाशयति

<vedhamahattva> anayā khalu sāraṇayā krāmaṇena ca viśati yojito vidhivat / asati vedhavidhau na rasaḥ svaguṇānprakāśayati

Sanskrit only: no published translation is held for this verse.

<हेमकृष्टि> रसदरदताप्यगन्धकमनःशिलाराजवर्त्तकं विमलम् । पुटमृतशुल्बं तारे निर्व्यूढं हेमकृष्टिरियम्

<hemakṛṣṭi> rasadaradatāpyagandhakamanaḥśilārājavarttakaṃ vimalam / puṭamṛtaśulbaṃ tāre nirvyūḍhaṃ hemakṛṣṭiriyam

Sanskrit only: no published translation is held for this verse.

<शतांशविधि।-वेध (१)> अष्टानवतिर्भागास्तारस्त्वेकोऽपि कनकभागः स्यात् । सूतस्यैको भागः शतांशविधिरेष विख्यातः

<śatāṃśavidhi/-vedha (1)> aṣṭānavatirbhāgāstārastveko'pi kanakabhāgaḥ syāt / sūtasyaiko bhāgaḥ śatāṃśavidhireṣa vikhyātaḥ

Sanskrit only: no published translation is held for this verse.

<शतांशविधि (२)> एकोनपञ्चाशद्भागास्तारस्येह तथैव शुल्वस्य । कनकस्यैको भागो वेधश्चैकेन सूतस्य

<śatāṃśavidhi (2)> ekonapañcāśadbhāgāstārasyeha tathaiva śulvasya / kanakasyaiko bhāgo vedhaścaikena sūtasya

Sanskrit only: no published translation is held for this verse.

<देफ़िनितिओन् सहस्रवेधिन् उन्द् ह्ण्हेर्> एवं सहस्रवेधी नियुज्यते कोटिवेधी च । जारणबीजवशेन तु सूतस्य बलाबलं ज्ञात्वा

<Definition sahasravedhin und hṆher> evaṃ sahasravedhī niyujyate koṭivedhī ca / jāraṇabījavaśena tu sūtasya balābalaṃ jñātvā

Sanskrit only: no published translation is held for this verse.

<कुन्तवेध> दत्त्वादौ प्रतिवापं लाक्षामत्स्यादिपित्तभावनया । तारे वा शुल्बे वा तारारिष्टे तथा कृष्टौ

<kuntavedha> dattvādau prativāpaṃ lākṣāmatsyādipittabhāvanayā / tāre vā śulbe vā tārāriṣṭe tathā kṛṣṭau

Sanskrit only: no published translation is held for this verse.

तदनु क्रामणमृदिते तत्कल्केनापि पिण्डितरसेन । अतिविद्रुते च तस्मिन् वेधोऽसौ कुन्तवेधेन

tadanu krāmaṇamṛdite tatkalkenāpi piṇḍitarasena / atividrute ca tasmin vedho'sau kuntavedhena

Sanskrit only: no published translation is held for this verse.

<क्रामण (?)> तत्तैलार्द्रपटेन स्थगयेत् पललेन भस्मना वापि । विधिवद्वेध्यं द्रव्यं रसराजक्रामणार्थं हि

<krāmaṇa (?)> tattailārdrapaṭena sthagayet palalena bhasmanā vāpi / vidhivadvedhyaṃ dravyaṃ rasarājakrāmaṇārthaṃ hi

Sanskrit only: no published translation is held for this verse.

<लेपवेध।पत्त्ररञ्जन> पादादिजीर्णबीजो युज्यते पत्रलेपेन

<lepavedha/pattrarañjana> pādādijīrṇabījo yujyate patralepena

Sanskrit only: no published translation is held for this verse.

<पत्त्ररञ्जन (२) दुर्छ् लेप> अम्लाद्युद्वर्तिततारारिष्टादिपत्रम् अतिशुद्धम् । आलिप्य रसेन ततः क्रामणलिप्ते पुटेषु विश्रान्तम्

<pattrarañjana (2) durch lepa> amlādyudvartitatārāriṣṭādipatram atiśuddham / ālipya rasena tataḥ krāmaṇalipte puṭeṣu viśrāntam

Sanskrit only: no published translation is held for this verse.

<Wएइतेर्वेरर्बेइतुन्ग् देस् पत्त्रस्; वर्णपुट> अर्धेन मिश्रयित्वा हेम्ना ज्येष्ठेन तद्दलं पुटितम् । क्षितिखगपटुरक्तमृदा वर्णपुटोऽयं ततो देयः

<Weiterverarbeitung des pattras; varṇapuṭa> ardhena miśrayitvā hemnā jyeṣṭhena taddalaṃ puṭitam / kṣitikhagapaṭuraktamṛdā varṇapuṭo'yaṃ tato deyaḥ

Sanskrit only: no published translation is held for this verse.

<वेध:: wहिते गोल्द् => रेद् गोल्द्> भूपतिवर्तकचूर्णं शिरीषपुष्परसभावितं बहुशः । सद्यः करोति रक्तं सितकनकम् अशीतिभागेन

<vedha:: white gold => red gold> bhūpativartakacūrṇaṃ śirīṣapuṣparasabhāvitaṃ bahuśaḥ / sadyaḥ karoti raktaṃ sitakanakam aśītibhāgena

Sanskrit only: no published translation is held for this verse.

<वेध:: सिल्वेर् => गोल्द्> रसदरदविमलताप्यं पटुशिलामाक्षीकनृपाश्चैव । प्रवालकंकुष्ठटङ्कणगैरिकप्रतिवापितं सितं कनकम्

<vedha:: silver => gold> rasadaradavimalatāpyaṃ paṭuśilāmākṣīkanṛpāścaiva / pravālakaṃkuṣṭhaṭaṅkaṇagairikaprativāpitaṃ sitaṃ kanakam

Sanskrit only: no published translation is held for this verse.

<चोलोउरिन्ग् ओफ़् गोल्द्> तापीभवनृपावर्तबीजपूररसार्दितम् । करोति पुटपाकेन हेम सिन्दूरसन्निभम्

<colouring of gold> tāpībhavanṛpāvartabījapūrarasārditam / karoti puṭapākena hema sindūrasannibham

Sanskrit only: no published translation is held for this verse.

<सिल्वेर्:: इम्प्रोवेमेन्त् ओफ़् चोलोउर्> वङ्गाभ्रं सितमाक्षीकं शैलं वा वाहयेत्सिते । तत्तारं च दशांशेन तारोत्कर्षं करोति हि

<silver:: improvement of colour> vaṅgābhraṃ sitamākṣīkaṃ śailaṃ vā vāhayetsite / tattāraṃ ca daśāṃśena tārotkarṣaṃ karoti hi

Sanskrit only: no published translation is held for this verse.

<निर्वाहण ओफ़् दिफ़्फ़्। सुब्स्तन्चेस् => फ्य्स्। रेसुल्त्स्> नागः करोति मृदुतां निर्व्यूढस्तां च रक्ततां च रविः । तां पीततां च तीक्ष्णं काचस्तत्कालिकविनाशं च

<nirvāhaṇa of diff. substances => phys. results> nāgaḥ karoti mṛdutāṃ nirvyūḍhastāṃ ca raktatāṃ ca raviḥ / tāṃ pītatāṃ ca tīkṣṇaṃ kācastatkālikavināśaṃ ca

Sanskrit only: no published translation is held for this verse.

<गोल्द्:: इम्प्रोवेमेन्त्> कनकारुणसममाक्षिककरञ्जतैलाप्लुतो ध्मातः । पाते पाते दश दश विन्दति यावद्धि कोटिमपि

<gold:: improvement> kanakāruṇasamamākṣikakarañjatailāpluto dhmātaḥ / pāte pāte daśa daśa vindati yāvaddhi koṭimapi

Sanskrit only: no published translation is held for this verse.

<गोल्द्:: बीज फ़ोर् इम्प्रोवेमेन्त् ओफ़् चोलोउर्> स चायमतिविलीनः कंगुणीतैलसेचितो बहुशः । माक्षीकरविनिवापं विध्यति कनकं शतांशेन

<gold:: bīja for improvement of colour> sa cāyamativilīnaḥ kaṃguṇītailasecito bahuśaḥ / mākṣīkaravinivāpaṃ vidhyati kanakaṃ śatāṃśena

Sanskrit only: no published translation is held for this verse.

<गोल्द्:: बीज फ़ोर् इम्प्रोवेमेन्त् (?)> शुल्बहतं रसगन्धाहतखगपीतं दशांशेन । विध्यति कनकं कुरुते तन्निर्व्यूढं मर्दितं सुदृढम्

<gold:: bīja for improvement (?)> śulbahataṃ rasagandhāhatakhagapītaṃ daśāṃśena / vidhyati kanakaṃ kurute tannirvyūḍhaṃ marditaṃ sudṛḍham

Sanskrit only: no published translation is held for this verse.

<वेध> रसकसमं सुध्मातं कनकं भुक्त्वा ततोऽर्कचन्द्रलेपेन । माक्षिकसत्त्वं हेम्ना करोति जीर्णो रसः शतांशेन

<vedha> rasakasamaṃ sudhmātaṃ kanakaṃ bhuktvā tato'rkacandralepena / mākṣikasattvaṃ hemnā karoti jīrṇo rasaḥ śatāṃśena

Sanskrit only: no published translation is held for this verse.

<वेध; सिल्वेर् => गोल्द्> अष्टगुणं मृतशुल्बं कलधौतेन मूकमूषया लिप्तम् । तत्षोडशांशजीर्णं विध्यति तारं शतार्धेन

<vedha; silver => gold> aṣṭaguṇaṃ mṛtaśulbaṃ kaladhautena mūkamūṣayā liptam / tatṣoḍaśāṃśajīrṇaṃ vidhyati tāraṃ śatārdhena

Sanskrit only: no published translation is held for this verse.

<वेध:: दशांशँ; सिल्वेर् => गोल्द्> आवृत्य कनककरिणौ शिलया प्रतिवापितौ ततो भुक्त्वा । दोलायन्त्रे गन्धकजीर्णस्तारे दशांशवेधी स्यात्

<vedha:: daśāṃśa~; silver => gold> āvṛtya kanakakariṇau śilayā prativāpitau tato bhuktvā / dolāyantre gandhakajīrṇastāre daśāṃśavedhī syāt

Sanskrit only: no published translation is held for this verse.

<वेध:: शतांश; ब्रोन्ज़े => गोल्द्> रिपुनिहतलोहषट्कं जीर्णो धान्यस्थितश्चतुर्मासम् । सहितः पुरसुराभ्यां विध्यति घोषं शतांशेन

<vedha:: śatāṃśa; bronze => gold> ripunihatalohaṣaṭkaṃ jīrṇo dhānyasthitaścaturmāsam / sahitaḥ purasurābhyāṃ vidhyati ghoṣaṃ śatāṃśena

Sanskrit only: no published translation is held for this verse.

वक्ष्ये सम्प्रति सम्यग्यद् बीजं समरसे जीर्णम् । पिष्टिस्तम्भादिविधिं प्रकाश्यमानं बुधाः शृणुत

vakṣye samprati samyagyad bījaṃ samarase jīrṇam / piṣṭistambhādividhiṃ prakāśyamānaṃ budhāḥ śṛṇuta

Sanskrit only: no published translation is held for this verse.

<वेध; घोषाकृष्ट => गोल्द्> राजावर्तकविमलपीताभ्रगन्धताप्यरसकैश्च । कांक्षीकासीसशिलादरदैश्च समन्वितं नागम्

<vedha; ghoṣākṛṣṭa => gold> rājāvartakavimalapītābhragandhatāpyarasakaiśca / kāṃkṣīkāsīsaśilādaradaiśca samanvitaṃ nāgam

Sanskrit only: no published translation is held for this verse.

अहिमाररसैः पुटितं मारय नागं निरुत्थकं यावत् । तदनु च तस्य हि मध्ये शुल्बं गन्धं च लवणकंकुष्ठम्

ahimārarasaiḥ puṭitaṃ māraya nāgaṃ nirutthakaṃ yāvat / tadanu ca tasya hi madhye śulbaṃ gandhaṃ ca lavaṇakaṃkuṣṭham

Sanskrit only: no published translation is held for this verse.

तत्सर्वं शतवारान् भावय पक्वार्कपत्रसलिलैश्च । घोषाकृष्टे शुल्बे चूर्णं निर्वाहयेच्छतशः

tatsarvaṃ śatavārān bhāvaya pakvārkapatrasalilaiśca / ghoṣākṛṣṭe śulbe cūrṇaṃ nirvāhayecchataśaḥ

Sanskrit only: no published translation is held for this verse.

शुल्बेन तेन हि समं रसकपीताभ्रसत्वविमलं च । गैरिकमाक्षिकसत्त्वं टङ्कणनागं च तीक्ष्णयुतम्

śulbena tena hi samaṃ rasakapītābhrasatvavimalaṃ ca / gairikamākṣikasattvaṃ ṭaṅkaṇanāgaṃ ca tīkṣṇayutam

Sanskrit only: no published translation is held for this verse.

एतैर् द्वन्द्वं कृत्वा माक्षिकवापेन रञ्जयेच्छुल्वम् । वारांश्च विंशतिरपि गलितं सेचयेत्तदनु

etair dvandvaṃ kṛtvā mākṣikavāpena rañjayecchulvam / vārāṃśca viṃśatirapi galitaṃ secayettadanu

Sanskrit only: no published translation is held for this verse.

निर्गुण्डीकाकमाचीकन्यारसमेलनं कृत्वा । वारान् सप्त च विधिना तदपि च निर्वापयेद्धेम्नि

nirguṇḍīkākamācīkanyārasamelanaṃ kṛtvā / vārān sapta ca vidhinā tadapi ca nirvāpayeddhemni

Sanskrit only: no published translation is held for this verse.

यावच्चतुर्विंशतिगुणं बीजवरं रञ्जयेत्तच्च । पक्वं माक्षिकमेव हि तेन च विधिना तदपि चतुर्विंशतिगुणम्

yāvaccaturviṃśatiguṇaṃ bījavaraṃ rañjayettacca / pakvaṃ mākṣikameva hi tena ca vidhinā tadapi caturviṃśatiguṇam

Sanskrit only: no published translation is held for this verse.

तद्बीजं लघुमात्रं रसराजे संस्कृते पूर्वम् । मूषायां खलु दत्त्वा दशगुणं च गन्धकं दाह्यम्

tadbījaṃ laghumātraṃ rasarāje saṃskṛte pūrvam / mūṣāyāṃ khalu dattvā daśaguṇaṃ ca gandhakaṃ dāhyam

Sanskrit only: no published translation is held for this verse.

अथवा वालुकयन्त्रे सुदृढे चतुर्दशांगुलमूषायाम् । मध्ये सूतं मुक्त्वा लघुतरपुटयोगतः पिहिता

athavā vālukayantre sudṛḍhe caturdaśāṃgulamūṣāyām / madhye sūtaṃ muktvā laghutarapuṭayogataḥ pihitā

Sanskrit only: no published translation is held for this verse.

तेन समं बीजवरे पिष्टिः पादांशतः कार्या । अंगुलिनवपरिमाणे मूषामध्ये च पिष्टिकां दत्त्वा

tena samaṃ bījavare piṣṭiḥ pādāṃśataḥ kāryā / aṃgulinavaparimāṇe mūṣāmadhye ca piṣṭikāṃ dattvā

Sanskrit only: no published translation is held for this verse.

निर्गुण्डीकाकमाचीगोजिह्वादुग्धिकारक्ता । गृहकन्यामधुसैन्धवपिण्डैरपि समन्ततश्छाद्या

nirguṇḍīkākamācīgojihvādugdhikāraktā / gṛhakanyāmadhusaindhavapiṇḍairapi samantataśchādyā

Sanskrit only: no published translation is held for this verse.

तावत्कार्यः पुटयोगो यावद् दृढतां समायाति । षड्गुणगन्धकतालककांक्षीकासीसलवणक्षारम्

tāvatkāryaḥ puṭayogo yāvad dṛḍhatāṃ samāyāti / ṣaḍguṇagandhakatālakakāṃkṣīkāsīsalavaṇakṣāram

Sanskrit only: no published translation is held for this verse.

ताप्यं तत्सर्वसमं देयं बाह्ये तदौषधिपिण्डम् । षड्गुणषड्गुणसहितं पिष्टीं यन्त्रेऽथ कच्छपे दत्त्वा

tāpyaṃ tatsarvasamaṃ deyaṃ bāhye tadauṣadhipiṇḍam / ṣaḍguṇaṣaḍguṇasahitaṃ piṣṭīṃ yantre'tha kacchape dattvā

Sanskrit only: no published translation is held for this verse.

स्वेद्यं पुटयोगेन तु त्रिदिनं घटिकात्रयं यावत् । उद्धृत्य ततो यत्नात् पिष्ट्वा सुचूर्णितां कृत्वा

svedyaṃ puṭayogena tu tridinaṃ ghaṭikātrayaṃ yāvat / uddhṛtya tato yatnāt piṣṭvā sucūrṇitāṃ kṛtvā

Sanskrit only: no published translation is held for this verse.

समबीजेन तु सार्यो नागं त्रिगुणं ततः समुत्तार्य । प्रतिसारणा च कार्या जारितसूतेन बीजयुक्तेन

samabījena tu sāryo nāgaṃ triguṇaṃ tataḥ samuttārya / pratisāraṇā ca kāryā jāritasūtena bījayuktena

Sanskrit only: no published translation is held for this verse.

अनुसारणा च पश्चात्त्रिगुणं बीजं भवेद्यत्र । प्रागुक्तं तस्योपरि मृतनागं शतगुणं वाह्यम् । तेन च घोषाकृष्टे शुल्बे वेधोऽथ सप्तशतैः

anusāraṇā ca paścāttriguṇaṃ bījaṃ bhavedyatra / prāguktaṃ tasyopari mṛtanāgaṃ śataguṇaṃ vāhyam / tena ca ghoṣākṛṣṭe śulbe vedho'tha saptaśataiḥ

Sanskrit only: no published translation is held for this verse.

<क्षेपवेध> क्रामणम् एतत्प्रागपि माक्षिकदरदगन्धकशिलाभिः । राजावर्तकविमलप्रवालकङ्कुष्ठतुत्थविषैः

<kṣepavedha> krāmaṇam etatprāgapi mākṣikadaradagandhakaśilābhiḥ / rājāvartakavimalapravālakaṅkuṣṭhatutthaviṣaiḥ

Sanskrit only: no published translation is held for this verse.

कान्तगैरिकटंकणभूमिलतारुधिरशक्रगोपरसैः । महिषीणां कर्णमलैर् मृतलोहं वायसस्य विष्ठा च

kāntagairikaṭaṃkaṇabhūmilatārudhiraśakragoparasaiḥ / mahiṣīṇāṃ karṇamalair mṛtalohaṃ vāyasasya viṣṭhā ca

Sanskrit only: no published translation is held for this verse.

पारावतस्य विष्ठा स्त्रीपयः सर्वम् एकतः कृत्वा । क्रामणकल्कं चैतच्छतवारान् रक्तपीतगणैः

pārāvatasya viṣṭhā strīpayaḥ sarvam ekataḥ kṛtvā / krāmaṇakalkaṃ caitacchatavārān raktapītagaṇaiḥ

Sanskrit only: no published translation is held for this verse.

भाव्यं कंगुणितैले क्रौञ्चीपित्तभावनाः सप्त । कल्केनानेन पचेत् सारितपिष्टिं च हण्डिकायां हि

bhāvyaṃ kaṃguṇitaile krauñcīpittabhāvanāḥ sapta / kalkenānena pacet sāritapiṣṭiṃ ca haṇḍikāyāṃ hi

Sanskrit only: no published translation is held for this verse.

यावद्रक्ता भवति हि गच्छति नागं समुत्तार्य । तावत्क्षेपं च क्षिपेत्सर्वस्मिन्सारणादौ च

yāvadraktā bhavati hi gacchati nāgaṃ samuttārya / tāvatkṣepaṃ ca kṣipetsarvasminsāraṇādau ca

Sanskrit only: no published translation is held for this verse.

एवं हि कोटिवेधी रसराजः क्रामितो भूत्वा । पुंस्त्वादेरुच्छ्रायप्रदो भूत्वा भोगान्दत्ते

evaṃ hi koṭivedhī rasarājaḥ krāmito bhūtvā / puṃstvāderucchrāyaprado bhūtvā bhogāndatte

Sanskrit only: no published translation is held for this verse.

<सिल्वेर् => गोल्द्> अभ्रकमाक्षिककनकं नागयुतं मिलितं विधिना । सूते पिष्टिः कार्या दिव्यौषधियोगतः पुटिता

<silver => gold> abhrakamākṣikakanakaṃ nāgayutaṃ militaṃ vidhinā / sūte piṣṭiḥ kāryā divyauṣadhiyogataḥ puṭitā

Sanskrit only: no published translation is held for this verse.

षड्गुणगन्धकदाहः शिलया नागं समुत्तार्य । तारे हेमाकृष्टिर्मिलिता स्यात् षोडशांशेन

ṣaḍguṇagandhakadāhaḥ śilayā nāgaṃ samuttārya / tāre hemākṛṣṭirmilitā syāt ṣoḍaśāṃśena

Sanskrit only: no published translation is held for this verse.

<सिल्वेर् => गोल्द्> माक्षिकनिहतं शुल्बं शिलया निहतं च नागतुल्यांशम् । पुटितं जम्बीररसैः सैन्धवसहितं पचेत्स्थाल्याम्

<silver => gold> mākṣikanihataṃ śulbaṃ śilayā nihataṃ ca nāgatulyāṃśam / puṭitaṃ jambīrarasaiḥ saindhavasahitaṃ pacetsthālyām

Sanskrit only: no published translation is held for this verse.

तच्चूर्णं घृतमधुकटङ्कणसहितं च गुप्तमूषायाम् । तारे त्रिगुणं व्यूढं हेमाकृष्टिर्भवेद्दिव्या

taccūrṇaṃ ghṛtamadhukaṭaṅkaṇasahitaṃ ca guptamūṣāyām / tāre triguṇaṃ vyūḍhaṃ hemākṛṣṭirbhaveddivyā

Sanskrit only: no published translation is held for this verse.

<चोप्पेर् + सिल्वेर् => गोल्द्> शुल्बं बलिना निहतं तीक्ष्णं दरदेन निहतसमभागम् । एकीकृत्वा पुटयेत्पचेन् मातारसेनैव

<copper + silver => gold> śulbaṃ balinā nihataṃ tīkṣṇaṃ daradena nihatasamabhāgam / ekīkṛtvā puṭayetpacen mātārasenaiva

Sanskrit only: no published translation is held for this verse.

तारे व्यूढं त्रिगुणं मार्जाराक्षनिभं भवेत्तच्च । लिप्तं रसेन पुटितं हेमार्धेन मात्रया तुल्यम्

tāre vyūḍhaṃ triguṇaṃ mārjārākṣanibhaṃ bhavettacca / liptaṃ rasena puṭitaṃ hemārdhena mātrayā tulyam

Sanskrit only: no published translation is held for this verse.

<लेअद् => गोल्द्> लिप्तं तदनु पुटितं नागं हि रसेन पादयुक्तेन । खर्परकस्थं कृत्वा कार्यं विधिना दृढं ताप्यम्

<lead => gold> liptaṃ tadanu puṭitaṃ nāgaṃ hi rasena pādayuktena / kharparakasthaṃ kṛtvā kāryaṃ vidhinā dṛḍhaṃ tāpyam

Sanskrit only: no published translation is held for this verse.

निर्गुण्डीरसभावितपुटितं शिलया वर्तितं श्लक्ष्णम् । तावन्मृदितपुटितं निरुत्थभावं व्रजेद्यावत्

nirguṇḍīrasabhāvitapuṭitaṃ śilayā vartitaṃ ślakṣṇam / tāvanmṛditapuṭitaṃ nirutthabhāvaṃ vrajedyāvat

Sanskrit only: no published translation is held for this verse.

तारे तन्निर्व्यूढं यावत्पीतं भवेद्रुचिरम् । हेमसमेन च मिलितं मात्रातुल्यं भवेत्कनकम्

tāre tannirvyūḍhaṃ yāvatpītaṃ bhavedruciram / hemasamena ca militaṃ mātrātulyaṃ bhavetkanakam

Sanskrit only: no published translation is held for this verse.

<स्वर्णमाक्षिक => गोल्द्> ताप्यं चांगुलिसंज्ञं चूर्णं कृत्वा तदन्तरे दत्त्वा । शुल्बस्य गुप्तमूषा कार्या पुटिताप्यथ च ध्माता

<svarṇamākṣika => gold> tāpyaṃ cāṃgulisaṃjñaṃ cūrṇaṃ kṛtvā tadantare dattvā / śulbasya guptamūṣā kāryā puṭitāpyatha ca dhmātā

Sanskrit only: no published translation is held for this verse.

<गोल्द्:: रञ्जन (??)> पादादिजीर्णसूते लिह्यात् पत्राणि हेमकृष्टीनाम्

<gold:: rañjana (??)> pādādijīrṇasūte lihyāt patrāṇi hemakṛṣṭīnām

Sanskrit only: no published translation is held for this verse.

क्रामणयोगेन ततो विलिप्य विधिना निधाय तुल्याधः । पश्चाद्धेम्ना सहितं ध्मातं मूषोदरे समावर्त्य

krāmaṇayogena tato vilipya vidhinā nidhāya tulyādhaḥ / paścāddhemnā sahitaṃ dhmātaṃ mūṣodare samāvartya

Sanskrit only: no published translation is held for this verse.

<गोल्द्:: प्रोदुच्तिओन् (?)> वक्ष्यामि चालेपविधिं क्रमति च सूतो यथा हि पत्रेषु । रञ्जति येन विधिना समासतः सूतराजस्तु

<gold:: production (?)> vakṣyāmi cālepavidhiṃ kramati ca sūto yathā hi patreṣu / rañjati yena vidhinā samāsataḥ sūtarājastu

Sanskrit only: no published translation is held for this verse.

कृत्वालक्तकवस्त्रं लिप्तमनुस्नेहमुपरि चूर्णेन । अवचूर्णितं तु कृत्वा गन्धकशिलया विधानेन

kṛtvālaktakavastraṃ liptamanusnehamupari cūrṇena / avacūrṇitaṃ tu kṛtvā gandhakaśilayā vidhānena

Sanskrit only: no published translation is held for this verse.

तदुपरि शृतं च दत्त्वा गन्धकशिलाचूर्णं च सूतवरे । पश्चाद्वर्तिः कार्या पात्रे धृत्वायसे च समे

tadupari śṛtaṃ ca dattvā gandhakaśilācūrṇaṃ ca sūtavare / paścādvartiḥ kāryā pātre dhṛtvāyase ca same

Sanskrit only: no published translation is held for this verse.

दीपं प्रतिबोध्य ततस्तैलं दत्त्वा ततः स्तोकम् । पाकं यामस्यार्धं स्वाङ्गे शीतं ततः कार्यम्

dīpaṃ pratibodhya tatastailaṃ dattvā tataḥ stokam / pākaṃ yāmasyārdhaṃ svāṅge śītaṃ tataḥ kāryam

Sanskrit only: no published translation is held for this verse.

गृह्णीयादथ सूतकृष्टीं लिप्ता ततस्तेन । क्रामणयोगैर्लिप्त्वा पुटिता सा हेम्नि निर्ध्माता

gṛhṇīyādatha sūtakṛṣṭīṃ liptā tatastena / krāmaṇayogairliptvā puṭitā sā hemni nirdhmātā

Sanskrit only: no published translation is held for this verse.

<गोल्द्:: प्रोदुच्तिओन्> अथवा दरदशिलालैर् गन्धकमाक्षीकपक्वमृतनागैः । कंकुष्ठप्रवालसहितैः पिष्टैश्च कङ्गुणीतैले

<gold:: production> athavā daradaśilālair gandhakamākṣīkapakvamṛtanāgaiḥ / kaṃkuṣṭhapravālasahitaiḥ piṣṭaiśca kaṅguṇītaile

Sanskrit only: no published translation is held for this verse.

मध्ये सूतो युक्तो मृदितः खल्वे तथायसे विधिना । संस्वेद्य वंशनलिकां दोलायन्त्रेण स्वेदितं त्रिदिनम्

madhye sūto yukto mṛditaḥ khalve tathāyase vidhinā / saṃsvedya vaṃśanalikāṃ dolāyantreṇa sveditaṃ tridinam

Sanskrit only: no published translation is held for this verse.

एतैर्लिप्त्वा कृष्णैः पत्रं पूर्वोक्तविधानेन । नागं दत्त्वा प्रकटं स्तोकं स्तोकं क्रमेणैव

etairliptvā kṛṣṇaiḥ patraṃ pūrvoktavidhānena / nāgaṃ dattvā prakaṭaṃ stokaṃ stokaṃ krameṇaiva

Sanskrit only: no published translation is held for this verse.

भवति हि कनकं दिव्यमक्षीणं देवयोग्यं च । एवं जारितसूते सकलाः खलु हण्डिकाः सर्वाः

bhavati hi kanakaṃ divyamakṣīṇaṃ devayogyaṃ ca / evaṃ jāritasūte sakalāḥ khalu haṇḍikāḥ sarvāḥ

Sanskrit only: no published translation is held for this verse.

<रेलतिओन् बेत्wएएन् बीज अन्द् गोल्द् (?)> निर्बीजं समजीर्णे पादैकेनैव षोडशांशेन । अर्धेन पादयोगं पादेनैकेन तुल्यकनकं च

<relation between bīja and gold (?)> nirbījaṃ samajīrṇe pādaikenaiva ṣoḍaśāṃśena / ardhena pādayogaṃ pādenaikena tulyakanakaṃ ca

Sanskrit only: no published translation is held for this verse.

<ताराकृष्टि> ताराकृष्टिं वक्ष्ये मृतवङ्गं तालकेन तुल्यांशम् । लम्बितमथ निर्ध्मातं ताम्रं तारछविं वहति

<tārākṛṣṭi> tārākṛṣṭiṃ vakṣye mṛtavaṅgaṃ tālakena tulyāṃśam / lambitamatha nirdhmātaṃ tāmraṃ tārachaviṃ vahati

Sanskrit only: no published translation is held for this verse.

पश्चान्नागं देयं प्रकाशमूषासु निर्मलं यावत् । तावद् ध्मातं विधिना सुनिर्मलं निस्तरङ्गं तु

paścānnāgaṃ deyaṃ prakāśamūṣāsu nirmalaṃ yāvat / tāvad dhmātaṃ vidhinā sunirmalaṃ nistaraṅgaṃ tu

Sanskrit only: no published translation is held for this verse.

<??> तालशिलासर्जिकाभिः सैन्धवलवणेन नयनहितसहितैः । एकैकं सहितं वा वेधं दत्त्वा पुनः शुल्बे

<??> tālaśilāsarjikābhiḥ saindhavalavaṇena nayanahitasahitaiḥ / ekaikaṃ sahitaṃ vā vedhaṃ dattvā punaḥ śulbe

Sanskrit only: no published translation is held for this verse.

छगणं माहिषतक्रं स्नुहीक्षीरेण सर्पिषा क्रमशः । सगुडदुग्धमधुविमिश्रैः क्रमशो वेधे निषेकश्च

chagaṇaṃ māhiṣatakraṃ snuhīkṣīreṇa sarpiṣā kramaśaḥ / saguḍadugdhamadhuvimiśraiḥ kramaśo vedhe niṣekaśca

Sanskrit only: no published translation is held for this verse.

<तारकृष्टी; चोप्पेर् => सिल्वेर्> काञ्ची ब्राह्मी कुटिलं तालकं समभागयोजितं ध्मातम् । शुल्बं विद्धमनेन तु ताराकृष्टिर्भवेद्दिव्या

<tārakṛṣṭī; copper => silver> kāñcī brāhmī kuṭilaṃ tālakaṃ samabhāgayojitaṃ dhmātam / śulbaṃ viddhamanena tu tārākṛṣṭirbhaveddivyā

Sanskrit only: no published translation is held for this verse.

<सिल्वेर्:: ओप्तिमिज़तिओन्> एवं ताराकृष्टिर्लिप्त्वा विद्धा रसेन सारितेन । तारं करोति विमलं लेपं वा पादजीर्णादि

<silver:: optimization> evaṃ tārākṛṣṭirliptvā viddhā rasena sāritena / tāraṃ karoti vimalaṃ lepaṃ vā pādajīrṇādi

Sanskrit only: no published translation is held for this verse.

इति मिश्रीकृतविद्धं क्रमितं त्वथ मातृकातुल्यम् । तारदलं भवति छेदनताडननिकषैश्च निर्दोषम्

iti miśrīkṛtaviddhaṃ kramitaṃ tvatha mātṛkātulyam / tāradalaṃ bhavati chedanatāḍananikaṣaiśca nirdoṣam

Sanskrit only: no published translation is held for this verse.

एवं वेधविधानं शास्त्रविधिज्ञेन कर्मकुशलेन । ज्ञात्वा गुरूपदेशं कर्तव्यं कर्मनिपुणेन

evaṃ vedhavidhānaṃ śāstravidhijñena karmakuśalena / jñātvā gurūpadeśaṃ kartavyaṃ karmanipuṇena

Sanskrit only: no published translation is held for this verse.