Govindbhagavatpada: Rasahrdayatantra [GRht] 6

<जारण:: मेथोद्> ग्रासमिति चारयित्वा गर्भद्रुतिं ततो भूर्जे । लवणक्षाराम्लसुधासुरभीमूत्रेण कृतलेपे

<jāraṇa:: method> grāsamiti cārayitvā garbhadrutiṃ tato bhūrje / lavaṇakṣārāmlasudhāsurabhīmūtreṇa kṛtalepe

Sanskrit only: no published translation is held for this verse.

दृढवस्त्रबाह्यबद्धे दोलास्वेदेन जारयेद्ग्रासम् । सौवीरेणार्धपूर्णे कुम्भे सक्षारमूत्रकैरथवा

dṛḍhavastrabāhyabaddhe dolāsvedena jārayedgrāsam / sauvīreṇārdhapūrṇe kumbhe sakṣāramūtrakairathavā

Sanskrit only: no published translation is held for this verse.

जीर्णस्य लक्षणमथो ज्ञेयं यन्त्रात्समुद्धृत्य

jīrṇasya lakṣaṇamatho jñeyaṃ yantrātsamuddhṛtya

Sanskrit only: no published translation is held for this verse.

<उन्तेर्सुछुन्ग्, ओब् जारण स्तत्त्गेफ़ुन्देन् हत्> उद्धृतमात्रं पात्रे प्रक्षाल्य कांजिकेनातः । समलं च कांजिकमतो हरणार्थं वस्त्रयोगेन

<Untersuchung, ob jāraṇa stattgefunden hat> uddhṛtamātraṃ pātre prakṣālya kāṃjikenātaḥ / samalaṃ ca kāṃjikamato haraṇārthaṃ vastrayogena

Sanskrit only: no published translation is held for this verse.

तदनु सुखोष्णे पात्रे संमर्द्योऽसौ यथा न हीये । तावद्यावच्छुष्यति तल्लग्नं काञ्जिकं सकलम्

tadanu sukhoṣṇe pātre saṃmardyo'sau yathā na hīye / tāvadyāvacchuṣyati tallagnaṃ kāñjikaṃ sakalam

Sanskrit only: no published translation is held for this verse.

इत्थं च शोषितजलः करमर्दनतः सुनिर्मलीभूतः । पीड्यः पात्रस्योपरि वस्त्रेण चतुर्गुणेनैव

itthaṃ ca śoṣitajalaḥ karamardanataḥ sunirmalībhūtaḥ / pīḍyaḥ pātrasyopari vastreṇa caturguṇenaiva

Sanskrit only: no published translation is held for this verse.

यदि परिगलितः सकलो वस्त्राद् ग्रासेन चैकतां यातः । न भवति यदि दण्डधरो जीर्णग्रासस्तदा ज्ञेयः

yadi parigalitaḥ sakalo vastrād grāsena caikatāṃ yātaḥ / na bhavati yadi daṇḍadharo jīrṇagrāsastadā jñeyaḥ

Sanskrit only: no published translation is held for this verse.

<ग्रासाजीर्ण:: त्रेअत्मेन्त्> ग्रासादजीर्णपिष्टीं सूतादुद्धृत्य पातयेद्यन्त्रे । स्वस्थो भवति रसेन्द्रो ग्रासः पक्वः पुनर्जरति

<grāsājīrṇa:: treatment> grāsādajīrṇapiṣṭīṃ sūtāduddhṛtya pātayedyantre / svastho bhavati rasendro grāsaḥ pakvaḥ punarjarati

Sanskrit only: no published translation is held for this verse.

दोलायां चत्वारो ग्रासा जार्या यथाक्रमेणैव । शेषाः कच्छपयन्त्रे यावद् द्विगुणादिकं जरति

dolāyāṃ catvāro grāsā jāryā yathākrameṇaiva / śeṣāḥ kacchapayantre yāvad dviguṇādikaṃ jarati

Sanskrit only: no published translation is held for this verse.

<ईउस्सेरे मेर्क्मले देस् ह्ग् नछ् जारण एइनेर् बेस्त्। मेन्गे अभ्र> नादौ कर्तुं शक्योऽत्र ग्रासप्रमाणनियमस्तु । ग्रसते न हि सर्वाङ्गं गगनमतो लक्षणैर्ज्ञेयम्

<Īussere Merkmale des Hg nach jāraṇa einer best. Menge abhra> nādau kartuṃ śakyo'tra grāsapramāṇaniyamastu / grasate na hi sarvāṅgaṃ gaganamato lakṣaṇairjñeyam

Sanskrit only: no published translation is held for this verse.

यदि हि चतुःषष्ट्यंशान् ग्रसति रसस्तदा धरेद्दण्डम् । चत्वारिंशद्भागप्रवेशतः पायसाकारः

yadi hi catuḥṣaṣṭyaṃśān grasati rasastadā dhareddaṇḍam / catvāriṃśadbhāgapraveśataḥ pāyasākāraḥ

Sanskrit only: no published translation is held for this verse.

भवति जलौकाकारस् त्रिंशद्भागाद् अविप्लुषश्च विंशत्या । छेदीव षोडशांशादत ऊर्ध्वं दुर्जरो ग्रासः

bhavati jalaukākāras triṃśadbhāgād avipluṣaśca viṃśatyā / chedīva ṣoḍaśāṃśādata ūrdhvaṃ durjaro grāsaḥ

Sanskrit only: no published translation is held for this verse.

पञ्चभिरेभिर्ग्रासैर्घनसत्वं जारयित्वादौ । गर्भद्रावे निपुणो जारयति बीजं कलांशेन

pañcabhirebhirgrāsairghanasatvaṃ jārayitvādau / garbhadrāve nipuṇo jārayati bījaṃ kalāṃśena

Sanskrit only: no published translation is held for this verse.

<Ōन्देरुन्ग् वोन् फ्य्स्। एइग्। वोन् ह्ग् नछ् जारण> धूम्रश्चिटिचिटिशब्दो मण्डूकगतिस्तथा सकम्पश्च । निष्कम्पो भवति रसो विज्ञातव्योऽभ्रजीर्णस्तु

<Ōnderung von phys. Eig. von Hg nach jāraṇa> dhūmraściṭiciṭiśabdo maṇḍūkagatistathā sakampaśca / niṣkampo bhavati raso vijñātavyo'bhrajīrṇastu

Sanskrit only: no published translation is held for this verse.

कपिलोऽथ निरुद्गारी विप्लुषभावं च मुञ्चते सूतः । निष्कम्पो गतिरहितो विज्ञातव्योऽभ्रजीर्णस्तु

kapilo'tha nirudgārī vipluṣabhāvaṃ ca muñcate sūtaḥ / niṣkampo gatirahito vijñātavyo'bhrajīrṇastu

Sanskrit only: no published translation is held for this verse.

<कच्छपयन्त्र> जलपूर्णपात्रमध्ये दत्त्वा घटखर्परं सुविस्तीर्णम् । तदुपरि मध्यगतः सूतः स्थाप्यस्ततः कुड्ये

<kacchapayantra> jalapūrṇapātramadhye dattvā ghaṭakharparaṃ suvistīrṇam / tadupari madhyagataḥ sūtaḥ sthāpyastataḥ kuḍye

Sanskrit only: no published translation is held for this verse.

लघुलोहकटोरिकया कृतपटमृत्सन्धिलेपयाच्छाद्य । पूर्णं तद्घटखर्परम् अङ्गारैः करीषतुषमिश्रैः

laghulohakaṭorikayā kṛtapaṭamṛtsandhilepayācchādya / pūrṇaṃ tadghaṭakharparam aṅgāraiḥ karīṣatuṣamiśraiḥ

Sanskrit only: no published translation is held for this verse.

स्वेदनतो मर्दनतः कच्छपयन्त्रस्थितो रसो जरति । अग्निबलेनैव ततो गर्भद्रुतिः सर्वलोहानाम्

svedanato mardanataḥ kacchapayantrasthito raso jarati / agnibalenaiva tato garbhadrutiḥ sarvalohānām

Sanskrit only: no published translation is held for this verse.

एवं दत्त्वा जीर्यति न क्षयति रसो यथा तथा कार्यः । क्षयमेति क्षारविडैः स तूपरसैर्ग्रासमुद्गिरति

evaṃ dattvā jīryati na kṣayati raso yathā tathā kāryaḥ / kṣayameti kṣāraviḍaiḥ sa tūparasairgrāsamudgirati

Sanskrit only: no published translation is held for this verse.