Govindbhagavatpada: Rasahrdayatantra [GRht] 9

<बीज (देफ़िनितिओन्)> इति रक्तोऽपि रसेन्द्रो बीजेन विना न कर्मकृद्भवति । द्विविधं तत्पीतसितं नियुज्यते सिद्धमेवैतत्

<bīja (Definition)> iti rakto'pi rasendro bījena vinā na karmakṛdbhavati / dvividhaṃ tatpītasitaṃ niyujyate siddhamevaitat

Sanskrit only: no published translation is held for this verse.

<बीज:: शोधन नेचेस्सर्य्> तस्य विशुद्धिर्बहुधा गगनरसोपरसलोहचूर्णैश् च । द्विविधं बीजं तैरपि नाशुद्धैः शुध्यते वै तत्

<bīja:: śodhana necessary> tasya viśuddhirbahudhā gaganarasoparasalohacūrṇaiś ca / dvividhaṃ bījaṃ tairapi nāśuddhaiḥ śudhyate vai tat

Sanskrit only: no published translation is held for this verse.

यः पुनरेतैः कुरुते कर्माशुद्धैर्भवेद्रसस्तस्य । अव्यापकः पतंगी न रसे रसायने योग्यः

yaḥ punaretaiḥ kurute karmāśuddhairbhavedrasastasya / avyāpakaḥ pataṃgī na rase rasāyane yogyaḥ

Sanskrit only: no published translation is held for this verse.

<महारस> वैक्रान्तकान्तसस्यकमाक्षिकविमलाद्रिदरदरसकाश्च । अष्टौ रसास्तथैषां सत्त्वानि रसायनानि स्युः

<mahārasa> vaikrāntakāntasasyakamākṣikavimalādridaradarasakāśca / aṣṭau rasāstathaiṣāṃ sattvāni rasāyanāni syuḥ

Sanskrit only: no published translation is held for this verse.

<सारलोह> उपरससंज्ञकमिदं स्यात् शिखिशशिनौ सारलोहाख्यौ

<sāraloha> uparasasaṃjñakamidaṃ syāt śikhiśaśinau sāralohākhyau

Sanskrit only: no published translation is held for this verse.

<पूतिलोह> ताम्रारतीक्ष्णकान्ताभ्रसत्त्वलोहानि वङ्गनागौ च । कथितास्तु पूतिसंज्ञास्तेषां संशोधनं कार्यम्

<pūtiloha> tāmrāratīkṣṇakāntābhrasattvalohāni vaṅganāgau ca / kathitāstu pūtisaṃjñāsteṣāṃ saṃśodhanaṃ kāryam

Sanskrit only: no published translation is held for this verse.

<त्रिक्षार> षट् लवणान्येतानि तु स्वर्जीटङ्कणयवक्षाराः

<trikṣāra> ṣaṭ lavaṇānyetāni tu svarjīṭaṅkaṇayavakṣārāḥ

Sanskrit only: no published translation is held for this verse.

<उपरस:: शोधन, सत्त्वपातन> सूर्यावर्तः कदली वन्ध्या कोशातकी च सुरदाली । शिग्रुश्च वज्रकन्दो नीरकणा काकमाची च

<uparasa:: śodhana, sattvapātana> sūryāvartaḥ kadalī vandhyā kośātakī ca suradālī / śigruśca vajrakando nīrakaṇā kākamācī ca

Sanskrit only: no published translation is held for this verse.

आसामेकरसेन तु लवणक्षाराम्लभाविता बहुशः । शुध्यन्ति रसोपरसा ध्माताः सत्त्वानि मुञ्चन्ति

āsāmekarasena tu lavaṇakṣārāmlabhāvitā bahuśaḥ / śudhyanti rasoparasā dhmātāḥ sattvāni muñcanti

Sanskrit only: no published translation is held for this verse.

<कान्त (= चुम्बक):: शोधन> तद् द्रुतमात्रं शुध्यति कान्तं शशरक्तभावनया

<kānta (= cumbaka):: śodhana> tad drutamātraṃ śudhyati kāntaṃ śaśaraktabhāvanayā

Sanskrit only: no published translation is held for this verse.

<सस्यक:: शोधन> सस्यकमपि रक्तगणैः सुभावितं स्नेहरागसंसिक्तम् । शुध्यति वारैः सप्तभिरतः परं युज्यते कार्ये

<sasyaka:: śodhana> sasyakamapi raktagaṇaiḥ subhāvitaṃ sneharāgasaṃsiktam / śudhyati vāraiḥ saptabhirataḥ paraṃ yujyate kārye

Sanskrit only: no published translation is held for this verse.

<विमल, रसक, दरद, माक्षिक:: शोधन> क्षारैः स्नेहैरादौ पश्चादम्लेन भावितं विमलम् । शुध्यति तथा च रसकं दरदं माक्षिकमप्येवम्

<vimala, rasaka, darada, mākṣika:: śodhana> kṣāraiḥ snehairādau paścādamlena bhāvitaṃ vimalam / śudhyati tathā ca rasakaṃ daradaṃ mākṣikamapyevam

Sanskrit only: no published translation is held for this verse.

<चोप्पेर्:: रञ्जन, शोधन> तनुरपि पत्रं लिप्तं लवणक्षाराम्लरविस्नुहिक्षीरैः । ध्मातं निर्गुण्डीरससंसिक्तं बहुशो भवेद्धि रक्तं च

<copper:: rañjana, śodhana> tanurapi patraṃ liptaṃ lavaṇakṣārāmlaravisnuhikṣīraiḥ / dhmātaṃ nirguṇḍīrasasaṃsiktaṃ bahuśo bhaveddhi raktaṃ ca

Sanskrit only: no published translation is held for this verse.

<लेअद्, तिन्, ब्रोन्ज़े, चोप्पेर्:: शोधन> शुध्यति नागो वंगो घोषो रविणा च वारमपि मुनिभिः । निर्गुण्डीरससेकैस्तन्मूलरजः प्रवापैश्च

<lead, tin, bronze, copper:: śodhana> śudhyati nāgo vaṃgo ghoṣo raviṇā ca vāramapi munibhiḥ / nirguṇḍīrasasekaistanmūlarajaḥ pravāpaiśca

Sanskrit only: no published translation is held for this verse.

<तीक्ष्णलोह:: रञ्जन> रक्तगणगलितपशुजलभावितपुटितं हि रज्यते तीक्ष्णम् । <तीक्ष्णलोह:: शोधन> शुध्यति कदलीशिखिरसभावितपुटितं त्रिभिर्वारैः

<tīkṣṇaloha:: rañjana> raktagaṇagalitapaśujalabhāvitapuṭitaṃ hi rajyate tīkṣṇam / <tīkṣṇaloha:: śodhana> śudhyati kadalīśikhirasabhāvitapuṭitaṃ tribhirvāraiḥ

Sanskrit only: no published translation is held for this verse.

<मेतल्स्:: शोधन> सर्वं शुध्यति लोहो रज्यति सुरगोपसन्निभो वापात् । माक्षिकदरदेन भृशं शुल्वं वा गन्धकेन मृतम्

<metals:: śodhana> sarvaṃ śudhyati loho rajyati suragopasannibho vāpāt / mākṣikadaradena bhṛśaṃ śulvaṃ vā gandhakena mṛtam

Sanskrit only: no published translation is held for this verse.