अथ खलु सर्वनगररक्षासंभवतेजःश्री रात्रिदेवता तस्यां वेलायामेतमेव मनोज्ञरुतगम्भीरविकुर्वितप्रवेशं बोधिसत्त्वविमोक्षं भूयस्या मात्रया संदर्शयमाना सुधनं श्रेष्ठिदारकं गाथाभिरध्यभाषत - गम्भीर दुर्दृशु विमोक्ष जिनात्मजानां आकाशलक्षणसमन्ततलप्रवेशः । त्र्यध्वस्थितानवतरन्ति जिनानशेषान् यैर्धर्मधातुप्रसरां च अनन्तमध्यान्
atha khalu sarvanagararakṣāsaṃbhavatejaḥśrī rātridevatā tasyāṃ velāyāmetameva manojñarutagambhīravikurvitapraveśaṃ bodhisattvavimokṣaṃ bhūyasyā mātrayā saṃdarśayamānā sudhanaṃ śreṣṭhidārakaṃ gāthābhiradhyabhāṣata - gambhīra durdṛśu vimokṣa jinātmajānāṃ ākāśalakṣaṇasamantatalapraveśaḥ / tryadhvasthitānavataranti jinānaśeṣān yairdharmadhātuprasarāṃ ca anantamadhyān
Sanskrit only: no published translation is held for this verse.
संभारसंभवविमोक्षनयाननन्तान् प्रतिलाभ धर्मत अचिन्तिय अप्रमेयान् । संवर्धनामपि समन्त असङ्गवेगम् अवगाह मैत्रिषु त्रियध्वनयष्पथेषु
saṃbhārasaṃbhavavimokṣanayānanantān pratilābha dharmata acintiya aprameyān / saṃvardhanāmapi samanta asaṅgavegam avagāha maitriṣu triyadhvanayaṣpatheṣu
Sanskrit only: no published translation is held for this verse.
इति बुद्धक्षेत्रपरिवर्तरजःसमानां कल्पानमादिगतमास पुरा हि क्षेत्रम् । धर्मार्चिमेघनगरः शिरिलोकधातु कल्पो बभूव विमलाभ महाप्रभश्च
iti buddhakṣetraparivartarajaḥsamānāṃ kalpānamādigatamāsa purā hi kṣetram / dharmārcimeghanagaraḥ śirilokadhātu kalpo babhūva vimalābha mahāprabhaśca
Sanskrit only: no published translation is held for this verse.
तत्रैव कल्पि जिनवंशि अनूपछिन्ने बुद्धाः सुमेरुपरमाणुसमा उपन्नाः । धर्मसमुद्रप्रभगर्जितराज बुद्धः पुर्वंगमः प्रथमकल्पिक आसि तेषाम्
tatraiva kalpi jinavaṃśi anūpachinne buddhāḥ sumeruparamāṇusamā upannāḥ / dharmasamudraprabhagarjitarāja buddhaḥ purvaṃgamaḥ prathamakalpika āsi teṣām
Sanskrit only: no published translation is held for this verse.
जिनु धर्ममेघनगराभप्रदीपराजो यः सर्वपश्चिमु अभूत्सुगतान तेषाम् । ते सर्वि पूजित मया उपसंक्रमित्वा धर्मश्च तेष मि श्रुतो जनयित्व प्रीतिम्
jinu dharmameghanagarābhapradīparājo yaḥ sarvapaścimu abhūtsugatāna teṣām / te sarvi pūjita mayā upasaṃkramitvā dharmaśca teṣa mi śruto janayitva prītim
Sanskrit only: no published translation is held for this verse.
दृष्टो मया प्रथमु काञ्चनवर्णरश्मिः धर्मः समुद्रप्रभगर्जितघोषराजः । द्वात्रिंशल्लक्षणविचित्रितु मेरुकल्पो दृष्ट्वा च मे मतिरभूत्सुगतो भवेयम्
dṛṣṭo mayā prathamu kāñcanavarṇaraśmiḥ dharmaḥ samudraprabhagarjitaghoṣarājaḥ / dvātriṃśallakṣaṇavicitritu merukalpo dṛṣṭvā ca me matirabhūtsugato bhaveyam
Sanskrit only: no published translation is held for this verse.
सहदर्शनेन मम तस्य तथागतस्य प्रादुर्बभूव बलवज्जिनचित्तमाद्यम् । सर्वज्ञताप्रसरसंभवप्रत्ययेभिः आकाशधातुविमलं तथतास्वभावम्
sahadarśanena mama tasya tathāgatasya prādurbabhūva balavajjinacittamādyam / sarvajñatāprasarasaṃbhavapratyayebhiḥ ākāśadhātuvimalaṃ tathatāsvabhāvam
Sanskrit only: no published translation is held for this verse.
क्षेत्रार्णवा अपि समुद्र सर्वे आसन् कृपामृतमहोदधि संभवेत
kṣetrārṇavā api samudra sarve āsan kṛpāmṛtamahodadhi saṃbhaveta
Sanskrit only: no published translation is held for this verse.
कायेन सर्वि स्फरणार्थमशेष क्षेत्रा कायं यथाशयजगद्विनिदर्शनाय । क्षेत्राण्यशेषमवभासनकम्पनाय पाकाय चैव जगतां जनितं मनो मे
kāyena sarvi spharaṇārthamaśeṣa kṣetrā kāyaṃ yathāśayajagadvinidarśanāya / kṣetrāṇyaśeṣamavabhāsanakampanāya pākāya caiva jagatāṃ janitaṃ mano me
Sanskrit only: no published translation is held for this verse.
द्वितीये यज्जिनस्य उपसंक्रमणे ऽपि दृष्टाः क्षेत्रार्णवेषु दशसु स्थित ये जिनेन्द्राः । क्षेत्राः समुद्रपरमाणुरजःसमेषु क्षेत्रार्णवेषु जिन पश्चिमके मि दृष्टाः
dvitīye yajjinasya upasaṃkramaṇe 'pi dṛṣṭāḥ kṣetrārṇaveṣu daśasu sthita ye jinendrāḥ / kṣetrāḥ samudraparamāṇurajaḥsameṣu kṣetrārṇaveṣu jina paścimake mi dṛṣṭāḥ
Sanskrit only: no published translation is held for this verse.
सर्वान्तक्षेत्रपरिवर्तरजःसमेषु कल्पेषु ये जिन उपन्न जगत्प्रदीपाः । ते सर्वि पूजित मया उपसंक्रमित्वा एवं विमोक्षनयसागरु शोधयेयम्
sarvāntakṣetraparivartarajaḥsameṣu kalpeṣu ye jina upanna jagatpradīpāḥ / te sarvi pūjita mayā upasaṃkramitvā evaṃ vimokṣanayasāgaru śodhayeyam
Sanskrit only: no published translation is held for this verse.
अथ खलु सुधनः श्रेष्ठिदारको मनोज्ञरुतगम्भीरविकुर्वितप्रवेशं बोधिसत्त्वविमोक्षं प्रतिलब्धः अनन्तमध्यसमाधिमुखसमुद्रावतीर्णो विपुलधारणीमुखसमुद्रसंभूतचेता बोधिसत्त्वमहाभिज्ञावभासप्रतिलब्धो महाप्रीतिसंवित्सागरावतीर्णो विपुलप्रीतिवेगसागरविवर्धितचेताः सर्वनगररक्षासंभवतेजःश्रियं रात्रिदेवतामाभिः सारूप्याभिर्गाथाभिरभ्यष्टावीत् - प्रज्ञा हि ते विपुल धर्मसमुद्रचारी चीर्णा च मे भवसमुद्र अनन्तमध्यान् । दीर्घायु निर्ज्वर सुज्ञानशरीरगर्भे त्वं देवि रोचसि इमां परिषामुपेत्य
atha khalu sudhanaḥ śreṣṭhidārako manojñarutagambhīravikurvitapraveśaṃ bodhisattvavimokṣaṃ pratilabdhaḥ anantamadhyasamādhimukhasamudrāvatīrṇo vipuladhāraṇīmukhasamudrasaṃbhūtacetā bodhisattvamahābhijñāvabhāsapratilabdho mahāprītisaṃvitsāgarāvatīrṇo vipulaprītivegasāgaravivardhitacetāḥ sarvanagararakṣāsaṃbhavatejaḥśriyaṃ rātridevatāmābhiḥ sārūpyābhirgāthābhirabhyaṣṭāvīt - prajñā hi te vipula dharmasamudracārī cīrṇā ca me bhavasamudra anantamadhyān / dīrghāyu nirjvara sujñānaśarīragarbhe tvaṃ devi rocasi imāṃ pariṣāmupetya
Sanskrit only: no published translation is held for this verse.
बुध्यित्व धर्मप्रकृतिं गगनप्रकाशां सर्वत्रियध्वनयमोतरसे असङ्गम् । आरम्बणानि तुलयस्यपि चाविकल्पा चित्तक्षणेन अपि तानि अचिन्तियानि
budhyitva dharmaprakṛtiṃ gaganaprakāśāṃ sarvatriyadhvanayamotarase asaṅgam / ārambaṇāni tulayasyapi cāvikalpā cittakṣaṇena api tāni acintiyāni
Sanskrit only: no published translation is held for this verse.
निःसत्त्वधर्मत निरीक्षसि ज्ञानचक्षुः सत्त्वोदधीन् करुणयावतरस्यनन्तान् । बुद्ध्या विमोक्ष सुगभीर विगाहमाना सर्वान् विनेसि परिपाचयसे ऽप्रमेयान्
niḥsattvadharmata nirīkṣasi jñānacakṣuḥ sattvodadhīn karuṇayāvatarasyanantān / buddhyā vimokṣa sugabhīra vigāhamānā sarvān vinesi paripācayase 'prameyān
Sanskrit only: no published translation is held for this verse.
सर्वार्यमार्गममलं परिभावयन्ती निर्यात्यसे जगदशेष विशोधयन्ती
sarvāryamārgamamalaṃ paribhāvayantī niryātyase jagadaśeṣa viśodhayantī
Sanskrit only: no published translation is held for this verse.
त्वं सत्त्वसारथिवरानभिभूत देवि सर्वज्ञज्ञानममलं प्रतिग्राहमाना । त्वं धर्मधातुगत सर्वि स्फरित्व सत्त्वान् धर्मं प्रकाश्य भय सर्वि शमेसि लोके
tvaṃ sattvasārathivarānabhibhūta devi sarvajñajñānamamalaṃ pratigrāhamānā / tvaṃ dharmadhātugata sarvi spharitva sattvān dharmaṃ prakāśya bhaya sarvi śamesi loke
Sanskrit only: no published translation is held for this verse.
वैरोचनप्रणिधिमार्गनयेन देवि यास्यस्यसङ्गविपुलामलबुद्धियुक्ता । सर्वत्र जिनबलं प्रतिपद्यमाना संपश्यसे जिनविकुर्वित सर्वक्षेत्रैः
vairocanapraṇidhimārganayena devi yāsyasyasaṅgavipulāmalabuddhiyuktā / sarvatra jinabalaṃ pratipadyamānā saṃpaśyase jinavikurvita sarvakṣetraiḥ
Sanskrit only: no published translation is held for this verse.
चित्तं दुरासदु तवा गगनप्रकाशं सर्वे किलेशमलि निर्मलमादिशुद्धम् । यस्मिन् समोसरि त्रियध्वग सर्वक्षेत्रा बुद्धाश्च सात्मजगणाः सह सर्वसत्त्वैः
cittaṃ durāsadu tavā gaganaprakāśaṃ sarve kileśamali nirmalamādiśuddham / yasmin samosari triyadhvaga sarvakṣetrā buddhāśca sātmajagaṇāḥ saha sarvasattvaiḥ
Sanskrit only: no published translation is held for this verse.
रात्रिंदिवं क्षणलवानृतुपक्षमासान् संवत्सरांश्च सविनाशवितर्ककल्पान् । कल्पार्णवानपि सनामसमुद्रसंख्यान् संज्ञोदधीन् जगतां विदर्शयसि क्षणेन
rātriṃdivaṃ kṣaṇalavānṛtupakṣamāsān saṃvatsarāṃśca savināśavitarkakalpān / kalpārṇavānapi sanāmasamudrasaṃkhyān saṃjñodadhīn jagatāṃ vidarśayasi kṣaṇena
Sanskrit only: no published translation is held for this verse.
दिशतासु यावत तु सत्त्वच्युतोपपादा ये रूपिणामपि च संज्ञिअसंज्ञिनां च । व्यवहारसत्यनय ओतरमाणा तेषां मार्गं विदर्श्य वरबोधिपथे प्रणेसि
diśatāsu yāvata tu sattvacyutopapādā ye rūpiṇāmapi ca saṃjñiasaṃjñināṃ ca / vyavahārasatyanaya otaramāṇā teṣāṃ mārgaṃ vidarśya varabodhipathe praṇesi
Sanskrit only: no published translation is held for this verse.
वैरोचनप्रणिधिजालकुलात् प्रसृता प्रभूतसर्वसुगतैकसमुच्छ्रयाच्च । त्वं धर्मकायपरिशुद्ध असङ्गचित्ता रूपं विदर्शयमि लोकि यथाशयानाम्
vairocanapraṇidhijālakulāt prasṛtā prabhūtasarvasugataikasamucchrayācca / tvaṃ dharmakāyapariśuddha asaṅgacittā rūpaṃ vidarśayami loki yathāśayānām
Sanskrit only: no published translation is held for this verse.
अथ खलु सुधनः श्रेष्ठिदारकः सर्वनगररक्षासंभवतेजःश्रियं रात्रिदेवतामाभिः सारूप्याभिर्गाथाभिरभिष्टुत्य सर्वनगररक्षासंभवतेजःश्रियो रात्रिदेवतायाः पादौ शिरसाभिवन्द्य सर्वनगररक्षासंभवतेजःश्रियं रात्रिदेवतामनेकशतसहस्रकृत्वः प्रदक्षिणीकृत्य पुनः पुनरवलोक्य सर्वनगररक्षासंभवतेजःश्रियो रात्रिदेवताया अन्तिकात्प्रक्रान्तः
atha khalu sudhanaḥ śreṣṭhidārakaḥ sarvanagararakṣāsaṃbhavatejaḥśriyaṃ rātridevatāmābhiḥ sārūpyābhirgāthābhirabhiṣṭutya sarvanagararakṣāsaṃbhavatejaḥśriyo rātridevatāyāḥ pādau śirasābhivandya sarvanagararakṣāsaṃbhavatejaḥśriyaṃ rātridevatāmanekaśatasahasrakṛtvaḥ pradakṣiṇīkṛtya punaḥ punaravalokya sarvanagararakṣāsaṃbhavatejaḥśriyo rātridevatāyā antikātprakrāntaḥ
Sanskrit only: no published translation is held for this verse.