Gandavyuhasutra 22

शान्त दुर्दृशु जिनान गोचरो हेतुकारणनयैर्निदर्शितः

śānta durdṛśu jināna gocaro hetukāraṇanayairnidarśitaḥ

Sanskrit only: no published translation is held for this verse.

क्षेत्रकोटिपरमाणुसादृशान् पूर्वकल्प स्मरमी अचिन्तियान् । कल्प आदिरिव अनन्त नायको यत्राशीतिनयुता जिनानभूत्

kṣetrakoṭiparamāṇusādṛśān pūrvakalpa smaramī acintiyān / kalpa ādiriva ananta nāyako yatrāśītinayutā jinānabhūt

Sanskrit only: no published translation is held for this verse.

ईश्वराजितगुणध्वजस्तदा तेष्वभूत्प्रथमकस्तथागतः । जानमान मय द्रष्टु नायकः स्वर्णपुष्पप्रभवे वनोत्तमे

īśvarājitaguṇadhvajastadā teṣvabhūtprathamakastathāgataḥ / jānamāna maya draṣṭu nāyakaḥ svarṇapuṣpaprabhave vanottame

Sanskrit only: no published translation is held for this verse.

नामतो विमलसंभवप्रभा तस्य आसि अहु धात्रि पण्डिता । लोकपाल मम अंसि तं स्थपी जातमात्र कनकोत्तमप्रभम्

nāmato vimalasaṃbhavaprabhā tasya āsi ahu dhātri paṇḍitā / lokapāla mama aṃsi taṃ sthapī jātamātra kanakottamaprabham

Sanskrit only: no published translation is held for this verse.

अंसि तं ग्रहिय अग्रपुद्गलं मूर्ध्निमस्य न प्रभोमि प्रेक्षितुम् । * * * * तं अचिन्तियं प्रेक्षमाण न च अन्तु पश्यमि

aṃsi taṃ grahiya agrapudgalaṃ mūrdhnimasya na prabhomi prekṣitum / * * * * taṃ acintiyaṃ prekṣamāṇa na ca antu paśyami

Sanskrit only: no published translation is held for this verse.

लक्षणेभि प्रतिमण्डितं शुभं कायमस्य विमलं सुदर्शनम् । दृष्ट मे रतनबिम्बसादृशं प्रीतिवेग अतुला विवर्धिताः

lakṣaṇebhi pratimaṇḍitaṃ śubhaṃ kāyamasya vimalaṃ sudarśanam / dṛṣṭa me ratanabimbasādṛśaṃ prītivega atulā vivardhitāḥ

Sanskrit only: no published translation is held for this verse.

चिन्तयित्व गुण तस्य मे ऽमितान् पुण्यसागर अमेय वर्धिताः । दृष्ट्व तस्य च विकुर्वितोदधीन् बोधिचित्तविपुलं मि संभुतम्

cintayitva guṇa tasya me 'mitān puṇyasāgara ameya vardhitāḥ / dṛṣṭva tasya ca vikurvitodadhīn bodhicittavipulaṃ mi saṃbhutam

Sanskrit only: no published translation is held for this verse.

प्रार्थयित्व जिनवर्णसागरान् वर्धितः प्रणिधिसागरो मम । सर्वक्षेत्रप्रसरा विशोधिता सर्वदुर्गतिपथा विवर्तिताः

prārthayitva jinavarṇasāgarān vardhitaḥ praṇidhisāgaro mama / sarvakṣetraprasarā viśodhitā sarvadurgatipathā vivartitāḥ

Sanskrit only: no published translation is held for this verse.

सत्त्वदुःखितविमोचनाय च प्रोदितः प्रणिधिसागरो मम

sattvaduḥkhitavimocanāya ca proditaḥ praṇidhisāgaro mama

Sanskrit only: no published translation is held for this verse.

श्रुत्व धर्ममथ तस्य तायिनो लब्धिमं वरविमोक्षमण्डलम् । बोधि शोधितु चरित्व चारिकां कल्पक्षेत्ररजकोटिसादृशान्

śrutva dharmamatha tasya tāyino labdhimaṃ varavimokṣamaṇḍalam / bodhi śodhitu caritva cārikāṃ kalpakṣetrarajakoṭisādṛśān

Sanskrit only: no published translation is held for this verse.

येषु यान्तकुपपन्न नायका ते अशेष मयि सर्वि पूजिताः । शासनं च मय तेषु धारितं शोधना इमु विमोक्षसागरम्

yeṣu yāntakupapanna nāyakā te aśeṣa mayi sarvi pūjitāḥ / śāsanaṃ ca maya teṣu dhāritaṃ śodhanā imu vimokṣasāgaram

Sanskrit only: no published translation is held for this verse.

क्षेत्रकोटिपरमाणुभिः समा ये ऽभवन् दशबला अतीतकाः । धर्मचक्रु मय तेष धारितं भावितं [वर]विमोक्षमण्डलम्

kṣetrakoṭiparamāṇubhiḥ samā ye 'bhavan daśabalā atītakāḥ / dharmacakru maya teṣa dhāritaṃ bhāvitaṃ [vara]vimokṣamaṇḍalam

Sanskrit only: no published translation is held for this verse.

बुद्धक्षेत्रि रज यावतो इहो तान् रजाग्रप्रसराब्धि पश्यती । एकमेकि रजि क्षेत्रसागरान् पूर्व शोधित जिनेन पश्यती

buddhakṣetri raja yāvato iho tān rajāgraprasarābdhi paśyatī / ekameki raji kṣetrasāgarān pūrva śodhita jinena paśyatī

Sanskrit only: no published translation is held for this verse.

तेषु क्षेत्रप्रसरेषु नायकान् जायतो वनवरेषु पश्यमि । एकचित्तप्रसरे अचिन्तिया दर्शयन्त विपुला विकुर्विता

teṣu kṣetraprasareṣu nāyakān jāyato vanavareṣu paśyami / ekacittaprasare acintiyā darśayanta vipulā vikurvitā

Sanskrit only: no published translation is held for this verse.

पश्यमि क्वचि च क्षेत्रि नायकान् प्रार्थयन्त वरबोधिमुत्तमाम् । तिष्ठतं तुषितलोकं * * * क्षेत्रकोटिनयुतैरचिन्तियैः

paśyami kvaci ca kṣetri nāyakān prārthayanta varabodhimuttamām / tiṣṭhataṃ tuṣitalokaṃ * * * kṣetrakoṭinayutairacintiyaiḥ

Sanskrit only: no published translation is held for this verse.

जायमान विपुलैर्विकुर्वितैः क्षेत्रसागरशतेषु पश्यमि । नारिसंघवर संपुरस्कृता भाषमाणु धर्म नायकान्

jāyamāna vipulairvikurvitaiḥ kṣetrasāgaraśateṣu paśyami / nārisaṃghavara saṃpuraskṛtā bhāṣamāṇu dharma nāyakān

Sanskrit only: no published translation is held for this verse.

क्षेत्रकोटिपरमाणुसदृशानेकचित्तक्षणे वीर पश्यमि । दर्शयन्त जगतामनेकधा एकि क्षणि शान्तनिर्वृतिम्

kṣetrakoṭiparamāṇusadṛśānekacittakṣaṇe vīra paśyami / darśayanta jagatāmanekadhā eki kṣaṇi śāntanirvṛtim

Sanskrit only: no published translation is held for this verse.

जन्म यातुक जिनान पश्यमि प्रेक्षमाण रजि क्षेत्रसागरान् । जन्मि जन्मि बहुकायकोटिभिः पूजि तेष करुणामुपागमि

janma yātuka jināna paśyami prekṣamāṇa raji kṣetrasāgarān / janmi janmi bahukāyakoṭibhiḥ pūji teṣa karuṇāmupāgami

Sanskrit only: no published translation is held for this verse.

क्षेत्रसागरनयैरचिन्तनैरक्षया गतिप्रचार यातुकाः । तेषु सर्वजगदामुखा अहं धर्ममेघ विपुलान् प्रवर्षमि

kṣetrasāgaranayairacintanairakṣayā gatipracāra yātukāḥ / teṣu sarvajagadāmukhā ahaṃ dharmamegha vipulān pravarṣami

Sanskrit only: no published translation is held for this verse.

एतमहं जिनसुता अचिन्तियं जानमी वरविमोक्षमण्डलम् । कल्पकोटिनयुतैरचिन्तियैर्यं न शक्य अयु सर्व दर्शितुम्

etamahaṃ jinasutā acintiyaṃ jānamī varavimokṣamaṇḍalam / kalpakoṭinayutairacintiyairyaṃ na śakya ayu sarva darśitum

Sanskrit only: no published translation is held for this verse.

एतमहं कुलपुत्र अप्रमेयकल्पसर्वारम्बणबोधिसत्त्वजन्मविकुर्वितसंदर्शनं बोधिसत्त्वविमोक्षं जानामि । किं मया शक्यं बोधिसत्त्वानां चित्तक्षणे चित्तक्षणे सर्वकल्पप्रस्थानगर्भसंभूतचित्तानां सर्वधर्मनयनिध्यप्तिजातिनिदर्शकानां सर्वतथागतपूजाप्रणिधिसंभूताशयानां सर्वबुद्धधर्माभिसंबोधिप्रणिधिपरमाणां सर्वकुलगोत्रोपपत्तिगतिसंदर्शनप्रतिभासकल्पानां सर्वतथागतपादमूलपद्मगर्भोपपत्तीनां सर्वजगत्परिपाककालाभिज्ञानां सर्वविनयाभिमुखजन्मोपपत्तिविकुर्वितसंदर्शकानां सर्वक्षेत्रप्रसरविकुर्वितमेघसंदर्शकानां सर्वजगद्गतिजातिकुलप्रतिभासप्राप्तानां चर्यां ज्ञातुं गुणान् वा वक्तुम् ॥ गच्छ कुलपुत्र, इयमिहैव कपिलवस्तुनि महानगरे गोपा नाम शाक्यकन्या प्रतिवसति । तामुपसंक्रम्य परिपृच्छ - कथं बोधिसत्त्वेन बोधिसत्त्वपरिपाकाय संसारे संसरितव्यम् ॥ अथ खलु सुधनः श्रेष्ठिदारकः सुतेजोमण्डलरतिश्रियो लुम्बिनीवनदेवतायाः पादौ शिरसाभिवन्द्य सुतेजोमण्डलरतिश्रियं लुम्बिनीवनदेवतामनेकशतसहस्रकृत्वः प्रदक्षिणीकृत्य पुनः पुनरवलोक्य सुतेजोमण्डलरतिश्रियो लुम्बिनीवनदेवताया अन्तिकात्प्रक्रान्तः

etamahaṃ kulaputra aprameyakalpasarvārambaṇabodhisattvajanmavikurvitasaṃdarśanaṃ bodhisattvavimokṣaṃ jānāmi / kiṃ mayā śakyaṃ bodhisattvānāṃ cittakṣaṇe cittakṣaṇe sarvakalpaprasthānagarbhasaṃbhūtacittānāṃ sarvadharmanayanidhyaptijātinidarśakānāṃ sarvatathāgatapūjāpraṇidhisaṃbhūtāśayānāṃ sarvabuddhadharmābhisaṃbodhipraṇidhiparamāṇāṃ sarvakulagotropapattigatisaṃdarśanapratibhāsakalpānāṃ sarvatathāgatapādamūlapadmagarbhopapattīnāṃ sarvajagatparipākakālābhijñānāṃ sarvavinayābhimukhajanmopapattivikurvitasaṃdarśakānāṃ sarvakṣetraprasaravikurvitameghasaṃdarśakānāṃ sarvajagadgatijātikulapratibhāsaprāptānāṃ caryāṃ jñātuṃ guṇān vā vaktum // gaccha kulaputra, iyamihaiva kapilavastuni mahānagare gopā nāma śākyakanyā prativasati / tāmupasaṃkramya paripṛccha - kathaṃ bodhisattvena bodhisattvaparipākāya saṃsāre saṃsaritavyam // atha khalu sudhanaḥ śreṣṭhidārakaḥ sutejomaṇḍalaratiśriyo lumbinīvanadevatāyāḥ pādau śirasābhivandya sutejomaṇḍalaratiśriyaṃ lumbinīvanadevatāmanekaśatasahasrakṛtvaḥ pradakṣiṇīkṛtya punaḥ punaravalokya sutejomaṇḍalaratiśriyo lumbinīvanadevatāyā antikātprakrāntaḥ

Sanskrit only: no published translation is held for this verse.