अभिषेकभूमिस्थित ज्येष्ठसुतो जिनानां विहराति बुद्धविषयं अनुचिन्तयन्तः
abhiṣekabhūmisthita jyeṣṭhasuto jinānāṃ viharāti buddhaviṣayaṃ anucintayantaḥ
Sanskrit only: no published translation is held for this verse.
Gandavyuhasutra 26
सर्वेष यो जिनसुतान महायशानां महाज्ञानगोचर विमोक्षप्रतिष्ठितानाम् । ये धर्मधातु विचरन्ति असज्जमाना आवासु तेषमयमप्रतिपुद्गलानाम्
sarveṣa yo jinasutāna mahāyaśānāṃ mahājñānagocara vimokṣapratiṣṭhitānām / ye dharmadhātu vicaranti asajjamānā āvāsu teṣamayamapratipudgalānām
Sanskrit only: no published translation is held for this verse.
दमदानशीलक्षमवीर्यबलोद्गतानां ध्यानैरभिज्ञबलपारगतिंगतानाम् । प्रज्ञाउपायप्रणिधानबलस्थितानां महायानपारमिगतानमयं विहारः
damadānaśīlakṣamavīryabalodgatānāṃ dhyānairabhijñabalapāragatiṃgatānām / prajñāupāyapraṇidhānabalasthitānāṃ mahāyānapāramigatānamayaṃ vihāraḥ
Sanskrit only: no published translation is held for this verse.
एषो असङ्गमतिनां विपुलाशयानां आकाशगोचररतानमनिश्रितानाम् । सर्वत्रियध्वस्फरणानमनावृतानां आवासु सर्वभवभावविभावितानाम्
eṣo asaṅgamatināṃ vipulāśayānāṃ ākāśagocararatānamaniśritānām / sarvatriyadhvaspharaṇānamanāvṛtānāṃ āvāsu sarvabhavabhāvavibhāvitānām
Sanskrit only: no published translation is held for this verse.
ये सर्वधर्मअनुत्पादनयप्रविष्टा विमृशन्ति धर्मप्रकृतिं गगनस्वभावाम् । न करोन्ति निश्रयु क्वचिद्गगने व पक्षी तेषां विहारु अयु ज्ञानविशारदानाम्
ye sarvadharmaanutpādanayapraviṣṭā vimṛśanti dharmaprakṛtiṃ gaganasvabhāvām / na karonti niśrayu kvacidgagane va pakṣī teṣāṃ vihāru ayu jñānaviśāradānām
Sanskrit only: no published translation is held for this verse.
ये रागदोषमथ मोहस्वभाव ज्ञात्वा संकल्पहेतुजनितां वितथप्रवृत्तिम् । निर्विकल्पयन्ति च विरागमयीह तेषां शान्तप्रशान्त्युमगतानमयं विहारः
ye rāgadoṣamatha mohasvabhāva jñātvā saṃkalpahetujanitāṃ vitathapravṛttim / nirvikalpayanti ca virāgamayīha teṣāṃ śāntapraśāntyumagatānamayaṃ vihāraḥ
Sanskrit only: no published translation is held for this verse.
ये ते विमोक्षमुखसत्यनयार्थमार्गस्कन्धांस्तथायतनसत्त्वप्रतीत्यतां च । प्रपरीक्षमाण न पतन्ति विदू प्रशान्तिप्रज्ञाउपायकुशलानमयं विहारः
ye te vimokṣamukhasatyanayārthamārgaskandhāṃstathāyatanasattvapratītyatāṃ ca / praparīkṣamāṇa na patanti vidū praśāntiprajñāupāyakuśalānamayaṃ vihāraḥ
Sanskrit only: no published translation is held for this verse.
ये ते अनावरणज्ञानदिशं प्रविष्टा जिनक्षेत्र सत्त्वपरिकल्पविकल्पशान्ता । भावस्वभावरहिता न विमृषन्ति धर्मान् आवासु तेषमय शान्तिपरायणानाम्
ye te anāvaraṇajñānadiśaṃ praviṣṭā jinakṣetra sattvaparikalpavikalpaśāntā / bhāvasvabhāvarahitā na vimṛṣanti dharmān āvāsu teṣamaya śāntiparāyaṇānām
Sanskrit only: no published translation is held for this verse.
सर्वं निकेतविगता अनिकेतचारी तेषामनिश्रितमतीनमयं विहारः
sarvaṃ niketavigatā aniketacārī teṣāmaniśritamatīnamayaṃ vihāraḥ
Sanskrit only: no published translation is held for this verse.
ये दृष्टिदुर्गतिगतां जनतामखिन्नां दुःखान्तरां कटुक वेदन वेदयन्तीम् । मैत्रप्रभाय शमयन्ति अपाय सर्वान् आवासु तेषमय मैत्रकृपाशयानाम्
ye dṛṣṭidurgatigatāṃ janatāmakhinnāṃ duḥkhāntarāṃ kaṭuka vedana vedayantīm / maitraprabhāya śamayanti apāya sarvān āvāsu teṣamaya maitrakṛpāśayānām
Sanskrit only: no published translation is held for this verse.
संसारसंकटगतार्यपथप्रनष्टं जात्यन्धसार्थमिव दैशिकविप्रहीणम् । ये प्रेक्ष्य लोकमिह मोक्षपथे प्रणेन्ति सार्थातिवाहसदृशानमयं विहारः
saṃsārasaṃkaṭagatāryapathapranaṣṭaṃ jātyandhasārthamiva daiśikaviprahīṇam / ye prekṣya lokamiha mokṣapathe praṇenti sārthātivāhasadṛśānamayaṃ vihāraḥ
Sanskrit only: no published translation is held for this verse.
ये जातिशोकजरमृत्युवशोपनीतं दृष्ट्वा जगन्नमुचिस्कन्धवपाशबद्धम् । संप्रापयत्यभयक्षेमदिशं विमोच्य शूराण तेषमयमा(वा)सु सुदुर्जयानाम्
ye jātiśokajaramṛtyuvaśopanītaṃ dṛṣṭvā jagannamuciskandhavapāśabaddham / saṃprāpayatyabhayakṣemadiśaṃ vimocya śūrāṇa teṣamayamā(vā)su sudurjayānām
Sanskrit only: no published translation is held for this verse.
क्लेशातुरं जनमिमं व्यवलोकयित्वा समुदानयन्त्यमृतज्ञानमहौषधानि । परिमोचयन्ति विपुलां करुणां जनित्वा महवैद्यराजदृशानमयं विहारः
kleśāturaṃ janamimaṃ vyavalokayitvā samudānayantyamṛtajñānamahauṣadhāni / parimocayanti vipulāṃ karuṇāṃ janitvā mahavaidyarājadṛśānamayaṃ vihāraḥ
Sanskrit only: no published translation is held for this verse.
ये ते निशाम्य जनतां दुखितामत्राणां शोकाकरे पतित मृत्युसमुद्रगामि । तारेन्ति कृव महतीं शुभधर्मनावं तेषां विहारमय दाशसुतोपमानाम्
ye te niśāmya janatāṃ dukhitāmatrāṇāṃ śokākare patita mṛtyusamudragāmi / tārenti kṛva mahatīṃ śubhadharmanāvaṃ teṣāṃ vihāramaya dāśasutopamānām
Sanskrit only: no published translation is held for this verse.
ये क्लेशसागरचरां जनतां निशाम्य सर्वज्ञचित्तरतनाशयशुद्धसत्त्वा । अभ्युद्धरन्ति भवसागरमोतरित्वा कैवर्तपुत्रसदृशानमयं विहारः
ye kleśasāgaracarāṃ janatāṃ niśāmya sarvajñacittaratanāśayaśuddhasattvā / abhyuddharanti bhavasāgaramotaritvā kaivartaputrasadṛśānamayaṃ vihāraḥ
Sanskrit only: no published translation is held for this verse.
प्रणिधानआलयगता कृपमैत्र्यदृष्ट्या ये सर्वसत्त्वभवनान्यवलोकयित्वा । अभ्युद्धरन्ति जनतां भवसागरस्थां गरुडेन्द्रपोतसदृशानमयं विहारः
praṇidhānaālayagatā kṛpamaitryadṛṣṭyā ye sarvasattvabhavanānyavalokayitvā / abhyuddharanti janatāṃ bhavasāgarasthāṃ garuḍendrapotasadṛśānamayaṃ vihāraḥ
Sanskrit only: no published translation is held for this verse.
ये धर्मधातुगगने शशिसूर्यभूता विचरन्ति सत्त्वभवनप्रतिभासप्राप्ताः । प्रणिधानमण्डल* * * * ज्ञानरश्मी लोकप्रभासकरणानमयं विहारः
ye dharmadhātugagane śaśisūryabhūtā vicaranti sattvabhavanapratibhāsaprāptāḥ / praṇidhānamaṇḍala* * * * jñānaraśmī lokaprabhāsakaraṇānamayaṃ vihāraḥ
Sanskrit only: no published translation is held for this verse.
ये एकसत्त्वपरिपाचनताय धीरा तिष्ठन्ति कल्पनयुतानपरान्तनिष्ठा । यथ एकि सत्त्वि तथ सर्वजगत्यशेषम् आवासु तेषमय लोकपरायणानाम्
ye ekasattvaparipācanatāya dhīrā tiṣṭhanti kalpanayutānaparāntaniṣṭhā / yatha eki sattvi tatha sarvajagatyaśeṣam āvāsu teṣamaya lokaparāyaṇānām
Sanskrit only: no published translation is held for this verse.
ये एकक्षेत्रप्रसरे अपरान्तकल्पान् विचरन्ति चारिक जगार्थमखिन्नवीर्याः । यथ एकक्षेत्रि तथ सर्वदशद्दिशासु आवासु तेषमय वज्रदृढाशयानाम्
ye ekakṣetraprasare aparāntakalpān vicaranti cārika jagārthamakhinnavīryāḥ / yatha ekakṣetri tatha sarvadaśaddiśāsu āvāsu teṣamaya vajradṛḍhāśayānām
Sanskrit only: no published translation is held for this verse.
ये धर्ममेघ सुगतान दशद्दिशासु एकासने स्थित पिबन्ति असंप्रमूढाः । अपरान्तकल्पनियुतान्यवितृप्तचित्ता सहबुद्धिसागरसमानमयं विहारः
ye dharmamegha sugatāna daśaddiśāsu ekāsane sthita pibanti asaṃpramūḍhāḥ / aparāntakalpaniyutānyavitṛptacittā sahabuddhisāgarasamānamayaṃ vihāraḥ
Sanskrit only: no published translation is held for this verse.
ये क्षेत्रसागर व्रजन्ति अनाभिलाप्यान् प्रविशन्ति चो परिषसागर नायकानाम् । ये पूजसागर विचित्र जिने करोन्ति तेषामसङ्गचरणानमयं विहारः
ye kṣetrasāgara vrajanti anābhilāpyān praviśanti co pariṣasāgara nāyakānām / ye pūjasāgara vicitra jine karonti teṣāmasaṅgacaraṇānamayaṃ vihāraḥ
Sanskrit only: no published translation is held for this verse.
ये चार्यसागरप्रविष्टमनन्तमध्यात् प्रणिधानसागर विगाहयमान धीराः । बहुकल्पसागर चरन्ति जगद्धितार्था तेषां विहारु अयु सर्वगुणाकराणाम्
ye cāryasāgarapraviṣṭamanantamadhyāt praṇidhānasāgara vigāhayamāna dhīrāḥ / bahukalpasāgara caranti jagaddhitārthā teṣāṃ vihāru ayu sarvaguṇākarāṇām
Sanskrit only: no published translation is held for this verse.
ये एकि वालपथि उत्तरमान क्षेत्रात् बुद्धांश्च सत्त्व तथ कल्प अनन्तमध्यान् । प्रविशन्ति एन्त न पुना च उपेन्ति सीमां तेषामसङ्गनयनानमयं विहारः
ye eki vālapathi uttaramāna kṣetrāt buddhāṃśca sattva tatha kalpa anantamadhyān / praviśanti enta na punā ca upenti sīmāṃ teṣāmasaṅganayanānamayaṃ vihāraḥ
Sanskrit only: no published translation is held for this verse.
ये एकचित्तक्षणि कल्पमहासमुद्रान् प्रविशन्ति क्षेत्र तथ बुद्धजगत्प्रचारान् । तेषामनावरणज्ञानमतिस्थितानाम् एषो विहार गुणपारमितोद्गतानाम्
ye ekacittakṣaṇi kalpamahāsamudrān praviśanti kṣetra tatha buddhajagatpracārān / teṣāmanāvaraṇajñānamatisthitānām eṣo vihāra guṇapāramitodgatānām
Sanskrit only: no published translation is held for this verse.
ये सर्वक्षेत्रपरमाणुरजान् गणित्वा बिन्दुप्रमाण तुलयित्व जलौघ सर्वम् । तावत्प्रमाणप्रणिधीनभिनिर्हरन्ति तेषामसङ्गतगतानमयं विहारः
ye sarvakṣetraparamāṇurajān gaṇitvā bindupramāṇa tulayitva jalaugha sarvam / tāvatpramāṇapraṇidhīnabhinirharanti teṣāmasaṅgatagatānamayaṃ vihāraḥ
Sanskrit only: no published translation is held for this verse.
प्रणिधानधारणिसमाधिमुखप्रवेशान् ध्याना विमोक्ष प्रणिधानमुखानि चैव । अभिनिर्हरन्ति विचरन्ति अनन्तकल्पान् इह ते प्रविष्ट सुगतान सुताः स्मृतीमाः
praṇidhānadhāraṇisamādhimukhapraveśān dhyānā vimokṣa praṇidhānamukhāni caiva / abhinirharanti vicaranti anantakalpān iha te praviṣṭa sugatāna sutāḥ smṛtīmāḥ
Sanskrit only: no published translation is held for this verse.
इह ते स्थिता जिनसुता विविधा विचित्रा अभिनिर्हरन्ति बहुशास्त्रकथार्थयुक्ताः । सौख्यावहानि जगतामिह शिल्पस्थानान्यनुचिन्तयन्त विहरन्ति सतां विहारः
iha te sthitā jinasutā vividhā vicitrā abhinirharanti bahuśāstrakathārthayuktāḥ / saukhyāvahāni jagatāmiha śilpasthānānyanucintayanta viharanti satāṃ vihāraḥ
Sanskrit only: no published translation is held for this verse.
इह ते स्थिता महअभिज्ञौपायज्ञाने यावन्त सत्त्वगतिभेद दशद्दिशासु । सर्वत्र जन्मच्युतिभेद विदर्शयन्ति मायागते स्थित विमोक्ष असङ्गचर्याः
iha te sthitā mahaabhijñaupāyajñāne yāvanta sattvagatibheda daśaddiśāsu / sarvatra janmacyutibheda vidarśayanti māyāgate sthita vimokṣa asaṅgacaryāḥ
Sanskrit only: no published translation is held for this verse.
इह ते स्थिता प्रथमचित्तसमुद्भवाद्यां दर्शेन्ति धर्मचर्यां वसुधर्मनिष्ठाम् । आपूर्य निर्मितघनैरपि धर्मधातुम् एवं विकुर्वितशतान्युपदर्शयन्ति
iha te sthitā prathamacittasamudbhavādyāṃ darśenti dharmacaryāṃ vasudharmaniṣṭhām / āpūrya nirmitaghanairapi dharmadhātum evaṃ vikurvitaśatānyupadarśayanti
Sanskrit only: no published translation is held for this verse.
ये एकचित्तप्रसरेण विबुद्ध बोधिं प्रविशन्ति ज्ञानमतिकर्म अनन्तमध्या । संमोहकेत्वव्रजि लोकु य चिन्तयान एवं दुरासदगतानमयं विहारः
ye ekacittaprasareṇa vibuddha bodhiṃ praviśanti jñānamatikarma anantamadhyā / saṃmohaketvavraji loku ya cintayāna evaṃ durāsadagatānamayaṃ vihāraḥ
Sanskrit only: no published translation is held for this verse.
एषो असङ्गमतिनामनावरणधर्मधातुचरणानाम् । अनिलम्भगोचराणां विहारु विमलाशयमतीनाम्
eṣo asaṅgamatināmanāvaraṇadharmadhātucaraṇānām / anilambhagocarāṇāṃ vihāru vimalāśayamatīnām
Sanskrit only: no published translation is held for this verse.
ये ते असङ्गचारी अनिकेतविहारि सर्वक्षेत्रेषु । अद्वयज्ञानविहारी अयु तेष विहारु असमानाम्
ye te asaṅgacārī aniketavihāri sarvakṣetreṣu / advayajñānavihārī ayu teṣa vihāru asamānām
Sanskrit only: no published translation is held for this verse.
खप्रकृतिसमान् य एते धर्माननालयान् शान्तान् । विहरन्ति गगनगोचर तेषयमावासु विरजानाम्
khaprakṛtisamān ya ete dharmānanālayān śāntān / viharanti gaganagocara teṣayamāvāsu virajānām
Sanskrit only: no published translation is held for this verse.
इह ते कृपाशयमती स्थित्वा जगदीक्ष्य दुःखशोकहतम् । लोकहितचिन्तनपरा विहरन्ति महकरुणलाभी
iha te kṛpāśayamatī sthitvā jagadīkṣya duḥkhaśokahatam / lokahitacintanaparā viharanti mahakaruṇalābhī
Sanskrit only: no published translation is held for this verse.
इह ते अनन्तरहिता दृश्यन्ते सर्वसत्त्वभवनेषु । शशिसूर्यमण्डलसमाधि मुक्त संसारपाशेभ्यः
iha te anantarahitā dṛśyante sarvasattvabhavaneṣu / śaśisūryamaṇḍalasamādhi mukta saṃsārapāśebhyaḥ
Sanskrit only: no published translation is held for this verse.
इह ते स्थिता जिनसुताः सर्वजिनानां च पादमूलेषु । दृश्यन्ति सर्वक्षेत्रेष्वनन्तकल्पान् क्षपयमाणाः
iha te sthitā jinasutāḥ sarvajinānāṃ ca pādamūleṣu / dṛśyanti sarvakṣetreṣvanantakalpān kṣapayamāṇāḥ
Sanskrit only: no published translation is held for this verse.
इह ते जगदण्डसमैः सर्वजिनसुताश्रयप्रमाणैश्च । सर्वदिशो ऽनवशेषाः स्फरन्ति निर्माणमेघेभिः
iha te jagadaṇḍasamaiḥ sarvajinasutāśrayapramāṇaiśca / sarvadiśo 'navaśeṣāḥ spharanti nirmāṇameghebhiḥ
Sanskrit only: no published translation is held for this verse.
इह ते प्रविष्ट शूराः सर्वं जिनगोचरं तुलयमाना । विहरन्ति कल्पनयुतान्न चापि तृप्तिं समुपयान्ति
iha te praviṣṭa śūrāḥ sarvaṃ jinagocaraṃ tulayamānā / viharanti kalpanayutānna cāpi tṛptiṃ samupayānti
Sanskrit only: no published translation is held for this verse.
इह ते समाधिनयुतानभिलाप्यानि प्रतिक्षणं बुद्ध्या । दर्शेन्ति बुद्धविषयं यथा समाधिप्रवेशेन
iha te samādhinayutānabhilāpyāni pratikṣaṇaṃ buddhyā / darśenti buddhaviṣayaṃ yathā samādhipraveśena
Sanskrit only: no published translation is held for this verse.
इह ते क्षणावलम्बा कल्पक्षेत्राणि बुद्धनामानि । प्रविशन्ति विपुलबुद्धी कल्पान् क्षपयन्त्यपरिमाणान्
iha te kṣaṇāvalambā kalpakṣetrāṇi buddhanāmāni / praviśanti vipulabuddhī kalpān kṣapayantyaparimāṇān
Sanskrit only: no published translation is held for this verse.
इह ते स्थिताप्रमेयाकल्पान् प्रविशन्ति एकचित्तेन । परिकल्पसंज्ञविगता जगतः संज्ञावशगतेन
iha te sthitāprameyākalpān praviśanti ekacittena / parikalpasaṃjñavigatā jagataḥ saṃjñāvaśagatena
Sanskrit only: no published translation is held for this verse.
इह ते समाधिभवनप्रतिष्ठ पश्यन्ति त्रयो ऽध्वानः । एकक्षणकोटिप्राप्ता विमोक्षभवने विचरमाणाः
iha te samādhibhavanapratiṣṭha paśyanti trayo 'dhvānaḥ / ekakṣaṇakoṭiprāptā vimokṣabhavane vicaramāṇāḥ
Sanskrit only: no published translation is held for this verse.
इह ते स्थिता विहारे पर्यङ्कनिषण्णानुच्चलितकायाः । सर्वेषु क्षेत्रेषु युगपद्दृश्यन्ति सर्वगताः
iha te sthitā vihāre paryaṅkaniṣaṇṇānuccalitakāyāḥ / sarveṣu kṣetreṣu yugapaddṛśyanti sarvagatāḥ
Sanskrit only: no published translation is held for this verse.
इह विहरन्तो वृषभी धर्मसमुद्रात्पिबन्ति सुगतानाम् । अवतीर्ण ज्ञानसागरमक्षयगुणपारमिताप्राप्ताः
iha viharanto vṛṣabhī dharmasamudrātpibanti sugatānām / avatīrṇa jñānasāgaramakṣayaguṇapāramitāprāptāḥ
Sanskrit only: no published translation is held for this verse.
इह सर्वक्षेत्रसंख्यां कल्पानां चैव धर्मसंख्यां च । सर्वजिनानां संख्यां चिन्तेन्ति अनावरणचिन्ती
iha sarvakṣetrasaṃkhyāṃ kalpānāṃ caiva dharmasaṃkhyāṃ ca / sarvajinānāṃ saṃkhyāṃ cintenti anāvaraṇacintī
Sanskrit only: no published translation is held for this verse.
इह ते स्थिता जिनसुता यावत् क्षेत्रास्त्रियध्वसंख्याताः । एकक्षणेन तेषां संभवविभवं विचिन्वन्ति
iha te sthitā jinasutā yāvat kṣetrāstriyadhvasaṃkhyātāḥ / ekakṣaṇena teṣāṃ saṃbhavavibhavaṃ vicinvanti
Sanskrit only: no published translation is held for this verse.
इह ते स्थिता जिनानां चर्यां प्रणिधिं च इन्द्रियं जगताम् । पश्यन्तसमतायो जिनसुतभवने विचरमाणाः
iha te sthitā jinānāṃ caryāṃ praṇidhiṃ ca indriyaṃ jagatām / paśyantasamatāyo jinasutabhavane vicaramāṇāḥ
Sanskrit only: no published translation is held for this verse.
एकरजाग्रगतान् ये सर्वरजसमाननावरण अस्याम् । पश्यन्ति पर्षसागरक्षेत्रान् सत्त्वानि कल्पांश्च
ekarajāgragatān ye sarvarajasamānanāvaraṇa asyām / paśyanti parṣasāgarakṣetrān sattvāni kalpāṃśca
Sanskrit only: no published translation is held for this verse.
सर्वरजाग्रेषु एवं परिषक्षेत्राणि सत्त्वकल्पांश्च । प्रतिभासगतान् सर्वान् सुविभक्तान् संप्रपश्यन्ति
sarvarajāgreṣu evaṃ pariṣakṣetrāṇi sattvakalpāṃśca / pratibhāsagatān sarvān suvibhaktān saṃprapaśyanti
Sanskrit only: no published translation is held for this verse.
इह ते धर्मस्वभावं सर्वक्षेत्राध्वकल्पसंबुद्धान् । भावस्वभावविगतानसंभवनयैर्विचिन्वन्ति
iha te dharmasvabhāvaṃ sarvakṣetrādhvakalpasaṃbuddhān / bhāvasvabhāvavigatānasaṃbhavanayairvicinvanti
Sanskrit only: no published translation is held for this verse.
स्थित्वेह सत्त्वसमतां धर्मेषु बुद्धसमतां च प्रेक्ष्य । त्र्यध्वनि क्षेत्रसमतां प्रणिधानसमतां च प्रविशन्ति
sthitveha sattvasamatāṃ dharmeṣu buddhasamatāṃ ca prekṣya / tryadhvani kṣetrasamatāṃ praṇidhānasamatāṃ ca praviśanti
Sanskrit only: no published translation is held for this verse.
विनयन्ति सत्त्वनयुतानन्ये महयन्ति बुद्धनयुतानि । विमृषन्त्यपरे धर्मानिह ते भवनवरे स्थिता धीराः
vinayanti sattvanayutānanye mahayanti buddhanayutāni / vimṛṣantyapare dharmāniha te bhavanavare sthitā dhīrāḥ
Sanskrit only: no published translation is held for this verse.
कल्पनयुतैर्न येषां प्रणिधानज्ञानविषयमतिकल्पाः । शक्या मया हि वक्तुं विस्तीर्णो ऽनन्तु बुद्धीनाम्
kalpanayutairna yeṣāṃ praṇidhānajñānaviṣayamatikalpāḥ / śakyā mayā hi vaktuṃ vistīrṇo 'nantu buddhīnām
Sanskrit only: no published translation is held for this verse.
तेषामनिन्दितानां अनावरणगोचरं च निरतानाम् । आवासं वन्दे ऽहं कृतकरणकोशः प्रणतकायः
teṣāmaninditānāṃ anāvaraṇagocaraṃ ca niratānām / āvāsaṃ vande 'haṃ kṛtakaraṇakośaḥ praṇatakāyaḥ
Sanskrit only: no published translation is held for this verse.
तमपि जिनज्येष्ठसुतं निरावरणचर्यमार्यमैत्रेयन् । निरुपमविशुद्धबुद्धिं तदनु स्मृतिमां प्रणिपतामि
tamapi jinajyeṣṭhasutaṃ nirāvaraṇacaryamāryamaitreyan / nirupamaviśuddhabuddhiṃ tadanu smṛtimāṃ praṇipatāmi
Sanskrit only: no published translation is held for this verse.
इति हि सुधनः श्रेष्ठिदारको वैरोचनव्यूहालंकारगर्भमहाकूटागारनिवासिनो बोधिसत्त्वानेवं च अप्रमाणैर्बोधिसत्त्वस्तवैरभिष्टुत्य वन्दित्वा नमस्कृत्य प्रणिपत्य उद्वीक्ष चित्रीकृत्य आमुखीभूय अभिसंपूज्य वैरोचनव्यूहालंकारगर्भस्य महाकूटागारस्य मूले ऽतिष्ठन्मैत्रेयस्य बोधिसत्त्वस्य महासत्त्वस्य दर्शनमभिलषमाणो मैत्रेयस्य बोधिसत्त्वस्य समवधानमाकाङ्क्षमाणः । सो ऽद्राक्षीन्मैत्रेयं बोधिसत्त्वं बहिर्धा कूटागारस्य अन्यतमस्मात्प्रदेशादागच्छन्तमनेकप्राणिशतसहस्रपरिवारमनेकदेवनागयक्षगन्धर्वासुरगरुडकिन्नरमहोरगेन्द्रपुरस्कृतं वामदक्षिणाभ्यां शक्रब्रह्मलोकपालैर्नमस्यमानं जन्मभूमिकैश्च बहुभिर्ज्ञातिसंबन्धिभिर्ब्राह्मणशतसहस्रैः परिवृतं पुरस्कृतं वैरोचनव्यूहालंकारगर्भकूटागाराभिमुखमागच्छन्तम् । दृष्ट्वा च तुष्ट उदग्र आत्तमनाः प्रमुदितः प्रीतिसौमनस्यजातो येन मैत्रेयो बोधिसत्त्वस्तेनाभिमुखो भूत्वा दूरत एव मैत्रेयस्य बोधिसत्त्वस्य सर्वशरीरेण प्रणिपतितः ॥ अथ खलु मैत्रेयो बोधिसत्त्वः सुधनं श्रेष्ठिदारकं व्यवलोक्य सर्वपर्षदो दक्षिणेन हस्तेनोपदर्श्य भूतैर्गुणैः संवर्णयन् गाथाभिरध्यभाषत - पश्यथेमु सुविशुद्धआशयं सूधनं दृढधनान आत्मजम् । एषमाणु वरबोधिचारिकामागतो मम समीपि पण्डितः
iti hi sudhanaḥ śreṣṭhidārako vairocanavyūhālaṃkāragarbhamahākūṭāgāranivāsino bodhisattvānevaṃ ca apramāṇairbodhisattvastavairabhiṣṭutya vanditvā namaskṛtya praṇipatya udvīkṣa citrīkṛtya āmukhībhūya abhisaṃpūjya vairocanavyūhālaṃkāragarbhasya mahākūṭāgārasya mūle 'tiṣṭhanmaitreyasya bodhisattvasya mahāsattvasya darśanamabhilaṣamāṇo maitreyasya bodhisattvasya samavadhānamākāṅkṣamāṇaḥ / so 'drākṣīnmaitreyaṃ bodhisattvaṃ bahirdhā kūṭāgārasya anyatamasmātpradeśādāgacchantamanekaprāṇiśatasahasraparivāramanekadevanāgayakṣagandharvāsuragaruḍakinnaramahoragendrapuraskṛtaṃ vāmadakṣiṇābhyāṃ śakrabrahmalokapālairnamasyamānaṃ janmabhūmikaiśca bahubhirjñātisaṃbandhibhirbrāhmaṇaśatasahasraiḥ parivṛtaṃ puraskṛtaṃ vairocanavyūhālaṃkāragarbhakūṭāgārābhimukhamāgacchantam / dṛṣṭvā ca tuṣṭa udagra āttamanāḥ pramuditaḥ prītisaumanasyajāto yena maitreyo bodhisattvastenābhimukho bhūtvā dūrata eva maitreyasya bodhisattvasya sarvaśarīreṇa praṇipatitaḥ // atha khalu maitreyo bodhisattvaḥ sudhanaṃ śreṣṭhidārakaṃ vyavalokya sarvaparṣado dakṣiṇena hastenopadarśya bhūtairguṇaiḥ saṃvarṇayan gāthābhiradhyabhāṣata - paśyathemu suviśuddhaāśayaṃ sūdhanaṃ dṛḍhadhanāna ātmajam / eṣamāṇu varabodhicārikāmāgato mama samīpi paṇḍitaḥ
Sanskrit only: no published translation is held for this verse.
स्वागतं ति कृपमैत्रसंभव स्वागतं विपुलमैत्रमण्डला । स्वागतं प्रशमशान्तिलोचन मा किलाम्यसि चरन्तु चारिकाम्
svāgataṃ ti kṛpamaitrasaṃbhava svāgataṃ vipulamaitramaṇḍalā / svāgataṃ praśamaśāntilocana mā kilāmyasi carantu cārikām
Sanskrit only: no published translation is held for this verse.
एहि स्वागतु विशुद्धआशया एहि स्वागतमखिन्नमानसा । एहि स्वागतमलीनैन्द्रिया मा किलाम्यासि चरन्तु सूरत
ehi svāgatu viśuddhaāśayā ehi svāgatamakhinnamānasā / ehi svāgatamalīnaindriyā mā kilāmyāsi carantu sūrata
Sanskrit only: no published translation is held for this verse.
सर्वधर्मविचराय उत्थिता सर्वसत्त्वविनयाय उत्सुका । सर्वमित्रभजनाय प्रस्थिता स्वागतं ति अचला दृढव्रता
sarvadharmavicarāya utthitā sarvasattvavinayāya utsukā / sarvamitrabhajanāya prasthitā svāgataṃ ti acalā dṛḍhavratā
Sanskrit only: no published translation is held for this verse.
स्वागतं शुभपथेन आगता स्वागतं गुणपथे प्रतिष्ठिता । स्वागतं जिनपथेन प्रस्थिता मा श्रमं किल समर्थस्व क्वचित्
svāgataṃ śubhapathena āgatā svāgataṃ guṇapathe pratiṣṭhitā / svāgataṃ jinapathena prasthitā mā śramaṃ kila samarthasva kvacit
Sanskrit only: no published translation is held for this verse.
एहि स्वागतु गुणेषु तन्मया स्वागतं ति कुशलानि(भि)स्यन्दित(?) । साधु स्वागतमनन्तगोचरा दर्शनं तव सुदुर्लभं जगे
ehi svāgatu guṇeṣu tanmayā svāgataṃ ti kuśalāni(bhi)syandita(?) / sādhu svāgatamanantagocarā darśanaṃ tava sudurlabhaṃ jage
Sanskrit only: no published translation is held for this verse.
लाभालाभसमतुल्यमानसा निन्ददुःखअयशोविवर्जिता । लोकधर्मिकमलोत्पलोपमा साधु स्वागतमभ्रान्तमानसा
lābhālābhasamatulyamānasā nindaduḥkhaayaśovivarjitā / lokadharmikamalotpalopamā sādhu svāgatamabhrāntamānasā
Sanskrit only: no published translation is held for this verse.
मायशाठ्यविगता शुभाशय मानदर्पविगता सुभाजन । क्रोधरोषविगता अनुन्नत साधु ते दर्शनं सुदर्शनम्
māyaśāṭhyavigatā śubhāśaya mānadarpavigatā subhājana / krodharoṣavigatā anunnata sādhu te darśanaṃ sudarśanam
Sanskrit only: no published translation is held for this verse.
एहि सर्वदिशगोचरामुखा एहि सर्वदिशकोशसंभवा । एहि सर्वजिनकोशवर्धना स्वागतं ति अकिलान्तमानसा
ehi sarvadiśagocarāmukhā ehi sarvadiśakośasaṃbhavā / ehi sarvajinakośavardhanā svāgataṃ ti akilāntamānasā
Sanskrit only: no published translation is held for this verse.
एहि स्वागतु त्रियध्वगोचरा धर्मधातुअधिमुक्तिमण्डला । सर्वबुद्धगुणगर्भसंभवा स्वागतं ति अकिलान्त सूरत
ehi svāgatu triyadhvagocarā dharmadhātuadhimuktimaṇḍalā / sarvabuddhaguṇagarbhasaṃbhavā svāgataṃ ti akilānta sūrata
Sanskrit only: no published translation is held for this verse.
एहि मञ्जुशिरिज्ञानपङ्कज एहि मेघशिरितोयवर्धित । एहि सर्वजिनपुत्रप्रेषित दर्शयामि ति अनावृतां दिशम्
ehi mañjuśirijñānapaṅkaja ehi meghaśiritoyavardhita / ehi sarvajinaputrapreṣita darśayāmi ti anāvṛtāṃ diśam
Sanskrit only: no published translation is held for this verse.
पश्यथ प्रणिधिजालु कीदृशं धर्मधातुस्फरणं अचिन्तियम् । बोधिसत्त्वचरिमार्गकर्षणं विस्तरन्तु सुधनो इहागतः
paśyatha praṇidhijālu kīdṛśaṃ dharmadhātuspharaṇaṃ acintiyam / bodhisattvacarimārgakarṣaṇaṃ vistarantu sudhano ihāgataḥ
Sanskrit only: no published translation is held for this verse.
एषमाणु सुगतान गोचरं मार्गमाणु विरजान चारिकाम् । पृच्छमान प्रणिधानसागरं आगतो अयमखिन्नमानसः
eṣamāṇu sugatāna gocaraṃ mārgamāṇu virajāna cārikām / pṛcchamāna praṇidhānasāgaraṃ āgato ayamakhinnamānasaḥ
Sanskrit only: no published translation is held for this verse.
यत्र शिक्षित अतीत नायकाः शिक्षिषेन्ति तथ ये अनागताः । तिष्ठतां च सुगतान या चरी पृच्छमाणु अयु तामिहागतः
yatra śikṣita atīta nāyakāḥ śikṣiṣenti tatha ye anāgatāḥ / tiṣṭhatāṃ ca sugatāna yā carī pṛcchamāṇu ayu tāmihāgataḥ
Sanskrit only: no published translation is held for this verse.
एति मित्र मम धर्मभाणकाः सर्वधर्मप्रतिपत्तिदेशकाः । बोधिसत्त्वचरिमार्गदेशका एवचित्त अयमागतो इह
eti mitra mama dharmabhāṇakāḥ sarvadharmapratipattideśakāḥ / bodhisattvacarimārgadeśakā evacitta ayamāgato iha
Sanskrit only: no published translation is held for this verse.
बोधिसत्त्व मम बुद्धिवर्धिका बुद्धपुत्र मम बोधिदायकाः । एति मित्र मम बुद्धवर्णिता एवचित्तकुशलो इहागतः
bodhisattva mama buddhivardhikā buddhaputra mama bodhidāyakāḥ / eti mitra mama buddhavarṇitā evacittakuśalo ihāgataḥ
Sanskrit only: no published translation is held for this verse.
मातृभूत जनकायिमे मम धात्रिभूत गुणस्तन्यदायकाः । बोधिअङ्गपरिपालकाः सदा एति मित्र अहितान्निवारकाः
mātṛbhūta janakāyime mama dhātribhūta guṇastanyadāyakāḥ / bodhiaṅgaparipālakāḥ sadā eti mitra ahitānnivārakāḥ
Sanskrit only: no published translation is held for this verse.
वैद्यभूत जरमृत्युमोचकाः शक्रभूत अमृताभिवर्षिकाः । चन्द्रभूत शुभपूर्णमण्डलाः सूर्यभूत शिवमार्गदर्शकाः
vaidyabhūta jaramṛtyumocakāḥ śakrabhūta amṛtābhivarṣikāḥ / candrabhūta śubhapūrṇamaṇḍalāḥ sūryabhūta śivamārgadarśakāḥ
Sanskrit only: no published translation is held for this verse.
मेरुभूत सम मित्रशत्रुषु सागरोपम अक्षोभ्यचेतसः । कर्णधारपरिपालकोपमा एवचिन्ति सुधनो इहागतः
merubhūta sama mitraśatruṣu sāgaropama akṣobhyacetasaḥ / karṇadhāraparipālakopamā evacinti sudhano ihāgataḥ
Sanskrit only: no published translation is held for this verse.
शूरभूत अभयप्रदायकाः सार्थवाह शरणं परायणम् । नायका मम सुखंददा इमे एवचित्त अयु मित्र सेवते
śūrabhūta abhayapradāyakāḥ sārthavāha śaraṇaṃ parāyaṇam / nāyakā mama sukhaṃdadā ime evacitta ayu mitra sevate
Sanskrit only: no published translation is held for this verse.
सर्वधर्मदिशसुदर्शकाः सदा सर्वबुद्धगुणज्ञानदर्शकाः । सर्वदुर्गतिअपायशोधका एति मित्र मम साधु दर्शकाः
sarvadharmadiśasudarśakāḥ sadā sarvabuddhaguṇajñānadarśakāḥ / sarvadurgatiapāyaśodhakā eti mitra mama sādhu darśakāḥ
Sanskrit only: no published translation is held for this verse.
एति सर्वजिनकोशदायका एति सर्वजिनगञ्जरक्षकाः । एति सर्वजिनगुह्यधारका एव मित्र भजतेष पण्डितः
eti sarvajinakośadāyakā eti sarvajinagañjarakṣakāḥ / eti sarvajinaguhyadhārakā eva mitra bhajateṣa paṇḍitaḥ
Sanskrit only: no published translation is held for this verse.
ज्ञानसंपद अतो विशुध्यते रूपभोगकुलजन्मसंपदः । * * * *अतो न दुर्लभा एवमाशय अयमिहागतः
jñānasaṃpada ato viśudhyate rūpabhogakulajanmasaṃpadaḥ / * * * *ato na durlabhā evamāśaya ayamihāgataḥ
Sanskrit only: no published translation is held for this verse.
पश्यथा अयमुदारआशयः सेवमान इम मित्र पण्डितः । यादृशीं प्रतिजनेति सूरत एव यूयमनुशिक्षथो सदा
paśyathā ayamudāraāśayaḥ sevamāna ima mitra paṇḍitaḥ / yādṛśīṃ pratijaneti sūrata eva yūyamanuśikṣatho sadā
Sanskrit only: no published translation is held for this verse.
एष पूर्वशुभपुण्यहेतुना दृष्टमञ्जुशिरि बोधिप्रस्थितः । अनुशास्ति अयु तस्य कुर्वतो पश्यथा कथमटत्यखेदवान्
eṣa pūrvaśubhapuṇyahetunā dṛṣṭamañjuśiri bodhiprasthitaḥ / anuśāsti ayu tasya kurvato paśyathā kathamaṭatyakhedavān
Sanskrit only: no published translation is held for this verse.
एष सर्वसुखसौख्य उज्झिय उत्सृजित्व अमरोपमं गृहम् । धात्रिमातृपितृभोगविस्तरं दासभूत इम मित्र सेवते
eṣa sarvasukhasaukhya ujjhiya utsṛjitva amaropamaṃ gṛham / dhātrimātṛpitṛbhogavistaraṃ dāsabhūta ima mitra sevate
Sanskrit only: no published translation is held for this verse.
एष आशय विशोध्य पण्डितः स्वाश्रयं जहिय मानुषं इमम् । सर्वबुद्धभवनं प्रवेक्ष्यते ईदृशं फलमतो भविष्यति
eṣa āśaya viśodhya paṇḍitaḥ svāśrayaṃ jahiya mānuṣaṃ imam / sarvabuddhabhavanaṃ pravekṣyate īdṛśaṃ phalamato bhaviṣyati
Sanskrit only: no published translation is held for this verse.
एष दृष्ट्व जनव्याधिपीडितान् प्राणिनो दुखशतैरुपद्रुतान् । जन्ममृत्युभयशोकतापिनः तेषु अर्थि चरते कृपाशयः
eṣa dṛṣṭva janavyādhipīḍitān prāṇino dukhaśatairupadrutān / janmamṛtyubhayaśokatāpinaḥ teṣu arthi carate kṛpāśayaḥ
Sanskrit only: no published translation is held for this verse.
दुःखयन्त्रपरिपीडितं जगद् दृष्ट्व पञ्चगतिचक्रमण्डले । ज्ञानवज्रमयमेषते दृढं दुःखयन्त्रगतिचक्रभेदनम्
duḥkhayantraparipīḍitaṃ jagad dṛṣṭva pañcagaticakramaṇḍale / jñānavajramayameṣate dṛḍhaṃ duḥkhayantragaticakrabhedanam
Sanskrit only: no published translation is held for this verse.
रागदोषतृणथाणुकण्टकं दृष्टिसङ्गबहुकं क्षताङ्कुरम् । सत्त्वक्षेत्रपरिशोधनार्थिकः प्रज्ञलाङ्गल दृढं गवेषते
rāgadoṣatṛṇathāṇukaṇṭakaṃ dṛṣṭisaṅgabahukaṃ kṣatāṅkuram / sattvakṣetrapariśodhanārthikaḥ prajñalāṅgala dṛḍhaṃ gaveṣate
Sanskrit only: no published translation is held for this verse.
मोहविद्यगहनाशयं जगत् प्रज्ञचक्षुहत नष्टदैशिकम् । तस्य क्षेमदिशदर्शनप्रभुः सार्थवाहु जगतो भविष्यति
mohavidyagahanāśayaṃ jagat prajñacakṣuhata naṣṭadaiśikam / tasya kṣemadiśadarśanaprabhuḥ sārthavāhu jagato bhaviṣyati
Sanskrit only: no published translation is held for this verse.
क्षान्तिधर्मत्रिविमोक्षवाहनो ज्ञानखङ्ग रिपुक्लेशधर्षकः । शूरभूत अभयस्य दायको देशिको हि जगतां भविष्यति
kṣāntidharmatrivimokṣavāhano jñānakhaṅga ripukleśadharṣakaḥ / śūrabhūta abhayasya dāyako deśiko hi jagatāṃ bhaviṣyati
Sanskrit only: no published translation is held for this verse.
धर्मनाव समुदानयत्ययं ज्ञानसागरपथे सुशिक्षितः । शाण्तिरत्नवरद्वीपनायकः कर्णधार त्रिभवार्णवे अयम्
dharmanāva samudānayatyayaṃ jñānasāgarapathe suśikṣitaḥ / śāṇtiratnavaradvīpanāyakaḥ karṇadhāra tribhavārṇave ayam
Sanskrit only: no published translation is held for this verse.
धर्मधातुगगने महाप्रभो बुद्धसूर्य समुदेष्यते अयम्
dharmadhātugagane mahāprabho buddhasūrya samudeṣyate ayam
Sanskrit only: no published translation is held for this verse.
मैत्रचन्दनसमानशीतलः सर्वसत्त्वसमचित्त सुप्रभः । शुक्लधर्मपरिपूर्णमण्डलो बुद्धचन्द्र समुदेष्यते अयम्
maitracandanasamānaśītalaḥ sarvasattvasamacitta suprabhaḥ / śukladharmaparipūrṇamaṇḍalo buddhacandra samudeṣyate ayam
Sanskrit only: no published translation is held for this verse.
आशये दृढतलप्रतिष्ठितो बोधिचर्य अनुपूर्व उद्गतः । सर्वधर्मरतनाकरो ह्ययं ज्ञानसागरवरो भविष्यति
āśaye dṛḍhatalapratiṣṭhito bodhicarya anupūrva udgataḥ / sarvadharmaratanākaro hyayaṃ jñānasāgaravaro bhaviṣyati
Sanskrit only: no published translation is held for this verse.
बोधिचित्तभुजगेन्द्रसंभवो धर्मधातुगगने समुद्गतः । धर्ममेघयुगपत्प्रवर्षणे सर्वशुक्लफलसस्यवर्धनम्
bodhicittabhujagendrasaṃbhavo dharmadhātugagane samudgataḥ / dharmameghayugapatpravarṣaṇe sarvaśuklaphalasasyavardhanam
Sanskrit only: no published translation is held for this verse.
शुद्धवर्ति त्रिमलं तमोहरं मैत्रस्नेहस्मृतिभाजनं दृढम् । बोधिचित्तविमलाग्निसुप्रभं धर्मदीपमयु जालयिष्यति
śuddhavarti trimalaṃ tamoharaṃ maitrasnehasmṛtibhājanaṃ dṛḍham / bodhicittavimalāgnisuprabhaṃ dharmadīpamayu jālayiṣyati
Sanskrit only: no published translation is held for this verse.
बोधिचित्तकललः कृपार्बुदो मैत्रपेशि रण्वनाशयो घनः । बोधिअङ्गअनुपूर्वसंभवो बुद्धगर्भु अयु संप्रवर्धते
bodhicittakalalaḥ kṛpārbudo maitrapeśi raṇvanāśayo ghanaḥ / bodhiaṅgaanupūrvasaṃbhavo buddhagarbhu ayu saṃpravardhate
Sanskrit only: no published translation is held for this verse.
पून्यगर्भमभिवर्धयिष्यति ज्ञानगर्भमपि शोधयिष्यति ज्ञानगर्भु समुद्दिश्यते अयं यादृशः प्रणिधिगर्भसंभवः
pūnyagarbhamabhivardhayiṣyati jñānagarbhamapi śodhayiṣyati jñānagarbhu samuddiśyate ayaṃ yādṛśaḥ praṇidhigarbhasaṃbhavaḥ
Sanskrit only: no published translation is held for this verse.
ईदृशः करुणमैत्रवर्मितः सत्त्वमोचनमती हिताशयः । दुर्लभो जगि सदेवमानुषे यादृशो अयु विशुद्धमानसः
īdṛśaḥ karuṇamaitravarmitaḥ sattvamocanamatī hitāśayaḥ / durlabho jagi sadevamānuṣe yādṛśo ayu viśuddhamānasaḥ
Sanskrit only: no published translation is held for this verse.