ईदृशाशयसुमूलसंस्थितो ईदृशो दृढप्रयोगवर्धितः । ईदृशस्त्रिभवछादनप्रभो ज्ञानवृक्ष फलदः सुदुर्लभः
īdṛśāśayasumūlasaṃsthito īdṛśo dṛḍhaprayogavardhitaḥ / īdṛśastribhavachādanaprabho jñānavṛkṣa phaladaḥ sudurlabhaḥ
Sanskrit only: no published translation is held for this verse.
एषा गुणसंभवनार्थिकः सर्वधर्मपरिपृच्छनार्थिकः । सर्वसंशयविदारणार्थिकः सर्व मित्र भजते अतन्द्रितः
eṣā guṇasaṃbhavanārthikaḥ sarvadharmaparipṛcchanārthikaḥ / sarvasaṃśayavidāraṇārthikaḥ sarva mitra bhajate atandritaḥ
Sanskrit only: no published translation is held for this verse.
एष मारकलिक्लेशसूदनो एष दृष्टिमलतृष्णशोधनः । एष सर्वजगमोक्षणोद्यतः एष ते सदविशेषपण्डितः
eṣa mārakalikleśasūdano eṣa dṛṣṭimalatṛṣṇaśodhanaḥ / eṣa sarvajagamokṣaṇodyataḥ eṣa te sadaviśeṣapaṇḍitaḥ
Sanskrit only: no published translation is held for this verse.
एष दुर्गति विशोधयिष्यति एष स्वर्गमुपदर्शयिष्यति । मोक्षमार्गमुपनेष्यते जगत् यादृशे गुणपथे प्रतिष्ठितः
eṣa durgati viśodhayiṣyati eṣa svargamupadarśayiṣyati / mokṣamārgamupaneṣyate jagat yādṛśe guṇapathe pratiṣṭhitaḥ
Sanskrit only: no published translation is held for this verse.
एष सर्वगतिदुःखमोचको एष सर्वगतिसौख्यदायकः । एष सर्वभवपाशछेदनो भेष्यते भवगतीनिषूदनः
eṣa sarvagatiduḥkhamocako eṣa sarvagatisaukhyadāyakaḥ / eṣa sarvabhavapāśachedano bheṣyate bhavagatīniṣūdanaḥ
Sanskrit only: no published translation is held for this verse.
दृष्टिसंकट विमोचयिष्यति तृष्णजाललत छेदयिष्यति । नन्दिरागमुपशोधयिष्यति भेष्यते तृभवमार्गदर्शकः
dṛṣṭisaṃkaṭa vimocayiṣyati tṛṣṇajālalata chedayiṣyati / nandirāgamupaśodhayiṣyati bheṣyate tṛbhavamārgadarśakaḥ
Sanskrit only: no published translation is held for this verse.
एष लोकशरणं परायणं एष सर्वजगति प्रभाकरः । नायकस्त्रिभुवने भविष्यति सर्वतो भवविभावकोविदः
eṣa lokaśaraṇaṃ parāyaṇaṃ eṣa sarvajagati prabhākaraḥ / nāyakastribhuvane bhaviṣyati sarvato bhavavibhāvakovidaḥ
Sanskrit only: no published translation is held for this verse.
क्लेशसुप्तजनताविशोधकः कामपङ्कतरुतारको विदुः । संज्ञसक्तपरिमोचको अयं बन्धमोक्षकरणो भविष्यति
kleśasuptajanatāviśodhakaḥ kāmapaṅkatarutārako viduḥ / saṃjñasaktaparimocako ayaṃ bandhamokṣakaraṇo bhaviṣyati
Sanskrit only: no published translation is held for this verse.
धर्मधातुतलभेदभासनो लोकधातुतलभेदशोधनः । सर्वधर्मतलभेदपारगो भेष्यसे सुधन प्रीतिमान् भव
dharmadhātutalabhedabhāsano lokadhātutalabhedaśodhanaḥ / sarvadharmatalabhedapārago bheṣyase sudhana prītimān bhava
Sanskrit only: no published translation is held for this verse.
यादृशं तव प्रयोग सूरतः श्रद्ध यादृश तवा अनिन्दितः । यादृशश्च गुणवांस्तवाशयः सर्व आप परिपूरयिष्यति
yādṛśaṃ tava prayoga sūrataḥ śraddha yādṛśa tavā aninditaḥ / yādṛśaśca guṇavāṃstavāśayaḥ sarva āpa paripūrayiṣyati
Sanskrit only: no published translation is held for this verse.
सर्वबुद्ध नचिरेण द्रक्ष्यसि सर्वक्षेत्र नचिरेण यास्यसि । सर्वधर्म नचिरेण ज्ञास्यसि तादृशं ति शुभमात्मना कृतम्
sarvabuddha nacireṇa drakṣyasi sarvakṣetra nacireṇa yāsyasi / sarvadharma nacireṇa jñāsyasi tādṛśaṃ ti śubhamātmanā kṛtam
Sanskrit only: no published translation is held for this verse.
क्षेत्रसागर विशोधयिष्यसे सत्त्वसागर विमोचयिष्यसि । चर्यसागर प्रपूरयिष्यसि तादृशो* * प्रतिपत्तिसागरः
kṣetrasāgara viśodhayiṣyase sattvasāgara vimocayiṣyasi / caryasāgara prapūrayiṣyasi tādṛśo* * pratipattisāgaraḥ
Sanskrit only: no published translation is held for this verse.
त्वं भविष्यसि गुणान् भाजनं त्वं भविष्यसि शुभान संभवः । त्वं भविष्यसि जिनौरसैः समो यादृशं ति अधिमुक्तिमण्डलम्
tvaṃ bhaviṣyasi guṇān bhājanaṃ tvaṃ bhaviṣyasi śubhāna saṃbhavaḥ / tvaṃ bhaviṣyasi jinaurasaiḥ samo yādṛśaṃ ti adhimuktimaṇḍalam
Sanskrit only: no published translation is held for this verse.
मारमण्डल पराजितं त्वया कर्ममण्डल विशोधितं च ते । क्लेशमण्डल विशोधितं त्वया यादृशं ति प्रणिधानमण्डलम्
māramaṇḍala parājitaṃ tvayā karmamaṇḍala viśodhitaṃ ca te / kleśamaṇḍala viśodhitaṃ tvayā yādṛśaṃ ti praṇidhānamaṇḍalam
Sanskrit only: no published translation is held for this verse.
ज्ञानवर्तनि विशोधयिष्यसे धर्मवर्तनि प्रभावयिष्यसि । कर्मक्लेशदुखयन्त्रवर्तनिं नोचिरेण विनिवर्तयिष्यसि
jñānavartani viśodhayiṣyase dharmavartani prabhāvayiṣyasi / karmakleśadukhayantravartaniṃ nocireṇa vinivartayiṣyasi
Sanskrit only: no published translation is held for this verse.
सर्वसत्त्वदुखचक्रच्छेदनं धर्मचक्रतरु वर्तयिष्यसि
sarvasattvadukhacakracchedanaṃ dharmacakrataru vartayiṣyasi
Sanskrit only: no published translation is held for this verse.
बुद्धवंशमनुधारयिष्यसि धर्मवंश परिशोधयिष्यसि । संघवंश परिकर्षयिष्यसे रत्नसंभवकरो भविष्यसि
buddhavaṃśamanudhārayiṣyasi dharmavaṃśa pariśodhayiṣyasi / saṃghavaṃśa parikarṣayiṣyase ratnasaṃbhavakaro bhaviṣyasi
Sanskrit only: no published translation is held for this verse.
तृष्णजाल विनिवर्तयिष्यसे दृष्टिजालगहनं तथैव च । दुःखजाल जगु मोचयिष्यसे तादृशः प्रणिधिजालु शोधितः
tṛṣṇajāla vinivartayiṣyase dṛṣṭijālagahanaṃ tathaiva ca / duḥkhajāla jagu mocayiṣyase tādṛśaḥ praṇidhijālu śodhitaḥ
Sanskrit only: no published translation is held for this verse.
सत्त्वधातु परिपाचयिष्यसे लोकधातु परिशोधयिष्यसि । ज्ञानधातुमुत्थापयिष्यसे आशयस्य तव धातु तादृशः
sattvadhātu paripācayiṣyase lokadhātu pariśodhayiṣyasi / jñānadhātumutthāpayiṣyase āśayasya tava dhātu tādṛśaḥ
Sanskrit only: no published translation is held for this verse.
सर्वसत्त्वहितप्रीतिनन्दनो बोधिसत्त्वकुलवंशनन्दनः । सर्वबुद्धप्रणिधाननन्दनो भेष्यसे सुधन नन्दिवर्धनः
sarvasattvahitaprītinandano bodhisattvakulavaṃśanandanaḥ / sarvabuddhapraṇidhānanandano bheṣyase sudhana nandivardhanaḥ
Sanskrit only: no published translation is held for this verse.
सर्वसत्त्वगतिवासदर्शनः सर्वक्षेत्रप्रतिभासदर्शनः । सर्वधर्मअवभासदर्शनस्त्वं भविष्यसि जिनः सुदर्शनः
sarvasattvagativāsadarśanaḥ sarvakṣetrapratibhāsadarśanaḥ / sarvadharmaavabhāsadarśanastvaṃ bhaviṣyasi jinaḥ sudarśanaḥ
Sanskrit only: no published translation is held for this verse.
धर्मधातुअवभासनप्रभः सर्वदुर्गतिशमंकरप्रभः । भेष्यसे त्रिभवदुःखशंकरः * * * * *
dharmadhātuavabhāsanaprabhaḥ sarvadurgatiśamaṃkaraprabhaḥ / bheṣyase tribhavaduḥkhaśaṃkaraḥ * * * * *
Sanskrit only: no published translation is held for this verse.
स्वर्गद्वारमुपदर्शयिष्यसे बुद्धद्वारु विवरिष्यसे जगे । मोक्षद्वारमुपनेष्यसे जगत् द्वारु तादृशु विशोधितं त्वया
svargadvāramupadarśayiṣyase buddhadvāru vivariṣyase jage / mokṣadvāramupaneṣyase jagat dvāru tādṛśu viśodhitaṃ tvayā
Sanskrit only: no published translation is held for this verse.
बोधिमार्ग तथ त्वं अनुद्धतो मार्गसे दृढमते अतन्द्रितः
bodhimārga tatha tvaṃ anuddhato mārgase dṛḍhamate atandritaḥ
Sanskrit only: no published translation is held for this verse.
त्वं भवार्णवगतान देहिनां दुःखपारगमनाय उत्सुकम् । तारयिष्यसि जगद्भवार्णवात्तादृशं भव महागुणार्णवः
tvaṃ bhavārṇavagatāna dehināṃ duḥkhapāragamanāya utsukam / tārayiṣyasi jagadbhavārṇavāttādṛśaṃ bhava mahāguṇārṇavaḥ
Sanskrit only: no published translation is held for this verse.
क्लेशसागर विशोष्य देहिनां ज्ञानसूर्यवररश्मिसागरैः । तान्निवेश्य प्रतिपत्तिसागरे ज्ञानसागर प्रतिष्ठपेष्यसि
kleśasāgara viśoṣya dehināṃ jñānasūryavararaśmisāgaraiḥ / tānniveśya pratipattisāgare jñānasāgara pratiṣṭhapeṣyasi
Sanskrit only: no published translation is held for this verse.
बुद्धिसागर विवर्धयिष्यसि चर्यसागर विशोधयिष्यसि । सर्वबुद्धप्रणिधानसागरं नोचिरेण अवगाहयिष्यसि
buddhisāgara vivardhayiṣyasi caryasāgara viśodhayiṣyasi / sarvabuddhapraṇidhānasāgaraṃ nocireṇa avagāhayiṣyasi
Sanskrit only: no published translation is held for this verse.
क्षेत्रसागर बहु प्रवेक्ष्यसि द्रक्ष्यसे परिषसागरान् बहून् । बुद्धिसागरबलेन पण्डितः * * * *
kṣetrasāgara bahu pravekṣyasi drakṣyase pariṣasāgarān bahūn / buddhisāgarabalena paṇḍitaḥ * * * *
Sanskrit only: no published translation is held for this verse.
बुद्धमेघनयुतानि द्रक्ष्यसे पूजमेघ विपुलां करिष्यसि । धर्ममेघनयुतानि श्रोष्यसि तादृशा प्रणिधिमेघ कुर्वसि
buddhameghanayutāni drakṣyase pūjamegha vipulāṃ kariṣyasi / dharmameghanayutāni śroṣyasi tādṛśā praṇidhimegha kurvasi
Sanskrit only: no published translation is held for this verse.
सर्वसत्त्वभवना स्फरिष्यसे सर्वक्षेत्रभवनानि यास्यसि । सर्वबुद्धभवनं प्रवेक्ष्यसे तादृशाय दिशाय प्रस्थितः
sarvasattvabhavanā sphariṣyase sarvakṣetrabhavanāni yāsyasi / sarvabuddhabhavanaṃ pravekṣyase tādṛśāya diśāya prasthitaḥ
Sanskrit only: no published translation is held for this verse.
त्वं समाधिभवनं प्रवेक्ष्यसे त्वं विमोक्षभवनानि लप्स्यसे । * * * * * धर्मधातुभवनप्रतिष्ठितः
tvaṃ samādhibhavanaṃ pravekṣyase tvaṃ vimokṣabhavanāni lapsyase / * * * * * dharmadhātubhavanapratiṣṭhitaḥ
Sanskrit only: no published translation is held for this verse.
उद्गमिष्यसि जिनान संमुखं तादृशस्तव महापथोद्गमः
udgamiṣyasi jināna saṃmukhaṃ tādṛśastava mahāpathodgamaḥ
Sanskrit only: no published translation is held for this verse.
त्वं चरिष्यसि नतः सुगोचरे सर्वलोकअनिकेतगोचरे । त्वं भविष्यसि प्रशान्तगोचरः तादृशस्तव अभिज्ञगोचरः
tvaṃ cariṣyasi nataḥ sugocare sarvalokaaniketagocare / tvaṃ bhaviṣyasi praśāntagocaraḥ tādṛśastava abhijñagocaraḥ
Sanskrit only: no published translation is held for this verse.
इन्द्रजालतलभेदने विदुः क्षेत्रजालतलभेद यावतः । नोचिरेण स्फरमाणु पश्यसे मारुतो व गगने असङ्गवान्
indrajālatalabhedane viduḥ kṣetrajālatalabheda yāvataḥ / nocireṇa spharamāṇu paśyase māruto va gagane asaṅgavān
Sanskrit only: no published translation is held for this verse.
धर्मधातुप्रसरं प्रवेक्ष्यसे लोकधातुप्रसरान् गमिष्यसे । सर्वबुद्धप्रसरांस्त्रियध्वगान् द्रक्ष्यसे सुधन प्रीति विन्दहि
dharmadhātuprasaraṃ pravekṣyase lokadhātuprasarān gamiṣyase / sarvabuddhaprasarāṃstriyadhvagān drakṣyase sudhana prīti vindahi
Sanskrit only: no published translation is held for this verse.
मैव खेद जनयाहि सूरता तुष्टि विन्दि विपुलां निरामिषम् । येन ते इमु विमोक्षु ईदृशो दृष्टु पश्यसि च भूयु द्रक्ष्यसे
maiva kheda janayāhi sūratā tuṣṭi vindi vipulāṃ nirāmiṣam / yena te imu vimokṣu īdṛśo dṛṣṭu paśyasi ca bhūyu drakṣyase
Sanskrit only: no published translation is held for this verse.
त्वं सुभाजन गुणान् सूधना * * * * जिनानुशास्तिषु । त्वं समर्थ इमु धारितुं नयं तेन पश्यसि इदं विकुर्वितम्
tvaṃ subhājana guṇān sūdhanā * * * * jinānuśāstiṣu / tvaṃ samartha imu dhārituṃ nayaṃ tena paśyasi idaṃ vikurvitam
Sanskrit only: no published translation is held for this verse.
येष कल्पनयुतैः सुदुर्लभं दर्शनं कुतु गुणप्रभावन । तेहि दृष्ट चरतो सुचारिकां बुद्धपुत्र अनिकेतगोचराः
yeṣa kalpanayutaiḥ sudurlabhaṃ darśanaṃ kutu guṇaprabhāvana / tehi dṛṣṭa carato sucārikāṃ buddhaputra aniketagocarāḥ
Sanskrit only: no published translation is held for this verse.
लाभ भूय विपुला अचिन्तिया स्वागतं च तव मानुषो भव । येन मञ्जुशिरि दृष्ट संमुखमीदृशं कृतु गुणान् भाजनम्
lābha bhūya vipulā acintiyā svāgataṃ ca tava mānuṣo bhava / yena mañjuśiri dṛṣṭa saṃmukhamīdṛśaṃ kṛtu guṇān bhājanam
Sanskrit only: no published translation is held for this verse.
दुःखधर्म त्वयि सर्व उज्झिताः सर्वखेद च विवर्जिता भव
duḥkhadharma tvayi sarva ujjhitāḥ sarvakheda ca vivarjitā bhava
Sanskrit only: no published translation is held for this verse.
बालभूमि विनिवर्तिता त्वया बोधिसत्त्वगुणभूमिसुस्थितः । ज्ञानभूमि परिपूर्य उत्तमा बुद्धभूमि नचिरेण लप्स्यसे
bālabhūmi vinivartitā tvayā bodhisattvaguṇabhūmisusthitaḥ / jñānabhūmi paripūrya uttamā buddhabhūmi nacireṇa lapsyase
Sanskrit only: no published translation is held for this verse.
बोधिसत्त्वचरि सागरोपमा बुद्धज्ञानविधि आकाशसादृशम् । तत्प्रमाणप्रणिधानसागरा एष तानि भव तुष्टमानसः
bodhisattvacari sāgaropamā buddhajñānavidhi ākāśasādṛśam / tatpramāṇapraṇidhānasāgarā eṣa tāni bhava tuṣṭamānasaḥ
Sanskrit only: no published translation is held for this verse.
ईदृशो अपरिखिन्नैन्द्रिया आशयदृढप्रयोगनिश्चिताः । ये भजन्ति इम मित्र ईदृशाः ते भवन्ति नचिरेण नायकाः
īdṛśo aparikhinnaindriyā āśayadṛḍhaprayoganiścitāḥ / ye bhajanti ima mitra īdṛśāḥ te bhavanti nacireṇa nāyakāḥ
Sanskrit only: no published translation is held for this verse.
दृष्ट्व सत्त्व विनयंगता बहु बोधिसत्त्वचरि चित्र यावत् । मा तु जातु विमतिं करिष्यसे सर्वधर्ममुख बोधिचारिकम्
dṛṣṭva sattva vinayaṃgatā bahu bodhisattvacari citra yāvat / mā tu jātu vimatiṃ kariṣyase sarvadharmamukha bodhicārikam
Sanskrit only: no published translation is held for this verse.
पुण्यसंपद अचिन्तिया तव अर्थधर्मगुणश्रद्धसंपदः । येन संपद इमा त्वमीदृशी बुद्धपुत्र इह अद्य पश्यसि
puṇyasaṃpada acintiyā tava arthadharmaguṇaśraddhasaṃpadaḥ / yena saṃpada imā tvamīdṛśī buddhaputra iha adya paśyasi
Sanskrit only: no published translation is held for this verse.
पश्य लाभ तव कीदृशो महान् पश्यतो जिनसुता निरन्तरम् । दर्शयन्ति प्रणिधी स्वकस्वकांस्त्वं च तानखिलतो ऽनुगच्छसि
paśya lābha tava kīdṛśo mahān paśyato jinasutā nirantaram / darśayanti praṇidhī svakasvakāṃstvaṃ ca tānakhilato 'nugacchasi
Sanskrit only: no published translation is held for this verse.
दुर्लभा भवशतैरपीदृशा बोधिसत्त्वचरितेषु भाजना । तेन चो जिनसुता निरन्तरं ते विमोक्षनय दर्शयन्ति माम्
durlabhā bhavaśatairapīdṛśā bodhisattvacariteṣu bhājanā / tena co jinasutā nirantaraṃ te vimokṣanaya darśayanti mām
Sanskrit only: no published translation is held for this verse.
ते ऽपि तेषु न विदन्ति गोचरं नात्म तैर्हि गुणभाजनं कृतम्
te 'pi teṣu na vidanti gocaraṃ nātma tairhi guṇabhājanaṃ kṛtam
Sanskrit only: no published translation is held for this verse.
त्वं शृणोषि इम ईदृशं नयं पश्यसे च सुदुर्लभं जगे । बोधिसत्त्वमहतां विकुर्वितं सूधना भव अग्रमानसः
tvaṃ śṛṇoṣi ima īdṛśaṃ nayaṃ paśyase ca sudurlabhaṃ jage / bodhisattvamahatāṃ vikurvitaṃ sūdhanā bhava agramānasaḥ
Sanskrit only: no published translation is held for this verse.
सर्वबुद्ध समन्वाहरन्ति ते बोधिसत्त्व तव संग्रहस्थिताः । त्वं च तेष अनुशासनिस्थितः साधु सूधन सुजीवितं तव
sarvabuddha samanvāharanti te bodhisattva tava saṃgrahasthitāḥ / tvaṃ ca teṣa anuśāsanisthitaḥ sādhu sūdhana sujīvitaṃ tava
Sanskrit only: no published translation is held for this verse.
बोधिसत्त्वकुलधर्मि वर्तसे शिक्षसे जिनसुतान त्वं गुणैः । भेष्यसे सुगतवंशवर्धनः प्रीति विन्दहि उदार सुधना
bodhisattvakuladharmi vartase śikṣase jinasutāna tvaṃ guṇaiḥ / bheṣyase sugatavaṃśavardhanaḥ prīti vindahi udāra sudhanā
Sanskrit only: no published translation is held for this verse.
सर्वबुद्ध पितरस्तवासमा बोधिसत्त्व तव सर्वि भ्रातरः । बोधिअङ्ग तव सर्वि ज्ञातयः त्वं सुजातु सुगतान ओरसः
sarvabuddha pitarastavāsamā bodhisattva tava sarvi bhrātaraḥ / bodhiaṅga tava sarvi jñātayaḥ tvaṃ sujātu sugatāna orasaḥ
Sanskrit only: no published translation is held for this verse.
धर्मराजकुलवंशधारिणो बोधिसत्त्वकुलवंशवर्धनः । धर्मराजमचिरेण लप्स्यसे सूधना तुष्ट भव प्रीणितेन्द्रियः
dharmarājakulavaṃśadhāriṇo bodhisattvakulavaṃśavardhanaḥ / dharmarājamacireṇa lapsyase sūdhanā tuṣṭa bhava prīṇitendriyaḥ
Sanskrit only: no published translation is held for this verse.
सर्वबुद्धमभिषेकमुत्तमं नोचिरेण* * * लप्स्यसे ऽद्भुतम् । भेष्यसे ऽसमसमैर्जिनौरसैः तादृशो भव सभागतो भव
sarvabuddhamabhiṣekamuttamaṃ nocireṇa* * * lapsyase 'dbhutam / bheṣyase 'samasamairjinaurasaiḥ tādṛśo bhava sabhāgato bhava
Sanskrit only: no published translation is held for this verse.
यादृशं वपति बीज यो नरो तादृशं लभति तस्य सो फलम् । प्रीति विन्द विपुलामचिन्तियां एष ते ऽद्य समन्वासयाम्यहम्
yādṛśaṃ vapati bīja yo naro tādṛśaṃ labhati tasya so phalam / prīti vinda vipulāmacintiyāṃ eṣa te 'dya samanvāsayāmyaham
Sanskrit only: no published translation is held for this verse.
चीर्ण कल्पनयुतान ये चरी बोधिसत्त्वनयुता अचिन्तिया । त ऽपि संपद लभन्ति नेदृशीमेकजन्मि प्रतिलब्ध या त्वया
cīrṇa kalpanayutāna ye carī bodhisattvanayutā acintiyā / ta 'pi saṃpada labhanti nedṛśīmekajanmi pratilabdha yā tvayā
Sanskrit only: no published translation is held for this verse.
सर्वमेतदिह मुक्तितः फलं आशयस्य दृढवीर्यताय च । यस्य चारिक भवेदियं प्रिया सो धरेय सुधनस्य या चरी
sarvametadiha muktitaḥ phalaṃ āśayasya dṛḍhavīryatāya ca / yasya cārika bhavediyaṃ priyā so dhareya sudhanasya yā carī
Sanskrit only: no published translation is held for this verse.
सर्वचर्य प्रणिधानसंभवा सर्वधर्म अधिमुक्तिसंभवा । सुधन एव समुदानितास्त्वया नित्यमेष हि विशेषचारिका
sarvacarya praṇidhānasaṃbhavā sarvadharma adhimuktisaṃbhavā / sudhana eva samudānitāstvayā nityameṣa hi viśeṣacārikā
Sanskrit only: no published translation is held for this verse.
यातुका भुजगचेतनोद्भवास्तातुको भवति वारिसंभवः । यातुका प्रणिधिज्ञानगोचरस्तातुका स्फरति बोधिचारिका
yātukā bhujagacetanodbhavāstātuko bhavati vārisaṃbhavaḥ / yātukā praṇidhijñānagocarastātukā spharati bodhicārikā
Sanskrit only: no published translation is held for this verse.
एष भोतु तव दर्शितो तया भद्रनामचरियाय सूधन । एत ज्ञात्व स कदाचि भेष्यते सेवमान इह मित्र तन्मयः
eṣa bhotu tava darśito tayā bhadranāmacariyāya sūdhana / eta jñātva sa kadāci bheṣyate sevamāna iha mitra tanmayaḥ
Sanskrit only: no published translation is held for this verse.
कायकोटि स्मर पूर्विका त्वया कामहेतु क्षयिता निरर्थकम् । अद्य बोधिय मार्गणो ह्ययं काय तर्जतु व्रतेन सुव्रतः
kāyakoṭi smara pūrvikā tvayā kāmahetu kṣayitā nirarthakam / adya bodhiya mārgaṇo hyayaṃ kāya tarjatu vratena suvrataḥ
Sanskrit only: no published translation is held for this verse.
कल्पकोटि अतिनामितास्त्वया सर्वदुःखमनुभूतु संस्कृते । गङ्गवालिकसमता विरागिता बुद्ध नो च श्रुत ईदृशो नयः
kalpakoṭi atināmitāstvayā sarvaduḥkhamanubhūtu saṃskṛte / gaṅgavālikasamatā virāgitā buddha no ca śruta īdṛśo nayaḥ
Sanskrit only: no published translation is held for this verse.
सो इदानि क्षण लब्ध मानुषो बुद्धपादु इमु मित्रु ईदृशाः । श्रूयते च वरबोधिचारिका विशुद्धि न भविष्यते कथम्
so idāni kṣaṇa labdha mānuṣo buddhapādu imu mitru īdṛśāḥ / śrūyate ca varabodhicārikā viśuddhi na bhaviṣyate katham
Sanskrit only: no published translation is held for this verse.
भोति भूय सुगतान संभवो मित्रधर्मश्रवणं च श्रूयते । नो च श्रूयति अयं पुनर्नयो आशयो यदि न भोति शोधितः
bhoti bhūya sugatāna saṃbhavo mitradharmaśravaṇaṃ ca śrūyate / no ca śrūyati ayaṃ punarnayo āśayo yadi na bhoti śodhitaḥ
Sanskrit only: no published translation is held for this verse.
तेन श्रद्धमधिमुक्तिआशयं संजनित्व गुरुगौरवं परम् । काङ्क्षदृष्टिपरिखेदवर्जितो भूय भूय नयमीदृशं शृणु
tena śraddhamadhimuktiāśayaṃ saṃjanitva gurugauravaṃ param / kāṅkṣadṛṣṭiparikhedavarjito bhūya bhūya nayamīdṛśaṃ śṛṇu
Sanskrit only: no published translation is held for this verse.
तेष लाभ परमा अचिन्तियास्तेष मानुषभवः सुआगतः । यैरियं चरि प्रवेशमीदृशं श्रुत्व एव प्रणिधी भिर्निर्हृता
teṣa lābha paramā acintiyāsteṣa mānuṣabhavaḥ suāgataḥ / yairiyaṃ cari praveśamīdṛśaṃ śrutva eva praṇidhī bhirnirhṛtā
Sanskrit only: no published translation is held for this verse.
तस्य सर्वि सुगता न दुर्लभा तस्य सर्वि जिनपुत्र नारतः । तस्य बोधयि न भूयु संशयो येन एव अधिमुक्ति शोधिता
tasya sarvi sugatā na durlabhā tasya sarvi jinaputra nārataḥ / tasya bodhayi na bhūyu saṃśayo yena eva adhimukti śodhitā
Sanskrit only: no published translation is held for this verse.
तेन सर्वि विनया न वर्जिताः तेन सर्वदुखधर्म उज्झिताः । तेन सर्वगुणसंग्रहः कृतः यो इमं नयु प्रविष्ट ईदृशम्
tena sarvi vinayā na varjitāḥ tena sarvadukhadharma ujjhitāḥ / tena sarvaguṇasaṃgrahaḥ kṛtaḥ yo imaṃ nayu praviṣṭa īdṛśam
Sanskrit only: no published translation is held for this verse.
नोचिरेण इमु कायु उज्झिया बुद्धक्षेत्र परिशुद्ध यास्यसि । बोधिसत्त्वभवनं प्रवेक्ष्यसि द्रक्ष्यसे दशदिशे तथागतान्
nocireṇa imu kāyu ujjhiyā buddhakṣetra pariśuddha yāsyasi / bodhisattvabhavanaṃ pravekṣyasi drakṣyase daśadiśe tathāgatān
Sanskrit only: no published translation is held for this verse.
पूर्वहेतुघन तुभ्य सूधन प्रत्युत्पन्न अधिमुक्ति निश्चिता । मित्र सेवसि विशेषअर्थिकः तेन वर्धयि जले यथोत्पलम्
pūrvahetughana tubhya sūdhana pratyutpanna adhimukti niścitā / mitra sevasi viśeṣaarthikaḥ tena vardhayi jale yathotpalam
Sanskrit only: no published translation is held for this verse.
सर्वमित्रअभिराधनाशया सर्वबुद्धआरागणाशयाः । सर्वधर्मपरिपृच्छनाशया उत्थिहो किलमथो न सुव्रता
sarvamitraabhirādhanāśayā sarvabuddhaārāgaṇāśayāḥ / sarvadharmaparipṛcchanāśayā utthiho kilamatho na suvratā
Sanskrit only: no published translation is held for this verse.
सर्वधर्मप्रतिपत्तिमुत्थितः सर्वमार्गअनुमार्गसुस्थितः । बुद्धपुत्र प्रणिधानसुस्थित उत्थि सर्वगुणधर्मभाजन
sarvadharmapratipattimutthitaḥ sarvamārgaanumārgasusthitaḥ / buddhaputra praṇidhānasusthita utthi sarvaguṇadharmabhājana
Sanskrit only: no published translation is held for this verse.
यादृशाय अधिमुक्तिसंपदा वन्दनं कृतमिदं त्वया मम । सर्वबुद्धपरिषासु संमुखं नोचिरेण हि समुद्गमिष्यसि
yādṛśāya adhimuktisaṃpadā vandanaṃ kṛtamidaṃ tvayā mama / sarvabuddhapariṣāsu saṃmukhaṃ nocireṇa hi samudgamiṣyasi
Sanskrit only: no published translation is held for this verse.
भद्रनाम वर चर्य उत्तमां तनुमन्तिमे प्रवेशयिष्यति
bhadranāma vara carya uttamāṃ tanumantime praveśayiṣyati
Sanskrit only: no published translation is held for this verse.
एव मैत्रकु असङ्गगोचरो दृष्ट सूधन गुणैः समुद्गतम् । दर्शयित्व परिषाय संमुखं वर्णकोशमिमु तस्य व्याहरि
eva maitraku asaṅgagocaro dṛṣṭa sūdhana guṇaiḥ samudgatam / darśayitva pariṣāya saṃmukhaṃ varṇakośamimu tasya vyāhari
Sanskrit only: no published translation is held for this verse.
श्रुत्व सूधन तदानुशासनीमीदृशीं च अनुशास्ति उत्तमाम् । प्रीतिवेग अभिष्यन्दितेन्द्रिया अश्रुवेग विपुलान् प्रमुञ्चति
śrutva sūdhana tadānuśāsanīmīdṛśīṃ ca anuśāsti uttamām / prītivega abhiṣyanditendriyā aśruvega vipulān pramuñcati
Sanskrit only: no published translation is held for this verse.
सर्वरोमहरिषोद्गताश्रयो निश्वसन्तु परिप्रीणितेन्द्रियः । उत्थिहित्व सुधनः कृताञ्जलिः मैत्र नाम कुरुते प्रदक्षिणम्
sarvaromahariṣodgatāśrayo niśvasantu pariprīṇitendriyaḥ / utthihitva sudhanaḥ kṛtāñjaliḥ maitra nāma kurute pradakṣiṇam
Sanskrit only: no published translation is held for this verse.
तस्य मञ्जुशिरि तेन तेजसा पुष्पहाररतना च पाणिषु । संस्थिता सुरुचिरा मनोरमा बोधिसत्त्वप्रणिधानसंभवाः
tasya mañjuśiri tena tejasā puṣpahāraratanā ca pāṇiṣu / saṃsthitā surucirā manoramā bodhisattvapraṇidhānasaṃbhavāḥ
Sanskrit only: no published translation is held for this verse.
सूधनो वरप्रहृष्टमानसो मैत्रकस्य क्षिपि तानि हर्षितः । तस्य शीर्षु परिमार्जते तदा मैत्रनाथ सुधनं च भाषते
sūdhano varaprahṛṣṭamānaso maitrakasya kṣipi tāni harṣitaḥ / tasya śīrṣu parimārjate tadā maitranātha sudhanaṃ ca bhāṣate
Sanskrit only: no published translation is held for this verse.
साधु साधु जिनपुत्र सूधन यस्य ते अपरिखेद ईदृशः । त्वं भविष्यसि गुणान भाजनं मञ्जुघोषु यथ यादृशो व हम्
sādhu sādhu jinaputra sūdhana yasya te aparikheda īdṛśaḥ / tvaṃ bhaviṣyasi guṇāna bhājanaṃ mañjughoṣu yatha yādṛśo va ham
Sanskrit only: no published translation is held for this verse.
श्रुत्व सूधन उदानुदानयि दुर्लभा भवशतेषु ईदृशाः । मित्र येभिरिह मे समागमः सादु आगमनमद्य मे इह
śrutva sūdhana udānudānayi durlabhā bhavaśateṣu īdṛśāḥ / mitra yebhiriha me samāgamaḥ sādu āgamanamadya me iha
Sanskrit only: no published translation is held for this verse.
साधु सत्त्वगुणपारमिंगतो मञ्जुघोष भवतो ऽनुभावतः । मित्र लब्ध मय दुर्लभा इमे भोतु मे लघु समागमस्वयि
sādhu sattvaguṇapāramiṃgato mañjughoṣa bhavato 'nubhāvataḥ / mitra labdha maya durlabhā ime bhotu me laghu samāgamasvayi
Sanskrit only: no published translation is held for this verse.