इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तग्रहशान्तिनिरूपणं नामैकोत्तरशततमो ऽध्यायः श्रीगरुडमहापुराणम्- १०२ याज्ञवल्क्य उवाच । वानप्रस्थाश्रमं वक्ष्ये तच्छृण्वन्तु महर्षयः । पुत्रेषु भार्यां निः क्षिप्य वनं गच्छेत्सहैव वा
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktagrahaśāntinirūpaṇaṃ nāmaikottaraśatatamo 'dhyāyaḥ śrīgaruḍamahāpurāṇam- 102 yājñavalkya uvāca / vānaprasthāśramaṃ vakṣye tacchṛṇvantu maharṣayaḥ / putreṣu bhāryāṃ niḥ kṣipya vanaṃ gacchetsahaiva vā
Sanskrit only: no published translation is held for this verse.
वानप्रस्थो ब्रह्मचारी साग्निः सोपासनः क्षमी । अफालकृष्टेनाग्नींश्च पितृदेवातिथींस्तथा
vānaprastho brahmacārī sāgniḥ sopāsanaḥ kṣamī / aphālakṛṣṭenāgnīṃśca pitṛdevātithīṃstathā
Sanskrit only: no published translation is held for this verse.
भृत्यांस्तु तर्पयेच्छ्मश्रुजटालोमभृदात्मवान् । दान्तस्त्रिषवणस्नायी निवृत्तश्च प्रतिग्रहात्
bhṛtyāṃstu tarpayecchmaśrujaṭālomabhṛdātmavān / dāntastriṣavaṇasnāyī nivṛttaśca pratigrahāt
Sanskrit only: no published translation is held for this verse.
स्वाध्यायवान्ध्यानशीलः सर्वभूतहित रतः (तिः) । अह्नो मासस्य मध्ये वा कुर्याद्वार्थपरिग्रहम्
svādhyāyavāndhyānaśīlaḥ sarvabhūtahita rataḥ (tiḥ) / ahno māsasya madhye vā kuryādvārthaparigraham
Sanskrit only: no published translation is held for this verse.
कृतं त्यजेदाश्वयुजे युञ्जेत्कालं व्रतादिना । पक्षे मासे थवाश्नीयाद्दन्तोलूखलिको भवेत्
kṛtaṃ tyajedāśvayuje yuñjetkālaṃ vratādinā / pakṣe māse thavāśnīyāddantolūkhaliko bhavet
Sanskrit only: no published translation is held for this verse.
चान्द्रायणी स्वपेद्भूमौ कर्म कुर्यात्फलादिना । ग्रीष्मे पञ्चाग्निमध्यस्थो वर्षासु स्थण्डिलेशयः
cāndrāyaṇī svapedbhūmau karma kuryātphalādinā / grīṣme pañcāgnimadhyastho varṣāsu sthaṇḍileśayaḥ
Sanskrit only: no published translation is held for this verse.
आर्द्रवासास्तु हेमन्ते योगाभ्यासाद्दिनं नयेत् । यः कण्टकैर्वितुदति चन्दनैर्यश्च लिम्पति । अक्रुद्धः परितुष्टश्च समस्तस्य च तस्य च
ārdravāsāstu hemante yogābhyāsāddinaṃ nayet / yaḥ kaṇṭakairvitudati candanairyaśca limpati / akruddhaḥ parituṣṭaśca samastasya ca tasya ca
Sanskrit only: no published translation is held for this verse.