इति श्रीगारुडे महापुराणे पूर्वखण्डे प्रथमांशाख्ये आचारकाण्डे चातुर्मास्यव्रतनिरूपणं नामकावशत्युत्तरशततमो ऽध्यायः श्रीगरुडमहापुराणम्- १२२ ब्रह्मोवाच । व्रतं मासोपवासाख्यं सर्वोत्कृष्टं वदामिते । वानप्रस्थो यतिर्नारी कुर्यान्मासोपवासकम्
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe cāturmāsyavratanirūpaṇaṃ nāmakāvaśatyuttaraśatatamo 'dhyāyaḥ śrīgaruḍamahāpurāṇam- 122 brahmovāca / vrataṃ māsopavāsākhyaṃ sarvotkṛṣṭaṃ vadāmite / vānaprastho yatirnārī kuryānmāsopavāsakam
Sanskrit only: no published translation is held for this verse.
आश्विनस्य सिते पक्षे एकादश्यामुपोषितः । व्रतमेतत्तु गृह्णीयाद्यावत्त्रिंशद्दिनानि तु
āśvinasya site pakṣe ekādaśyāmupoṣitaḥ / vratametattu gṛhṇīyādyāvattriṃśaddināni tu
Sanskrit only: no published translation is held for this verse.
अद्यप्रभृत्यहं विष्णो यावदुत्थानकं तव । अर्चयेत्वामनश्रंस्तु दिनानि त्रिंशदेव तु
adyaprabhṛtyahaṃ viṣṇo yāvadutthānakaṃ tava / arcayetvāmanaśraṃstu dināni triṃśadeva tu
Sanskrit only: no published translation is held for this verse.
कार्तिकाश्विनयोर्विष्णो द्वादश्योः शुक्लयोरहम् । म्रियेयद्यन्तराले तु व्रतभङ्गो न मे भवेत्
kārtikāśvinayorviṣṇo dvādaśyoḥ śuklayoraham / mriyeyadyantarāle tu vratabhaṅgo na me bhavet
Sanskrit only: no published translation is held for this verse.
हरिं यजोत्त्रिषवणस्नायी गन्धादिभिर्व्रती । गात्राभ्यङ्गं गन्धलेपं देवतायतने त्यजेत्
hariṃ yajottriṣavaṇasnāyī gandhādibhirvratī / gātrābhyaṅgaṃ gandhalepaṃ devatāyatane tyajet
Sanskrit only: no published translation is held for this verse.
द्वादश्यामथ संपूज्य प्रदद्याद्द्विजभोजनम् । ततश्च पारणं कुर्याद्धरेर्मासोपवासकृत्
dvādaśyāmatha saṃpūjya pradadyāddvijabhojanam / tataśca pāraṇaṃ kuryāddharermāsopavāsakṛt
Sanskrit only: no published translation is held for this verse.
दुग्धादिप्राशनं कुर्याद्व्रतस्थो मूर्छितो ऽन्तरा । दुग्धाद्यैर्न व्रतं नश्येद्भुक्तिमुक्तिमवाप्नुयात्
dugdhādiprāśanaṃ kuryādvratastho mūrchito 'ntarā / dugdhādyairna vrataṃ naśyedbhuktimuktimavāpnuyāt
Sanskrit only: no published translation is held for this verse.