इति श्रीगारुडे महापुराणे पूर्वखण्डे प्रथमांशाख्ये आचारकाण्डे शिवरात्रिव्रतं नाम चतुर्विंशत्युत्तरशततमो ऽध्यायः श्रीगरुडमहापुराणम्- १२५ पितामह उवाच । मान्धाता चक्रवर्त्यासीदुपोष्यैकादशीं नृपः । एकादश्यां न भुञ्जीत पक्षयोरुभयारपि
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śivarātrivrataṃ nāma caturviṃśatyuttaraśatatamo 'dhyāyaḥ śrīgaruḍamahāpurāṇam- 125 pitāmaha uvāca / māndhātā cakravartyāsīdupoṣyaikādaśīṃ nṛpaḥ / ekādaśyāṃ na bhuñjīta pakṣayorubhayārapi
Sanskrit only: no published translation is held for this verse.
दशम्येकादशीमिश्रा गान्धार्या समुपोषिता । तस्याः पुत्रशतं नष्टं तस्मात्तां परिवर्जयेत्
daśamyekādaśīmiśrā gāndhāryā samupoṣitā / tasyāḥ putraśataṃ naṣṭaṃ tasmāttāṃ parivarjayet
Sanskrit only: no published translation is held for this verse.
द्वादश्येकादशी यत्र तत्र सन्निहितो हरिः । दशम्येकादशी यत्र तत्र सन्निहितो ऽसुरः । बहुवाक्यविरोधेन सन्देहो जायते यदा
dvādaśyekādaśī yatra tatra sannihito hariḥ / daśamyekādaśī yatra tatra sannihito 'suraḥ / bahuvākyavirodhena sandeho jāyate yadā
Sanskrit only: no published translation is held for this verse.
द्वादशी तु तदा ग्राह्या त्रयोदश्यान्तु पारणम् । एकादशी कलापिस्यादुपोष्या द्वादशी तथा
dvādaśī tu tadā grāhyā trayodaśyāntu pāraṇam / ekādaśī kalāpisyādupoṣyā dvādaśī tathā
Sanskrit only: no published translation is held for this verse.
एकादशी द्वादशी च विशेषेण त्रयोदशी । त्रिमिश्रा सा तिथिर्ग्राह्या सर्वपापहरा शुभा
ekādaśī dvādaśī ca viśeṣeṇa trayodaśī / trimiśrā sā tithirgrāhyā sarvapāpaharā śubhā
Sanskrit only: no published translation is held for this verse.
एकादशीमुपोष्यैवद्वादशीम थवा द्विज ! । त्रिमिश्रां चैव कुर्वीत न दशम्या युतां क्रचित्
ekādaśīmupoṣyaivadvādaśīma thavā dvija ! / trimiśrāṃ caiva kurvīta na daśamyā yutāṃ kracit
Sanskrit only: no published translation is held for this verse.
रात्रौ जागरणं कुर्वन्पुराणश्रवणं नृपः । गदाधरं पूजयंश्च उपोष्यैका दशीद्वयम् । रुक्माङ्गदो ययौ मोक्षमन्ये चैकादशीव्रतम्
rātrau jāgaraṇaṃ kurvanpurāṇaśravaṇaṃ nṛpaḥ / gadādharaṃ pūjayaṃśca upoṣyaikā daśīdvayam / rukmāṅgado yayau mokṣamanye caikādaśīvratam
Sanskrit only: no published translation is held for this verse.