इति श्रीगारुडे महापुराणे पूर्वखण्डे प्रथमांशाख्ये आचारकाण्डे पूजानुक्रमनिरूपणं नाम द्वादशो ऽध्यायः श्रीगरुडमहापुराणम्- १३ हरिरुवाच । प्रवक्ष्याम्यधुना ह्येतद्वैष्णवं पञ्जरं शुभम् । नमोनमस्ते मोविदं चक्रं गृह्य सुदर्शनम्
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe pūjānukramanirūpaṇaṃ nāma dvādaśo 'dhyāyaḥ śrīgaruḍamahāpurāṇam- 13 hariruvāca / pravakṣyāmyadhunā hyetadvaiṣṇavaṃ pañjaraṃ śubham / namonamaste movidaṃ cakraṃ gṛhya sudarśanam
Sanskrit only: no published translation is held for this verse.
प्राच्यां रक्षस्व मां विष्णो ! त्वामहं शरणं गतः । गदां कौमोदकीं गृह्ण पद्मनाभ नमो ऽस्त ते
prācyāṃ rakṣasva māṃ viṣṇo ! tvāmahaṃ śaraṇaṃ gataḥ / gadāṃ kaumodakīṃ gṛhṇa padmanābha namo 'sta te
Sanskrit only: no published translation is held for this verse.
याम्यां रक्षस्व मां विष्णो ! त्वामहं शरणं गतः । हलमादाय सौनन्दे नमस्ते पुरुषोत्तम
yāmyāṃ rakṣasva māṃ viṣṇo ! tvāmahaṃ śaraṇaṃ gataḥ / halamādāya saunande namaste puruṣottama
Sanskrit only: no published translation is held for this verse.
प्रतीच्यां रक्ष मां विष्णो ! त्वामह शरणं गतः । मुसलं शातनं गृह्य पुण्डरीकाक्ष रक्ष माम्
pratīcyāṃ rakṣa māṃ viṣṇo ! tvāmaha śaraṇaṃ gataḥ / musalaṃ śātanaṃ gṛhya puṇḍarīkākṣa rakṣa mām
Sanskrit only: no published translation is held for this verse.
उत्तरस्यां जगन्नाथ ! भवन्तं शरणं गतः । खड्गमादाय चर्ंमाथ अस्त्रशास्त्रादिकं हरे !
uttarasyāṃ jagannātha ! bhavantaṃ śaraṇaṃ gataḥ / khaḍgamādāya carṃmātha astraśāstrādikaṃ hare !
Sanskrit only: no published translation is held for this verse.
नमस्ते रक्ष रक्षोघ्न ! ऐशान्यां शरणं गतः । पाञ्चजन्यं महाशङ्खमनुघोष्यं च पङ्कजम्
namaste rakṣa rakṣoghna ! aiśānyāṃ śaraṇaṃ gataḥ / pāñcajanyaṃ mahāśaṅkhamanughoṣyaṃ ca paṅkajam
Sanskrit only: no published translation is held for this verse.
प्रगृह्य रक्ष मां विष्णो आग्न्येय्यां रक्ष सूकर । चन्द्रसूर्यं समागृह्य खड्गं चान्द्रमसं तथा
pragṛhya rakṣa māṃ viṣṇo āgnyeyyāṃ rakṣa sūkara / candrasūryaṃ samāgṛhya khaḍgaṃ cāndramasaṃ tathā
Sanskrit only: no published translation is held for this verse.
नैरृत्यां मां च रक्षस्व दिव्यमूर्ते नृकेसरिन् । वैजयन्तीं स्मप्रगृह्य श्रीवत्सं कण्ठभूषणम्
nairṛtyāṃ māṃ ca rakṣasva divyamūrte nṛkesarin / vaijayantīṃ smapragṛhya śrīvatsaṃ kaṇṭhabhūṣaṇam
Sanskrit only: no published translation is held for this verse.
वायव्यां रक्ष मां देव हयग्रीव नमो ऽस्तु ते । वैनतेयं समारुह्य त्वन्तरिक्षे जनार्दन !
vāyavyāṃ rakṣa māṃ deva hayagrīva namo 'stu te / vainateyaṃ samāruhya tvantarikṣe janārdana !
Sanskrit only: no published translation is held for this verse.
मां रक्षस्वाजित सदा नमस्ते ऽस्त्वपराजित । विशालाक्षं समारुह्य रक्ष मां त्वं रसातले
māṃ rakṣasvājita sadā namaste 'stvaparājita / viśālākṣaṃ samāruhya rakṣa māṃ tvaṃ rasātale
Sanskrit only: no published translation is held for this verse.
अकूपार नमस्तुभ्यं महामीन नमो ऽस्तु प्ते । करशीर्षाद्यङ्गुलीषु सत्य त्वं बाहुपञ्जरम्
akūpāra namastubhyaṃ mahāmīna namo 'stu pte / karaśīrṣādyaṅgulīṣu satya tvaṃ bāhupañjaram
Sanskrit only: no published translation is held for this verse.
कृत्वा रक्षस्व मां विष्णो नमस्ते पुरुषोत्तम । एतदुक्तं शङ्कराय वैष्णवं पञ्जरं महत्
kṛtvā rakṣasva māṃ viṣṇo namaste puruṣottama / etaduktaṃ śaṅkarāya vaiṣṇavaṃ pañjaraṃ mahat
Sanskrit only: no published translation is held for this verse.
पुरा रक्षार्थमीशान्याः कात्यायन्या वृषध्वज । नाशायामास सा येन चामरान्महिषासुरम्
purā rakṣārthamīśānyāḥ kātyāyanyā vṛṣadhvaja / nāśāyāmāsa sā yena cāmarānmahiṣāsuram
Sanskrit only: no published translation is held for this verse.
दानवं रक्तबीजं च अन्यांश्च सुरकण्टकान् । एतज्जपन्नरो भक्त्या शत्रून्विजयते सदा
dānavaṃ raktabījaṃ ca anyāṃśca surakaṇṭakān / etajjapannaro bhaktyā śatrūnvijayate sadā
Sanskrit only: no published translation is held for this verse.