Library·Garuḍa Purāṇa·1·1.134
इति श्रीगारुडे महापुराणे पूर्वखण्डे प्रथमांशाख्ये आचारकाण्डे महानवमीव्रतं नाम त्रयस्त्रिंशदुत्तरशततमो ऽध्यायः श्रीगरुडमहापुराणम्- १३४ ब्रह्मोवाच । महाकौशिकमन्त्रश्च कथ्यते ऽत्र महाफलः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe mahānavamīvrataṃ nāma trayastriṃśaduttaraśatatamo 'dhyāyaḥ śrīgaruḍamahāpurāṇam- 134 brahmovāca / mahākauśikamantraśca kathyate 'tra mahāphalaḥ
Sanskrit only: no published translation is held for this verse.
ॐ हूं हूं प्रस्फुर लल लल कुल्व कुल्व चुल्व चुल्व खल्ल खल्ल मुल्व मुल्व गुल्व गुल्व तुल्व पुल्ल पुल्ल धल्व धुल्व धुम धुम धमधम मारय मारय धकधक वज्ञापयज्ञापय विदारयविदारय कम्पकम्प कम्पयकम्पय पूरयपूरय आवेशयावेशय ॐ ह्रीं ॐ ह्रीं हं वं वं हुं तटतट मदमद ह्रीं ॐ हूं नैरृताया नमः निरृतये दातव्यम् । महाकौशिकमन्त्रेण मन्त्रितं बलिमर्पयेत्
oṃ hūṃ hūṃ prasphura lala lala kulva kulva culva culva khalla khalla mulva mulva gulva gulva tulva pulla pulla dhalva dhulva dhuma dhuma dhamadhama māraya māraya dhakadhaka vajñāpayajñāpaya vidārayavidāraya kampakampa kampayakampaya pūrayapūraya āveśayāveśaya oṃ hrīṃ oṃ hrīṃ haṃ vaṃ vaṃ huṃ taṭataṭa madamada hrīṃ oṃ hūṃ nairṛtāyā namaḥ nirṛtaye dātavyam / mahākauśikamantreṇa mantritaṃ balimarpayet
Sanskrit only: no published translation is held for this verse.
तस्याग्रतो नृपः स्नायाच्छत्रं कृत्वा च पैष्टिकम् । खड्गेन घातयित्वा तु दद्यात्स्कन्दविशाखयोः
tasyāgrato nṛpaḥ snāyācchatraṃ kṛtvā ca paiṣṭikam / khaḍgena ghātayitvā tu dadyātskandaviśākhayoḥ
Sanskrit only: no published translation is held for this verse.
मातॄणां चैव देवीनां पूजा कार्या तथा निशि । ब्रह्माणी चैव माहेशी कौमारी वैष्णवी तथा
mātṝṇāṃ caiva devīnāṃ pūjā kāryā tathā niśi / brahmāṇī caiva māheśī kaumārī vaiṣṇavī tathā
Sanskrit only: no published translation is held for this verse.
वाराही चैव माहेन्द्री चामुण्डा चण्डिका तथा । जयन्ती मङ्गला काली भद्रकाली कपालिनी
vārāhī caiva māhendrī cāmuṇḍā caṇḍikā tathā / jayantī maṅgalā kālī bhadrakālī kapālinī
Sanskrit only: no published translation is held for this verse.
दुर्गा क्षमा शिवा धात्री स्वाहा स्वधा नमो ऽस्तु ते । क्षीराद्यैः स्नापयेद्देवीं कन्यकाः प्रमदास्तथा
durgā kṣamā śivā dhātrī svāhā svadhā namo 'stu te / kṣīrādyaiḥ snāpayeddevīṃ kanyakāḥ pramadāstathā
Sanskrit only: no published translation is held for this verse.
द्विजाती (दी) नथ पाषण्डानन्नदानेन पूजयेत् । ध्वजपत्रपताकाद्यै रथयात्रासु वस्त्रकैः । महानवम्यां पूजेयं जयराज्यादिदायिका
dvijātī (dī) natha pāṣaṇḍānannadānena pūjayet / dhvajapatrapatākādyai rathayātrāsu vastrakaiḥ / mahānavamyāṃ pūjeyaṃ jayarājyādidāyikā
Sanskrit only: no published translation is held for this verse.