इति श्रीगारुडे पूर्वखण्डे प्रथमांशाख्ये आचारकाण्डे विष्णुपञ्जरस्तोत्रं नाम त्रयोदशो ऽध्यायः श्रीगरुडमहापुराणम्- १४ हरिरुवाच । अथ योगं प्रवक्ष्यामि भुक्तिमुक्तिकरं परम् । ध्यायिभिः प्रोच्यते ध्येयो ध्यानेन हरिरीश्वरः
iti śrīgāruḍe pūrvakhaṇḍe prathamāṃśākhye ācārakāṇḍe viṣṇupañjarastotraṃ nāma trayodaśo 'dhyāyaḥ śrīgaruḍamahāpurāṇam- 14 hariruvāca / atha yogaṃ pravakṣyāmi bhuktimuktikaraṃ param / dhyāyibhiḥ procyate dhyeyo dhyānena harirīśvaraḥ
Sanskrit only: no published translation is held for this verse.
तच्छृणुष्व महेशान सर्वपापविनाशनम् । विष्णुः सर्वेश्वरो ऽनन्तः षड्भिर्भूपरिवर्जितः
tacchṛṇuṣva maheśāna sarvapāpavināśanam / viṣṇuḥ sarveśvaro 'nantaḥ ṣaḍbhirbhūparivarjitaḥ
Sanskrit only: no published translation is held for this verse.
वासुदेवो जगन्नाथो ब्रह्मात्मास्म्यहमेव हि । देहिदेहस्थितो नित्यः सर्वदेहविवर्जितः
vāsudevo jagannātho brahmātmāsmyahameva hi / dehidehasthito nityaḥ sarvadehavivarjitaḥ
Sanskrit only: no published translation is held for this verse.
देहधर्ंमविहीनश्च क्षराक्षरविवर्जितः । षड्विधेषु स्थितो द्रष्टा श्रोता घ्राता ह्यतीन्द्रियः
dehadharṃmavihīnaśca kṣarākṣaravivarjitaḥ / ṣaḍvidheṣu sthito draṣṭā śrotā ghrātā hyatīndriyaḥ
Sanskrit only: no published translation is held for this verse.
तद्धर्ंमरहितः स्रष्टा नामगोत्रविवर्जितः । मन्ता मनः स्थितो देवो मनसा परिवर्जितः
taddharṃmarahitaḥ sraṣṭā nāmagotravivarjitaḥ / mantā manaḥ sthito devo manasā parivarjitaḥ
Sanskrit only: no published translation is held for this verse.
मनोधर्ंमविहीनश्च विज्ञानं ज्ञानमेव च । बोद्धा बुद्धिस्थितः साक्षी सर्वज्ञो बुद्धिवर्जितः
manodharṃmavihīnaśca vijñānaṃ jñānameva ca / boddhā buddhisthitaḥ sākṣī sarvajño buddhivarjitaḥ
Sanskrit only: no published translation is held for this verse.
बुद्धिधर्ंमविहीनश्च सर्वः सर्वगतो मनः । सर्वप्राणिविनिर्मुक्तः प्राणधर्ंमविवर्जितः
buddhidharṃmavihīnaśca sarvaḥ sarvagato manaḥ / sarvaprāṇivinirmuktaḥ prāṇadharṃmavivarjitaḥ
Sanskrit only: no published translation is held for this verse.
प्राणप्राणो महाशान्तो भयेन परिवर्जितः । अहङ्कारादिहीनश्च तद्धर्ंमपरिवर्जितः
prāṇaprāṇo mahāśānto bhayena parivarjitaḥ / ahaṅkārādihīnaśca taddharṃmaparivarjitaḥ
Sanskrit only: no published translation is held for this verse.
तत्साक्षी तन्नियन्ता च परमानन्दरूपकः । जाग्रत्स्वप्नसुषुप्तिस्थस्तत्साक्षी तद्विवर्जितः
tatsākṣī tanniyantā ca paramānandarūpakaḥ / jāgratsvapnasuṣuptisthastatsākṣī tadvivarjitaḥ
Sanskrit only: no published translation is held for this verse.
तुरीयः परमो धाता दृग्रूपो गुणवर्जितः । मुक्तो बुद्धो ऽजरो व्यापी सत्य आत्मास्म्यहं शिवः
turīyaḥ paramo dhātā dṛgrūpo guṇavarjitaḥ / mukto buddho 'jaro vyāpī satya ātmāsmyahaṃ śivaḥ
Sanskrit only: no published translation is held for this verse.
एवं ये मानवा विज्ञा ध्यायन्तीशं परं पदम् । प्राप्नुयुस्ते च तद्रूपं नात्र कार्या विचारणा
evaṃ ye mānavā vijñā dhyāyantīśaṃ paraṃ padam / prāpnuyuste ca tadrūpaṃ nātra kāryā vicāraṇā
Sanskrit only: no published translation is held for this verse.
इति ध्यानं समाख्यातं तव शङ्कर सुव्रत । पठेद्य एतत्सततं विष्णुलोकं स गच्छति
iti dhyānaṃ samākhyātaṃ tava śaṅkara suvrata / paṭhedya etatsatataṃ viṣṇulokaṃ sa gacchati
Sanskrit only: no published translation is held for this verse.