Garuḍa Purāṇa 1.15

सन्न्यासी चै सन्नयासश्चतुराश्रम एव च । ब्रह्मचारी गृहस्थश्च वानप्रस्थश्च भिक्षुकः

sannyāsī cai sannayāsaścaturāśrama eva ca / brahmacārī gṛhasthaśca vānaprasthaśca bhikṣukaḥ

Sanskrit only: no published translation is held for this verse.

ब्राह्मणः क्षत्रियो वैश्यः (७४०)शूद्रो वर्णस्तथैव च । शीलदः शीलसम्पन्नो दुः शीलपरिवर्जितः

brāhmaṇaḥ kṣatriyo vaiśyaḥ (740)śūdro varṇastathaiva ca / śīladaḥ śīlasampanno duḥ śīlaparivarjitaḥ

Sanskrit only: no published translation is held for this verse.

मोक्षो ऽध्यात्मसमाविष्टः स्तुतिः स्तोता च पूजकः । पूज्यो(७५०)वाक् करणं चैव वाच्यं चैव तु वाचकः

mokṣo 'dhyātmasamāviṣṭaḥ stutiḥ stotā ca pūjakaḥ / pūjyo(750)vāk karaṇaṃ caiva vācyaṃ caiva tu vācakaḥ

Sanskrit only: no published translation is held for this verse.

वेत्ता व्याकरणं चैव वाक्यं चैव च वाक्यवित् । वाक्यगम्यस्तीर्थवासी(७६०) तीर्थस्तीर्थो च तीर्थवित्

vettā vyākaraṇaṃ caiva vākyaṃ caiva ca vākyavit / vākyagamyastīrthavāsī(760) tīrthastīrtho ca tīrthavit

Sanskrit only: no published translation is held for this verse.

तीर्थादिभूतः सांख्यश्च निरुक्तं त्वधिदैवतम् । प्रणवः प्रणवेशश्च प्रणवेन प्रवन्दितः(७७०)

tīrthādibhūtaḥ sāṃkhyaśca niruktaṃ tvadhidaivatam / praṇavaḥ praṇaveśaśca praṇavena pravanditaḥ(770)

Sanskrit only: no published translation is held for this verse.

प्रणवेन च लक्ष्यो वै गायत्री च गदाधरः । शालग्रामनिवासी च (७८०)शालग्रामस्तथैव च

praṇavena ca lakṣyo vai gāyatrī ca gadādharaḥ / śālagrāmanivāsī ca (780)śālagrāmastathaiva ca

Sanskrit only: no published translation is held for this verse.

जलशायी योगशायी शेषशायी कुशेशयः । महीभर्ता च (७९०) कार्यं च कारणं पृथिवीधरः

jalaśāyī yogaśāyī śeṣaśāyī kuśeśayaḥ / mahībhartā ca (790) kāryaṃ ca kāraṇaṃ pṛthivīdharaḥ

Sanskrit only: no published translation is held for this verse.

प्रजापतिः शाश्वतश्च काम्यः कामयिता विराट् । सम्राट् पूषा(८००) तथा स्वर्गो रथस्थः सारथिर्बलम्

prajāpatiḥ śāśvataśca kāmyaḥ kāmayitā virāṭ / samrāṭ pūṣā(800) tathā svargo rathasthaḥ sārathirbalam

Sanskrit only: no published translation is held for this verse.

धनी धनप्रदो धन्यो यादवानां हिते रतः । अर्जुनस्य प्रियश्चैव ह्यर्जुनो(८१०)भीम एव च

dhanī dhanaprado dhanyo yādavānāṃ hite rataḥ / arjunasya priyaścaiva hyarjuno(810)bhīma eva ca

Sanskrit only: no published translation is held for this verse.

पराक्रमो दुर्विषहः सर्वशास्त्रविशारदः । सारस्वतो महाभीष्मः पारिजातहरस्तथा

parākramo durviṣahaḥ sarvaśāstraviśāradaḥ / sārasvato mahābhīṣmaḥ pārijātaharastathā

Sanskrit only: no published translation is held for this verse.

अमृतस्य प्रदाता च क्षीरोदः क्षीरमेव च (८२०) । इन्द्रात्मजस्तस्य गोप्ता गोवर्धनधरस्तथा

amṛtasya pradātā ca kṣīrodaḥ kṣīrameva ca (820) / indrātmajastasya goptā govardhanadharastathā

Sanskrit only: no published translation is held for this verse.

कंसस्य नाशनस्तद्वद्धस्तिपो हस्तिनाशनः । शिपिविष्टः प्रसन्नश्च सर्वलोकार्तिनाशनः

kaṃsasya nāśanastadvaddhastipo hastināśanaḥ / śipiviṣṭaḥ prasannaśca sarvalokārtināśanaḥ

Sanskrit only: no published translation is held for this verse.

मुद्रो(८३०)मुद्रा करश्चैव सर्वमुद्राविवर्जितः । देही देहस्थितश्चैव देहस्य च नियामकः

mudro(830)mudrā karaścaiva sarvamudrāvivarjitaḥ / dehī dehasthitaścaiva dehasya ca niyāmakaḥ

Sanskrit only: no published translation is held for this verse.

श्रोत्रा श्रोत्रनियन्ता च श्रोतव्यः श्रवणं तथा । त्वक्स्थितश्च(८४०)स्पर्शयित्वा स्पृश्यं च स्पर्शनं तथा

śrotrā śrotraniyantā ca śrotavyaḥ śravaṇaṃ tathā / tvaksthitaśca(840)sparśayitvā spṛśyaṃ ca sparśanaṃ tathā

Sanskrit only: no published translation is held for this verse.

रूपद्रष्टा च चक्षुः स्थो नियन्ता चक्षुषस्तथा । दृश्यं चैवतु जिह्वास्थो रसज्ञश्च नियामकः (८५०)

rūpadraṣṭā ca cakṣuḥ stho niyantā cakṣuṣastathā / dṛśyaṃ caivatu jihvāstho rasajñaśca niyāmakaḥ (850)

Sanskrit only: no published translation is held for this verse.

घ्राणस्थो घ्राणकृद् घ्राता घ्राणेन्द्रियनियामकः । वाक्स्थो वक्ता च वक्तव्यो वचनं वाङ्नियामकः

ghrāṇastho ghrāṇakṛd ghrātā ghrāṇendriyaniyāmakaḥ / vākstho vaktā ca vaktavyo vacanaṃ vāṅniyāmakaḥ

Sanskrit only: no published translation is held for this verse.

प्राणिस्थः (८६०)शिल्प कृच्छिल्पो हस्तयोश्च नियामकः । पदव्यश्चैव गन्ता च गन्तव्यं गमनं तथा

prāṇisthaḥ (860)śilpa kṛcchilpo hastayośca niyāmakaḥ / padavyaścaiva gantā ca gantavyaṃ gamanaṃ tathā

Sanskrit only: no published translation is held for this verse.

नियन्ता पादयोश्चैव पाद्यभाक्च विसर्गकृत्(८७०) । विसर्गस्य नियन्ता च ह्युपस्थस्थः सुखं तथा

niyantā pādayoścaiva pādyabhākca visargakṛt(870) / visargasya niyantā ca hyupasthasthaḥ sukhaṃ tathā

Sanskrit only: no published translation is held for this verse.

उपस्थस्य नियन्ता च तदानन्दकरश्च ह । शत्रुघ्नः कार्तवीर्यश्च दत्तात्रेयस्तथैव च

upasthasya niyantā ca tadānandakaraśca ha / śatrughnaḥ kārtavīryaśca dattātreyastathaiva ca

Sanskrit only: no published translation is held for this verse.

अलर्कस्य हितश्चैव कार्तवीर्यनिकृन्तनः (८८०) । कालनेमिर्महानेमिर्मेघो मेघपतिस्तथा

alarkasya hitaścaiva kārtavīryanikṛntanaḥ (880) / kālanemirmahānemirmegho meghapatistathā

Sanskrit only: no published translation is held for this verse.

अन्नप्रदो ऽन्नरूपी च ह्यन्नादो ऽन्नप्रवर्तकः । धूमकृद्धूमरूपश्च(८९०) देवकीपुत्र उत्तमः

annaprado 'nnarūpī ca hyannādo 'nnapravartakaḥ / dhūmakṛddhūmarūpaśca(890) devakīputra uttamaḥ

Sanskrit only: no published translation is held for this verse.

देवक्यानन्दनो नन्दो रोहिण्याः प्रिय एव च । वसुदेवप्रियश्चैव वसुदेवसुतस्तथा

devakyānandano nando rohiṇyāḥ priya eva ca / vasudevapriyaścaiva vasudevasutastathā

Sanskrit only: no published translation is held for this verse.

दुन्दुभिर्हासरूपश्च पुष्पहासस्तथैव च (९००) । अट्टहासप्रियश्चैव सर्वाध्यक्षः क्षरो ऽक्षरः

dundubhirhāsarūpaśca puṣpahāsastathaiva ca (900) / aṭṭahāsapriyaścaiva sarvādhyakṣaḥ kṣaro 'kṣaraḥ

Sanskrit only: no published translation is held for this verse.

अच्युतश्चैव सत्येशः सत्यायाश्च प्रियो वरः । रुक्मिण्याश्च पतिश्चैव रुक्मिण्या वल्लभस्तथा

acyutaścaiva satyeśaḥ satyāyāśca priyo varaḥ / rukmiṇyāśca patiścaiva rukmiṇyā vallabhastathā

Sanskrit only: no published translation is held for this verse.

गोपीनां वल्लभश्चैव(९१०)पुण्यश्लोकश्च विश्रुतः । वृषाकपिर्यमो गुह्यो मकुलश्च बुधस्तथा

gopīnāṃ vallabhaścaiva(910)puṇyaślokaśca viśrutaḥ / vṛṣākapiryamo guhyo makulaśca budhastathā

Sanskrit only: no published translation is held for this verse.

राहुः केतुर्ग्रहो ग्राहो(९२०) गजेन्द्रमुखमेलकः । ग्राहस्य विनिहन्ता च ग्रामी रक्षकस्तथा

rāhuḥ keturgraho grāho(920) gajendramukhamelakaḥ / grāhasya vinihantā ca grāmī rakṣakastathā

Sanskrit only: no published translation is held for this verse.

किन्नरश्चैव सिद्धश्च छन्दः स्वच्छन्द एव च । विश्वरूपो विशालाक्षो(९३०) दैत्यसूदन एव च

kinnaraścaiva siddhaśca chandaḥ svacchanda eva ca / viśvarūpo viśālākṣo(930) daityasūdana eva ca

Sanskrit only: no published translation is held for this verse.

अनन्तरूपो भूतस्थो देवदानवसंस्थितः । सुषुप्तिस्थः सुषुप्तिश्च स्थानं स्थानान्त एव च

anantarūpo bhūtastho devadānavasaṃsthitaḥ / suṣuptisthaḥ suṣuptiśca sthānaṃ sthānānta eva ca

Sanskrit only: no published translation is held for this verse.

जगत्स्थश्चैव जागर्ता स्थानं जागरितं तथा (९४०) । स्वप्रस्थः स्वप्रवित्स्वप्नस्थानं स्वप्नस्तथैव च

jagatsthaścaiva jāgartā sthānaṃ jāgaritaṃ tathā (940) / svaprasthaḥ svapravitsvapnasthānaṃ svapnastathaiva ca

Sanskrit only: no published translation is held for this verse.

जाग्रत्स्वप्नसुषुप्तैश्च विहीनो वै चतुर्थकः । विज्ञानं वेद्यरूपं च जीवो जीवयिता तथा (९५०)

jāgratsvapnasuṣuptaiśca vihīno vai caturthakaḥ / vijñānaṃ vedyarūpaṃ ca jīvo jīvayitā tathā (950)

Sanskrit only: no published translation is held for this verse.

भुवनाधिपतिश्चैव भुवनानां नियामकः । पातालवासी पातालं सर्वज्वरविनाशनः

bhuvanādhipatiścaiva bhuvanānāṃ niyāmakaḥ / pātālavāsī pātālaṃ sarvajvaravināśanaḥ

Sanskrit only: no published translation is held for this verse.

परमानन्दरूपी च धर्ंमाणां च प्रवर्तकः । सुलभो दुर्लभश्चैव प्राणायामपरस्तथा(९६०)

paramānandarūpī ca dharṃmāṇāṃ ca pravartakaḥ / sulabho durlabhaścaiva prāṇāyāmaparastathā(960)

Sanskrit only: no published translation is held for this verse.

प्रत्याहारो धारकश्च प्रत्याहारकरस्तथा । प्रभा कान्तिस्तथा ह्यर्चिः शुद्धस्फटिकसन्निभः

pratyāhāro dhārakaśca pratyāhārakarastathā / prabhā kāntistathā hyarciḥ śuddhasphaṭikasannibhaḥ

Sanskrit only: no published translation is held for this verse.

अग्राहश्चैव गौरश्च सर्वः(९७०)शुचिरभिष्टुतः । वषट्कारो वषड् वौषट् स्वधा स्वाहा रतिस्तथा

agrāhaścaiva gauraśca sarvaḥ(970)śucirabhiṣṭutaḥ / vaṣaṭkāro vaṣaḍ vauṣaṭ svadhā svāhā ratistathā

Sanskrit only: no published translation is held for this verse.

पक्ता नन्दयिता(९८०)भोक्ता बोद्धा भावयिता तथा । ज्ञानात्मा चैव देहात्मा भू(उ) मा सर्वेश्वरेश्वरः

paktā nandayitā(980)bhoktā boddhā bhāvayitā tathā / jñānātmā caiva dehātmā bhū(u) mā sarveśvareśvaraḥ

Sanskrit only: no published translation is held for this verse.

नदी नन्दी च नन्दीशो(९९०)भारतस्तरुनाशनः । चक्रपः श्रीपतिश्चैव नृपाणां चक्रवर्तिनाम्

nadī nandī ca nandīśo(990)bhāratastarunāśanaḥ / cakrapaḥ śrīpatiścaiva nṛpāṇāṃ cakravartinām

Sanskrit only: no published translation is held for this verse.

ईशश्च सर्वदेवानां द्वारकासंस्थितस्तथा । पुष्करः पुष्कराध्यक्षः पुष्करद्वीप एव च (१०००)

īśaśca sarvadevānāṃ dvārakāsaṃsthitastathā / puṣkaraḥ puṣkarādhyakṣaḥ puṣkaradvīpa eva ca (1000)

Sanskrit only: no published translation is held for this verse.

भरतो जनको जन्यः सर्वाकारवि वर्जितः । निराकारो निर्निमित्तो निरातङ्को निराश्रयः (१००८)

bharato janako janyaḥ sarvākāravi varjitaḥ / nirākāro nirnimitto nirātaṅko nirāśrayaḥ (1008)

Sanskrit only: no published translation is held for this verse.

इति नामसहस्रं ते वृषभध्वज कीर्तितम् । देवस्य विष्णोरीशश्य सर्वपापविनाशनम्

iti nāmasahasraṃ te vṛṣabhadhvaja kīrtitam / devasya viṣṇorīśaśya sarvapāpavināśanam

Sanskrit only: no published translation is held for this verse.

पठन्द्विजश्च विष्णुत्वं क्षत्रियो जयमाप्नुयात् । वैश्यो धनं सुखं शूद्रो विष्णुभक्तिसमन्वितः

paṭhandvijaśca viṣṇutvaṃ kṣatriyo jayamāpnuyāt / vaiśyo dhanaṃ sukhaṃ śūdro viṣṇubhaktisamanvitaḥ

Sanskrit only: no published translation is held for this verse.