इति श्रीगारुडे महापुराणे पूर्वखण्डे प्रथमांशाख्ये आचारकाण्डे एकोनाशीत्यधिकशततमो ऽध्यायः श्रीगरुडमहापुराणम्- १८० हरिरुवाच । वचा मांसी च बिल्वञ्च तगरं पद्मकेसरम् । नागपुष्पं प्रियङ्गुञ्च समभागानि चूर्णयेत् । अनेन धूपितो मर्त्यः कामवद्विचरेन्महीम्
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekonāśītyadhikaśatatamo 'dhyāyaḥ śrīgaruḍamahāpurāṇam- 180 hariruvāca / vacā māṃsī ca bilvañca tagaraṃ padmakesaram / nāgapuṣpaṃ priyaṅguñca samabhāgāni cūrṇayet / anena dhūpito martyaḥ kāmavadvicarenmahīm
Sanskrit only: no published translation is held for this verse.
कर्पूरं देवदारुञ्च मधुना सह योजयेत् । लिङ्गलेपाच्च तेनैव वशीकुर्यात्स्त्रियं किल
karpūraṃ devadāruñca madhunā saha yojayet / liṅgalepācca tenaiva vaśīkuryātstriyaṃ kila
Sanskrit only: no published translation is held for this verse.
मैथुनं पुरुषो गच्छेद्गृह्णीयात्स्वकमिन्द्रियम् । वामहस्तेन वामञ्च हस्तं लिंपेत्तु यत्स्त्रियाः । आलिप्ता स्त्री वशं याति नान्यं पुरुषमिच्छति
maithunaṃ puruṣo gacchedgṛhṇīyātsvakamindriyam / vāmahastena vāmañca hastaṃ liṃpettu yatstriyāḥ / āliptā strī vaśaṃ yāti nānyaṃ puruṣamicchati
Sanskrit only: no published translation is held for this verse.
ॐ रक्तचामुण्डे अमुकं मे वशमानय आनय ॐ ह्रीं ह्रैं ह्रः फट् । इमं जप्त्वायुतं मन्त्रं तिलकेन च शङ्कर ! । गोरोचनासंयुतेन स्वरक्तेन वशी भवेत्
oṃ raktacāmuṇḍe amukaṃ me vaśamānaya ānaya oṃ hrīṃ hraiṃ hraḥ phaṭ / imaṃ japtvāyutaṃ mantraṃ tilakena ca śaṅkara ! / gorocanāsaṃyutena svaraktena vaśī bhavet
Sanskrit only: no published translation is held for this verse.
सैन्धवं कृष्णलवणं सौवीरं मत्स्यपित्तकम् । मधु सर्पिः सितायुक्तं स्त्रीणां तद्भगलेपनात्
saindhavaṃ kṛṣṇalavaṇaṃ sauvīraṃ matsyapittakam / madhu sarpiḥ sitāyuktaṃ strīṇāṃ tadbhagalepanāt
Sanskrit only: no published translation is held for this verse.
यः पुमान्मैथुनं गच्छेन्नान्यां नारीं गमिष्यति । शङ्कपुष्पी वचा मांसी सोम राजी च फल्गुकम्
yaḥ pumānmaithunaṃ gacchennānyāṃ nārīṃ gamiṣyati / śaṅkapuṣpī vacā māṃsī soma rājī ca phalgukam
Sanskrit only: no published translation is held for this verse.
माहिषं नवनीतञ्च त्वकीकृत्य भिषग्वरः । समूलानि स पत्राणि क्षीरेणाज्येन पेषयेत्
māhiṣaṃ navanītañca tvakīkṛtya bhiṣagvaraḥ / samūlāni sa patrāṇi kṣīreṇājyena peṣayet
Sanskrit only: no published translation is held for this verse.
गुटिकां शोधितां कृत्वा नारीयोन्या प्रवेशयेत् । दशवारं प्रसूतापि पुनः कन्या भविष्यति
guṭikāṃ śodhitāṃ kṛtvā nārīyonyā praveśayet / daśavāraṃ prasūtāpi punaḥ kanyā bhaviṣyati
Sanskrit only: no published translation is held for this verse.
सर्षपाश्च वचा चैव मदनस्य फलानि च । मार्जारविष्ठा धत्तुर स्त्रीकेशेन समन्वितः
sarṣapāśca vacā caiva madanasya phalāni ca / mārjāraviṣṭhā dhattura strīkeśena samanvitaḥ
Sanskrit only: no published translation is held for this verse.
चातुर्थिकहरो धूपो डाकिनीज्वरनाशकः । अर्जुनस्य च पुष्पाणि भल्लातकविडङ्गके
cāturthikaharo dhūpo ḍākinījvaranāśakaḥ / arjunasya ca puṣpāṇi bhallātakaviḍaṅgake
Sanskrit only: no published translation is held for this verse.
बला चैव सर्जरसं सौवीरसर्षपास्तथा । सर्पयूकामक्षिकाणां धूमो मशकनाशनः
balā caiva sarjarasaṃ sauvīrasarṣapāstathā / sarpayūkāmakṣikāṇāṃ dhūmo maśakanāśanaḥ
Sanskrit only: no published translation is held for this verse.
भूतलायाश्च चूर्णेन स्तम्भः स्याद्योनिपूरणात् । तेन लेपनतो योनौ भगस्तम्भस्तु जायते
bhūtalāyāśca cūrṇena stambhaḥ syādyonipūraṇāt / tena lepanato yonau bhagastambhastu jāyate
Sanskrit only: no published translation is held for this verse.