Garuḍa Purāṇa 1.187

इति श्रीगारुडे महापुराणे पूर्वखण्डे प्रथमांशाख्ये आचारकाण्डे षडशीत्यधिकशततमो ऽध्यायः श्रीगरुडमहापुराणम्- १८७ हरिरुवाच । हस्तिकर्णपलाशस्य पत्राणि? चूर्णयेद्धर । सर्वरोगविनिर्मुक्तं चूर्णं पलशतं शिव

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ṣaḍaśītyadhikaśatatamo 'dhyāyaḥ śrīgaruḍamahāpurāṇam- 187 hariruvāca / hastikarṇapalāśasya patrāṇi? cūrṇayeddhara / sarvarogavinirmuktaṃ cūrṇaṃ palaśataṃ śiva

Sanskrit only: no published translation is held for this verse.

सक्षीरं भक्षीतं कुर्यात्सप्ताहेन वृषध्वज । नरं श्रुतिधरं रुद्र मृगेन्द्रगतिविक्रमम्

sakṣīraṃ bhakṣītaṃ kuryātsaptāhena vṛṣadhvaja / naraṃ śrutidharaṃ rudra mṛgendragativikramam

Sanskrit only: no published translation is held for this verse.

पद्मरागप्रतीकाशंयुक्तं दशशतायुषा । षोडशाब्दाकृतिं रुद्र सततं दुग्धभोजनात्

padmarāgapratīkāśaṃyuktaṃ daśaśatāyuṣā / ṣoḍaśābdākṛtiṃ rudra satataṃ dugdhabhojanāt

Sanskrit only: no published translation is held for this verse.

मधुसर्पिःसमायुक्तं दुग्धमायुष्करं भवेत् । तज्जग्धं मधुना सार्धं दशवर्ष सहस्रिणम्

madhusarpiḥsamāyuktaṃ dugdhamāyuṣkaraṃ bhavet / tajjagdhaṃ madhunā sārdhaṃ daśavarṣa sahasriṇam

Sanskrit only: no published translation is held for this verse.

कुर्यान्नरं श्रुतिधरं प्रमदाजनवल्लभम् । दध्ना नित्यं भक्षितन्तु वज्रदेहकरं भवेत्

kuryānnaraṃ śrutidharaṃ pramadājanavallabham / dadhnā nityaṃ bhakṣitantu vajradehakaraṃ bhavet

Sanskrit only: no published translation is held for this verse.

केशराजिसमायुक्तं नरं वर्षसहस्रिणम् । तच्च काञ्जिकसंयुक्तं नरं कुर्याच्च भक्षितम्

keśarājisamāyuktaṃ naraṃ varṣasahasriṇam / tacca kāñjikasaṃyuktaṃ naraṃ kuryācca bhakṣitam

Sanskrit only: no published translation is held for this verse.

शतवर्षं दिव्यदेहं वलीपलितवर्जितम् । जग्धं त्रिफलया क्षौद्रं चक्षुष्मन्तं करोति वै

śatavarṣaṃ divyadehaṃ valīpalitavarjitam / jagdhaṃ triphalayā kṣaudraṃ cakṣuṣmantaṃ karoti vai

Sanskrit only: no published translation is held for this verse.

अन्धः पश्येत्तु चूर्णस्य साज्यस्यैव तु भक्षणात् । महिषीक्षीरसंयुक्तस्तल्लेपः कृष्णकेशकृत्

andhaḥ paśyettu cūrṇasya sājyasyaiva tu bhakṣaṇāt / mahiṣīkṣīrasaṃyuktastallepaḥ kṛṣṇakeśakṛt

Sanskrit only: no published translation is held for this verse.

खल्वाटस्य च वै केशा भवन्ति वृषभध्वज । तैलयुक्तेन चूर्णेन वलीपलितनाशनम्

khalvāṭasya ca vai keśā bhavanti vṛṣabhadhvaja / tailayuktena cūrṇena valīpalitanāśanam

Sanskrit only: no published translation is held for this verse.

तदुद्वर्तनमात्रेण सर्वरागः प्रमुच्यते । सच्छागक्षीरचूर्णेन दृष्टिः स्यान्मासतो ऽञ्जनात्

tadudvartanamātreṇa sarvarāgaḥ pramucyate / sacchāgakṣīracūrṇena dṛṣṭiḥ syānmāsato 'ñjanāt

Sanskrit only: no published translation is held for this verse.

पलाशस्य च बीजानि श्रावणे वितुषाणि च । गृहीत्वा नवनीतेन तेषां चूर्णं च भक्षयेत्

palāśasya ca bījāni śrāvaṇe vituṣāṇi ca / gṛhītvā navanītena teṣāṃ cūrṇaṃ ca bhakṣayet

Sanskrit only: no published translation is held for this verse.

कर्षार्धमेकं सेवेत नत्वा नित्यं हरिं प्रभुम् । पुराणषष्टिधान्यस्य पथ्यमम्बु पिबन्हर । जीवेद्वर्षसहस्राणि वलीपलितवर्जितः

karṣārdhamekaṃ seveta natvā nityaṃ hariṃ prabhum / purāṇaṣaṣṭidhānyasya pathyamambu pibanhara / jīvedvarṣasahasrāṇi valīpalitavarjitaḥ

Sanskrit only: no published translation is held for this verse.

भृङ्गराजस्य वै मूलं पुष्यर्क्षे तु समाहृतम् । विधाय तस्य चूर्णं वै ससौवीरञ्च भक्षयेतं

bhṛṅgarājasya vai mūlaṃ puṣyarkṣe tu samāhṛtam / vidhāya tasya cūrṇaṃ vai sasauvīrañca bhakṣayetaṃ

Sanskrit only: no published translation is held for this verse.

मासमात्रप्रयोगेण वलीपलितवर्जितः । शतानि पञ्च जीवेच्च नरो नागबलो भवेत् । भवेच्छ्रुतिधरो रुद्र पुष्यर्क्षे चैव भक्षणात्

māsamātraprayogeṇa valīpalitavarjitaḥ / śatāni pañca jīvecca naro nāgabalo bhavet / bhavecchrutidharo rudra puṣyarkṣe caiva bhakṣaṇāt

Sanskrit only: no published translation is held for this verse.