Library·Garuḍa Purāṇa·1·1.191
इति श्रीगारुडे महापुराणे पूर्वखण्डे प्रथमांशाख्ये आचारकाण्डे नवत्यधिकशततमो ऽध्यायः श्रीगरुडमहापुराणम्- १९१ हरिरुवाच । पुनर्नवाया मूलञ्च श्वेतं पुष्ये समाहृतम् । वारि पीतं तस्य पार्श्व भवनेषु न पन्नगाः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe navatyadhikaśatatamo 'dhyāyaḥ śrīgaruḍamahāpurāṇam- 191 hariruvāca / punarnavāyā mūlañca śvetaṃ puṣye samāhṛtam / vāri pītaṃ tasya pārśva bhavaneṣu na pannagāḥ
Sanskrit only: no published translation is held for this verse.
तार्क्ष्यमूर्तिं वहेद्यो वै भल्लूकदन्तनिर्मिताम् । स पन्नगैर्न दृश्येत यावज्जीवं वृषध्वज
tārkṣyamūrtiṃ vahedyo vai bhallūkadantanirmitām / sa pannagairna dṛśyeta yāvajjīvaṃ vṛṣadhvaja
Sanskrit only: no published translation is held for this verse.
पिबेच्छल्मलिमूलं यः पुष्यर्क्षे रुद्र वारिणा । तस्मिन्नपास्तदशना नागाः स्युर्नात्र संशयः
pibecchalmalimūlaṃ yaḥ puṣyarkṣe rudra vāriṇā / tasminnapāstadaśanā nāgāḥ syurnātra saṃśayaḥ
Sanskrit only: no published translation is held for this verse.
पुष्ये लज्जालुकामूले हस्तबद्धे तु पन्नगान् । गृह्णीयाल्लेपतो वापि नात्र कार्या विचारणा
puṣye lajjālukāmūle hastabaddhe tu pannagān / gṛhṇīyāllepato vāpi nātra kāryā vicāraṇā
Sanskrit only: no published translation is held for this verse.
पुष्येश्वेतार्कमूलन्तु पीतं शीतेन वारिणा । नश्येतु दंशकविषं करवीरादिजं विषम्
puṣyeśvetārkamūlantu pītaṃ śītena vāriṇā / naśyetu daṃśakaviṣaṃ karavīrādijaṃ viṣam
Sanskrit only: no published translation is held for this verse.
महाकालस्य वै मूलं पिष्टं तत्काञ्जिकेन वै । वोड्राणां डुण्डुभानां च तल्लोपो हरते विषम्
mahākālasya vai mūlaṃ piṣṭaṃ tatkāñjikena vai / voḍrāṇāṃ ḍuṇḍubhānāṃ ca tallopo harate viṣam
Sanskrit only: no published translation is held for this verse.
तण्डुलीयकमूलं च पिष्टं तण्डुलवारिणा । घृतेन सह पीतन्तु हरेत्सर्वाविषाणि च
taṇḍulīyakamūlaṃ ca piṣṭaṃ taṇḍulavāriṇā / ghṛtena saha pītantu haretsarvāviṣāṇi ca
Sanskrit only: no published translation is held for this verse.
नीलीलज्जालुकामूलं पिष्टं तण्डुलवारिणा । पीतं तद्दंशकविषं नश्येदेकेन वोभयोः
nīlīlajjālukāmūlaṃ piṣṭaṃ taṇḍulavāriṇā / pītaṃ taddaṃśakaviṣaṃ naśyedekena vobhayoḥ
Sanskrit only: no published translation is held for this verse.
कूष्माण्डकस्य स्वरसः सगुडः सहशर्करः । पीतः सदुग्धो हन्याच्च दंशकस्यविषं च वै
kūṣmāṇḍakasya svarasaḥ saguḍaḥ sahaśarkaraḥ / pītaḥ sadugdho hanyācca daṃśakasyaviṣaṃ ca vai
Sanskrit only: no published translation is held for this verse.
तथा कोद्रवमूलस्य मोहस्य हर एव च । यष्टीमधुसमायुक्ता तथा पीता च शर्करा
tathā kodravamūlasya mohasya hara eva ca / yaṣṭīmadhusamāyuktā tathā pītā ca śarkarā
Sanskrit only: no published translation is held for this verse.
सदुग्धा च त्रिरात्रेण मूषकानां विषं हरेत् । चुलुकत्रयपानाच्च वारिणः शीतलस्य वै
sadugdhā ca trirātreṇa mūṣakānāṃ viṣaṃ haret / culukatrayapānācca vāriṇaḥ śītalasya vai
Sanskrit only: no published translation is held for this verse.
ताम्बूलदग्धमुखस्य लालास्त्रावो विनश्यति । घृतं सशर्करं षीत्वा मद्यपानमदो न वै
tāmbūladagdhamukhasya lālāstrāvo vinaśyati / ghṛtaṃ saśarkaraṃ ṣītvā madyapānamado na vai
Sanskrit only: no published translation is held for this verse.
कृष्णाङ्कोलस्य मूलेन पीतं सुक्वथितं जलम् । ततो नश्यद्गरविषं त्रिरात्रेण महेश्वर
kṛṣṇāṅkolasya mūlena pītaṃ sukvathitaṃ jalam / tato naśyadgaraviṣaṃ trirātreṇa maheśvara
Sanskrit only: no published translation is held for this verse.
उष्णं गव्यघृतं चैव सैन्धवेन समन्वितम् । नाशयेत्तन्महादेव वेदनां वृश्चिकोद्भवाम्
uṣṇaṃ gavyaghṛtaṃ caiva saindhavena samanvitam / nāśayettanmahādeva vedanāṃ vṛścikodbhavām
Sanskrit only: no published translation is held for this verse.
कुसुभं कङ्कुमञ्चैव हरितालं मनः शिला । करञ्जं पिषितं चैव ह्यर्कमूलं च शङ्कर
kusubhaṃ kaṅkumañcaiva haritālaṃ manaḥ śilā / karañjaṃ piṣitaṃ caiva hyarkamūlaṃ ca śaṅkara
Sanskrit only: no published translation is held for this verse.
विषंनृणां विनश्येत्तु एतेषां भक्षणाच्छिव । दीपतैलप्रदानाच्च दंशैराकीटजैः शिव । खर्जूरकविषं नश्येत्तदा वै नात्र संशयः
viṣaṃnṛṇāṃ vinaśyettu eteṣāṃ bhakṣaṇācchiva / dīpatailapradānācca daṃśairākīṭajaiḥ śiva / kharjūrakaviṣaṃ naśyettadā vai nātra saṃśayaḥ
Sanskrit only: no published translation is held for this verse.
दंशस्थानं वृश्चिकस्य शुण्ठी तगरसंयुता । नश्येन्मधुमक्षिकाया एतेषां लेपतो विषम्
daṃśasthānaṃ vṛścikasya śuṇṭhī tagarasaṃyutā / naśyenmadhumakṣikāyā eteṣāṃ lepato viṣam
Sanskrit only: no published translation is held for this verse.
शतपुष्पा सैन्धवञ्च साज्यं वा तेन लेपयेत् । शिरीषस्य तु बीजंवै सिद्ध क्षीरेण घर्षितम्
śatapuṣpā saindhavañca sājyaṃ vā tena lepayet / śirīṣasya tu bījaṃvai siddha kṣīreṇa gharṣitam
Sanskrit only: no published translation is held for this verse.
तल्लेपेन महादेव नश्येत्कुक्कुरजं विषम् । ज्वलिताग्निर्वारिसेको तथा दर्दुरजं विषम्
tallepena mahādeva naśyetkukkurajaṃ viṣam / jvalitāgnirvāriseko tathā dardurajaṃ viṣam
Sanskrit only: no published translation is held for this verse.
धत्तूरकरसोन्मिश्रं क्षीराद्यगुडपानतः । शूनां विषं विनश्येत्तु शशाङ्काङ्कितशेखर
dhattūrakarasonmiśraṃ kṣīrādyaguḍapānataḥ / śūnāṃ viṣaṃ vinaśyettu śaśāṅkāṅkitaśekhara
Sanskrit only: no published translation is held for this verse.
वटनिम्बशमीनाञ्च वल्कलैः क्वथितं जलम् । तत्सेकान्मुखदन्तानां नश्येद्वै विषवेदना
vaṭanimbaśamīnāñca valkalaiḥ kvathitaṃ jalam / tatsekānmukhadantānāṃ naśyedvai viṣavedanā
Sanskrit only: no published translation is held for this verse.
लेपनाद्देवदारोश्च गैरिकस्य च लेपनात् । नागेश्वरो दरिद्रे द्वे तथा मञ्जिष्ठका हर । एभिर्लेपाद्विनश्येत्तु लूताविषमुमापते
lepanāddevadārośca gairikasya ca lepanāt / nāgeśvaro daridre dve tathā mañjiṣṭhakā hara / ebhirlepādvinaśyettu lūtāviṣamumāpate
Sanskrit only: no published translation is held for this verse.
करञ्जस्य तु बीजानि वरुणच्छदमेव च । तिलाश्च सर्षपा हन्युर्विषं वै नात्र संशयः
karañjasya tu bījāni varuṇacchadameva ca / tilāśca sarṣapā hanyurviṣaṃ vai nātra saṃśayaḥ
Sanskrit only: no published translation is held for this verse.
घृतं कुमारीपत्रं वै दत्तं सलवणं हर । तुरङ्गमशरीराणां कण्डूर्नश्येद्दशाहतः
ghṛtaṃ kumārīpatraṃ vai dattaṃ salavaṇaṃ hara / turaṅgamaśarīrāṇāṃ kaṇḍūrnaśyeddaśāhataḥ
Sanskrit only: no published translation is held for this verse.