इति श्रीगारुडे महापुराणे पूर्वखण्डे प्रथमांशाख्ये आचारकाण्डे श्रीमद्भगवद्गीतासारनिरूपणं नाम सप्तत्रिंशदुत्तरद्विशततमो ऽध्यायः श्रीगरुडमहापुराणम्- २३८ श्रीभगवानुवाच । यमश्च नियमपार्थ आसनं प्राणसंयमः । प्रत्याहारस्तथा ध्यानं धारणार्जुन सप्तमी
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīmadbhagavadgītāsāranirūpaṇaṃ nāma saptatriṃśaduttaradviśatatamo 'dhyāyaḥ śrīgaruḍamahāpurāṇam- 238 śrībhagavānuvāca / yamaśca niyama.pārtha āsanaṃ prāṇasaṃyamaḥ / pratyāhārastathā dhyānaṃ dhāraṇārjuna saptamī
Sanskrit only: no published translation is held for this verse.
समाधिरिति चाष्टाङ्गो योग उक्तो विमुक्तये । कर्मणा मनसा वाचा सर्वभूतेषु सर्वदा
samādhiriti cāṣṭāṅgo yoga ukto vimuktaye / karmaṇā manasā vācā sarvabhūteṣu sarvadā
Sanskrit only: no published translation is held for this verse.
हिंसाविरामको धर्मो ह्याहिंसा परमं सुखम् । विधिना या भवेद्धिंसा सा त्वहिंसा प्रकीर्तिता
hiṃsāvirāmako dharmo hyāhiṃsā paramaṃ sukham / vidhinā yā bhaveddhiṃsā sā tvahiṃsā prakīrtitā
Sanskrit only: no published translation is held for this verse.
सत्यं ब्रूयात्प्रियं ब्रूयान्न ब्रूयात्सत्यमप्रियम् । प्रियं च नानृतं ब्रूयादेष धर्मः सनातनः
satyaṃ brūyātpriyaṃ brūyānna brūyātsatyamapriyam / priyaṃ ca nānṛtaṃ brūyādeṣa dharmaḥ sanātanaḥ
Sanskrit only: no published translation is held for this verse.
यच्चद्रव्यापहरणं चौर्याद्वाथ बलेन वा । स्तेयं तस्यानाचरणमस्तेयं धर्मसाधनम्
yaccadravyāpaharaṇaṃ cauryādvātha balena vā / steyaṃ tasyānācaraṇamasteyaṃ dharmasādhanam
Sanskrit only: no published translation is held for this verse.
कर्मणा मनसा वाचा सर्वावस्थासु सर्वदा । सर्वत्र मैथुनत्यागं ब्रह्मचर्यं प्रचक्षते
karmaṇā manasā vācā sarvāvasthāsu sarvadā / sarvatra maithunatyāgaṃ brahmacaryaṃ pracakṣate
Sanskrit only: no published translation is held for this verse.
द्रव्याणामप्यनादानमापत्स्वपि तथेच्छया । अपरिग्रहमित्याहुस्तं प्रयत्नेन वर्जयेत्
dravyāṇāmapyanādānamāpatsvapi tathecchayā / aparigrahamityāhustaṃ prayatnena varjayet
Sanskrit only: no published translation is held for this verse.
द्विधा शौचं मृज्जलाभ्यां बाह्य भावादथान्तरात् । यदृच्छालाभतस्तुष्टिः सन्तोषः सुखलक्षणम्
dvidhā śaucaṃ mṛjjalābhyāṃ bāhya bhāvādathāntarāt / yadṛcchālābhatastuṣṭiḥ santoṣaḥ sukhalakṣaṇam
Sanskrit only: no published translation is held for this verse.
मनसश्चैन्द्रियाणां च ऐकाग्र्यं परमं तपः । शरीरशोषणं वापि कृच्छ्रचान्द्रायणादिभिः
manasaścaindriyāṇāṃ ca aikāgryaṃ paramaṃ tapaḥ / śarīraśoṣaṇaṃ vāpi kṛcchracāndrāyaṇādibhiḥ
Sanskrit only: no published translation is held for this verse.
वेदान्तशतरुद्रीयप्रणवादिजप बुधाः । सत्त्वशुद्धिकरं पुंसां स्वाध्यायं परिचक्षते
vedāntaśatarudrīyapraṇavādijapa budhāḥ / sattvaśuddhikaraṃ puṃsāṃ svādhyāyaṃ paricakṣate
Sanskrit only: no published translation is held for this verse.
स्तुतिस्मरणपूजादिवाङ्मनः कायकर्मभिः । अनिश्चला हरौ भक्तिरेतदीश्वरचिन्तनम् । आसनं स्वस्तिकं प्रोक्तं पद्ममर्धासनं तथा
stutismaraṇapūjādivāṅmanaḥ kāyakarmabhiḥ / aniścalā harau bhaktiretadīśvaracintanam / āsanaṃ svastikaṃ proktaṃ padmamardhāsanaṃ tathā
Sanskrit only: no published translation is held for this verse.
प्राणः स्वदेहजो वायुरायामस्तन्निरोधनम् । इन्द्रियाणां विचरतां विषयेषु त्वसत्स्विव
prāṇaḥ svadehajo vāyurāyāmastannirodhanam / indriyāṇāṃ vicaratāṃ viṣayeṣu tvasatsviva
Sanskrit only: no published translation is held for this verse.