इति श्रीगारुडे महापुराणे पूर्वखण्डे प्रथमांशाख्ये आचारकाण्डे श्रीगरुडमहापुराणोत्पत्तिनिरूपणं नाम द्वितीयो ऽध्यायः श्रीगरुडमहापुराणम्- ३ सूत उवाच । इति रुद्राब्जजो विष्णोः शुश्राव ब्रह्मणो मुनिः । व्यासो व्यासादहं वक्ष्येहं ते शौनक नैमिषे
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe śrīgaruḍamahāpurāṇotpattinirūpaṇaṃ nāma dvitīyo 'dhyāyaḥ śrīgaruḍamahāpurāṇam- 3 sūta uvāca / iti rudrābjajo viṣṇoḥ śuśrāva brahmaṇo muniḥ / vyāso vyāsādahaṃ vakṣyehaṃ te śaunaka naimiṣe
Sanskrit only: no published translation is held for this verse.
मुनीनां शृण्वतां मध्ये सर्गाद्यं देवपूजनम् । तीर्थं भुवनकोशं च मन्वन्तरमिहोच्यते
munīnāṃ śṛṇvatāṃ madhye sargādyaṃ devapūjanam / tīrthaṃ bhuvanakośaṃ ca manvantaramihocyate
Sanskrit only: no published translation is held for this verse.
वर्णाश्रमादिधर्माश्च दानराजादिधर्मकाः । व्यवहारो व्रतं वंशा वैद्यकं सनिदानकम्
varṇāśramādidharmāśca dānarājādidharmakāḥ / vyavahāro vrataṃ vaṃśā vaidyakaṃ sanidānakam
Sanskrit only: no published translation is held for this verse.
अङ्गानि प्रलयो धर्मकामार्थज्ञानमुत्तमम् । सप्रपञ्चं निष्प्रपञ्चं कृतं विष्णोर्निगद्यते
aṅgāni pralayo dharmakāmārthajñānamuttamam / saprapañcaṃ niṣprapañcaṃ kṛtaṃ viṣṇornigadyate
Sanskrit only: no published translation is held for this verse.
पुराणे गारुडे सर्वं गरुडो भगवानथ । वासुदेवप्रसादेन सामर्थ्यातिशयैर्युतः
purāṇe gāruḍe sarvaṃ garuḍo bhagavānatha / vāsudevaprasādena sāmarthyātiśayairyutaḥ
Sanskrit only: no published translation is held for this verse.
भुत्वा हरेर्वाहनं च सर्गादीनां च कारणम् । देवान्विजित्य गरुडो ह्यमृताहरणं तथा
bhutvā harervāhanaṃ ca sargādīnāṃ ca kāraṇam / devānvijitya garuḍo hyamṛtāharaṇaṃ tathā
Sanskrit only: no published translation is held for this verse.
चक्रे क्षुधा हृतं यस्य ब्रह्माण्डमुदरे हरेः । यं दृष्ट्वा स्मृतमात्रेण नागान्दीनां च संक्षयः
cakre kṣudhā hṛtaṃ yasya brahmāṇḍamudare hareḥ / yaṃ dṛṣṭvā smṛtamātreṇa nāgāndīnāṃ ca saṃkṣayaḥ
Sanskrit only: no published translation is held for this verse.
कश्यपो गारुडाद्वृक्षं दग्धं चाजीवयद्यतः । गरुडः स हरिस्तेन प्रोक्तं श्रीकश्यपाय च
kaśyapo gāruḍādvṛkṣaṃ dagdhaṃ cājīvayadyataḥ / garuḍaḥ sa haristena proktaṃ śrīkaśyapāya ca
Sanskrit only: no published translation is held for this verse.
तच्छ्रीमद्रारुडं पुण्यं सर्वदं पठतस्तव । वक्ष्ये व्यासं नमस्कृत्य शृणु शौनक तद्यथा
tacchrīmadrāruḍaṃ puṇyaṃ sarvadaṃ paṭhatastava / vakṣye vyāsaṃ namaskṛtya śṛṇu śaunaka tadyathā
Sanskrit only: no published translation is held for this verse.