इति श्रीगारुडे महापुराणे पूर्वखण्डे प्रथमांशाख्ये आचारकाण्डे प्रजाकर्त्रादिसृष्टिर्नाम पञ्चमो ऽध्यायः श्रीगरुडमहापुराणम्- ६ हरिरुवाच । उत्तानपादादभवत्सुरुच्यामुत्तमः सुतः । सुनीत्यां तु ध्रुवः पुत्रः स लेभे स्थानमुत्तमम्
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe prajākartrādisṛṣṭirnāma pañcamo 'dhyāyaḥ śrīgaruḍamahāpurāṇam- 6 hariruvāca / uttānapādādabhavatsurucyāmuttamaḥ sutaḥ / sunītyāṃ tu dhruvaḥ putraḥ sa lebhe sthānamuttamam
Sanskrit only: no published translation is held for this verse.
मुनिप्रसादादाराध्य देवदेवं जनार्दनम् । ध्रुवस्य तनयः श्लिष्टिर्महाबलपराक्रमः
muniprasādādārādhya devadevaṃ janārdanam / dhruvasya tanayaḥ śliṣṭirmahābalaparākramaḥ
Sanskrit only: no published translation is held for this verse.
तस्य प्राचीनवर्हिस्तु पुत्रस्तस्याप्युदारधीः । दिवञ्जयस्तस्य सुतस्तस्य पुत्रो रिपुः स्मृतः
tasya prācīnavarhistu putrastasyāpyudāradhīḥ / divañjayastasya sutastasya putro ripuḥ smṛtaḥ
Sanskrit only: no published translation is held for this verse.
रिपोः पुत्रस्तथा श्रीमांश्चाक्षुषः कीर्तितो मनुः । रुरुस्तस्य सुतः श्रीमानङ्गस्तस्यापि चात्मजः
ripoḥ putrastathā śrīmāṃścākṣuṣaḥ kīrtito manuḥ / rurustasya sutaḥ śrīmānaṅgastasyāpi cātmajaḥ
Sanskrit only: no published translation is held for this verse.
अङ्गस्य वेणः पुत्रस्तु नास्तिको धर्मवर्जितः । अधर्ंमकारी वेण(न) श्च मुनिभिश्च कुशैर्हतः
aṅgasya veṇaḥ putrastu nāstiko dharmavarjitaḥ / adharṃmakārī veṇa(na) śca munibhiśca kuśairhataḥ
Sanskrit only: no published translation is held for this verse.
ऊरुं ममन्थुः पुत्रार्थे ततो ऽस्य तनयो ऽभवत् । ह्रस्वो ऽतिमात्रः कृष्णाङ्गो निषीदेति ततो ऽब्रुवन्
ūruṃ mamanthuḥ putrārthe tato 'sya tanayo 'bhavat / hrasvo 'timātraḥ kṛṣṇāṅgo niṣīdeti tato 'bruvan
Sanskrit only: no published translation is held for this verse.
निषादस्तेन वै जातो बिन्ध्यशैलनिवासकः । ततो ऽस्य दक्षिणं पाणिं ममन्थुः सहसा द्विजाः
niṣādastena vai jāto bindhyaśailanivāsakaḥ / tato 'sya dakṣiṇaṃ pāṇiṃ mamanthuḥ sahasā dvijāḥ
Sanskrit only: no published translation is held for this verse.
तस्मात्तस्य सुतो जातो विष्णोर्मानसरूपधृक् । पुथुरित्येवनामा स वेणपुत्रो दिवं ययौ
tasmāttasya suto jāto viṣṇormānasarūpadhṛk / puthurityevanāmā sa veṇaputro divaṃ yayau
Sanskrit only: no published translation is held for this verse.
दुदोह पृथिवीं राजा प्रजानां जीवनाय हि । अन्तर्धानः पृथोः पुत्रो तहविर्धानस्तदात्मजः
dudoha pṛthivīṃ rājā prajānāṃ jīvanāya hi / antardhānaḥ pṛthoḥ putro tahavirdhānastadātmajaḥ
Sanskrit only: no published translation is held for this verse.
प्राचीनवहर्स्तेत्पुत्रः पृथिव्यामेकराड् बभौ । उपयेमे समुद्रस्य लवणस्य स वै सुताम्
prācīnavaharstetputraḥ pṛthivyāmekarāḍ babhau / upayeme samudrasya lavaṇasya sa vai sutām
Sanskrit only: no published translation is held for this verse.
तस्मात्सुषाव सामुद्री दश प्राचीनबर्हिषः । सर्वे प्राचेतसा नाम धनुर्वेदस्य पारगाः
tasmātsuṣāva sāmudrī daśa prācīnabarhiṣaḥ / sarve prācetasā nāma dhanurvedasya pāragāḥ
Sanskrit only: no published translation is held for this verse.
अपृथगधर्ंमचरणास्ते ऽतप्यन्त महत्तपः । दशवर्षसहस्राणि समुद्रसलिलेशयाः
apṛthagadharṃmacaraṇāste 'tapyanta mahattapaḥ / daśavarṣasahasrāṇi samudrasalileśayāḥ
Sanskrit only: no published translation is held for this verse.
प्रजापतित्वं संप्राप्य भार्या तेषां च मारिष । अभवद्धवशापेन तस्यां दक्षो ऽभवत्ततः
prajāpatitvaṃ saṃprāpya bhāryā teṣāṃ ca māriṣa / abhavaddhavaśāpena tasyāṃ dakṣo 'bhavattataḥ
Sanskrit only: no published translation is held for this verse.
असृजन्मनसा दक्षः प्रजाः पूर्वं चतुर्वोधाः । नावर्धन्त च तास्तस्य अपध्याता हरेण तु
asṛjanmanasā dakṣaḥ prajāḥ pūrvaṃ caturvodhāḥ / nāvardhanta ca tāstasya apadhyātā hareṇa tu
Sanskrit only: no published translation is held for this verse.
मैथुनेन ततः सृष्टिं कर्तुमैच्छत्प्रजापतिः । असिक्रीमावहद्भार्यां वीरणस्य प्रजापतेः
maithunena tataḥ sṛṣṭiṃ kartumaicchatprajāpatiḥ / asikrīmāvahadbhāryāṃ vīraṇasya prajāpateḥ
Sanskrit only: no published translation is held for this verse.
तस्य पुत्रसहस्रं तु वैरण्यां समपद्यत । नारदोक्ता भुवश्चान्तं गता ज्ञातुं च नागताः
tasya putrasahasraṃ tu vairaṇyāṃ samapadyata / nāradoktā bhuvaścāntaṃ gatā jñātuṃ ca nāgatāḥ
Sanskrit only: no published translation is held for this verse.
दक्षपुत्रसहस्रं च तेषु नष्टेषु सृष्टवान् । शवलाश्वास्ते ऽपि गता भ्रातॄणां पदवीं हर !
dakṣaputrasahasraṃ ca teṣu naṣṭeṣu sṛṣṭavān / śavalāśvāste 'pi gatā bhrātṝṇāṃ padavīṃ hara !
Sanskrit only: no published translation is held for this verse.
दक्षः क्रुद्धः शशापाथ नारदं जन्म चाप्स्यसि । नारदो ह्यभवत्पुत्रः कश्यपस्य मुनेः पुनः
dakṣaḥ kruddhaḥ śaśāpātha nāradaṃ janma cāpsyasi / nārado hyabhavatputraḥ kaśyapasya muneḥ punaḥ
Sanskrit only: no published translation is held for this verse.
यज्ञे ध्वस्ते ऽथ दक्षो ऽपि शशाप्रोग्रं महेश्वरम् । स्तुत्वात्वामुपचारैश्च पूजयिष्यन्ति शङ्कर
yajñe dhvaste 'tha dakṣo 'pi śaśāprograṃ maheśvaram / stutvātvāmupacāraiśca pūjayiṣyanti śaṅkara
Sanskrit only: no published translation is held for this verse.
जन्मान्तरे ऽपि वैरेण ते विनश्यन्ति शङ्कर ! । तस्माद्वैरं न कर्तव्यं कदाचिदपि केनचित् । असिक्न्यां (महिष्यां) जनयामास दक्षो दुहितरो ह्यथ
janmāntare 'pi vaireṇa te vinaśyanti śaṅkara ! / tasmādvairaṃ na kartavyaṃ kadācidapi kenacit / asiknyāṃ (mahiṣyāṃ) janayāmāsa dakṣo duhitaro hyatha
Sanskrit only: no published translation is held for this verse.
षष्टिं कन्या रूपयुता द्वे चैवाङ्गिरसे ददौ । द्वे प्रादात्स कृशाश्वाय दश धर्ंमाय चाप्यथ
ṣaṣṭiṃ kanyā rūpayutā dve caivāṅgirase dadau / dve prādātsa kṛśāśvāya daśa dharṃmāya cāpyatha
Sanskrit only: no published translation is held for this verse.
चतुर्दश कश्यपाय अष्टाविंशातिमिन्दवे । प्रददौ बहुपुत्राय सुप्रभां भामिनीं तथा
caturdaśa kaśyapāya aṣṭāviṃśātimindave / pradadau bahuputrāya suprabhāṃ bhāminīṃ tathā
Sanskrit only: no published translation is held for this verse.
मनोरमां भानुमतीं विशालां बहुदामथ । दक्षः प्रादान्महादेव ! चतस्रो ऽरिष्टनेमये (ने)
manoramāṃ bhānumatīṃ viśālāṃ bahudāmatha / dakṣaḥ prādānmahādeva ! catasro 'riṣṭanemaye (ne)
Sanskrit only: no published translation is held for this verse.
स कृशाश्वाय च प्रादात्सुप्रजां च तथा जयाम् । अरुन्धती वसुर्यार्(जा) मी लम्बा भानुर्मरुद्वती
sa kṛśāśvāya ca prādātsuprajāṃ ca tathā jayām / arundhatī vasuryār(jā) mī lambā bhānurmarudvatī
Sanskrit only: no published translation is held for this verse.
सङ्कल्पा च मुहूर्ता च साध्या विश्वा च ता दश । धर्ंमपत्न्यः समाख्याताः कश्यपस्य वदाम्यहम्
saṅkalpā ca muhūrtā ca sādhyā viśvā ca tā daśa / dharṃmapatnyaḥ samākhyātāḥ kaśyapasya vadāmyaham
Sanskrit only: no published translation is held for this verse.
अदितिर्दितिर्दनुः काला ह्यनायुः सिंहिका मुनिः । कद्रूः साध्या हरा क्रोधा विनता सुरभिः खगा
aditirditirdanuḥ kālā hyanāyuḥ siṃhikā muniḥ / kadrūḥ sādhyā harā krodhā vinatā surabhiḥ khagā
Sanskrit only: no published translation is held for this verse.
विश्वेदेवास्तु विश्वायाः साध्या साध्यान्व्यजायत । मरुत्वत्यां मरुत्वन्तो वसोस्तु वसवस्तथा
viśvedevāstu viśvāyāḥ sādhyā sādhyānvyajāyata / marutvatyāṃ marutvanto vasostu vasavastathā
Sanskrit only: no published translation is held for this verse.
भानोस्तु भानवो रुद्र ! मुहूर्ताच्च मुहूर्तजाः । लम्बायाश्चैव घोषो ऽथ नागवीथिस्तु या (जा) मितः
bhānostu bhānavo rudra ! muhūrtācca muhūrtajāḥ / lambāyāścaiva ghoṣo 'tha nāgavīthistu yā (jā) mitaḥ
Sanskrit only: no published translation is held for this verse.
पृथिवीविषयं सर्वमरुत्वत्यां व्यजायत । सङ्कल्पायास्तु सर्वात्मा जज्ञे संकल्प एव हि
pṛthivīviṣayaṃ sarvamarutvatyāṃ vyajāyata / saṅkalpāyāstu sarvātmā jajñe saṃkalpa eva hi
Sanskrit only: no published translation is held for this verse.
आपो ध्रुवश्च सोमश्च धरश्चैवानिलो ऽनलः । प्रत्यूषश्च प्रभासश्च वसवो नामभिः स्मृताः
āpo dhruvaśca somaśca dharaścaivānilo 'nalaḥ / pratyūṣaśca prabhāsaśca vasavo nāmabhiḥ smṛtāḥ
Sanskrit only: no published translation is held for this verse.
आपस्य पुत्रो वेतुण्डिः (ण्डः) श्रमः श्रान्तो ध्वनिस्तथा । ध्रुवस्य पुत्रो भगवान्कालो लोकप्रकालनः
āpasya putro vetuṇḍiḥ (ṇḍaḥ) śramaḥ śrānto dhvanistathā / dhruvasya putro bhagavānkālo lokaprakālanaḥ
Sanskrit only: no published translation is held for this verse.
सोमस्य भगवान्वर्चा वर्चस्वी येन जायते । धरस्य पुत्रो द्रुहिणो हुतहव्यवहस्तथा
somasya bhagavānvarcā varcasvī yena jāyate / dharasya putro druhiṇo hutahavyavahastathā
Sanskrit only: no published translation is held for this verse.
मनोहरायां शिशिरः प्राणो ऽथ रमणस्तथा । अनिलस्य शिवा भार्या तस्याः पुत्रः पुलोमजः
manoharāyāṃ śiśiraḥ prāṇo 'tha ramaṇastathā / anilasya śivā bhāryā tasyāḥ putraḥ pulomajaḥ
Sanskrit only: no published translation is held for this verse.
अविज्ञातगतिश्चैव द्वौ पुत्रावनिलस्य तु । अग्निपुत्रः कुमारस्तु शरस्तम्बे व्यजायत्
avijñātagatiścaiva dvau putrāvanilasya tu / agniputraḥ kumārastu śarastambe vyajāyat
Sanskrit only: no published translation is held for this verse.
तस्य शाखो विशाखश्च नैगमेयश्च पृष्टजः । अपत्यं कृत्तिकानां तु कार्तिकेय इति स्मृतः
tasya śākho viśākhaśca naigameyaśca pṛṣṭajaḥ / apatyaṃ kṛttikānāṃ tu kārtikeya iti smṛtaḥ
Sanskrit only: no published translation is held for this verse.
प्रत्युषस्य विदुः पुत्रमृषिं नाम्ना तु देवलम् । विश्वकर्ंमा प्रभासस्य विख्यातो देववर्धकिः
pratyuṣasya viduḥ putramṛṣiṃ nāmnā tu devalam / viśvakarṃmā prabhāsasya vikhyāto devavardhakiḥ
Sanskrit only: no published translation is held for this verse.
अजैकपादहिर्बुध्न्यस्त्वष्टा रुद्रश्च वीर्यवान् । त्वष्टुश्चाप्यात्मजः पुत्रो विश्वरूपो महातपाः
ajaikapādahirbudhnyastvaṣṭā rudraśca vīryavān / tvaṣṭuścāpyātmajaḥ putro viśvarūpo mahātapāḥ
Sanskrit only: no published translation is held for this verse.
हरश्च बहुरूपश्च त्र्यम्बकश्चापराजितः । वृषाकपिश्च शम्भुश्च कपर्दे रैवतस्तथा
haraśca bahurūpaśca tryambakaścāparājitaḥ / vṛṣākapiśca śambhuśca kaparde raivatastathā
Sanskrit only: no published translation is held for this verse.
मृगव्याधश्च शर्वश्च कपाली च महामुने ! । एकादशैते कथिता रुद्रास्त्रिभुवनेश्वराः
mṛgavyādhaśca śarvaśca kapālī ca mahāmune ! / ekādaśaite kathitā rudrāstribhuvaneśvarāḥ
Sanskrit only: no published translation is held for this verse.
अदित्यां कश्यपाच्चैव सूर्या द्वादश जज्ञिरे । विष्णुः शक्रोर्ऽय्यमा धाता त्वष्टा पूषा तथैव च
adityāṃ kaśyapāccaiva sūryā dvādaśa jajñire / viṣṇuḥ śakror'yyamā dhātā tvaṣṭā pūṣā tathaiva ca
Sanskrit only: no published translation is held for this verse.
विवस्वान्सविता चैव मित्रो वरुण एव च । अशुमांश्च भगश्चैव आदित्या द्वादश स्मृताः
vivasvānsavitā caiva mitro varuṇa eva ca / aśumāṃśca bhagaścaiva ādityā dvādaśa smṛtāḥ
Sanskrit only: no published translation is held for this verse.
सप्तविंशतिः सोमस्य पत्न्यो नक्षत्रसंज्ञिताः । हिरण्यकशिपुर्दित्यां हिरण्याक्षो ऽभवत्तदा
saptaviṃśatiḥ somasya patnyo nakṣatrasaṃjñitāḥ / hiraṇyakaśipurdityāṃ hiraṇyākṣo 'bhavattadā
Sanskrit only: no published translation is held for this verse.
सिंहिका चाभवत्कन्या विप्रचित्तिपरिग्रहा । हिरण्यकशिपोः पुत्राश्चत्वारः पृथुलौजसः
siṃhikā cābhavatkanyā vipracittiparigrahā / hiraṇyakaśipoḥ putrāścatvāraḥ pṛthulaujasaḥ
Sanskrit only: no published translation is held for this verse.
अनुह्रादश्च ह्रादश्च प्रह्रादश्चैव वीर्यवान् । संह्रादश्चावमस्तेषां प्रह्रादो विष्णुतत्परः
anuhrādaśca hrādaśca prahrādaścaiva vīryavān / saṃhrādaścāvamasteṣāṃ prahrādo viṣṇutatparaḥ
Sanskrit only: no published translation is held for this verse.
संह्रादपुत्र आयुष्माञ्छिबिर्वाष्कल एव च । विरोचनश्च प्राह्रादिर्बलिर्जज्ञे विरोचनात्
saṃhrādaputra āyuṣmāñchibirvāṣkala eva ca / virocanaśca prāhrādirbalirjajñe virocanāt
Sanskrit only: no published translation is held for this verse.
बलेः पुत्रशतं त्वासीद्वाणज्येष्ठं वृषध्वज ! । हिरण्याक्षसुताश्चासन्सर्व एव महाबलाः
baleḥ putraśataṃ tvāsīdvāṇajyeṣṭhaṃ vṛṣadhvaja ! / hiraṇyākṣasutāścāsansarva eva mahābalāḥ
Sanskrit only: no published translation is held for this verse.
उत्कुरः शकुनिश्चैव भूतसन्तापनस्तथा । महानागो महाबाहुः कालनाभस्तथापरः
utkuraḥ śakuniścaiva bhūtasantāpanastathā / mahānāgo mahābāhuḥ kālanābhastathāparaḥ
Sanskrit only: no published translation is held for this verse.
अभवन्दनुपुत्राश्च द्विमूर्धा शङ्करस्तथा । अयोमुखः शङ्कुशिराः कपिलः शम्बरस्तथा
abhavandanuputrāśca dvimūrdhā śaṅkarastathā / ayomukhaḥ śaṅkuśirāḥ kapilaḥ śambarastathā
Sanskrit only: no published translation is held for this verse.
एकचक्रो महाबाहुस्तारकश्च महाबलः । स्वर्भानुर्वृषपर्वा च पुलोमा च महासुरः
ekacakro mahābāhustārakaśca mahābalaḥ / svarbhānurvṛṣaparvā ca pulomā ca mahāsuraḥ
Sanskrit only: no published translation is held for this verse.
एते दनोः सुताः ख्याता विप्रचित्तिश्च वीर्यवान् । स्वर्भानोः सुप्रभा कन्या शर्मिष्ठा वार्षपर्वणी
ete danoḥ sutāḥ khyātā vipracittiśca vīryavān / svarbhānoḥ suprabhā kanyā śarmiṣṭhā vārṣaparvaṇī
Sanskrit only: no published translation is held for this verse.
उपदानवी हयशिराः प्रख्याता वरकन्यकाः । वैश्वानरसुते चोभे पुलोमा कालका तथा
upadānavī hayaśirāḥ prakhyātā varakanyakāḥ / vaiśvānarasute cobhe pulomā kālakā tathā
Sanskrit only: no published translation is held for this verse.
उभे ते तु महाभागे मारीचेस्तु परिग्रहः । ताभ्यां पुत्रसहस्राणि षष्टिर्दानवसत्तमाः
ubhe te tu mahābhāge mārīcestu parigrahaḥ / tābhyāṃ putrasahasrāṇi ṣaṣṭirdānavasattamāḥ
Sanskrit only: no published translation is held for this verse.
पौलोमाः कालकञ्जाश्च मारीचतनयाः स्मृताः । सिंहिकायां समुत्पन्ना विप्रचित्तिसुतास्तथा
paulomāḥ kālakañjāśca mārīcatanayāḥ smṛtāḥ / siṃhikāyāṃ samutpannā vipracittisutāstathā
Sanskrit only: no published translation is held for this verse.
व्यंशः शल्यश्च बलवान्नभश्चैव महाबलः । वातापिर्नमुचिश्चैव इल्वलः खसृमांस्तथा
vyaṃśaḥ śalyaśca balavānnabhaścaiva mahābalaḥ / vātāpirnamuciścaiva ilvalaḥ khasṛmāṃstathā
Sanskrit only: no published translation is held for this verse.
अञ्ज (न्त) को नरकश्चैव काल नाभस्तथैव च । निवातकवचा दैत्याः प्रह्रादस्य कुले ऽभवन्
añja (nta) ko narakaścaiva kāla nābhastathaiva ca / nivātakavacā daityāḥ prahrādasya kule 'bhavan
Sanskrit only: no published translation is held for this verse.
षट् सुताश्च महासत्त्वास्ताम्रायाः परिकीर्तिताः । शुकी श्येनी च भासी च सुग्रीवी शुचिगृध्रिके
ṣaṭ sutāśca mahāsattvāstāmrāyāḥ parikīrtitāḥ / śukī śyenī ca bhāsī ca sugrīvī śucigṛdhrike
Sanskrit only: no published translation is held for this verse.
शुकी शुकानजनयदुलूकी प्रत्यलूककान् । श्येनी श्येनांस्तथा भासी भासान् गृध्रांश्च गृध्र्यपि
śukī śukānajanayadulūkī pratyalūkakān / śyenī śyenāṃstathā bhāsī bhāsān gṛdhrāṃśca gṛdhryapi
Sanskrit only: no published translation is held for this verse.
विनतायास्तु पुत्रौ द्वौ विख्यातौ गरुडारुणौ । सुरसायाः सहस्रं तु सर्पाणाममितौजसाम्
vinatāyāstu putrau dvau vikhyātau garuḍāruṇau / surasāyāḥ sahasraṃ tu sarpāṇāmamitaujasām
Sanskrit only: no published translation is held for this verse.
काद्रवेयाश्च फणिनः सहस्रममितौजसः । तेषा प्राधाना भूतेश ! शेषवासुकितक्षकाः
kādraveyāśca phaṇinaḥ sahasramamitaujasaḥ / teṣā prādhānā bhūteśa ! śeṣavāsukitakṣakāḥ
Sanskrit only: no published translation is held for this verse.
शङ्खः श्वेतो महापद्मः (शङ्खः) कम्बलाश्वतरौ तथा । एलापत्रस्तथा नागः कर्कोटकधनञ्जयौ
śaṅkhaḥ śveto mahāpadmaḥ (śaṅkhaḥ) kambalāśvatarau tathā / elāpatrastathā nāgaḥ karkoṭakadhanañjayau
Sanskrit only: no published translation is held for this verse.
गणं क्रोधवशं विद्धि ते च सर्वे च दंष्ट्रिणः । क्रोधा तु जनयामास पिशाचांश्च महाबलान्
gaṇaṃ krodhavaśaṃ viddhi te ca sarve ca daṃṣṭriṇaḥ / krodhā tu janayāmāsa piśācāṃśca mahābalān
Sanskrit only: no published translation is held for this verse.
गास्तु वै जनयामास सुरभिर्महिषांस्तथा । इरा वृक्षलताबल्लीस्तृणजातीश्च सर्वशः
gāstu vai janayāmāsa surabhirmahiṣāṃstathā / irā vṛkṣalatāballīstṛṇajātīśca sarvaśaḥ
Sanskrit only: no published translation is held for this verse.
खगा च यक्षरक्षांसि मुनिरप्सरसस्तथा । अरिष्टा तु महासत्त्वान् गन्धर्वान्समजीजनत्
khagā ca yakṣarakṣāṃsi munirapsarasastathā / ariṣṭā tu mahāsattvān gandharvānsamajījanat
Sanskrit only: no published translation is held for this verse.
देवा एकोनपञ्चाशन्मरुतो ह्यभवन्निति । एकज्यो तिश्च द्विर्ज्योतिचतुर्ज्योतिस्तथैव च
devā ekonapañcāśanmaruto hyabhavanniti / ekajyo tiśca dvirjyoticaturjyotistathaiva ca
Sanskrit only: no published translation is held for this verse.
एकशुक्रो द्विशुक्रश्च त्रिशुक्रश्च महाबलः । ईदृक् सदृक् तथान्यादृक् ततः प्रतिसदृक् तथा
ekaśukro dviśukraśca triśukraśca mahābalaḥ / īdṛk sadṛk tathānyādṛk tataḥ pratisadṛk tathā
Sanskrit only: no published translation is held for this verse.
मितश्च समितश्चैव सुमितश्च महाबलः । ऋतजित्सत्यजिच्चैव सुषेणः सेनजित्तथा
mitaśca samitaścaiva sumitaśca mahābalaḥ / ṛtajitsatyajiccaiva suṣeṇaḥ senajittathā
Sanskrit only: no published translation is held for this verse.
अतिमित्रो ऽप्यमित्रश्च दूरमित्रो ऽजितस्तथा । ऋतश्च ऋतधर्ंमा च विहर्ता वरुणो (चमसो) ध्रुवः
atimitro 'pyamitraśca dūramitro 'jitastathā / ṛtaśca ṛtadharṃmā ca vihartā varuṇo (camaso) dhruvaḥ
Sanskrit only: no published translation is held for this verse.
विधारणश्च दुर्मेधा अयमेकगणः स्मृतः । ईदृशश्च सदृक्षश्च एतादृक्षो मिताशनः
vidhāraṇaśca durmedhā ayamekagaṇaḥ smṛtaḥ / īdṛśaśca sadṛkṣaśca etādṛkṣo mitāśanaḥ
Sanskrit only: no published translation is held for this verse.
एतेनः प्रसदृक्षश्च सुरतश्च महातपाः । हेतुमान्प्रसवस्तद्वत्सुरभश्च महायशाः
etenaḥ prasadṛkṣaśca surataśca mahātapāḥ / hetumānprasavastadvatsurabhaśca mahāyaśāḥ
Sanskrit only: no published translation is held for this verse.
नादिरुग्रो ध्वनिर्भासो बिमुक्तो विक्षिपः सहः । द्युतिर्वसुरनाधृष्यो लाभ कामो जयी विराट्
nādirugro dhvanirbhāso bimukto vikṣipaḥ sahaḥ / dyutirvasuranādhṛṣyo lābha kāmo jayī virāṭ
Sanskrit only: no published translation is held for this verse.
उद्वेषणो गणो नाम वायुस्कन्धे तु सप्तमे । एतत्सर्वं हरे रूपं राजानो दानवाः सुराः
udveṣaṇo gaṇo nāma vāyuskandhe tu saptame / etatsarvaṃ hare rūpaṃ rājāno dānavāḥ surāḥ
Sanskrit only: no published translation is held for this verse.
सूर्यादि परिवारेण मन्वाद्या ईजिरे हरिम्
sūryādi parivāreṇa manvādyā ījire harim
Sanskrit only: no published translation is held for this verse.