Library·Garuḍa Purāṇa·1·1.82
ब्रह्मोवाच । सारात्सारतरं व्यास गयाभाहात्म्य मुत्तमम् । प्रवक्ष्यामि समासेन बुक्तिमुक्तिप्रदं शृणु
brahmovāca / sārātsārataraṃ vyāsa gayābhāhātmya muttamam / pravakṣyāmi samāsena buktimuktipradaṃ śṛṇu
Sanskrit only: no published translation is held for this verse.
गयासुरो ऽभवत्पूर्वं वीर्यवान्परमः स च । तपस्तप्यन्महाघोरं सर्वभूतोपतापनम्
gayāsuro 'bhavatpūrvaṃ vīryavānparamaḥ sa ca / tapastapyanmahāghoraṃ sarvabhūtopatāpanam
Sanskrit only: no published translation is held for this verse.
तत्तपस्तापिता देवास्तद्वधार्थं हरिं गताः । शरणं हरिरूचे तान् भवितव्यं शिवात्मभैः
tattapastāpitā devāstadvadhārthaṃ hariṃ gatāḥ / śaraṇaṃ harirūce tān bhavitavyaṃ śivātmabhaiḥ
Sanskrit only: no published translation is held for this verse.
पात्यते ऽस्य महादेहो तथेत्यूचुः सुरा हरिम् । कदाचिच्छिवपूजार्थं क्षीराब्धेः कमलानि च
pātyate 'sya mahādeho tathetyūcuḥ surā harim / kadācicchivapūjārthaṃ kṣīrābdheḥ kamalāni ca
Sanskrit only: no published translation is held for this verse.
आनीय कीकटे देशे शयनं चाकरोद्वली । विष्णुमायाविमूढो ऽसौ गदया विष्णुना हतः
ānīya kīkaṭe deśe śayanaṃ cākarodvalī / viṣṇumāyāvimūḍho 'sau gadayā viṣṇunā hataḥ
Sanskrit only: no published translation is held for this verse.
अतो गदाधरो विष्णुर्गयायां मुक्तिदः स्थितः । तस्य देहो लिङ्गरूपी स्थितः शुद्धे पितामहः
ato gadādharo viṣṇurgayāyāṃ muktidaḥ sthitaḥ / tasya deho liṅgarūpī sthitaḥ śuddhe pitāmahaḥ
Sanskrit only: no published translation is held for this verse.
जनार्दनश्च कालेशस्तथान्यः प्रपितामहः । विष्णुराहाथ मर्यादां पुण्यक्षेत्रं भविष्यति
janārdanaśca kāleśastathānyaḥ prapitāmahaḥ / viṣṇurāhātha maryādāṃ puṇyakṣetraṃ bhaviṣyati
Sanskrit only: no published translation is held for this verse.
यज्ञं श्राद्धं पिण्डदानं स्नानादि कुरुते नरः । स स्वर्गं ब्रह्मलोकं च गच्छेन्न नरकं नरः
yajñaṃ śrāddhaṃ piṇḍadānaṃ snānādi kurute naraḥ / sa svargaṃ brahmalokaṃ ca gacchenna narakaṃ naraḥ
Sanskrit only: no published translation is held for this verse.
गयातीर्थं परं ज्ञात्वा यागं चक्रे पितामहः । ब्राह्मणान्पूजयामास ऋत्विगर्थमुपागतान्
gayātīrthaṃ paraṃ jñātvā yāgaṃ cakre pitāmahaḥ / brāhmaṇānpūjayāmāsa ṛtvigarthamupāgatān
Sanskrit only: no published translation is held for this verse.
महानदीं रसवहां सृष्ट्वा वाप्यादिकं तथा । भक्ष्यभोज्यफलादींश्च कामधेनुं तथासृजत्
mahānadīṃ rasavahāṃ sṛṣṭvā vāpyādikaṃ tathā / bhakṣyabhojyaphalādīṃśca kāmadhenuṃ tathāsṛjat
Sanskrit only: no published translation is held for this verse.
पञ्चक्रोशं गयोक्षेत्रं ब्राह्मणेभ्यो ददौ प्रभुः । धरमयागेषु लोभात्तु प्रतिगृह्य धनादिकम्
pañcakrośaṃ gayokṣetraṃ brāhmaṇebhyo dadau prabhuḥ / dharamayāgeṣu lobhāttu pratigṛhya dhanādikam
Sanskrit only: no published translation is held for this verse.
स्थिता विप्रास्तदा शप्ता गयायां ब्राह्मणास्ततः । मा भूत्त्रैपुरुषी विद्या मा भूत्त्रैपुरुषं धनम्
sthitā viprāstadā śaptā gayāyāṃ brāhmaṇāstataḥ / mā bhūttraipuruṣī vidyā mā bhūttraipuruṣaṃ dhanam
Sanskrit only: no published translation is held for this verse.
युष्माकं स्याद्वारिवहा नदी पाषाणपर्वतः । शप्तैस्तु प्रार्थितो ब्रह्मानुग्रहं कृतवान्प्रभुः
yuṣmākaṃ syādvārivahā nadī pāṣāṇaparvataḥ / śaptaistu prārthito brahmānugrahaṃ kṛtavānprabhuḥ
Sanskrit only: no published translation is held for this verse.
लोकाः पुण्या गयायां हि श्राद्धिनो ब्रह्मलोकगाः । युष्मान्ये पूजयिष्यन्ति तैरहं पूजितः सदा
lokāḥ puṇyā gayāyāṃ hi śrāddhino brahmalokagāḥ / yuṣmānye pūjayiṣyanti tairahaṃ pūjitaḥ sadā
Sanskrit only: no published translation is held for this verse.
ब्रह्मज्ञानं गयाश्राद्धं गोगृहे मरणं तथा । वासः पुंसां कुरुक्षेत्रे मुक्तिरेषा चतुर्विधा
brahmajñānaṃ gayāśrāddhaṃ gogṛhe maraṇaṃ tathā / vāsaḥ puṃsāṃ kurukṣetre muktireṣā caturvidhā
Sanskrit only: no published translation is held for this verse.
समुद्राः सरितः सर्वा वापीकूपह्रदास्तथा । स्नातुकामा गयातीर्थं व्यास यास यान्ति न संशयः
samudrāḥ saritaḥ sarvā vāpīkūpahradāstathā / snātukāmā gayātīrthaṃ vyāsa yāsa yānti na saṃśayaḥ
Sanskrit only: no published translation is held for this verse.
ब्रह्महत्या सुरापानं स्तेयं गुर्वङ्गनागमः । पापं तत्संगजं सर्वं गयाश्राद्धाद्विनश्यति
brahmahatyā surāpānaṃ steyaṃ gurvaṅganāgamaḥ / pāpaṃ tatsaṃgajaṃ sarvaṃ gayāśrāddhādvinaśyati
Sanskrit only: no published translation is held for this verse.
असंस्कृता मृता य च पशुचोरहताश्च ये । सर्पदष्टा गयाश्राद्धान्मुक्ताः स्वर्गं व्रजन्ति ते
asaṃskṛtā mṛtā ya ca paśucorahatāśca ye / sarpadaṣṭā gayāśrāddhānmuktāḥ svargaṃ vrajanti te
Sanskrit only: no published translation is held for this verse.
गयायां पिण्डदानेन यत्फलं लभते नरः । न तच्छक्यं मया वक्तुं वर्षकोटिशतैरपि
gayāyāṃ piṇḍadānena yatphalaṃ labhate naraḥ / na tacchakyaṃ mayā vaktuṃ varṣakoṭiśatairapi
Sanskrit only: no published translation is held for this verse.