इति श्रीगारुडे महापुराणे पूर्वखण्डे प्रथमांशाख्ये आचारकाण्डे गयामाहात्म्यं नाम द्व्यशीतितमो ऽध्यायः श्रीगरुडमहापुराणम्- ८३ ब्रह्मोवाच । कीकटेषु गया पुण्या पुण्यं राजगृहं वनम् । विषयश्चारणः पुण्यो नदीनां च पुनः पुना
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe gayāmāhātmyaṃ nāma dvyaśītitamo 'dhyāyaḥ śrīgaruḍamahāpurāṇam- 83 brahmovāca / kīkaṭeṣu gayā puṇyā puṇyaṃ rājagṛhaṃ vanam / viṣayaścāraṇaḥ puṇyo nadīnāṃ ca punaḥ punā
Sanskrit only: no published translation is held for this verse.
मुण्डपृष्ठं तु पूर्वस्मिन्पश्चिमे दक्षिणोत्तरे । सार्धक्रोशद्वयं मानं गयायां परिकीर्तितम्
muṇḍapṛṣṭhaṃ tu pūrvasminpaścime dakṣiṇottare / sārdhakrośadvayaṃ mānaṃ gayāyāṃ parikīrtitam
Sanskrit only: no published translation is held for this verse.
पञ्चक्रोशं गयाक्षेत्रं क्रोशमेकं गयाशिरः । तत्र पिण्डप्रदानेन तृप्तिर्भवति शाश्वती
pañcakrośaṃ gayākṣetraṃ krośamekaṃ gayāśiraḥ / tatra piṇḍapradānena tṛptirbhavati śāśvatī
Sanskrit only: no published translation is held for this verse.
नगाज्जनार्दनाच्चैव कूपाच्चोत्तरमानसात् । एतद्गयाशिरः प्रोक्तं फल्गुतीर्थं तदुच्यते
nagājjanārdanāccaiva kūpāccottaramānasāt / etadgayāśiraḥ proktaṃ phalgutīrthaṃ taducyate
Sanskrit only: no published translation is held for this verse.
तत्र पिण्डप्रदानेन पितॄणा परमा गतिः । गयागमनमात्रेण पितॄणामनृणो भवेत्
tatra piṇḍapradānena pitṝṇā paramā gatiḥ / gayāgamanamātreṇa pitṝṇāmanṛṇo bhavet
Sanskrit only: no published translation is held for this verse.
गयायां पितृरूपेण देवदेवो जनार्दनः । तं दृष्ट्वा पुण्डरीकाक्षं मुच्यते वै ऋणत्रयात्
gayāyāṃ pitṛrūpeṇa devadevo janārdanaḥ / taṃ dṛṣṭvā puṇḍarīkākṣaṃ mucyate vai ṛṇatrayāt
Sanskrit only: no published translation is held for this verse.
रथमार्गं गयतीर्थे दृष्ट्वा रुद्रपदादिके । कालेश्वरं च केदारं पितॄणामनृणो भवेत्
rathamārgaṃ gayatīrthe dṛṣṭvā rudrapadādike / kāleśvaraṃ ca kedāraṃ pitṝṇāmanṛṇo bhavet
Sanskrit only: no published translation is held for this verse.
दृष्ट्वा पितामहं देवं सर्वपापैः प्रमुच्यते । लोकं त्वनामयं याति दृष्ट्वा च प्रपितामहम्
dṛṣṭvā pitāmahaṃ devaṃ sarvapāpaiḥ pramucyate / lokaṃ tvanāmayaṃ yāti dṛṣṭvā ca prapitāmaham
Sanskrit only: no published translation is held for this verse.
तथा गदाधरं देवं माधवं पुरुषोत्तमम् । तं प्रणम्य प्रयत्नेन न भूयो जायते नरः
tathā gadādharaṃ devaṃ mādhavaṃ puruṣottamam / taṃ praṇamya prayatnena na bhūyo jāyate naraḥ
Sanskrit only: no published translation is held for this verse.
मौनादित्यं महात्मानं कनकार्कं विशेषतः । दृष्ट्वा मौनेन विप्रर्षे पितॄणामनृणो भवेत्
maunādityaṃ mahātmānaṃ kanakārkaṃ viśeṣataḥ / dṛṣṭvā maunena viprarṣe pitṝṇāmanṛṇo bhavet
Sanskrit only: no published translation is held for this verse.
ब्रह्माणं पूजयित्वा च ब्रह्मलोकमवाप्नुयात् । गायत्त्रीं प्रतरुत्थाय यस्तु पश्यति मानवः
brahmāṇaṃ pūjayitvā ca brahmalokamavāpnuyāt / gāyattrīṃ pratarutthāya yastu paśyati mānavaḥ
Sanskrit only: no published translation is held for this verse.
सन्ध्यां कृत्वा प्रयत्नेन सर्ववेदफलं लभेत् । सावित्रीं चैव मध्याह्ने दृष्ट्वा यज्ञफलं लभेत्
sandhyāṃ kṛtvā prayatnena sarvavedaphalaṃ labhet / sāvitrīṃ caiva madhyāhne dṛṣṭvā yajñaphalaṃ labhet
Sanskrit only: no published translation is held for this verse.
सरस्वतीं च सायाह्ने दृष्ट्वा दानफलं लभेत् । नगस्थमीश्वरं दृष्ट्वा पितॄणामनृणो भवेत्
sarasvatīṃ ca sāyāhne dṛṣṭvā dānaphalaṃ labhet / nagasthamīśvaraṃ dṛṣṭvā pitṝṇāmanṛṇo bhavet
Sanskrit only: no published translation is held for this verse.
धर्मारण्यं धर्ममीशं दृष्ट्वा स्यादृणनाशनम् । देवं गृध्रेश्वरं दृष्ट्वा को न मुच्येत बन्धनात्
dharmāraṇyaṃ dharmamīśaṃ dṛṣṭvā syādṛṇanāśanam / devaṃ gṛdhreśvaraṃ dṛṣṭvā ko na mucyeta bandhanāt
Sanskrit only: no published translation is held for this verse.
धेनुं दृष्ट्वा धेनुवने ब्रह्मलोकं नयेत्पितॄन् । प्रभासेशं प्रभासे च दृष्ट्वा याति परां गतिम्
dhenuṃ dṛṣṭvā dhenuvane brahmalokaṃ nayetpitṝn / prabhāseśaṃ prabhāse ca dṛṣṭvā yāti parāṃ gatim
Sanskrit only: no published translation is held for this verse.
कोटीश्वरं चाश्वमेधं दृष्ट्वा स्यादृणनाशनम् । स्वर्गद्वारेश्वरं दृष्ट्वा मुच्यते भवबन्धनात्
koṭīśvaraṃ cāśvamedhaṃ dṛṣṭvā syādṛṇanāśanam / svargadvāreśvaraṃ dṛṣṭvā mucyate bhavabandhanāt
Sanskrit only: no published translation is held for this verse.
रामेश्वरं गदालोलं दृष्ट्वा स्वर्गमवाप्नुयात् । ब्रह्मेश्वरं तथा दृष्ट्वा मुच्यते ब्रह्महत्यया
rāmeśvaraṃ gadālolaṃ dṛṣṭvā svargamavāpnuyāt / brahmeśvaraṃ tathā dṛṣṭvā mucyate brahmahatyayā
Sanskrit only: no published translation is held for this verse.
मुण्डपृष्ठे महाचण्डीं दृष्ट्वा कामानवाप्नुयात् । फल्ग्वीशं फल्गुचण्डीं च गौरीं दृष्ट्वा च मङ्गलाम्
muṇḍapṛṣṭhe mahācaṇḍīṃ dṛṣṭvā kāmānavāpnuyāt / phalgvīśaṃ phalgucaṇḍīṃ ca gaurīṃ dṛṣṭvā ca maṅgalām
Sanskrit only: no published translation is held for this verse.
गोमकं गोपतिं देवं पितॄणामनृणो भवेत् । अङ्गारेशं च सिद्धेशं गयादित्यं गजं तथा
gomakaṃ gopatiṃ devaṃ pitṝṇāmanṛṇo bhavet / aṅgāreśaṃ ca siddheśaṃ gayādityaṃ gajaṃ tathā
Sanskrit only: no published translation is held for this verse.
मार्कण्डेयेश्वरं दृष्ट्वा पितॄणामनृणो भवेत् । फल्गुतीर्थे नरः स्नात्वा दृष्ट्वा देवं गदाधरम्
mārkaṇḍeyeśvaraṃ dṛṣṭvā pitṝṇāmanṛṇo bhavet / phalgutīrthe naraḥ snātvā dṛṣṭvā devaṃ gadādharam
Sanskrit only: no published translation is held for this verse.
एतेन किं न पर्याप्तं नॄणां सुकृतकारिणाम् । ब्रह्मलोकं प्रयान्तीह पुरुषा एकविंशतिः
etena kiṃ na paryāptaṃ nṝṇāṃ sukṛtakāriṇām / brahmalokaṃ prayāntīha puruṣā ekaviṃśatiḥ
Sanskrit only: no published translation is held for this verse.
पृथिव्यां यानि तीर्थानी ये समुद्राः सरांसि च । फल्गुतीर्थं गमिष्यन्ति वारमेकं दिनेदिने
pṛthivyāṃ yāni tīrthānī ye samudrāḥ sarāṃsi ca / phalgutīrthaṃ gamiṣyanti vāramekaṃ dinedine
Sanskrit only: no published translation is held for this verse.
पृथिव्यां च गया पुण्या गयायां च गयाशिरः । श्रेष्ठं तथा फल्गुतीर्थं तन्मुखं च सुरस्य हि
pṛthivyāṃ ca gayā puṇyā gayāyāṃ ca gayāśiraḥ / śreṣṭhaṃ tathā phalgutīrthaṃ tanmukhaṃ ca surasya hi
Sanskrit only: no published translation is held for this verse.
उदीचि कनकानद्यो नाभितीर्थं तु मध्यतः । पुण्यं ब्रह्मसदस्तीर्थं स्नानात्स्याद्ब्रह्मलोकदम्
udīci kanakānadyo nābhitīrthaṃ tu madhyataḥ / puṇyaṃ brahmasadastīrthaṃ snānātsyādbrahmalokadam
Sanskrit only: no published translation is held for this verse.
कूपे पिण्डादिकं कृत्वा पितॄणामनृणो भवेम् । तथाक्षयवटे श्राद्धी ब्रह्मलोकं नयेत्पितॄन्
kūpe piṇḍādikaṃ kṛtvā pitṝṇāmanṛṇo bhavem / tathākṣayavaṭe śrāddhī brahmalokaṃ nayetpitṝn
Sanskrit only: no published translation is held for this verse.
हंसतीर्थे नरः स्नात्वा सर्वपापैः प्रमुच्यते । कोटितीथ गयालोले वैतरण्यां च गोमके
haṃsatīrthe naraḥ snātvā sarvapāpaiḥ pramucyate / koṭitītha gayālole vaitaraṇyāṃ ca gomake
Sanskrit only: no published translation is held for this verse.
ब्रह्मलोकं नयेच्छ्राद्धी पुरुषानेकविंशतिम् । ब्रह्मतीर्थे रामतीर्थे आग्नेये सोमतीर्थके
brahmalokaṃ nayecchrāddhī puruṣānekaviṃśatim / brahmatīrthe rāmatīrthe āgneye somatīrthake
Sanskrit only: no published translation is held for this verse.
श्राद्धी रामह्रदे ब्रह्मलोकं पितृकुलं नयेत् । उत्तरे मानसे श्राद्धी न भूयो जायते नरः
śrāddhī rāmahrade brahmalokaṃ pitṛkulaṃ nayet / uttare mānase śrāddhī na bhūyo jāyate naraḥ
Sanskrit only: no published translation is held for this verse.
दक्षिणे मानसे श्राद्धी ब्रह्मलोकं पितॄन्नयेत् । स्वगद्वारे नरः श्राद्धी ब्रह्मलोकं नयेत्पितॄन् । भीष्मतर्पणकृत्तस्य कूटे तारयते पितॄन् । गृध्रेश्वरे तथा श्राद्धी पितॄणामनृणो भवेत्
dakṣiṇe mānase śrāddhī brahmalokaṃ pitṝnnayet / svagadvāre naraḥ śrāddhī brahmalokaṃ nayetpitṝn / bhīṣmatarpaṇakṛttasya kūṭe tārayate pitṝn / gṛdhreśvare tathā śrāddhī pitṝṇāmanṛṇo bhavet
Sanskrit only: no published translation is held for this verse.
श्राद्धी च धेनुकारण्ये ब्रिह्मलोकं पितॄन्नयेत् । तिलधेनुप्रदः स्नात्वा दृष्ट्वा धेनुं न संशयः
śrāddhī ca dhenukāraṇye brihmalokaṃ pitṝnnayet / tiladhenupradaḥ snātvā dṛṣṭvā dhenuṃ na saṃśayaḥ
Sanskrit only: no published translation is held for this verse.
ऐन्द्रे वा नरतीर्थे च वासवे वैष्णवे तथा । महानद्यां कृतश्राद्धो ब्रह्मलोकं नयेत्पितॄन्
aindre vā naratīrthe ca vāsave vaiṣṇave tathā / mahānadyāṃ kṛtaśrāddho brahmalokaṃ nayetpitṝn
Sanskrit only: no published translation is held for this verse.
गायत्त्रे चैव सावित्रे तीर्थे सारस्वते तथा । स्नानस न्ध्यातर्पणकृच्छ्राद्धी चैकोत्तरं शतम्
gāyattre caiva sāvitre tīrthe sārasvate tathā / snānasa ndhyātarpaṇakṛcchrāddhī caikottaraṃ śatam
Sanskrit only: no published translation is held for this verse.
पितॄणां तु कुलं ब्रह्मलोकं नयति मानवः । ब्रह्मयोनिं विनिर्गच्छेत्प्रयतः पितृमानसः
pitṝṇāṃ tu kulaṃ brahmalokaṃ nayati mānavaḥ / brahmayoniṃ vinirgacchetprayataḥ pitṛmānasaḥ
Sanskrit only: no published translation is held for this verse.
तर्पयित्वा पितॄन्देवान्न विशेद्योनिसङ्कटे । तर्पणे काकजङ्घार्या पितॄणां तृप्तिरक्षया
tarpayitvā pitṝndevānna viśedyonisaṅkaṭe / tarpaṇe kākajaṅghāryā pitṝṇāṃ tṛptirakṣayā
Sanskrit only: no published translation is held for this verse.
धर्मारण्ये मतङ्गस्य वाप्यां श्राद्धाद्दिवं व्रजेत् । धर्मयूपे च कूपे त पितॄणामनृणो भवेत्
dharmāraṇye mataṅgasya vāpyāṃ śrāddhāddivaṃ vrajet / dharmayūpe ca kūpe ta pitṝṇāmanṛṇo bhavet
Sanskrit only: no published translation is held for this verse.
प्रमाणं देवताः सन्तु लोकपालाश्च साक्षिणः । मयागत्य मतङ्गे ऽस्मिन्पितॄणां निष्कृतिः कृता
pramāṇaṃ devatāḥ santu lokapālāśca sākṣiṇaḥ / mayāgatya mataṅge 'sminpitṝṇāṃ niṣkṛtiḥ kṛtā
Sanskrit only: no published translation is held for this verse.
रामतीर्थे नराः स्नात्वा श्राद्धं कृत्वा प्रभासके । शिलायां प्रेतभावात्स्युर्मुक्ताः पितृगणाः किल
rāmatīrthe narāḥ snātvā śrāddhaṃ kṛtvā prabhāsake / śilāyāṃ pretabhāvātsyurmuktāḥ pitṛgaṇāḥ kila
Sanskrit only: no published translation is held for this verse.
श्राद्धकृच्छ स्वपुष्टायां त्रिः सफ्तकुंलमुद्धरेत् । श्राद्धकृन्मुण्डपृष्ठादौ ब्रह्मलोकं नयेत्पितॄन्
śrāddhakṛccha svapuṣṭāyāṃ triḥ saphtakuṃlamuddharet / śrāddhakṛnmuṇḍapṛṣṭhādau brahmalokaṃ nayetpitṝn
Sanskrit only: no published translation is held for this verse.
गयायां न हि तत्स्थानं यत्र तीर्थं न विद्यते । पञ्चक्रोशे गयाक्षेत्रे यत्र तत्र तु पिण्डदः
gayāyāṃ na hi tatsthānaṃ yatra tīrthaṃ na vidyate / pañcakrośe gayākṣetre yatra tatra tu piṇḍadaḥ
Sanskrit only: no published translation is held for this verse.
अक्षयं फलमाप्नोति ब्रह्मलोकं नयेत्पितॄन् । जनार्दनस्य हस्ते तु पिण्डं दद्यात्स्वकं नरः
akṣayaṃ phalamāpnoti brahmalokaṃ nayetpitṝn / janārdanasya haste tu piṇḍaṃ dadyātsvakaṃ naraḥ
Sanskrit only: no published translation is held for this verse.
एष पिण्डे मया दत्तस्तव हस्ते जनार्दन ! । परलोकं गते मोक्षमक्षय्यमुपतिष्ठताम्
eṣa piṇḍe mayā dattastava haste janārdana ! / paralokaṃ gate mokṣamakṣayyamupatiṣṭhatām
Sanskrit only: no published translation is held for this verse.
ब्रह्मलोकमवाप्नोति पितृभिः सह निश्चितम् । गयायां धर्मपृष्ठे च सरसि ब्रह्मणस्तथा
brahmalokamavāpnoti pitṛbhiḥ saha niścitam / gayāyāṃ dharmapṛṣṭhe ca sarasi brahmaṇastathā
Sanskrit only: no published translation is held for this verse.
गयाशीर्षे ऽक्षयवटे पितॄणां दत्तमक्षयम् । धर्मारण्यं धर्मपृष्ठं धेनुकारण्यमेव च
gayāśīrṣe 'kṣayavaṭe pitṝṇāṃ dattamakṣayam / dharmāraṇyaṃ dharmapṛṣṭhaṃ dhenukāraṇyameva ca
Sanskrit only: no published translation is held for this verse.
दृष्ट्वैतानि पितॄंश्चार्यवंश्यान्विंशतिमुद्धरेत् । ब्रह्मारण्यं महानद्याः पश्चिमो भाग उच्यते
dṛṣṭvaitāni pitṝṃścāryavaṃśyānviṃśatimuddharet / brahmāraṇyaṃ mahānadyāḥ paścimo bhāga ucyate
Sanskrit only: no published translation is held for this verse.
पूर्वो ब्रह्मसदो भागो नागाद्रिर्भरताश्रमः । भरतस्याश्रमे श्राद्धी मतङ्गस्य पदे भवेत्
pūrvo brahmasado bhāgo nāgādrirbharatāśramaḥ / bharatasyāśrame śrāddhī mataṅgasya pade bhavet
Sanskrit only: no published translation is held for this verse.
गयाशीर्षाद्दक्षिणतो महानद्याश्च पश्चिमे । तत्स्मृतं चम्पकवनं तत्र पाण्डुशिलास्ति हि
gayāśīrṣāddakṣiṇato mahānadyāśca paścime / tatsmṛtaṃ campakavanaṃ tatra pāṇḍuśilāsti hi
Sanskrit only: no published translation is held for this verse.
श्राद्धी तत्र तृतीयायां निश्चिरायाश्च मण्डले । महाह्रदे च कौशिक्यामक्षयं फलमाप्नुयात्
śrāddhī tatra tṛtīyāyāṃ niścirāyāśca maṇḍale / mahāhrade ca kauśikyāmakṣayaṃ phalamāpnuyāt
Sanskrit only: no published translation is held for this verse.
वैतरण्या श्चोत्तरतस्तृतीयाख्यो जलाशयः । पदानि तत्र क्रौञ्चस्य श्राद्धी स्वर्गं नयेत्पितॄन्
vaitaraṇyā ścottaratastṛtīyākhyo jalāśayaḥ / padāni tatra krauñcasya śrāddhī svargaṃ nayetpitṝn
Sanskrit only: no published translation is held for this verse.
क्रौञ्चपादादुत्तरतो निश्चिराख्यो जलाशयः । सकृद्यत्राभिगमनं सकृत्पिंण्डप्रपातनम्
krauñcapādāduttarato niścirākhyo jalāśayaḥ / sakṛdyatrābhigamanaṃ sakṛtpiṃṇḍaprapātanam
Sanskrit only: no published translation is held for this verse.
दुर्लभं किं पुनर्नित्यमस्मिन्नेव व्यवस्थितिः । महानद्यामुपस्पृश्य तर्पयेत्पितृदेवताः
durlabhaṃ kiṃ punarnityamasminneva vyavasthitiḥ / mahānadyāmupaspṛśya tarpayetpitṛdevatāḥ
Sanskrit only: no published translation is held for this verse.
अक्षयान्प्राप्नुयाल्लोकान्कुलं चापि समुद्धरेत् । सावित्रे पठ्यते सन्ध्या कृता स्याद्द्वादशाब्दिकी
akṣayānprāpnuyāllokānkulaṃ cāpi samuddharet / sāvitre paṭhyate sandhyā kṛtā syāddvādaśābdikī
Sanskrit only: no published translation is held for this verse.
शुक्लकृष्णावुभौ पक्षौ गयायां यो वसेन्नरः पुनात्यासप्तमं चैव कुलं नास्त्यत्र संशयः
śuklakṛṣṇāvubhau pakṣau gayāyāṃ yo vasennaraḥ punātyāsaptamaṃ caiva kulaṃ nāstyatra saṃśayaḥ
Sanskrit only: no published translation is held for this verse.
गयायां मुणाडपृष्ठं च अरविन्दं च पर्वतम् । तृतीयं क्रैञ्चपादं च दृष्ट्वा पापैः प्रमुच्यते
gayāyāṃ muṇāḍapṛṣṭhaṃ ca aravindaṃ ca parvatam / tṛtīyaṃ kraiñcapādaṃ ca dṛṣṭvā pāpaiḥ pramucyate
Sanskrit only: no published translation is held for this verse.
मकरे वर्तमाने च ग्रहणे चन्द्रसूर्ययोः । दुर्लभं त्रिषु लोकेषु गयायां पिण्डपातनम्
makare vartamāne ca grahaṇe candrasūryayoḥ / durlabhaṃ triṣu lokeṣu gayāyāṃ piṇḍapātanam
Sanskrit only: no published translation is held for this verse.
महाह्रदे च कौशिक्यां मूलक्षेत्रे विशेषतः । गुहायां गृध्रकूटस्य श्राद्धं दत्तं (सप्त) महाफलम्
mahāhrade ca kauśikyāṃ mūlakṣetre viśeṣataḥ / guhāyāṃ gṛdhrakūṭasya śrāddhaṃ dattaṃ (sapta) mahāphalam
Sanskrit only: no published translation is held for this verse.
यत्र माहेश्वरी धारा श्राद्धी तत्रानृणो भवेत् । पुण्यां विशालामासाद्य नदीं त्रैलोक्य विश्रुताम्
yatra māheśvarī dhārā śrāddhī tatrānṛṇo bhavet / puṇyāṃ viśālāmāsādya nadīṃ trailokya viśrutām
Sanskrit only: no published translation is held for this verse.
अग्निष्टोममवाप्नोति श्राद्धी प्रायाद्दिवं नरः । श्राद्धी मासपदे स्नात्वा वाजपेयफलं लभेत्
agniṣṭomamavāpnoti śrāddhī prāyāddivaṃ naraḥ / śrāddhī māsapade snātvā vājapeyaphalaṃ labhet
Sanskrit only: no published translation is held for this verse.
रविपादे पिण्डदानात्पतितोद्धारणं भवेत् । गयास्थो यो ददात्यन्नं पितरस्तेन पुत्रिणः
ravipāde piṇḍadānātpatitoddhāraṇaṃ bhavet / gayāstho yo dadātyannaṃ pitarastena putriṇaḥ
Sanskrit only: no published translation is held for this verse.
काङ्क्षन्ते पितरः पुत्रान्नरकाद्भयभीरवः । गयां यास्यति यः कश्चित्सो ऽस्मान्सन्तरयिष्यति
kāṅkṣante pitaraḥ putrānnarakādbhayabhīravaḥ / gayāṃ yāsyati yaḥ kaścitso 'smānsantarayiṣyati
Sanskrit only: no published translation is held for this verse.
गयाप्राप्तं सुतं दृष्ट्वा पितॄणामुत्सवो भवेत् । पभ्द्यामपि जलं स्पृष्ट्वा अस्मभ्यं किल दास्यति
gayāprāptaṃ sutaṃ dṛṣṭvā pitṝṇāmutsavo bhavet / pabhdyāmapi jalaṃ spṛṣṭvā asmabhyaṃ kila dāsyati
Sanskrit only: no published translation is held for this verse.
आत्मजो वा तथान्यो वा गयाकूपे यदा तदा । यन्नाम्ना पातयेत्पिण्डं तं नयेद्ब्रह्म शाश्वतम्
ātmajo vā tathānyo vā gayākūpe yadā tadā / yannāmnā pātayetpiṇḍaṃ taṃ nayedbrahma śāśvatam
Sanskrit only: no published translation is held for this verse.
पुण्डरीकं विष्णुलोकं प्राप्नुयात्कोटितीर्थगः । या सा वैतरणी नाम त्रिषु लोकेषु विश्रुता
puṇḍarīkaṃ viṣṇulokaṃ prāpnuyātkoṭitīrthagaḥ / yā sā vaitaraṇī nāma triṣu lokeṣu viśrutā
Sanskrit only: no published translation is held for this verse.
सावतीर्णा गयाक्षेत्रे पितॄणां तारणाय हि । श्राद्धदः पिण्डदस्तत्र गोप्रदानं करोतियः
sāvatīrṇā gayākṣetre pitṝṇāṃ tāraṇāya hi / śrāddhadaḥ piṇḍadastatra gopradānaṃ karotiyaḥ
Sanskrit only: no published translation is held for this verse.
एकविंशतिवंश्यान्स तारयेन्नात्र संशयः । यदि पुत्रो गयां गच्छेत्कदाचित्कालपर्यये
ekaviṃśativaṃśyānsa tārayennātra saṃśayaḥ / yadi putro gayāṃ gacchetkadācitkālaparyaye
Sanskrit only: no published translation is held for this verse.
तानेव भोजयेद्विप्रान्ब्रह्मणा ये प्रकल्पिताः । तेषां ब्रह्मसदः स्थानं सोमपानं तथैव च
tāneva bhojayedviprānbrahmaṇā ye prakalpitāḥ / teṣāṃ brahmasadaḥ sthānaṃ somapānaṃ tathaiva ca
Sanskrit only: no published translation is held for this verse.
ब्रह्मप्रकल्पितं स्थानं विप्रा ब्रह्मप्रकल्पपिताः । पूजितैः पूजिताः सर्वे पितृभिः सह देवताः
brahmaprakalpitaṃ sthānaṃ viprā brahmaprakalpapitāḥ / pūjitaiḥ pūjitāḥ sarve pitṛbhiḥ saha devatāḥ
Sanskrit only: no published translation is held for this verse.
तर्पयेत्तु गयाविप्रान्हव्यकव्यैर्विधानतः । स्थानं देहपरित्यागे गयायां तु विधीयते
tarpayettu gayāviprānhavyakavyairvidhānataḥ / sthānaṃ dehaparityāge gayāyāṃ tu vidhīyate
Sanskrit only: no published translation is held for this verse.
यः करोति वृषोत्सर्गं गयाक्षेत्रे ह्यनुत्तमे । अग्निष्टोमशतं पुण्यं लभते नात्र संशयः
yaḥ karoti vṛṣotsargaṃ gayākṣetre hyanuttame / agniṣṭomaśataṃ puṇyaṃ labhate nātra saṃśayaḥ
Sanskrit only: no published translation is held for this verse.
आत्मनो ऽपि महाबुद्धिर्गयायां तु तिलैर्विना । पिण्डनिर्वापणं कुर्यादन्येषामपि मानवः
ātmano 'pi mahābuddhirgayāyāṃ tu tilairvinā / piṇḍanirvāpaṇaṃ kuryādanyeṣāmapi mānavaḥ
Sanskrit only: no published translation is held for this verse.
यावन्तो ज्ञातयः पित्र्या बान्धवाः सुहृदस्तथा । तेभ्यो व्यासगयाभूमौ पिण्डो देयो विधानतः
yāvanto jñātayaḥ pitryā bāndhavāḥ suhṛdastathā / tebhyo vyāsagayābhūmau piṇḍo deyo vidhānataḥ
Sanskrit only: no published translation is held for this verse.
रामतीर्थे नरः स्नात्वा गोशतस्याप्नुयात्फलम् । मतङ्गवाप्यां स्नात्वा च गोसहस्रफलं लभेत्
rāmatīrthe naraḥ snātvā gośatasyāpnuyātphalam / mataṅgavāpyāṃ snātvā ca gosahasraphalaṃ labhet
Sanskrit only: no published translation is held for this verse.
निश्चिरासंगमे स्नात्वा ब्रह्मलोकं नयेत्पितॄन् । वसिष्ठस्याश्रमे स्नात्वा वाजपेयं च विन्दति
niścirāsaṃgame snātvā brahmalokaṃ nayetpitṝn / vasiṣṭhasyāśrame snātvā vājapeyaṃ ca vindati
Sanskrit only: no published translation is held for this verse.
महाकौश्यां समावासादश्वमेधफलं लभेत् । पितामहस्य सरसः प्रसृता लोकपावनी
mahākauśyāṃ samāvāsādaśvamedhaphalaṃ labhet / pitāmahasya sarasaḥ prasṛtā lokapāvanī
Sanskrit only: no published translation is held for this verse.
समीपे त्वग्निधारेति विश्रुता कपिला हि सा । अग्निष्टोमफलं श्राद्धी स्नात्वात्र कृतकृत्यता
samīpe tvagnidhāreti viśrutā kapilā hi sā / agniṣṭomaphalaṃ śrāddhī snātvātra kṛtakṛtyatā
Sanskrit only: no published translation is held for this verse.
श्राद्धी कुमारधारायामश्वमेधफलं लभेत् । कुमारमभिगम्याथ नत्वा मुक्तिमवाप्नुयात्
śrāddhī kumāradhārāyāmaśvamedhaphalaṃ labhet / kumāramabhigamyātha natvā muktimavāpnuyāt
Sanskrit only: no published translation is held for this verse.
सोमकुण्डे नरः स्नात्वा सोमलोकं च गच्छति । संवर्तस्य नरो वाप्यां सुभगः स्यात्तु पिण्डदः
somakuṇḍe naraḥ snātvā somalokaṃ ca gacchati / saṃvartasya naro vāpyāṃ subhagaḥ syāttu piṇḍadaḥ
Sanskrit only: no published translation is held for this verse.
धौतपापो नरो याति प्रेतकुण्डे च पिण्डदः । देवनद्यां लेलिहाने मथने जानुगर्तके
dhautapāpo naro yāti pretakuṇḍe ca piṇḍadaḥ / devanadyāṃ lelihāne mathane jānugartake
Sanskrit only: no published translation is held for this verse.
एवमादिषु तीर्थेषु पिण्डदस्तारयेत्पितॄन् । नत्वा देवान्वसिष्ठेशप्रभृतीनृणसंक्षयम्
evamādiṣu tīrtheṣu piṇḍadastārayetpitṝn / natvā devānvasiṣṭheśaprabhṛtīnṛṇasaṃkṣayam
Sanskrit only: no published translation is held for this verse.