इति श्रीगारुडे महापुराणे पूर्वखण्डे प्रथमांशाख्ये आचारकाण्डे रुचिकृतपितृस्तोत्रं नामैकोननवतितमो ऽध्यायः श्रीगरुडमहापुराणम्- ९० माक्रण्डेय उवाच । ततस्तस्मान्नदीमध्यात्समुत्तस्थौ मनोरमा । प्रम्लौचा नाम तन्वङ्गी तत्समीपे वराप्सराः
iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe rucikṛtapitṛstotraṃ nāmaikonanavatitamo 'dhyāyaḥ śrīgaruḍamahāpurāṇam- 90 mākraṇḍeya uvāca / tatastasmānnadīmadhyātsamuttasthau manoramā / pramlaucā nāma tanvaṅgī tatsamīpe varāpsarāḥ
Sanskrit only: no published translation is held for this verse.
सा चोवाच महात्मानं रुचिं सुमधुराक्षरकम् । प्रसादयामास भूयः प्रम्लोचा च वराप्सराः
sā covāca mahātmānaṃ ruciṃ sumadhurākṣarakam / prasādayāmāsa bhūyaḥ pramlocā ca varāpsarāḥ
Sanskrit only: no published translation is held for this verse.
अतीवरूपिणी कन्या मत्प्रसाद्वराङ्गना । जाता वरुणपुत्रेण पुष्करेण महात्मना
atīvarūpiṇī kanyā matprasādvarāṅganā / jātā varuṇaputreṇa puṣkareṇa mahātmanā
Sanskrit only: no published translation is held for this verse.
तां गृहाण मया दत्तां भार्यार्थे वरवर्णिनीम् । मनुर्महामतिस्तस्यां समुत्पत्स्यति ते सुतः
tāṃ gṛhāṇa mayā dattāṃ bhāryārthe varavarṇinīm / manurmahāmatistasyāṃ samutpatsyati te sutaḥ
Sanskrit only: no published translation is held for this verse.
मार्कण्डेय उवाच । तथेति तेन साप्युक्ता तस्मात्तोयाद्वपुष्मतीम् । उद्दधार ततः कन्यां मानिनीं नाम नामतः
mārkaṇḍeya uvāca / tatheti tena sāpyuktā tasmāttoyādvapuṣmatīm / uddadhāra tataḥ kanyāṃ māninīṃ nāma nāmataḥ
Sanskrit only: no published translation is held for this verse.
नद्याश्च पुलिने तस्मिन्स मुनिर्मुनिसत्तमाः । जग्राह पाणिं विधिवत्समानीय महामुनिः
nadyāśca puline tasminsa munirmunisattamāḥ / jagrāha pāṇiṃ vidhivatsamānīya mahāmuniḥ
Sanskrit only: no published translation is held for this verse.