इति श्रीगारुजे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तश्राद्धनिरूपणं नाम षण्णवतितमो ऽध्यायः श्रीगरुडमहापुराणम्- ९७ याज्ञवल्क्य उवाच । द्रव्यशुद्धिंप्रवक्ष्यामि तन्निबोधत सत्तमाः । सौवर्णराजताब्जानां शङ्खरज्ज्वादिचर्मणाम्
iti śrīgāruje mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktaśrāddhanirūpaṇaṃ nāma ṣaṇṇavatitamo 'dhyāyaḥ śrīgaruḍamahāpurāṇam- 97 yājñavalkya uvāca / dravyaśuddhiṃpravakṣyāmi tannibodhata sattamāḥ / sauvarṇarājatābjānāṃ śaṅkharajjvādicarmaṇām
Sanskrit only: no published translation is held for this verse.
पात्राणां चासनानां च वारिणा शुद्धिरिष्यते । उष्णवाभः स्त्रुक्स्त्रुवयोर्धान्यादेः प्रोक्षणेन च
pātrāṇāṃ cāsanānāṃ ca vāriṇā śuddhiriṣyate / uṣṇavābhaḥ strukstruvayordhānyādeḥ prokṣaṇena ca
Sanskrit only: no published translation is held for this verse.
तक्षणाद्दारुशृङ्गादेर्यज्ञपात्रस्य मार्जनात् । सोष्णैरुदकगोमूत्रैः शुध्यत्याविककौशिकम्
takṣaṇāddāruśṛṅgāderyajñapātrasya mārjanāt / soṣṇairudakagomūtraiḥ śudhyatyāvikakauśikam
Sanskrit only: no published translation is held for this verse.
भैक्ष्यं योषिन्मुखं पश्यन्पुनः पाकान्महीमयम् । गाघ्नाते ऽन्ने तथा केशमक्षिकाकीटदूषिते
bhaikṣyaṃ yoṣinmukhaṃ paśyanpunaḥ pākānmahīmayam / gāghnāte 'nne tathā keśamakṣikākīṭadūṣite
Sanskrit only: no published translation is held for this verse.
भस्मक्षेपाद्विशुद्धिः स्याद्भूशुद्धिर्माजनादिना । त्रपुसीसकताम्राणां क्षाराम्लोदकवारिभिः
bhasmakṣepādviśuddhiḥ syādbhūśuddhirmājanādinā / trapusīsakatāmrāṇāṃ kṣārāmlodakavāribhiḥ
Sanskrit only: no published translation is held for this verse.
भस्माद्भिर्लोहकांस्यानामज्ञातं च सदा शुचि । अमेध्याक्तस्य मृत्तोयैर्गन्धलेपापकर्षणात्
bhasmādbhirlohakāṃsyānāmajñātaṃ ca sadā śuci / amedhyāktasya mṛttoyairgandhalepāpakarṣaṇāt
Sanskrit only: no published translation is held for this verse.
शुचि गोतृप्तिदं तोयं प्रकृतिस्थं महीगतम् । तथा मांसं श्वचाण्डालक्रव्यादादिनिपातितम्
śuci gotṛptidaṃ toyaṃ prakṛtisthaṃ mahīgatam / tathā māṃsaṃ śvacāṇḍālakravyādādinipātitam
Sanskrit only: no published translation is held for this verse.
रश्मिरग्नी रजश्छाया गौरश्वो वसुधानिलाः । अश्वाजविप्रुषो मेध्या स्तथाचमनबिन्दवः
raśmiragnī rajaśchāyā gauraśvo vasudhānilāḥ / aśvājavipruṣo medhyā stathācamanabindavaḥ
Sanskrit only: no published translation is held for this verse.
स्नात्वा पीत्वा क्षुते सुप्ते भुक्त्वा रथ्याप्रसर्पणे । आचान्तः पुनराचामेद्वासो ऽन्यत्परिधाय च
snātvā pītvā kṣute supte bhuktvā rathyāprasarpaṇe / ācāntaḥ punarācāmedvāso 'nyatparidhāya ca
Sanskrit only: no published translation is held for this verse.
क्षुते निष्ठीविते स्वापे परिधाने ऽश्रुपातने । पञ्चस्वेतेषु नाचामेद्दक्षिणं श्रवणं स्पृशेत् । तिष्ठन्त्यग्न्यादयो देवा विप्रकर्णे तु दक्षिणे
kṣute niṣṭhīvite svāpe paridhāne 'śrupātane / pañcasveteṣu nācāmeddakṣiṇaṃ śravaṇaṃ spṛśet / tiṣṭhantyagnyādayo devā viprakarṇe tu dakṣiṇe
Sanskrit only: no published translation is held for this verse.