Garuḍa Purāṇa 2.4

सर्वकर्मविधाने एकैकाग्रे समाहितः । तोयव्रीहियवान्दद्याद्गोधूमांश्च प्रियङ्गवः

sarvakarmavidhāne ekaikāgre samāhitaḥ / toyavrīhiyavāndadyādgodhūmāṃśca priyaṅgavaḥ

Sanskrit only: no published translation is held for this verse.

हविष्यान्नं शुभं मुद्रां छत्रोष्णीषे च दापयेत् । दापयेत्सर्वसंस्यानि क्षीरं क्षौद्रसमान्वितम्

haviṣyānnaṃ śubhaṃ mudrāṃ chatroṣṇīṣe ca dāpayet / dāpayetsarvasaṃsyāni kṣīraṃ kṣaudrasamānvitam

Sanskrit only: no published translation is held for this verse.

वस्त्रोपानहसंयुक्तं दद्यादष्टविधं पदम् । द्पयेत्सर्वपापेभ्यो न कुर्यात्पङ्क्तिवञ्चनम्

vastropānahasaṃyuktaṃ dadyādaṣṭavidhaṃ padam / dpayetsarvapāpebhyo na kuryātpaṅktivañcanam

Sanskrit only: no published translation is held for this verse.

भूमौ स्थितेषु पिण्डेषु गन्धपुष्पाक्षतान्वितम् । दातव्यं सर्वंविप्रेभ्यो वेदशास्त्रविधानतः

bhūmau sthiteṣu piṇḍeṣu gandhapuṣpākṣatānvitam / dātavyaṃ sarvaṃviprebhyo vedaśāstravidhānataḥ

Sanskrit only: no published translation is held for this verse.

शङ्खे खड्गे ऽथ वा ताम्रे तर्पणञ्च पृथक्पृथक् । ध्यानधारणसंयुक्तो जानुभ्यामवनीं गतः

śaṅkhe khaḍge 'tha vā tāmre tarpaṇañca pṛthakpṛthak / dhyānadhāraṇasaṃyukto jānubhyāmavanīṃ gataḥ

Sanskrit only: no published translation is held for this verse.

ऋचा वै दापयेदर्घमर्घोद्दिष्टं पृथक्पृथक् । ब्रह्मा विष्णुश्च रुद्रश्च यमः प्रेतश्च पञ्चमः

ṛcā vai dāpayedarghamarghoddiṣṭaṃ pṛthakpṛthak / brahmā viṣṇuśca rudraśca yamaḥ pretaśca pañcamaḥ

Sanskrit only: no published translation is held for this verse.

पृथक्कुम्भे ततः स्थाप्याः पञ्चरत्नसमन्विताः । वस्त्रयज्ञोपवीतानि पृथङ्मुद्गाः पदानि च

pṛthakkumbhe tataḥ sthāpyāḥ pañcaratnasamanvitāḥ / vastrayajñopavītāni pṛthaṅmudgāḥ padāni ca

Sanskrit only: no published translation is held for this verse.

पञ्च श्राद्धानि कुर्वीत देवतानां यथाविधि । जलधारां ततः कुर्यात्पिण्डेपिण्डे पृथक्पृथक्

pañca śrāddhāni kurvīta devatānāṃ yathāvidhi / jaladhārāṃ tataḥ kuryātpiṇḍepiṇḍe pṛthakpṛthak

Sanskrit only: no published translation is held for this verse.

शङ्खे वा ताम्रपात्रे वा अलाभे मृन्मये पि वा । तिलोदकं समादाय सर्वोषधिमसन्वितम्

śaṅkhe vā tāmrapātre vā alābhe mṛnmaye pi vā / tilodakaṃ samādāya sarvoṣadhimasanvitam

Sanskrit only: no published translation is held for this verse.

ताम्रपात्रं तिलैः पूर्णं सहिरण्यं सदक्षिणम् । दद्याद्ब्राह्मणमुख्याय पददानं तथैच

tāmrapātraṃ tilaiḥ pūrṇaṃ sahiraṇyaṃ sadakṣiṇam / dadyādbrāhmaṇamukhyāya padadānaṃ tathaica

Sanskrit only: no published translation is held for this verse.

यमोद्देशेतिलांल्लौहं ततो दद्याच्च दक्षिणाम् । एवं विष्णुबलिं दत्त्वा यथाशक्त्या विधानतः

yamoddeśetilāṃllauhaṃ tato dadyācca dakṣiṇām / evaṃ viṣṇubaliṃ dattvā yathāśaktyā vidhānataḥ

Sanskrit only: no published translation is held for this verse.

समुद्धरति तत्क्षिप्रं नात्र कार्या विचारण नागदंशान्मृतो यस्तु विशेषस्तन्तु मे शृणु

samuddharati tatkṣipraṃ nātra kāryā vicāraṇa nāgadaṃśānmṛto yastu viśeṣastantu me śṛṇu

Sanskrit only: no published translation is held for this verse.

सुवर्णभारनिष्पन्नं नागं कृत्वा तथैव गाम् । विप्राय दत्त्वा विधिवत्पितुरानृण्यमाप्नुयात्

suvarṇabhāraniṣpannaṃ nāgaṃ kṛtvā tathaiva gām / viprāya dattvā vidhivatpiturānṛṇyamāpnuyāt

Sanskrit only: no published translation is held for this verse.

एवं सर्पबलिं दत्त्वा सर्पदोषाद्विमुच्यते । पश्चात्पुत्तलकं कार्यं सर्वोषधिसमन्वितम्

evaṃ sarpabaliṃ dattvā sarpadoṣādvimucyate / paścātputtalakaṃ kāryaṃ sarvoṣadhisamanvitam

Sanskrit only: no published translation is held for this verse.

पलाशस्य च वृन्तानां विभागं शृणु काश्यप । कृष्णाजिनं समास्तीर्य कुशैश्च पुरुषाकृतिम्

palāśasya ca vṛntānāṃ vibhāgaṃ śṛṇu kāśyapa / kṛṣṇājinaṃ samāstīrya kuśaiśca puruṣākṛtim

Sanskrit only: no published translation is held for this verse.

शतत्रयेण षष्ट्या च वृन्तैः प्रोक्तो ऽस्थिसञ्चयः । विन्यस्य तानि वृन्तानि अङ्गेष्वेषु पृथक् पृथक्

śatatrayeṇa ṣaṣṭyā ca vṛntaiḥ prokto 'sthisañcayaḥ / vinyasya tāni vṛntāni aṅgeṣveṣu pṛthak pṛthak

Sanskrit only: no published translation is held for this verse.

चत्वारिंशच्छिरोभागे ग्रीवायां दश विन्यसेत् । विंशत्युरः स्थले दद्याद्विंशतिञ्जठरे तथा

catvāriṃśacchirobhāge grīvāyāṃ daśa vinyaset / viṃśatyuraḥ sthale dadyādviṃśatiñjaṭhare tathā

Sanskrit only: no published translation is held for this verse.

बाहुद्वये शतं दद्यात्कटिदेशे च विंशतिम् । ऊरुद्वये शतञ्चापि त्रिंशज्जङ्घाद्वये न्यसेत्

bāhudvaye śataṃ dadyātkaṭideśe ca viṃśatim / ūrudvaye śatañcāpi triṃśajjaṅghādvaye nyaset

Sanskrit only: no published translation is held for this verse.

दद्याच्चतुष्टयं शिश्ने षड् दद्याद्वृषाणद्वये । दश पादाङ्गुलीभागे एवमस्थीनि विन्यसेत्

dadyāccatuṣṭayaṃ śiśne ṣaḍ dadyādvṛṣāṇadvaye / daśa pādāṅgulībhāge evamasthīni vinyaset

Sanskrit only: no published translation is held for this verse.

नारिकेलं शिरः स्थानें तुम्बं दद्याच्च तालुके । पञ्चरत्नं मुखे दद्याज्जिह्वायां कदलीफलम्

nārikelaṃ śiraḥ sthāneṃ tumbaṃ dadyācca tāluke / pañcaratnaṃ mukhe dadyājjihvāyāṃ kadalīphalam

Sanskrit only: no published translation is held for this verse.

अन्त्रेषु नालिकं तद्याद्वालुकाङ्घ्राणे एव च । वसायां मृत्तिकां दद्याद्धरितालमनः शिलाः

antreṣu nālikaṃ tadyādvālukāṅghrāṇe eva ca / vasāyāṃ mṛttikāṃ dadyāddharitālamanaḥ śilāḥ

Sanskrit only: no published translation is held for this verse.

पारदं रेतसः स्थाने पुरीषे पित्तलं तथा । मनः शिला तथा गात्रे तिलपक्वन्तु सन्धिषु

pāradaṃ retasaḥ sthāne purīṣe pittalaṃ tathā / manaḥ śilā tathā gātre tilapakvantu sandhiṣu

Sanskrit only: no published translation is held for this verse.

यवपिष्टं यथा मांसे मधु शोणितमेव च । केशेषु च जटाजूटं त्वचायाञ्च मृगत्वचम्

yavapiṣṭaṃ yathā māṃse madhu śoṇitameva ca / keśeṣu ca jaṭājūṭaṃ tvacāyāñca mṛgatvacam

Sanskrit only: no published translation is held for this verse.

कर्णयोस्तालपत्रञ्च स्तनयोश्चैव गुञ्जिकाः । नासायां शतपत्रञ्च कमलं नाभिमण्डले

karṇayostālapatrañca stanayoścaiva guñjikāḥ / nāsāyāṃ śatapatrañca kamalaṃ nābhimaṇḍale

Sanskrit only: no published translation is held for this verse.

वृन्ताकं वृषणद्वन्द्वे लिङ्गे स्याद्गृञ्जनं शुभम् । घृतं नाभ्यां प्रदेयं स्यात्कौ पीने च त्रपुस्मृतम्

vṛntākaṃ vṛṣaṇadvandve liṅge syādgṛñjanaṃ śubham / ghṛtaṃ nābhyāṃ pradeyaṃ syātkau pīne ca trapusmṛtam

Sanskrit only: no published translation is held for this verse.

मौक्तिकं स्तनयोर्मूर्ध्नि कुङ्कुमेव विलेपनम् । कर्पूरागुरुधूपैश्च शुभैर्माल्यैः सुगन्धिभिः

mauktikaṃ stanayormūrdhni kuṅkumeva vilepanam / karpūrāgurudhūpaiśca śubhairmālyaiḥ sugandhibhiḥ

Sanskrit only: no published translation is held for this verse.

परिधानं पट्टसूत्रंहृदये चैव विन्यसेत् । ऋद्धिवृद्धी भुजौ द्वौ च चक्षुर्भ्याञ्च कपर्दकम्

paridhānaṃ paṭṭasūtraṃhṛdaye caiva vinyaset / ṛddhivṛddhī bhujau dvau ca cakṣurbhyāñca kapardakam

Sanskrit only: no published translation is held for this verse.

दन्तेषु दाडिमीबीजान्यङ्गुलीषु च चम्पकम् । सिन्दूरं नेत्रकोणे च ताम्बूलाद्युपहारकम्

danteṣu dāḍimībījānyaṅgulīṣu ca campakam / sindūraṃ netrakoṇe ca tāmbūlādyupahārakam

Sanskrit only: no published translation is held for this verse.

सर्वौषदियुतं प्रेतं कृत्वा पूजां यथोदिताम् । साग्निके चापि विधिना यज्ञपात्रं न्यस्येत्क्रमात्

sarvauṣadiyutaṃ pretaṃ kṛtvā pūjāṃ yathoditām / sāgnike cāpi vidhinā yajñapātraṃ nyasyetkramāt

Sanskrit only: no published translation is held for this verse.

स्त्रियः पुनन्तु म शिर इमं मे वरुणेन च । प्रेतस्य पावनं कृत्वा शालग्रामशिलोदकैः

striyaḥ punantu ma śira imaṃ me varuṇena ca / pretasya pāvanaṃ kṛtvā śālagrāmaśilodakaiḥ

Sanskrit only: no published translation is held for this verse.

विष्णुमुद्दिश्य दातव्या सुशीला गौः पयस्विनी । तिला लौहं हिरण्यञ्च कर्पासं लवणं तथा

viṣṇumuddiśya dātavyā suśīlā gauḥ payasvinī / tilā lauhaṃ hiraṇyañca karpāsaṃ lavaṇaṃ tathā

Sanskrit only: no published translation is held for this verse.

सप्तधान्यं क्षितिर्गाव एकैकं पावनं स्मृतम् । तिलपात्रं ततो दद्यात्पददानं तथैव च

saptadhānyaṃ kṣitirgāva ekaikaṃ pāvanaṃ smṛtam / tilapātraṃ tato dadyātpadadānaṃ tathaiva ca

Sanskrit only: no published translation is held for this verse.

कर्तव्यं वैष्णवं श्राद्धं प्रेतमुक्त्यर्थमात्मनः । प्रेतमोक्षं ततः कुर्याद्धृदि विष्णुं प्रकल्प्यच

kartavyaṃ vaiṣṇavaṃ śrāddhaṃ pretamuktyarthamātmanaḥ / pretamokṣaṃ tataḥ kuryāddhṛdi viṣṇuṃ prakalpyaca

Sanskrit only: no published translation is held for this verse.

एवं पुत्तलकं कृत्वा दाहयेद्विधिपूर्वकम् । तच्छ्रुद्धये तु संस्कर्ता पुत्रादिर्निष्कृतिं चरेत्

evaṃ puttalakaṃ kṛtvā dāhayedvidhipūrvakam / tacchruddhaye tu saṃskartā putrādirniṣkṛtiṃ caret

Sanskrit only: no published translation is held for this verse.

त्रीन्कृच्छ्रान्षड्द्वादश च तथा पञ्चदशापि च । प्रायश्चित्तनिमित्तानुसारेण विप्रवत्स्मृतः

trīnkṛcchrānṣaḍdvādaśa ca tathā pañcadaśāpi ca / prāyaścittanimittānusāreṇa vipravatsmṛtaḥ

Sanskrit only: no published translation is held for this verse.

अशक्तौ गोहिरण्यादि प्रत्याम्नायं चरेदपि । आत्मनो ऽनधिकारित्वे शुद्धिमेवं चरेद्वुन्धः

aśaktau gohiraṇyādi pratyāmnāyaṃ caredapi / ātmano 'nadhikāritve śuddhimevaṃ caredvundhaḥ

Sanskrit only: no published translation is held for this verse.

अशुद्धेन तु यद्दत्तमुद्दिश्याशुद्धिमेव च । नोपतिष्ठति तत्सर्वमन्तरिक्षे विनश्यति

aśuddhena tu yaddattamuddiśyāśuddhimeva ca / nopatiṣṭhati tatsarvamantarikṣe vinaśyati

Sanskrit only: no published translation is held for this verse.

शुद्धिं सम्पाद्य कर्तव्यं दहनाद्यौर्ध्वदेहिकम् । अकृत्वा निष्कृतिं यस्तु कुरुते दहनादिकम्

śuddhiṃ sampādya kartavyaṃ dahanādyaurdhvadehikam / akṛtvā niṣkṛtiṃ yastu kurute dahanādikam

Sanskrit only: no published translation is held for this verse.

मतिपूर्वममत्या च क्रमात्तनिष्कृतिं शृणु । कृत्वाग्निमुदकं स्नानं स्पर्शनं वहनं कथाम्

matipūrvamamatyā ca kramāttaniṣkṛtiṃ śṛṇu / kṛtvāgnimudakaṃ snānaṃ sparśanaṃ vahanaṃ kathām

Sanskrit only: no published translation is held for this verse.

रज्जुच्छेदाश्रुपातञ्च तप्तकृच्छ्रेण शुध्यति । एषामन्यतमं प्रेतं यो वहेत्तु देहत वा

rajjucchedāśrupātañca taptakṛcchreṇa śudhyati / eṣāmanyatamaṃ pretaṃ yo vahettu dehata vā

Sanskrit only: no published translation is held for this verse.

कटोदकक्रियां कृत्वा कृच्छ्र सान्तपनं चरेत् । निमित्ते लघुनि स्वल्पं महन्महति कल्पयेत्

kaṭodakakriyāṃ kṛtvā kṛcchra sāntapanaṃ caret / nimitte laghuni svalpaṃ mahanmahati kalpayet

Sanskrit only: no published translation is held for this verse.

गरुड उवाच । कृच्छ्रस्य तप्तकृच्छ्रस्य तथा सान्तपनस्य च । लक्षणं ब्रूहि मे स्वामिंस्त्रयाणामपि सुव्रत

garuḍa uvāca / kṛcchrasya taptakṛcchrasya tathā sāntapanasya ca / lakṣaṇaṃ brūhi me svāmiṃstrayāṇāmapi suvrata

Sanskrit only: no published translation is held for this verse.

श्रीकृष्ण उवाच । त्र्यहं प्रातस्त्र्यहं सायं त्र्यहमद्यादयाचितम् । उपवासस्त्र्यहञ्चैव एष कृच्छ्र उदाहृतः

śrīkṛṣṇa uvāca / tryahaṃ prātastryahaṃ sāyaṃ tryahamadyādayācitam / upavāsastryahañcaiva eṣa kṛcchra udāhṛtaḥ

Sanskrit only: no published translation is held for this verse.

तप्तक्षीरघृताम्बूनामेकैकं प्रत्यहं पिबेत् । एकरात्रोपवासश्च तप्तकृच्छ्र उदाहृतः

taptakṣīraghṛtāmbūnāmekaikaṃ pratyahaṃ pibet / ekarātropavāsaśca taptakṛcchra udāhṛtaḥ

Sanskrit only: no published translation is held for this verse.

गोमूत्रं गोमयं क्षीरं दधि सर्पिः कुशोदकम् । जग्ध्वा परे ऽह्न्युपवसेत्कृच्छ्रं सान्तपनञ्चरन्

gomūtraṃ gomayaṃ kṣīraṃ dadhi sarpiḥ kuśodakam / jagdhvā pare 'hnyupavasetkṛcchraṃ sāntapanañcaran

Sanskrit only: no published translation is held for this verse.

मया ते ऽयं समाख्यातो दुर्मृतस्य विधिः खग । तदा मृतं विजानीयाद्दीपनिर्वाणमागतः

mayā te 'yaṃ samākhyāto durmṛtasya vidhiḥ khaga / tadā mṛtaṃ vijānīyāddīpanirvāṇamāgataḥ

Sanskrit only: no published translation is held for this verse.

अग्निदाहं ततः कुर्यात्सूतकञ्च दिनत्रयम् । दशाहं गर्तपिणाडञ्च कर्तव्यं प्रेतपूर्वकम्

agnidāhaṃ tataḥ kuryātsūtakañca dinatrayam / daśāhaṃ gartapiṇāḍañca kartavyaṃ pretapūrvakam

Sanskrit only: no published translation is held for this verse.

एवं विधिं ततः कुर्यात्ततः प्रेतश्च मुक्तिभाक् । मृतभ्रान्त्या प्रतिकृतेः कृते दाहे स वै यदि

evaṃ vidhiṃ tataḥ kuryāttataḥ pretaśca muktibhāk / mṛtabhrāntyā pratikṛteḥ kṛte dāhe sa vai yadi

Sanskrit only: no published translation is held for this verse.

आयाति तेन कर्तव्यं मज्जनं घृकुण्डके । जातकर्मादिसंस्काराः कर्तव्याः पुनरेव तु

āyāti tena kartavyaṃ majjanaṃ ghṛkuṇḍake / jātakarmādisaṃskārāḥ kartavyāḥ punareva tu

Sanskrit only: no published translation is held for this verse.

ऊढामेव स्वकां भार्यामुद्वहेद्विधिवत्पुमान् । वर्षे पञ्चदशे पक्षिन् द्वादशे वा गते सति

ūḍhāmeva svakāṃ bhāryāmudvahedvidhivatpumān / varṣe pañcadaśe pakṣin dvādaśe vā gate sati

Sanskrit only: no published translation is held for this verse.

अज्ञातस्य प्रोषितस्य कृत्वा प्रतिकृतिं दहेत् । रजस्वलासूतिकयोर्विशेषं मरणे शृणु

ajñātasya proṣitasya kṛtvā pratikṛtiṃ dahet / rajasvalāsūtikayorviśeṣaṃ maraṇe śṛṇu

Sanskrit only: no published translation is held for this verse.

सूतिकायां मृतायान्तु एवं कुर्वन्ति याज्ञिकाः । कुम्भे सलिलमादाय पञ्चगव्यं तथैव च

sūtikāyāṃ mṛtāyāntu evaṃ kurvanti yājñikāḥ / kumbhe salilamādāya pañcagavyaṃ tathaiva ca

Sanskrit only: no published translation is held for this verse.

पुण्याभिरभिमन्त्र्यापो वाचा शुद्धिं लभेत्ततः । शतसूर्पोदकेनादौ स्नापयित्वा यथाविधि

puṇyābhirabhimantryāpo vācā śuddhiṃ labhettataḥ / śatasūrpodakenādau snāpayitvā yathāvidhi

Sanskrit only: no published translation is held for this verse.

तेनैव स्नापयित्वा तु दाहं कुर्यात्स्वगेश्वर । पञ्चभिः स्नापयित्वा तु गव्यैः प्रेतां रजस्वलाम्

tenaiva snāpayitvā tu dāhaṃ kuryātsvageśvara / pañcabhiḥ snāpayitvā tu gavyaiḥ pretāṃ rajasvalām

Sanskrit only: no published translation is held for this verse.

वस्त्रान्तराकृतिं कृत्वा दाहयेद्विधिपूर्वकम् । मृतस्य पञ्चके दाहविधिं वच्मि शृणुष्व मे

vastrāntarākṛtiṃ kṛtvā dāhayedvidhipūrvakam / mṛtasya pañcake dāhavidhiṃ vacmi śṛṇuṣva me

Sanskrit only: no published translation is held for this verse.

आदौ कृत्वा धनिष्ठार्धमेतन्नक्षत्रपञ्चकम् । रेवत्यन्तं सदा दूष्यमशुभं सर्वदा भवेत्

ādau kṛtvā dhaniṣṭhārdhametannakṣatrapañcakam / revatyantaṃ sadā dūṣyamaśubhaṃ sarvadā bhavet

Sanskrit only: no published translation is held for this verse.

दाहस्तत्र न कर्तव्यो विषादः सर्वजन्तुषु । न जलं दीयते तेषु अशुभं सर्वदा भवेत्

dāhastatra na kartavyo viṣādaḥ sarvajantuṣu / na jalaṃ dīyate teṣu aśubhaṃ sarvadā bhavet

Sanskrit only: no published translation is held for this verse.

पञ्चकानन्तरं सर्वं कार्यं कर्तव्यमन्यथा । पुत्त्राणां गोत्रिणां तस्य सन्तापो ऽप्युपजायते

pañcakānantaraṃ sarvaṃ kāryaṃ kartavyamanyathā / puttrāṇāṃ gotriṇāṃ tasya santāpo 'pyupajāyate

Sanskrit only: no published translation is held for this verse.

गृहे हानिर्भवत्येव ऋक्षेष्वेषु मृतस्य च । अथ वा ऋक्षमद्ये च दाहस्तु विधिपूर्वकः

gṛhe hānirbhavatyeva ṛkṣeṣveṣu mṛtasya ca / atha vā ṛkṣamadye ca dāhastu vidhipūrvakaḥ

Sanskrit only: no published translation is held for this verse.

क्रियते मानुषाणान्तु स वा आहुतिपूर्वकः । विप्रैर्विधिरतः कार्यो मन्त्रैस्तु विधिपूर्वकम्

kriyate mānuṣāṇāntu sa vā āhutipūrvakaḥ / viprairvidhirataḥ kāryo mantraistu vidhipūrvakam

Sanskrit only: no published translation is held for this verse.

शवस्थानसमीपे तु क्षेप्तव्याः पुत्तलास्ततः । दर्भकॢप्तास्तु चत्वार ऋक्षमन्त्राभिमन्त्रिताः

śavasthānasamīpe tu kṣeptavyāḥ puttalāstataḥ / darbhakḷptāstu catvāra ṛkṣamantrābhimantritāḥ

Sanskrit only: no published translation is held for this verse.

ततो दाहः प्रकर्तव्यस्तैश्च पुत्तलकैः सह । सूतकान्ते तदा पुत्त्रैः कार्यं शान्तिकपौष्टिकम्

tato dāhaḥ prakartavyastaiśca puttalakaiḥ saha / sūtakānte tadā puttraiḥ kāryaṃ śāntikapauṣṭikam

Sanskrit only: no published translation is held for this verse.

पञ्चकेषु मृतो यो ऽसौ न सतिं लभते नरः । तिलान् गाञ्च सुवर्णञ्च तमुद्दिश्य घृतं ददेत्

pañcakeṣu mṛto yo 'sau na satiṃ labhate naraḥ / tilān gāñca suvarṇañca tamuddiśya ghṛtaṃ dadet

Sanskrit only: no published translation is held for this verse.

विप्राणां दापयेद्दानं सर्वविघ्नविनाशनम् । भोजनोपानहौच्छत्त्रं हेममुद्रा च वाससी

viprāṇāṃ dāpayeddānaṃ sarvavighnavināśanam / bhojanopānahaucchattraṃ hemamudrā ca vāsasī

Sanskrit only: no published translation is held for this verse.

दक्षिणा दीयते विप्रे पातकस्य प्रमोचनः । मयाते ऽयं समाख्यातो विधिः पञ्चहरः स्थितः । संयमिन्यां यथायानं यथावर्षं मृतक्रिया

dakṣiṇā dīyate vipre pātakasya pramocanaḥ / mayāte 'yaṃ samākhyāto vidhiḥ pañcaharaḥ sthitaḥ / saṃyaminyāṃ yathāyānaṃ yathāvarṣaṃ mṛtakriyā

Sanskrit only: no published translation is held for this verse.