Garuḍa Purāṇa 3.24

उत्तरे च कुबेराय ईशान्ये च शिवाय च । ईशानशक्रयोर्मध्ये ब्रह्मणे सायुधाय च

uttare ca kuberāya īśānye ca śivāya ca / īśānaśakrayormadhye brahmaṇe sāyudhāya ca

Sanskrit only: no published translation is held for this verse.

निरृत्यप्यतिमध्ये तु शेषाय च नमोनमः । एवं कृत्वा नमस्कारं प्रणमेच्च पुनः पुनः

nirṛtyapyatimadhye tu śeṣāya ca namonamaḥ / evaṃ kṛtvā namaskāraṃ praṇamecca punaḥ punaḥ

Sanskrit only: no published translation is held for this verse.

इत्येतत्सर्वमाख्यातं विधिपूर्वं तु दर्शनम् । इतः परन्तु गन्तव्यं दर्शनार्थं रमापते

ityetatsarvamākhyātaṃ vidhipūrvaṃ tu darśanam / itaḥ parantu gantavyaṃ darśanārthaṃ ramāpate

Sanskrit only: no published translation is held for this verse.

एवमुक्त्वा तु सा देवी तैः सार्धं तु ययौ मुदा । यदुक्तः श्रीनिवासस्य दर्शनस्य विधिः खग । कस्यचिन्नैव वक्तव्यो गोप्यत्वाच्च कदाचन

evamuktvā tu sā devī taiḥ sārdhaṃ tu yayau mudā / yaduktaḥ śrīnivāsasya darśanasya vidhiḥ khaga / kasyacinnaiva vaktavyo gopyatvācca kadācana

Sanskrit only: no published translation is held for this verse.

समागमो दुर्घट एव वीन्द्र सतां च सत्तत्त्वविबोधकानाम् । अनेकजन्मार्जितपुण्यसंचयादभूद्गुरोः संगम एव तस्य

samāgamo durghaṭa eva vīndra satāṃ ca sattattvavibodhakānām / anekajanmārjitapuṇyasaṃcayādabhūdguroḥ saṃgama eva tasya

Sanskrit only: no published translation is held for this verse.

पयो विकारं च निजं जहाति शेषस्य शेषं नलिनस्य षङ्कजम् । भावं चलं पङ्कजनाभयोगात्सत्संगयोगादशुभानि न स्युः

payo vikāraṃ ca nijaṃ jahāti śeṣasya śeṣaṃ nalinasya ṣaṅkajam / bhāvaṃ calaṃ paṅkajanābhayogātsatsaṃgayogādaśubhāni na syuḥ

Sanskrit only: no published translation is held for this verse.