Garuḍa Purāṇa 3.26

अनन्त इति विज्ञेयो ह्यनन्तफलदायकः । विश्वंभरः स विज्ञेयो विंशत्यूर्ध्वं वरानने

ananta iti vijñeyo hyanantaphaladāyakaḥ / viśvaṃbharaḥ sa vijñeyo viṃśatyūrdhvaṃ varānane

Sanskrit only: no published translation is held for this verse.

तत्रापि केसरैश्चैक्रर्लक्षणैश्च समन्वितम् । कलौ तु दुर्लभं नणां तद्दानं चातिदुर्लभम्

tatrāpi kesaraiścaikrarlakṣaṇaiśca samanvitam / kalau tu durlabhaṃ naṇāṃ taddānaṃ cātidurlabham

Sanskrit only: no published translation is held for this verse.

स्नानं कृत्वा शेषतीर्थे विशुद्धेनैव चेतसा । एतेषां लक्षणं श्रुत्वा प्रयाति परमां गतिम्

snānaṃ kṛtvā śeṣatīrthe viśuddhenaiva cetasā / eteṣāṃ lakṣaṇaṃ śrutvā prayāti paramāṃ gatim

Sanskrit only: no published translation is held for this verse.

ततः परं महाभागे वारुणं तीर्थमुत्तमम् । तत्रास्ते वरुणो देवः पूजां कर्तुं हरेः सदा

tataḥ paraṃ mahābhāge vāruṇaṃ tīrthamuttamam / tatrāste varuṇo devaḥ pūjāṃ kartuṃ hareḥ sadā

Sanskrit only: no published translation is held for this verse.

तत्र स्नानं प्रकर्तव्यं दातव्यं दानमुत्तमम् । शिशुमारं च मत्स्यं च त्रिविक्रममथापि वा । दातव्यं भूतिकामेन तीर्थेस्मिन्विरवर्णिनि

tatra snānaṃ prakartavyaṃ dātavyaṃ dānamuttamam / śiśumāraṃ ca matsyaṃ ca trivikramamathāpi vā / dātavyaṃ bhūtikāmena tīrthesminviravarṇini

Sanskrit only: no published translation is held for this verse.

जंबूफलसमाकारा पुच्छे सूक्ष्मा सबिन्दुका । चक्रत्रया च वदने पुच्छोपरि सचक्रका

jaṃbūphalasamākārā pucche sūkṣmā sabindukā / cakratrayā ca vadane pucchopari sacakrakā

Sanskrit only: no published translation is held for this verse.

श्रीवत्सबिन्दुमालाढ्या मत्स्यमूर्तिरुदाहृता । पुच्छादधश्चक्रयुतं शिशुमारमुदाहृतम्

śrīvatsabindumālāḍhyā matsyamūrtirudāhṛtā / pucchādadhaścakrayutaṃ śiśumāramudāhṛtam

Sanskrit only: no published translation is held for this verse.

वक्रचक्रयुतश्चेत्स्यात्त्रिविक्रम उदाहृतः । एतेषां लक्षणं श्रुत्वा वारुणे तीर्थ उत्तमे

vakracakrayutaścetsyāttrivikrama udāhṛtaḥ / eteṣāṃ lakṣaṇaṃ śrutvā vāruṇe tīrtha uttame

Sanskrit only: no published translation is held for this verse.

एतद्दानफलं प्राप्य मोदते विष्णुमन्दिरे । पूर्वौक्ता मूर्तयो यस्मिन् गृहे तिष्ठन्ति भामिनि । भागीरथी तीर्थवरा संनिधत्ते न संशयः

etaddānaphalaṃ prāpya modate viṣṇumandire / pūrvauktā mūrtayo yasmin gṛhe tiṣṭhanti bhāmini / bhāgīrathī tīrthavarā saṃnidhatte na saṃśayaḥ

Sanskrit only: no published translation is held for this verse.

स्वामि पुष्करिणीस्नानं दुर्घटं तु कलौ नृणाम् । तत्र स्थितानां तीर्थानां स्नानं चाप्यतिदुर्घटम्

svāmi puṣkariṇīsnānaṃ durghaṭaṃ tu kalau nṛṇām / tatra sthitānāṃ tīrthānāṃ snānaṃ cāpyatidurghaṭam

Sanskrit only: no published translation is held for this verse.

शालग्रामशिलादानं दुर्घटं च तथा स्मृताम् । स्वामिपुष्करिणीतीरे कन्यादानं सुदुर्घटम्

śālagrāmaśilādānaṃ durghaṭaṃ ca tathā smṛtām / svāmipuṣkariṇītīre kanyādānaṃ sudurghaṭam

Sanskrit only: no published translation is held for this verse.

दुर्घटं कपिलादानं भक्ष्यदानं सुदुर्घटम् । स्वामिपुष्करिणीतीर्थे तीर्थेष्वन्येषु भामिनि

durghaṭaṃ kapilādānaṃ bhakṣyadānaṃ sudurghaṭam / svāmipuṣkariṇītīrthe tīrtheṣvanyeṣu bhāmini

Sanskrit only: no published translation is held for this verse.

स्नानं कुरु यथान्या यं शय्यादानं तथा कुरु । जैगीषव्येन मुनिना त्वेवमुक्ता च कन्यका

snānaṃ kuru yathānyā yaṃ śayyādānaṃ tathā kuru / jaigīṣavyena muninā tvevamuktā ca kanyakā

Sanskrit only: no published translation is held for this verse.

स्वामिपुष्करिणीस्नानं सा चकार धृतव्रता । तीर्थेष्वेतेषु सुस्नाता दानं चक्रे सुभामिनी

svāmipuṣkariṇīsnānaṃ sā cakāra dhṛtavratā / tīrtheṣveteṣu susnātā dānaṃ cakre subhāminī

Sanskrit only: no published translation is held for this verse.

उवास तत्र सा दवी त्रिः सप्तकन्दिनानि च । स्वामिपुष्करणीतीरमहिमानं शृणोति यः । स याति परमां भक्तिं श्रीनिवासे जगन्मये

uvāsa tatra sā davī triḥ saptakandināni ca / svāmipuṣkaraṇītīramahimānaṃ śṛṇoti yaḥ / sa yāti paramāṃ bhaktiṃ śrīnivāse jaganmaye

Sanskrit only: no published translation is held for this verse.