इति श्रीगारुडे महापुराणे उत्तरखण्डे तृतीयांशे ब्रह्मकाण्डे तारतम्यनिरूपणद्वारा विष्णोरेवोपास्यत्वमित्यर्थनिरूपणं नामाष्टाविंशतमोध्यायः श्रीगरुडमहापुराणम्- २९ प्रवहानन्तरान्वक्ष्ये शृणु पक्षीन्द्रसत्तम । यो धर्मो ब्रह्मणः पुत्रो ह्यादिसृष्टौ त्वगुद्भवः
iti śrīgāruḍe mahāpurāṇe uttarakhaṇḍe tṛtīyāṃśe brahmakāṇḍe tāratamyanirūpaṇadvārā viṣṇorevopāsyatvamityarthanirūpaṇaṃ nāmāṣṭāviṃśatamodhyāyaḥ śrīgaruḍamahāpurāṇam- 29 pravahānantarānvakṣye śṛṇu pakṣīndrasattama / yo dharmo brahmaṇaḥ putro hyādisṛṣṭau tvagudbhavaḥ
Sanskrit only: no published translation is held for this verse.
सज्जनान्सौम्यरूपेण धारणाद्धर्मनामकः । स एव सूर्यपुत्रोभूद्यमसंज्ञामवाप सः । पापिनां शिक्षकत्त्वात्स यम इत्युच्यते बुधैः
sajjanānsaumyarūpeṇa dhāraṇāddharmanāmakaḥ / sa eva sūryaputrobhūdyamasaṃjñāmavāpa saḥ / pāpināṃ śikṣakattvātsa yama ityucyate budhaiḥ
Sanskrit only: no published translation is held for this verse.
श्रीकृष्ण उवाच । प्रह्लादानन्तरं गङ्गा भार्या वै वरुणस्य च । प्रह्लादादधमा ज्ञेया महिम्ना वरुणाधिका
śrīkṛṣṇa uvāca / prahlādānantaraṃ gaṅgā bhāryā vai varuṇasya ca / prahlādādadhamā jñeyā mahimnā varuṇādhikā
Sanskrit only: no published translation is held for this verse.
स्वरूपादधमा ज्ञेया नात्र कार्या विचारणा । ज्ञानस्वरूपदं विष्णुं यमो जानाति सर्वदा
svarūpādadhamā jñeyā nātra kāryā vicāraṇā / jñānasvarūpadaṃ viṣṇuṃ yamo jānāti sarvadā
Sanskrit only: no published translation is held for this verse.
अतो गङ्गेति सा ज्ञेया सर्वदा लोकपावनी । भक्त्या विष्णुपदीत्येव कीर्तिता नात्र संशयः
ato gaṅgeti sā jñeyā sarvadā lokapāvanī / bhaktyā viṣṇupadītyeva kīrtitā nātra saṃśayaḥ
Sanskrit only: no published translation is held for this verse.
या पूर्वकाले यज्ञलिङ्गस्य विष्णोः साक्षाद्धरेर्विक्रमतः खगेन्द्र । वामस्य पादस्य नखाग्रतश्च निर्भिद्य चोर्ध्वाण्डकटाहखण्डम्
yā pūrvakāle yajñaliṅgasya viṣṇoḥ sākṣāddharervikramataḥ khagendra / vāmasya pādasya nakhāgrataśca nirbhidya cordhvāṇḍakaṭāhakhaṇḍam
Sanskrit only: no published translation is held for this verse.
तदुदरमतिवेगात्सम्प्रविश्यावहन्तीं जगदघततिहन्तुः पादकिञ्जल्कशुद्धाम् । निखिलमलनिहन्त्रीं दर्शनात्स्पर्शनाच्च सकृदवगहनाद्वा भक्तिदां विष्णुपादे । शशिकरवरगौरां मीननेत्रां सुपूज्यां स्मरति हरिपदोत्थां मोक्षमेति क्रमेण
tadudaramativegātsampraviśyāvahantīṃ jagadaghatatihantuḥ pādakiñjalkaśuddhām / nikhilamalanihantrīṃ darśanātsparśanācca sakṛdavagahanādvā bhaktidāṃ viṣṇupāde / śaśikaravaragaurāṃ mīnanetrāṃ supūjyāṃ smarati haripadotthāṃ mokṣameti krameṇa
Sanskrit only: no published translation is held for this verse.
इन्द्रोपि वायुकरमर्दितवायुकूटबिन्दुं च प्राश्य शिरसि ह्यसहिष्णुमानः । भागीरथी हरिपदाङ्कमिति स्म नित्यं जानन्महापरमभागवतप्रधानः । भक्त्या च खिन्नहृदयः परमादरेण धृत्वा स्वमूर्ध्नि परमो ह्यशिवः शिवो ऽभूत्
indropi vāyukaramarditavāyukūṭabinduṃ ca prāśya śirasi hyasahiṣṇumānaḥ / bhāgīrathī haripadāṅkamiti sma nityaṃ jānanmahāparamabhāgavatapradhānaḥ / bhaktyā ca khinnahṛdayaḥ paramādareṇa dhṛtvā svamūrdhni paramo hyaśivaḥ śivo 'bhūt
Sanskrit only: no published translation is held for this verse.
भागीरथ्याश्च चत्वारि रूपाण्यासन्खगेश्वर । महाभिषग्जनेन्द्रस्य भार्या तु ह्यभिषेचनी
bhāgīrathyāśca catvāri rūpāṇyāsankhageśvara / mahābhiṣagjanendrasya bhāryā tu hyabhiṣecanī
Sanskrit only: no published translation is held for this verse.
द्वितीयेनैव रूपेण गङ्गा भार्या च शन्तनोः । सुषेणा वै सुषेणस्य भार्या सा वानरी स्मृता
dvitīyenaiva rūpeṇa gaṅgā bhāryā ca śantanoḥ / suṣeṇā vai suṣeṇasya bhāryā sā vānarī smṛtā
Sanskrit only: no published translation is held for this verse.
मण्डूकभार्या गङ्गा तु सैव मण्डूकिनी स्मृता । एवं चत्वारी रूपाणि गङ्गाया इति किर्तितमम्
maṇḍūkabhāryā gaṅgā tu saiva maṇḍūkinī smṛtā / evaṃ catvārī rūpāṇi gaṅgāyā iti kirtitamam
Sanskrit only: no published translation is held for this verse.
आदित्याच्चैव गङ्गातः पर्जन्यः समुदाहृतः । प्रवर्षति सुवैराग्यं ह्यतः पर्जन्यनामकम्
ādityāccaiva gaṅgātaḥ parjanyaḥ samudāhṛtaḥ / pravarṣati suvairāgyaṃ hyataḥ parjanyanāmakam
Sanskrit only: no published translation is held for this verse.
शरंवराय पञ्चजन्याच्च पञ्च हित्वा जग्ध्वा गर्वकं षट्क्रमेण । स्वबाणस्य स्वहृदि संस्थितस्य भजेत्सदा नैव भक्तिं विषं च
śaraṃvarāya pañcajanyācca pañca hitvā jagdhvā garvakaṃ ṣaṭkrameṇa / svabāṇasya svahṛdi saṃsthitasya bhajetsadā naiva bhaktiṃ viṣaṃ ca
Sanskrit only: no published translation is held for this verse.
लिङ्गं पुष्टं नैव कार्यं सदैव लिङ्गं पुष्टं कार्यमेवं सदापि । योनौ सक्तिर्नैव कार्या सदापि योनौ मुक्ते ऽसंगतो याति मुक्तिम्
liṅgaṃ puṣṭaṃ naiva kāryaṃ sadaiva liṅgaṃ puṣṭaṃ kāryamevaṃ sadāpi / yonau saktirnaiva kāryā sadāpi yonau mukte 'saṃgato yāti muktim
Sanskrit only: no published translation is held for this verse.
वैराग्यमेवं प्रकारोत्येव नित्यमतः पर्जन्यस्त्वन्तकः पक्षिवर्य । एतावता शरभाख्यो महात्मा स चान्तरो स तु पर्जन्य एव
vairāgyamevaṃ prakārotyeva nityamataḥ parjanyastvantakaḥ pakṣivarya / etāvatā śarabhākhyo mahātmā sa cāntaro sa tu parjanya eva
Sanskrit only: no published translation is held for this verse.
शश्वत्केशा यस्य गात्रे खगेन्द्र प्रभास्यन्ते शरभाख्यो पयोतः । यमस्य भार्या श्यामला या खगेन्द्र यस्मात्सदा कलिभार्यापिया च
śaśvatkeśā yasya gātre khagendra prabhāsyante śarabhākhyo payotaḥ / yamasya bhāryā śyāmalā yā khagendra yasmātsadā kalibhāryāpiyā ca
Sanskrit only: no published translation is held for this verse.
मत्वा सम्यक् मानसं या करोति ह्यतश्च सा श्यामलासंज्ञकाभूत् । मलं वक्ष्ये हरिभक्तेर्विरोधी सुलोहपात्रे सन्निधानं च तस्य
matvā samyak mānasaṃ yā karoti hyataśca sā śyāmalāsaṃjñakābhūt / malaṃ vakṣye haribhaktervirodhī sulohapātre sannidhānaṃ ca tasya
Sanskrit only: no published translation is held for this verse.
तद्वैष्णवैस्त्याज्यमेवं सदैव वस्त्रं दग्धं सन्धिजं चैव जन्यम् चिकित्सितं परदुः खं खगेन्द्र दरेर्भक्तैस्त्याज्यमेवं सदैव
tadvaiṣṇavaistyājyamevaṃ sadaiva vastraṃ dagdhaṃ sandhijaṃ caiva janyam cikitsitaṃ paraduḥ khaṃ khagendra darerbhaktaistyājyamevaṃ sadaiva
Sanskrit only: no published translation is held for this verse.
नोच्चाश्च ते हरिभक्तेर्विहीनास्तेषां संगो नैव कार्यः सदापि । पुराणसंपर्कविसर्जिनं च पुराणतालं च पुराणवस्त्रम्
noccāśca te haribhaktervihīnāsteṣāṃ saṃgo naiva kāryaḥ sadāpi / purāṇasaṃparkavisarjinaṃ ca purāṇatālaṃ ca purāṇavastram
Sanskrit only: no published translation is held for this verse.
सुजीर्णकन्थाजिनमेखलं च यज्ञोपवीतं च कलिप्रियं च । प्रियं गृहं चोर्णविता नकं च समित्कुशैः पूरितं कुत्सितं च
sujīrṇakanthājinamekhalaṃ ca yajñopavītaṃ ca kalipriyaṃ ca / priyaṃ gṛhaṃ corṇavitā nakaṃ ca samitkuśaiḥ pūritaṃ kutsitaṃ ca
Sanskrit only: no published translation is held for this verse.
सर्वं चेत्कलिभार्याप्रियं च नैव प्रियं शार्ङ्गपाणेः कदाचित् । कांस्ये सुपक्वं यावनालस्य चान्नं तुषः पिण्याकं तुम्बबिल्वे पलाण्डुः
sarvaṃ cetkalibhāryāpriyaṃ ca naiva priyaṃ śārṅgapāṇeḥ kadācit / kāṃsye supakvaṃ yāvanālasya cānnaṃ tuṣaḥ piṇyākaṃ tumbabilve palāṇḍuḥ
Sanskrit only: no published translation is held for this verse.
दीर्घं तक्रं स्वादुहीनं कडूष्टणमेते सर्वे कलिभार्याप्रियाश्च । सुदुर्मुखं निन्दनं चार्यजानां सतोवमत्यात्मजानां प्रसह्य
dīrghaṃ takraṃ svāduhīnaṃ kaḍūṣṭaṇamete sarve kalibhāryāpriyāśca / sudurmukhaṃ nindanaṃ cāryajānāṃ satovamatyātmajānāṃ prasahya
Sanskrit only: no published translation is held for this verse.
सुपीडनं सर्वदा भर्तृवर्गे गृहस्थितव्रीहिवस्त्रादिचौर्यात् । प्रकीर्णभूतान्मूर्धजान्संदधानं करैर्युतं देवकलिप्रियं च
supīḍanaṃ sarvadā bhartṛvarge gṛhasthitavrīhivastrādicauryāt / prakīrṇabhūtānmūrdhajānsaṃdadhānaṃ karairyutaṃ devakalipriyaṃ ca
Sanskrit only: no published translation is held for this verse.
इत्यादि सर्वं कलिभार्याप्रियञ्च सुनिर्मलं प्रिकरोत्येव सर्वम् । अतश्च सा श्यामलेति स्वसंज्ञामवाप सा देवकी संबभूव
ityādi sarvaṃ kalibhāryāpriyañca sunirmalaṃ prikarotyeva sarvam / ataśca sā śyāmaleti svasaṃjñāmavāpa sā devakī saṃbabhūva
Sanskrit only: no published translation is held for this verse.
युधिष्ठिरस्यैव बभूव पत्नीसंभाविता तत्र च देवकी सा । चन्द्रस्य भार्या रोहिणी वै तदेयमश्विन्यादिभ्यो ऽह्यधिका सर्वदैव
yudhiṣṭhirasyaiva babhūva patnīsaṃbhāvitā tatra ca devakī sā / candrasya bhāryā rohiṇī vai tadeyamaśvinyādibhyo 'hyadhikā sarvadaiva
Sanskrit only: no published translation is held for this verse.
रोणीं धृत्वा रोहति योग्यस्थानं तस्माच्च सा रोहिणीति प्रसिद्धा । आदित्यभार्या नाम संज्ञा खगेन्द्र ज्ञेया सा नारायणस्य स्वरूपा
roṇīṃ dhṛtvā rohati yogyasthānaṃ tasmācca sā rohiṇīti prasiddhā / ādityabhāryā nāma saṃjñā khagendra jñeyā sā nārāyaṇasya svarūpā
Sanskrit only: no published translation is held for this verse.
संजानातीत्येव संज्ञामवाप संज्ञेति लोके सूर्य भार्या खगेन्द्र । ब्रह्मण्डस्य ह्यभिमानी तु देवो विराडिति ह्यभिधामाप तेन
saṃjānātītyeva saṃjñāmavāpa saṃjñeti loke sūrya bhāryā khagendra / brahmaṇḍasya hyabhimānī tu devo virāḍiti hyabhidhāmāpa tena
Sanskrit only: no published translation is held for this verse.
गङ्गादिषट्कं सममेव नित्यं परस्परं नोत्तमं नाधमं च । प्रधानाग्नेः पाविकान्यैव गङ्गा सदा शुभा नात्र विचार्यमस्ति
gaṅgādiṣaṭkaṃ samameva nityaṃ parasparaṃ nottamaṃ nādhamaṃ ca / pradhānāgneḥ pāvikānyaiva gaṅgā sadā śubhā nātra vicāryamasti
Sanskrit only: no published translation is held for this verse.
आसां ज्ञानत्पुण्यमाप्नोति नित्यं सदा हरिः प्रीयते केशवोलम् । गङ्गादिभ्यो ह्यवराह्यग्निजाया स्वाहासंज्ञाधिगुणा नैव हीना
āsāṃ jñānatpuṇyamāpnoti nityaṃ sadā hariḥ prīyate keśavolam / gaṅgādibhyo hyavarāhyagnijāyā svāhāsaṃjñādhiguṇā naiva hīnā
Sanskrit only: no published translation is held for this verse.
स्वाहाकारो मन्त्ररूपाभिमानी स्वाहेति संज्ञामाप सदैव वीन्द्र । अग्नेर्भार्यातो बुद्धिमान् संबभूव ब्रह्माभिमानी चन्द्रपुत्रो बुधश्च
svāhākāro mantrarūpābhimānī svāheti saṃjñāmāpa sadaiva vīndra / agnerbhāryāto buddhimān saṃbabhūva brahmābhimānī candraputro budhaśca
Sanskrit only: no published translation is held for this verse.
बुद्ध्याहरद्वै राष्ट्रजातं च सर्वं धृतं त्वतो बुधसंज्ञामवाप । एवं चाभूदभिमन्युर्महात्मा सुभद्राया जठरे ह्यर्जुनाच्च
buddhyāharadvai rāṣṭrajātaṃ ca sarvaṃ dhṛtaṃ tvato budhasaṃjñāmavāpa / evaṃ cābhūdabhimanyurmahātmā subhadrāyā jaṭhare hyarjunācca
Sanskrit only: no published translation is held for this verse.
कृष्णस्य चन्द्रस्य यमस्य चांशैः स संयुतस्त्वश्विनोर्वै हरस्य । स्वाहाधमश्चन्द्रपुत्रो बुधस्तु पादारविन्दे विष्णुदेवस्य भक्तः
kṛṣṇasya candrasya yamasya cāṃśaiḥ sa saṃyutastvaśvinorvai harasya / svāhādhamaścandraputro budhastu pādāravinde viṣṇudevasya bhaktaḥ
Sanskrit only: no published translation is held for this verse.
नामात्मिका त्वश्विभार्या उषा नाम प्रकीर्तिता । बुधाधमा सा विज्ञेया स्वाहा दशगुणाधमा
nāmātmikā tvaśvibhāryā uṣā nāma prakīrtitā / budhādhamā sā vijñeyā svāhā daśaguṇādhamā
Sanskrit only: no published translation is held for this verse.
नकुलस्य भार्या मागधस्यैव पुत्री शल्यात्मजा सहदेवस्य भार्या । उभे ह्येते अश्विभार्या ह्युषापि उपासते षड्गुणं विष्णुमाद्यम् । अतो ऽप्युषासंज्ञका सा खगेन्द्र अनन्तराञ्छृणु वक्ष्ये महात्मन्
nakulasya bhāryā māgadhasyaiva putrī śalyātmajā sahadevasya bhāryā / ubhe hyete aśvibhāryā hyuṣāpi upāsate ṣaḍguṇaṃ viṣṇumādyam / ato 'pyuṣāsaṃjñakā sā khagendra anantarāñchṛṇu vakṣye mahātman
Sanskrit only: no published translation is held for this verse.
ततः शक्तिः पृथिव्यात्मा शनैश्चरति सर्वदा । अतः शनैश्चरो नाम उषायाश्च दशाधमाः
tataḥ śaktiḥ pṛthivyātmā śanaiścarati sarvadā / ataḥ śanaiścaro nāma uṣāyāśca daśādhamāḥ
Sanskrit only: no published translation is held for this verse.
कर्मात्मा पुष्करो ज्ञेयः शनरथ यमो मतः । नयाभिमानी पुरुषः किञ्चिन्नम्नो दशावरः
karmātmā puṣkaro jñeyaḥ śanaratha yamo mataḥ / nayābhimānī puruṣaḥ kiñcinnamno daśāvaraḥ
Sanskrit only: no published translation is held for this verse.
हरिप्रीतिकरो नित्यं पुष्करे क्रीडते यतः । अतस्तु पुष्कलो नाम लोके स परिकीर्तितः
hariprītikaro nityaṃ puṣkare krīḍate yataḥ / atastu puṣkalo nāma loke sa parikīrtitaḥ
Sanskrit only: no published translation is held for this verse.
हरि प्रीतिकरान्धर्मान्वक्ष्ये शृणु खगाधिप । प्रातः काले समुत्थाय स्मरेन्नारायणं हरिम्
hari prītikarāndharmānvakṣye śṛṇu khagādhipa / prātaḥ kāle samutthāya smarennārāyaṇaṃ harim
Sanskrit only: no published translation is held for this verse.
तुलसीवन्दनं कुर्याच्छ्रीविष्णुं संस्मरेत्खग । विण्मूत्रोत्सर्गकाले च ह्यपानात्मककेशवम्
tulasīvandanaṃ kuryācchrīviṣṇuṃ saṃsmaretkhaga / viṇmūtrotsargakāle ca hyapānātmakakeśavam
Sanskrit only: no published translation is held for this verse.
त्रिविक्रमं शौचकाले गङ्गापानकरं हरिम् । दन्तधावनकाले तु चन्द्रान्तर्यामिणं हरिम्
trivikramaṃ śaucakāle gaṅgāpānakaraṃ harim / dantadhāvanakāle tu candrāntaryāmiṇaṃ harim
Sanskrit only: no published translation is held for this verse.
मुखप्रक्षालने काले माधवं संस्मरेत्खग । गवां कण्डूयने चैव स्मरेद्गोवर्धनं हरिम्
mukhaprakṣālane kāle mādhavaṃ saṃsmaretkhaga / gavāṃ kaṇḍūyane caiva smaredgovardhanaṃ harim
Sanskrit only: no published translation is held for this verse.
सदा गोदोहने काले स्मरेद्गोपालवल्लभम् । अनन्तपुण्यार्जितजन्मकर्मणां सुपक्वकाले च खगेन्द्रसत्तम
sadā godohane kāle smaredgopālavallabham / anantapuṇyārjitajanmakarmaṇāṃ supakvakāle ca khagendrasattama
Sanskrit only: no published translation is held for this verse.
स्पर्शे गवां चैव सदा नृणां वै भवत्यतो नात्र विचार्यमस्ति । यस्मिन् गृहे नास्ति सदोत्तमा च गौर्यङ्गणे श्रीतुलसी च नास्ति
sparśe gavāṃ caiva sadā nṛṇāṃ vai bhavatyato nātra vicāryamasti / yasmin gṛhe nāsti sadottamā ca gauryaṅgaṇe śrītulasī ca nāsti
Sanskrit only: no published translation is held for this verse.
यस्मिन् गृहे देवमहोत्सवश्च यस्मिन् गृहे श्रवणं नास्ति विष्णोः । तत्संसर्गाद्याति दुः खादिकं च तस्य स्पर्शो नैव कार्यः कदापि
yasmin gṛhe devamahotsavaśca yasmin gṛhe śravaṇaṃ nāsti viṣṇoḥ / tatsaṃsargādyāti duḥ khādikaṃ ca tasya sparśo naiva kāryaḥ kadāpi
Sanskrit only: no published translation is held for this verse.
गोस्पर्शनविहीनस्य गोदोहनमजानतः । गोपोषणविहीनस्य प्राहुर्जन्म निरर्थकम्
gosparśanavihīnasya godohanamajānataḥ / gopoṣaṇavihīnasya prāhurjanma nirarthakam
Sanskrit only: no published translation is held for this verse.
गोग्रासमप्रदातुश्च गोपुष्टिं चाप्यकुर्वतः । गतिर्नास्त्येव नास्त्येव ग्रामचाण्डालवत्स्मृतः
gogrāsamapradātuśca gopuṣṭiṃ cāpyakurvataḥ / gatirnāstyeva nāstyeva grāmacāṇḍālavatsmṛtaḥ
Sanskrit only: no published translation is held for this verse.
वत्स्यस्य स्तनपाने च बालकृष्णं तु संस्मरेत् । दधिनिर्मन्थने चैव मन्थाधारं स्मरेद्धरिम्
vatsyasya stanapāne ca bālakṛṣṇaṃ tu saṃsmaret / dadhinirmanthane caiva manthādhāraṃ smareddharim
Sanskrit only: no published translation is held for this verse.
मृत्तिकास्नान काले तु वराहं संस्मरेद्धरिम् । पुण्ड्राणां धारणे चैव केशवादींश्च द्वादश
mṛttikāsnāna kāle tu varāhaṃ saṃsmareddharim / puṇḍrāṇāṃ dhāraṇe caiva keśavādīṃśca dvādaśa
Sanskrit only: no published translation is held for this verse.
मुद्राणां धारणे चैव शङ्खचक्रगदाधरम् । पद्मं नारायणीं मुद्रां क्रुद्धोल्कादींश्च संस्मरेत्
mudrāṇāṃ dhāraṇe caiva śaṅkhacakragadādharam / padmaṃ nārāyaṇīṃ mudrāṃ kruddholkādīṃśca saṃsmaret
Sanskrit only: no published translation is held for this verse.
श्रीरामसंस्मृतिं चैव संध्याकाले खगोत्तम । अच्युतानन्तगोविन्दाञ्छ्राद्धकाले च संस्मरेत्
śrīrāmasaṃsmṛtiṃ caiva saṃdhyākāle khagottama / acyutānantagovindāñchrāddhakāle ca saṃsmaret
Sanskrit only: no published translation is held for this verse.
प्राणादिकपञ्चहोमेचानिरूद्धादींश्च संस्मरेत् । अन्नाद्यर्पणकाले तु वासुदेवं च संस्मरेत्
prāṇādikapañcahomecānirūddhādīṃśca saṃsmaret / annādyarpaṇakāle tu vāsudevaṃ ca saṃsmaret
Sanskrit only: no published translation is held for this verse.
अपोशनस्य काले तु वायोरन्तर्गतं हरिम् । बस्त्रधारणकाकाले तु उपेन्द्रं संस्मरेद्धरिम्
apośanasya kāle tu vāyorantargataṃ harim / bastradhāraṇakākāle tu upendraṃ saṃsmareddharim
Sanskrit only: no published translation is held for this verse.
यज्ञोपवीतस्य च धारणे तु नारायणं वामनाख्यं स्मरेत्तु । आर्तिक्यकाले च तथैव विष्णोः सम्यक् स्मरेत्पर्शुरामाख्यविष्णुम्
yajñopavītasya ca dhāraṇe tu nārāyaṇaṃ vāmanākhyaṃ smarettu / ārtikyakāle ca tathaiva viṣṇoḥ samyak smaretparśurāmākhyaviṣṇum
Sanskrit only: no published translation is held for this verse.
अपोशनेवैश्वदेवस्य काले तदन्यहोमादिषु भस्मधारणे । स्मरेत्तु भक्त्या परमादरेण नारायणं जामदग्न्याख्यरामम्
apośanevaiśvadevasya kāle tadanyahomādiṣu bhasmadhāraṇe / smarettu bhaktyā paramādareṇa nārāyaṇaṃ jāmadagnyākhyarāmam
Sanskrit only: no published translation is held for this verse.
त्रिवारतीर्थग्रहणस्य काले कृष्णं रामं व्यासदेवं क्रमेण । शङ्खोदकस्योद्धरणे चैव काले मुकुन्दरूपं संस्मरेत्सर्वदैव
trivāratīrthagrahaṇasya kāle kṛṣṇaṃ rāmaṃ vyāsadevaṃ krameṇa / śaṅkhodakasyoddharaṇe caiva kāle mukundarūpaṃ saṃsmaretsarvadaiva
Sanskrit only: no published translation is held for this verse.
ग्रासेग्रासे स्मरणं चैव कार्यं गोविन्दसंज्ञस्य विशुद्धमन्नम् । एकैकभक्ष्यग्रहणस्य काले सम्यक् स्मरेदच्युतं वै खगेन्द्र
grāsegrāse smaraṇaṃ caiva kāryaṃ govindasaṃjñasya viśuddhamannam / ekaikabhakṣyagrahaṇasya kāle samyak smaredacyutaṃ vai khagendra
Sanskrit only: no published translation is held for this verse.
शाकादीनां भक्षणे चैव काले धन्वन्तरिं स्मरेच्चैव नित्यम् । तथा परान्नस्य च भोगकाले स्मरेच्च सम्यक् पाण्डुरङ्गं च विष्णुम्
śākādīnāṃ bhakṣaṇe caiva kāle dhanvantariṃ smareccaiva nityam / tathā parānnasya ca bhogakāle smarecca samyak pāṇḍuraṅgaṃ ca viṣṇum
Sanskrit only: no published translation is held for this verse.
हैयङ्गवीनस्य च भक्षणे वै सम्यक् स्मरेत्ताण्डवाख्यं च कृष्णम् । दध्यन्नभक्षे परमं पुराणं गोपालकृष्णं संस्मरेच्चैव नित्यम्
haiyaṅgavīnasya ca bhakṣaṇe vai samyak smarettāṇḍavākhyaṃ ca kṛṣṇam / dadhyannabhakṣe paramaṃ purāṇaṃ gopālakṛṣṇaṃ saṃsmareccaiva nityam
Sanskrit only: no published translation is held for this verse.
दुग्धान्नभोगे च तथैव काले सम्यक् स्मरेच्छ्रीनिवासं हरिं च । सुतैलसर्पिः षु विपक्वभक्षसंभोजने संस्मरेद्व्यङ्कटेशम्
dugdhānnabhoge ca tathaiva kāle samyak smarecchrīnivāsaṃ hariṃ ca / sutailasarpiḥ ṣu vipakvabhakṣasaṃbhojane saṃsmaredvyaṅkaṭeśam
Sanskrit only: no published translation is held for this verse.
द्राक्षासुजम्बूकदलीरसालनारिङ्गदाडिम्बफलानि चारु । स्मरेत्तु रम्भोत्तमनारिकेलधात्रीसुभोगे खलु बालकृष्णम्
drākṣāsujambūkadalīrasālanāriṅgadāḍimbaphalāni cāru / smarettu rambhottamanārikeladhātrīsubhoge khalu bālakṛṣṇam
Sanskrit only: no published translation is held for this verse.
सुपानकस्यैव च पानकाले सम्यक् स्मरेन्नारसिंहाख्यविष्णुम् । गङ्गामृतस्यैव च पानकाले गङ्गातातं संस्मरेद्विष्णुमेव
supānakasyaiva ca pānakāle samyak smarennārasiṃhākhyaviṣṇum / gaṅgāmṛtasyaiva ca pānakāle gaṅgātātaṃ saṃsmaredviṣṇumeva
Sanskrit only: no published translation is held for this verse.
प्रयाणकाले संस्मरेत्तार्क्ष्यवाहं नारायणं निर्गुणं विश्वमूर्तिम् । पुत्रादीनां चुंबने चैव काले सुवेणुहस्तं संस्मरेत्कृष्णमेव
prayāṇakāle saṃsmarettārkṣyavāhaṃ nārāyaṇaṃ nirguṇaṃ viśvamūrtim / putrādīnāṃ cuṃbane caiva kāle suveṇuhastaṃ saṃsmaretkṛṣṇameva
Sanskrit only: no published translation is held for this verse.
सुखङ्गकाले स्वस्त्रियश्चैव नित्यं गोपि कुचद्वन्द्वविलासिनं हरिम् । तांबूलकाले संस्मरैच्चैव नित्यं प्रद्युम्नाख्यं वासुदेवं हरिं च
sukhaṅgakāle svastriyaścaiva nityaṃ gopi kucadvandvavilāsinaṃ harim / tāṃbūlakāle saṃsmaraiccaiva nityaṃ pradyumnākhyaṃ vāsudevaṃ hariṃ ca
Sanskrit only: no published translation is held for this verse.
शय्याकाले संस्मरेच्चैव नित्यं संकर्षणाख्यं विष्णुरूपं हरिं च । निद्राकाले संस्मरेत्पद्मनामं कथाकाले व्यासरूपं हरिं च
śayyākāle saṃsmareccaiva nityaṃ saṃkarṣaṇākhyaṃ viṣṇurūpaṃ hariṃ ca / nidrākāle saṃsmaretpadmanāmaṃ kathākāle vyāsarūpaṃ hariṃ ca
Sanskrit only: no published translation is held for this verse.
सुगानकाले संस्मरेद्वेणुगीतं हरिं हरिं प्रवदेत्सर्वदैव । श्रीमत्तुलस्याश्छेदने चैव काले श्रीरामरामेति च संस्मरेत्तु
sugānakāle saṃsmaredveṇugītaṃ hariṃ hariṃ pravadetsarvadaiva / śrīmattulasyāśchedane caiva kāle śrīrāmarāmeti ca saṃsmarettu
Sanskrit only: no published translation is held for this verse.
पुष्पादीनां छेदने चैव काले सम्यक स्मरेदेत्कपिलाख्यं हरिं च । प्रदक्षिणेगारुडान्तर्गतं च हरिं स्मरेत्सर्वदा वै खगेन्द्र
puṣpādīnāṃ chedane caiva kāle samyaka smaredetkapilākhyaṃ hariṃ ca / pradakṣiṇegāruḍāntargataṃ ca hariṃ smaretsarvadā vai khagendra
Sanskrit only: no published translation is held for this verse.
प्रणमकाले देवदेवस्य विष्णोः शेषान्तस्थं संस्मरेच्चैव विष्णुम् । सुनीतिकाले संस्मरेन्नारसिंहं नारायणं संसंमरेत्सर्वदापि
praṇamakāle devadevasya viṣṇoḥ śeṣāntasthaṃ saṃsmareccaiva viṣṇum / sunītikāle saṃsmarennārasiṃhaṃ nārāyaṇaṃ saṃsaṃmaretsarvadāpi
Sanskrit only: no published translation is held for this verse.
पूर्तिर्यदा क्रियते कर्मणां च सम्यक् स्मरेद्वासुदेवं हरिं च । एवं कृतानि कर्माणि हरिप्रीतिकराणि च
pūrtiryadā kriyate karmaṇāṃ ca samyak smaredvāsudevaṃ hariṃ ca / evaṃ kṛtāni karmāṇi hariprītikarāṇi ca
Sanskrit only: no published translation is held for this verse.
सम्यक् प्रकुर्वन्नेतानि पुष्करो हरिवल्लभः
samyak prakurvannetāni puṣkaro harivallabhaḥ
Sanskrit only: no published translation is held for this verse.
एतस्मादेव पक्षीश कर्म यत्समुदाहृतम् पुष्कराख्यानमतुलं शृणोति श्रद्धयान्वितः । हरिप्रीतिकरे धर्मे प्रीतियुक्तो भवेत्सदा
etasmādeva pakṣīśa karma yatsamudāhṛtam puṣkarākhyānamatulaṃ śṛṇoti śraddhayānvitaḥ / hariprītikare dharme prītiyukto bhavetsadā
Sanskrit only: no published translation is held for this verse.