तद्यथानुश्रूयते बोधिसत्त्वः किलान्यतमस्मिन् विविधवर्णगन्धरससंपन्नफलभारावनतद्रुमोपगूढे विकचसुरभिकुसुमवल्लीविराजितपर्यन्ते मरकतमणिप्रभाहरितशाद्वलकुथास्तीर्णविषमभूमिभागे कमलकुवलयाकरोन्मीलितविमलजलाशयपरिग्रहे महत्य् अरण्ये वानराधिपतिर् बभूव ॥ महाकृपास्वीकृतमानसत्वान् नीत्वापि पुण्यानि परं प्रकर्षम् । गतिं तिरश्चाम् अधमां प्रपेदे साधुः स केनापि तु कारणेन
tadyathānuśrūyate bodhisattvaḥ kilānyatamasmin vividhavarṇagandharasasaṃpannaphalabhārāvanatadrumopagūḍhe vikacasurabhikusumavallīvirājitaparyante marakatamaṇiprabhāharitaśādvalakuthāstīrṇaviṣamabhūmibhāge kamalakuvalayākaronmīlitavimalajalāśayaparigrahe mahaty araṇye vānarādhipatir babhūva || mahākṛpāsvīkṛtamānasatvān nītvāpi puṇyāni paraṃ prakarṣam | gatiṃ tiraścām adhamāṃ prapede sādhuḥ sa kenāpi tu kāraṇena
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.