एवम् इदम् उच्यमानम् अलं संवेगाय । तद्यथानुश्रूयते । श्रावस्त्यां नन्दो नाम सार्थवाः प्रतिवसति स्म । तस्य जन्मान्तरे पात्रातिशयप्रतिपादितत्वात् तद्दानबीजस्यापरिमाणो भोगस्कन्धः प्रादुर् बभूव । मात्सर्याभ्यासात् तु नोत्सहते स्म किं चिद् अपि कस्मै चित् प्रदातुम् । तस्य क्षेत्रातिशयपतितं दानबीजं पुराणं नैकाकारं विभवनिचयं स्फीतम् आविश् चकार । पूर्वं दानाकृतपरिचयाध्याशयत्वात् तु नासौ दातुं किं चित् प्रभवति तदा मत्सराक्रान्तचेताः
evam idam ucyamānam alaṃ saṃvegāya | tadyathānuśrūyate | śrāvastyāṃ nando nāma sārthavāḥ prativasati sma | tasya janmāntare pātrātiśayapratipāditatvāt taddānabījasyāparimāṇo bhogaskandhaḥ prādur babhūva | mātsaryābhyāsāt tu notsahate sma kiṃ cid api kasmai cit pradātum | tasya kṣetrātiśayapatitaṃ dānabījaṃ purāṇaṃ naikākāraṃ vibhavanicayaṃ sphītam āviś cakāra | pūrvaṃ dānākṛtaparicayādhyāśayatvāt tu nāsau dātuṃ kiṃ cit prabhavati tadā matsarākrāntacetāḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.