Gobhila Gṛhya-sūtra 1.6

मानतन्तव्यो होवाचाहुता वा एतस्य मानुष्याहुतिर्भवति य औपवसथिकं नाश्नाति

mānatantavyo hovācāhutā vā etasya mānuṣyāhutirbhavati ya aupavasathikaṃ nāśnāti

Sanskrit only: no published translation is held for this verse.

अनीश्वरो ह क्षोधुको भवत्यकाम्यो जनानां पापवसीयसी हास्य प्रजा भवति

anīśvaro ha kṣodhuko bhavatyakāmyo janānāṃ pāpavasīyasī hāsya prajā bhavati

Sanskrit only: no published translation is held for this verse.

य औपवसथिकं भुङ्क्त ईश्वरो ह भवत्यक्षोधुकः काम्यो जनानां वसीयसी हा स्य प्रजा भवति

ya aupavasathikaṃ bhuṅkta īśvaro ha bhavatyakṣodhukaḥ kāmyo janānāṃ vasīyasī hā sya prajā bhavati

Sanskrit only: no published translation is held for this verse.

तस्माद्यत्कामयेतौपवसथिकं भुञ्जीयाताम्

tasmādyatkāmayetaupavasathikaṃ bhuñjīyātām

Sanskrit only: no published translation is held for this verse.

अध एवैतां रात्रिं शयीयाताम्

adha evaitāṃ rātriṃ śayīyātām

Sanskrit only: no published translation is held for this verse.

तौ खलु जाग्रन्मिश्रावेवैतां रात्रिं विहरेयातामितिहासमिश्रेण वा केनचिद्वा

tau khalu jāgranmiśrāvevaitāṃ rātriṃ vihareyātāmitihāsamiśreṇa vā kenacidvā

Sanskrit only: no published translation is held for this verse.

जुगुप्सेयातां त्वेवाव्रत्येभ्यः कर्मभ्यः

jugupseyātāṃ tvevāvratyebhyaḥ karmabhyaḥ

Sanskrit only: no published translation is held for this verse.

न प्रवसन्नुपवसेदित्याहुः

na pravasannupavasedityāhuḥ

Sanskrit only: no published translation is held for this verse.

पत्न्या व्रतं भवतीति

patnyā vrataṃ bhavatīti

Sanskrit only: no published translation is held for this verse.

यथा कामयेत तथा कुर्यात्

yathā kāmayeta tathā kuryāt

Sanskrit only: no published translation is held for this verse.

एवमेवाहिताग्नेरप्युपवसथो भवति

evamevāhitāgnerapyupavasatho bhavati

Sanskrit only: no published translation is held for this verse.

यच्चाम्नायो विदध्यात्

yaccāmnāyo vidadhyāt

Sanskrit only: no published translation is held for this verse.

अथ पूर्वाह्ण एव प्रातराहुतिं हुत्वाग्रेणाग्निं परिक्रम्य दक्षिणतोऽग्नेः प्रागग्रान्दर्भानास्तीर्य

atha pūrvāhṇa eva prātarāhutiṃ hutvāgreṇāgniṃ parikramya dakṣiṇato'gneḥ prāgagrāndarbhānāstīrya

Sanskrit only: no published translation is held for this verse.

तेषां पुरस्तात्प्रत्यङ्मुखस्तिष्ठन्सव्यस्य पाणेरङ्गुष्ठेनोपकनिष्ठिकया चाङ्गुल्या ब्रह्मासनात्तृणमभिसंगृह्य दक्षिणापरमष्टमं देशं निरस्यति निरस्तः परावसुरिति

teṣāṃ purastātpratyaṅmukhastiṣṭhansavyasya pāṇeraṅguṣṭhenopakaniṣṭhikayā cāṅgulyā brahmāsanāttṛṇamabhisaṃgṛhya dakṣiṇāparamaṣṭamaṃ deśaṃ nirasyati nirastaḥ parāvasuriti

Sanskrit only: no published translation is held for this verse.

अप उपस्पृश्याथ ब्रह्मासन उपविशत्या वसोः सदने सीदामीति

apa upaspṛśyātha brahmāsana upaviśatyā vasoḥ sadane sīdāmīti

Sanskrit only: no published translation is held for this verse.

अग्निमभिमुखो वाग्यतः प्राञ्जलिरास्त आ कर्मणः पर्यवसानात्

agnimabhimukho vāgyataḥ prāñjalirāsta ā karmaṇaḥ paryavasānāt

Sanskrit only: no published translation is held for this verse.

भाषेत यज्ञसंसिद्धिम्

bhāṣeta yajñasaṃsiddhim

Sanskrit only: no published translation is held for this verse.

नायज्ञियां वाचं वदेत्

nāyajñiyāṃ vācaṃ vadet

Sanskrit only: no published translation is held for this verse.

यद्ययज्ञियां वाचं वदेद्वैष्णवीमृचं यजुर्वा जपेत्

yadyayajñiyāṃ vācaṃ vadedvaiṣṇavīmṛcaṃ yajurvā japet

Sanskrit only: no published translation is held for this verse.

अपि वा नमो विष्णव इत्येवं ब्रूयात्

api vā namo viṣṇava ityevaṃ brūyāt

Sanskrit only: no published translation is held for this verse.

यद्यु वा उभयं चिकीर्षेद्धौत्रं चैव ब्रह्मत्वं चैवैतेनैव कल्पेन छत्त्रं वोत्तरासङ्गं वोदकमण्डलुं दर्भवटुं वा ब्रह्मासने निधाय तेनैव प्रत्याव्रज्याथान्यच्चेष्टेत्

yadyu vā ubhayaṃ cikīrṣeddhautraṃ caiva brahmatvaṃ caivaitenaiva kalpena chattraṃ vottarāsaṅgaṃ vodakamaṇḍaluṃ darbhavaṭuṃ vā brahmāsane nidhāya tenaiva pratyāvrajyāthānyacceṣṭet

Sanskrit only: no published translation is held for this verse.