Gobhila Gṛhya-sūtra 1.9

अथैतद्धविरुच्छिष्टमुदगुद्वास्योद्धृत्य ब्रह्मणे प्रयच्छेत्

athaitaddhavirucchiṣṭamudagudvāsyoddhṛtya brahmaṇe prayacchet

Sanskrit only: no published translation is held for this verse.

तं तितर्पयिषेत्

taṃ titarpayiṣet

Sanskrit only: no published translation is held for this verse.

ब्राह्मणस्य तृप्तिमनु तृप्यामीति ह यज्ञस्य वेदयन्ते

brāhmaṇasya tṛptimanu tṛpyāmīti ha yajñasya vedayante

Sanskrit only: no published translation is held for this verse.

अथ यदस्यान्यदन्नमुपसिद्धं स्यात्

atha yadasyānyadannamupasiddhaṃ syāt

Sanskrit only: no published translation is held for this verse.

अथ ब्राह्मणान्भक्तेनोपेप्सेत्

atha brāhmaṇānbhaktenopepset

Sanskrit only: no published translation is held for this verse.

पूर्णपात्रो दक्षिणा तं ब्रह्मणे दद्यात्

pūrṇapātro dakṣiṇā taṃ brahmaṇe dadyāt

Sanskrit only: no published translation is held for this verse.

कँ सं चमसं वान्नस्य पूरयित्वा कृतस्य वाकृतस्य वापि वा फलानामेवैतं पूर्णपात्रमित्याचक्षते

ka~ saṃ camasaṃ vānnasya pūrayitvā kṛtasya vākṛtasya vāpi vā phalānāmevaitaṃ pūrṇapātramityācakṣate

Sanskrit only: no published translation is held for this verse.

ब्रह्मैवैक ऋत्विक्

brahmaivaika ṛtvik

Sanskrit only: no published translation is held for this verse.

पाकयज्ञेषु स्वयं होता भवति

pākayajñeṣu svayaṃ hotā bhavati

Sanskrit only: no published translation is held for this verse.

पूर्णपात्रोऽवमः पाकयज्ञानां दक्षिणा

pūrṇapātro'vamaḥ pākayajñānāṃ dakṣiṇā

Sanskrit only: no published translation is held for this verse.

अपरिमितं परार्ध्यम्

aparimitaṃ parārdhyam

Sanskrit only: no published translation is held for this verse.

अपि ह सुदाः पैजवन ऐन्द्रा ग्नेन स्थालीपाकेनेष्ट्वा शतं सहस्राणि ददौ

api ha sudāḥ paijavana aindrā gnena sthālīpākeneṣṭvā śataṃ sahasrāṇi dadau

Sanskrit only: no published translation is held for this verse.

अथ यदि गृह्येऽग्नौ सायंप्रातर्होमयोर्वा दर्शपूर्णमासयोर्वा हव्यं वा होतारं वा नाधिगच्छेत्कथं कुर्यादिति

atha yadi gṛhye'gnau sāyaṃprātarhomayorvā darśapūrṇamāsayorvā havyaṃ vā hotāraṃ vā nādhigacchetkathaṃ kuryāditi

Sanskrit only: no published translation is held for this verse.

आ सायमाहुतेः प्रातराहुतिर्नात्येत्या प्रातराहुतेः सायमाहुतिरामावास्यायाः पौर्णमासं नात्येत्या पौर्णमास्या आमावास्याम्

ā sāyamāhuteḥ prātarāhutirnātyetyā prātarāhuteḥ sāyamāhutirāmāvāsyāyāḥ paurṇamāsaṃ nātyetyā paurṇamāsyā āmāvāsyām

Sanskrit only: no published translation is held for this verse.

एतेनैवावकाशेन हव्यं वा होतारं वा लिप्सेत

etenaivāvakāśena havyaṃ vā hotāraṃ vā lipseta

Sanskrit only: no published translation is held for this verse.

अपि वा यज्ञियानामेवौषधिवनस्पतीनां फलानि वा पलाशानि वा श्रपयित्वा जुहुयात्

api vā yajñiyānāmevauṣadhivanaspatīnāṃ phalāni vā palāśāni vā śrapayitvā juhuyāt

Sanskrit only: no published translation is held for this verse.

अप्यप एवान्ततो जुहुयादिति ह स्माह पाकयज्ञ ऐडो हुतं ह्येव

apyapa evāntato juhuyāditi ha smāha pākayajña aiḍo hutaṃ hyeva

Sanskrit only: no published translation is held for this verse.

अहुतस्य प्रायश्चित्तं भवतीति

ahutasya prāyaścittaṃ bhavatīti

Sanskrit only: no published translation is held for this verse.

नाव्रतो ब्राह्मणः स्यादिति

nāvrato brāhmaṇaḥ syāditi

Sanskrit only: no published translation is held for this verse.

अथाप्युदाहरन्ति

athāpyudāharanti

Sanskrit only: no published translation is held for this verse.

यावन्न हूयेताभोजनेनैव तावत्संतनुयात्

yāvanna hūyetābhojanenaiva tāvatsaṃtanuyāt

Sanskrit only: no published translation is held for this verse.

अथ यदाधिगच्छेत्प्रतिजुहुयात्

atha yadādhigacchetpratijuhuyāt

Sanskrit only: no published translation is held for this verse.

एवमप्यस्य व्रतं संततं भवतीति

evamapyasya vrataṃ saṃtataṃ bhavatīti

Sanskrit only: no published translation is held for this verse.

एषोऽत ऊर्ध्वं हविराहुतिषु न्यायः

eṣo'ta ūrdhvaṃ havirāhutiṣu nyāyaḥ

Sanskrit only: no published translation is held for this verse.

मन्त्रान्ते स्वाहाकारः

mantrānte svāhākāraḥ

Sanskrit only: no published translation is held for this verse.

आज्याहुतिष्वाज्यमेव संस्कृत्योपघातं जुहुयान्नाज्यभागौ न स्विष्टकृत्

ājyāhutiṣvājyameva saṃskṛtyopaghātaṃ juhuyānnājyabhāgau na sviṣṭakṛt

Sanskrit only: no published translation is held for this verse.

आज्याहुतिष्वनादेशे पुरस्ताच्चोपरिष्टाच्च महाव्याहृतिभिर्होमः

ājyāhutiṣvanādeśe purastāccopariṣṭācca mahāvyāhṛtibhirhomaḥ

Sanskrit only: no published translation is held for this verse.

यथा पाणिग्रहणे तथा चूडाकर्मण्युपनयने गोदाने

yathā pāṇigrahaṇe tathā cūḍākarmaṇyupanayane godāne

Sanskrit only: no published translation is held for this verse.

अपवृत्ते कर्मणि वामदेव्यगानं शान्त्यर्थं शान्त्यर्थम्

apavṛtte karmaṇi vāmadevyagānaṃ śāntyarthaṃ śāntyartham

Sanskrit only: no published translation is held for this verse.