pāṇāvādhāya kumāryā upanāmayedṛtameva prathamamṛtaṃ nātyeti kaścana rta iyaṃ pṛthivī śritā sarvamidamasau bhūyāditi tasyā nāma gṛhītvaiṣāmekaṃ gṛhāṇeti brūyāt

Sanskrit only: no published translation is held for this verse.

GobhGS 2.1.8

पूर्वेषां चतुर्णां गृह्णन्तीमुपयच्छेत्

pūrveṣāṃ caturṇāṃ gṛhṇantīmupayacchet

Sanskrit only: no published translation is held for this verse.

GobhGS 2.1.9

सम्भार्यमपि त्वेके

sambhāryamapi tveke

Sanskrit only: no published translation is held for this verse.

GobhGS 2.1.10

क्लीतकैर्यवैर्माषैर्वाप्लुतां सुहृत्सुरोत्तमेन सशरीरां त्रिर्मूर्धन्यभिषिञ्चेत्काम वेद ते नाम मदो नामासीति समानयामुमिति पतिनाम गृह्णीयात्स्वाहाकारान्ताभिरुपस्थमुत्तराभ्यां प्लावयेत्

klītakairyavairmāṣairvāplutāṃ suhṛtsurottamena saśarīrāṃ trirmūrdhanyabhiṣiñcetkāma veda te nāma mado nāmāsīti samānayāmumiti patināma gṛhṇīyātsvāhākārāntābhirupasthamuttarābhyāṃ plāvayet

Sanskrit only: no published translation is held for this verse.

GobhGS 2.1.11

ज्ञातिकर्मैतत्

jñātikarmaitat

Sanskrit only: no published translation is held for this verse.

GobhGS 2.1.12

पाणिग्रहणे पुरस्ताच्छालाया उपलिप्तेऽग्निरुपसमाहितो भवति

pāṇigrahaṇe purastācchālāyā upalipte'gnirupasamāhito bhavati

Sanskrit only: no published translation is held for this verse.

GobhGS 2.1.13

अथ जन्यानामेको ध्रुवाणामपां कलशं पूरयित्वा सहोदकुम्भः प्रावृतो वाग्यतोऽग्रेणाग्निं परिक्रम्य दक्षिणत उदङ्मुखोऽवतिष्ठते

atha janyānāmeko dhruvāṇāmapāṃ kalaśaṃ pūrayitvā sahodakumbhaḥ prāvṛto vāgyato'greṇāgniṃ parikramya dakṣiṇata udaṅmukho'vatiṣṭhate

Sanskrit only: no published translation is held for this verse.

GobhGS 2.1.14

प्राजनेनान्यः

prājanenānyaḥ

Sanskrit only: no published translation is held for this verse.

GobhGS 2.1.15

शमीपलाशमिश्राँ श्च लाजाँ श्चतुरञ्जलिमात्राञ् छूर्पेणोऽपसादयन्ति पश्चादग्नेः

śamīpalāśamiśrā~ śca lājā~ ścaturañjalimātrāñ chūrpeṇo'pasādayanti paścādagneḥ

Sanskrit only: no published translation is held for this verse.

GobhGS 2.1.16

दृषत्पुत्रं च

dṛṣatputraṃ ca

Sanskrit only: no published translation is held for this verse.

GobhGS 2.1.17

अथ यस्याः पाणिं ग्रहीष्यन्भवति सशिरस्का साप्लुता भवति

atha yasyāḥ pāṇiṃ grahīṣyanbhavati saśiraskā sāplutā bhavati

Sanskrit only: no published translation is held for this verse.

GobhGS 2.1.18

अहतेन वसनेन पतिः परिदध्याद्या अकृन्तन्नित्येतयर्चा परिधत्त धत्त वाससेति च

ahatena vasanena patiḥ paridadhyādyā akṛntannityetayarcā paridhatta dhatta vāsaseti ca

Sanskrit only: no published translation is held for this verse.

GobhGS 2.1.19

प्रावृतां यज्ञोपवीतिनीमभ्युदानयन्जपेत्सोमोऽददद्गन्धर्वायेति

prāvṛtāṃ yajñopavītinīmabhyudānayanjapetsomo'dadadgandharvāyeti

Sanskrit only: no published translation is held for this verse.

GobhGS 2.1.20

पश्चादग्नेः संवेष्टितं कटमेवंजातीयं वान्यत्पदा प्रवर्तयन्तीं वाचयेत्प्र मे पतियानः पन्थाः कल्पतामिति

paścādagneḥ saṃveṣṭitaṃ kaṭamevaṃjātīyaṃ vānyatpadā pravartayantīṃ vācayetpra me patiyānaḥ panthāḥ kalpatāmiti

Sanskrit only: no published translation is held for this verse.

GobhGS 2.1.21

स्वयं जपेदजपन्त्यां प्रास्या इति

svayaṃ japedajapantyāṃ prāsyā iti

Sanskrit only: no published translation is held for this verse.

GobhGS 2.1.22

बर्हिषोऽन्तं कटान्तं प्रापयेत्

barhiṣo'ntaṃ kaṭāntaṃ prāpayet

Sanskrit only: no published translation is held for this verse.

GobhGS 2.1.23

पूर्वे कटान्ते दक्षिणतः पाणिग्राहस्योपविशति

pūrve kaṭānte dakṣiṇataḥ pāṇigrāhasyopaviśati

Sanskrit only: no published translation is held for this verse.

GobhGS 2.1.24

दक्षिणेन पाणिना दक्षिणमँ समन्वारब्धायाः षडाज्याहुतीर्जुहोत्यग्निरेतु प्रथम इत्येतत्प्रभृतिभिः

dakṣiṇena pāṇinā dakṣiṇama~ samanvārabdhāyāḥ ṣaḍājyāhutīrjuhotyagniretu prathama ityetatprabhṛtibhiḥ

Sanskrit only: no published translation is held for this verse.

GobhGS 2.1.25

महाव्याहृतिभिश्च पृथक्

mahāvyāhṛtibhiśca pṛthak

Sanskrit only: no published translation is held for this verse.

GobhGS 2.1.26

सम स्ताभिश्चतुर्थीम्

sama stābhiścaturthīm

Sanskrit only: no published translation is held for this verse.