Gobhila Gṛhya-sūtra 2.2

हुत्वोपोत्तिष्ठतः

hutvopottiṣṭhataḥ

Sanskrit only: no published translation is held for this verse.

अनुपृष्ठं पतिः परिक्रम्य दक्षिणत उदङ्मुखोऽवतिष्ठते वध्वञ्जलिं गृहीत्वा

anupṛṣṭhaṃ patiḥ parikramya dakṣiṇata udaṅmukho'vatiṣṭhate vadhvañjaliṃ gṛhītvā

Sanskrit only: no published translation is held for this verse.

पूर्वा माता लाजानादाय भ्राता वा वधूमाक्रामयेदश्मानं दक्षिणेन प्रपदेन

pūrvā mātā lājānādāya bhrātā vā vadhūmākrāmayedaśmānaṃ dakṣiṇena prapadena

Sanskrit only: no published translation is held for this verse.

पाणिग्राहो जपतीममश्मानमारोहेति

pāṇigrāho japatīmamaśmānamāroheti

Sanskrit only: no published translation is held for this verse.

सकृत्संगृहीतं लाजानामञ्जलिं भ्राता वध्वञ्जलावावपति

sakṛtsaṃgṛhītaṃ lājānāmañjaliṃ bhrātā vadhvañjalāvāvapati

Sanskrit only: no published translation is held for this verse.

तं सोऽपस्तीर्णाभिघारितमग्नौ जुहोत्यविच्छिन्दत्यञ्जलिमियं नार्युपब्रूत इति

taṃ so'pastīrṇābhighāritamagnau juhotyavicchindatyañjalimiyaṃ nāryupabrūta iti

Sanskrit only: no published translation is held for this verse.

अर्यमणं नु देवं पूषणमित्युत्तरयोः

aryamaṇaṃ nu devaṃ pūṣaṇamityuttarayoḥ

Sanskrit only: no published translation is held for this verse.

हुते पतिर्यथेतं परिव्रज्य प्रदक्षिणमग्निं परिणयति मन्त्रवान्वा ब्राह्मणः कन्यला पितृभ्य इति

hute patiryathetaṃ parivrajya pradakṣiṇamagniṃ pariṇayati mantravānvā brāhmaṇaḥ kanyalā pitṛbhya iti

Sanskrit only: no published translation is held for this verse.

परिणीता तथैवावतिष्ठते तथाक्रामति तथा जपति तथावपति तथा जुहोति

pariṇītā tathaivāvatiṣṭhate tathākrāmati tathā japati tathāvapati tathā juhoti

Sanskrit only: no published translation is held for this verse.

एवं त्रिः

evaṃ triḥ

Sanskrit only: no published translation is held for this verse.

शूर्पेण शेषमग्नावोप्य प्रागुदीचीमभ्युत्क्रामयन्त्येकमिष इति

śūrpeṇa śeṣamagnāvopya prāgudīcīmabhyutkrāmayantyekamiṣa iti

Sanskrit only: no published translation is held for this verse.

दक्षिणेन प्रक्रम्य सव्येनानुक्रामेत्

dakṣiṇena prakramya savyenānukrāmet

Sanskrit only: no published translation is held for this verse.

मा सव्येन दक्षिणमतिक्रामेति ब्रूयात्

mā savyena dakṣiṇamatikrāmeti brūyāt

Sanskrit only: no published translation is held for this verse.

ईक्षकान्प्रतिमन्त्रयेत सुमङ्गलीरियं वधूरिति

īkṣakānpratimantrayeta sumaṅgalīriyaṃ vadhūriti

Sanskrit only: no published translation is held for this verse.

अपरेणाग्निमौदकोऽनुसंव्रज्य पाणिग्राहं मूर्धदेशेऽवसिञ्चति तथेतरां समञ्जन्त्वित्येतयर्चा

apareṇāgnimaudako'nusaṃvrajya pāṇigrāhaṃ mūrdhadeśe'vasiñcati tathetarāṃ samañjantvityetayarcā

Sanskrit only: no published translation is held for this verse.

अवसिक्तायाः सव्येन पाणिनाञ्जलिमुपोद्गृह्य दक्षिणेन पाणिना दक्षिणं पाणिं साङ्गुष्ठमुत्तानं गृहीत्वैताः षट् पाणि ग्रहणीया जपति गृभ्णामि त इति

avasiktāyāḥ savyena pāṇināñjalimupodgṛhya dakṣiṇena pāṇinā dakṣiṇaṃ pāṇiṃ sāṅguṣṭhamuttānaṃ gṛhītvaitāḥ ṣaṭ pāṇi grahaṇīyā japati gṛbhṇāmi ta iti

Sanskrit only: no published translation is held for this verse.

समाप्तासूद्वहन्ति

samāptāsūdvahanti

Sanskrit only: no published translation is held for this verse.