Gobhila Gṛhya-sūtra 2.3

प्रागुदीच्यां दिशि यद्ब्राह्मणकुलमभिरूपम्

prāgudīcyāṃ diśi yadbrāhmaṇakulamabhirūpam

Sanskrit only: no published translation is held for this verse.

तत्राग्निरुपसमाहितो भवति

tatrāgnirupasamāhito bhavati

Sanskrit only: no published translation is held for this verse.

अपरेणाग्निमानडुहं रोहितं चर्म प्राग्ग्रीवमुत्तरलोमास्तीर्णं भवति

apareṇāgnimānaḍuhaṃ rohitaṃ carma prāggrīvamuttaralomāstīrṇaṃ bhavati

Sanskrit only: no published translation is held for this verse.

तस्मि न्नेनां वाग्यतामुपवेशयन्ति

tasmi nnenāṃ vāgyatāmupaveśayanti

Sanskrit only: no published translation is held for this verse.

सा खल्वास्त एवानक्षत्रदर्शनात्

sā khalvāsta evānakṣatradarśanāt

Sanskrit only: no published translation is held for this verse.

प्रोक्ते नक्षत्रे षडाज्याहुतीर्जुहोति लेखासन्धिष्वित्येतत्प्रभृतिभिः

prokte nakṣatre ṣaḍājyāhutīrjuhoti lekhāsandhiṣvityetatprabhṛtibhiḥ

Sanskrit only: no published translation is held for this verse.

आहुतेराहुतेस्तु सम्पातं मूर्धनि वध्वा अवनयेत्

āhuterāhutestu sampātaṃ mūrdhani vadhvā avanayet

Sanskrit only: no published translation is held for this verse.

हुत्वोपोत्थायोपनिष्क्रम्य ध्रुवं दर्शयति

hutvopotthāyopaniṣkramya dhruvaṃ darśayati

Sanskrit only: no published translation is held for this verse.

ध्रुवमसि ध्रुवाहं पतिकुले भूयासममुष्यासाविति पतिनाम गृह्णीयादात्मनश्च

dhruvamasi dhruvāhaṃ patikule bhūyāsamamuṣyāsāviti patināma gṛhṇīyādātmanaśca

Sanskrit only: no published translation is held for this verse.

अरुन्धतीं च

arundhatīṃ ca

Sanskrit only: no published translation is held for this verse.

रुद्धाहमस्मीत्येवमेव

ruddhāhamasmītyevameva

Sanskrit only: no published translation is held for this verse.

अथैनामनुमन्त्रयते ध्रुवा द्यौरित्येतयर्चा

athaināmanumantrayate dhruvā dyaurityetayarcā

Sanskrit only: no published translation is held for this verse.

अनुमन्त्रिता गुरुं गोत्रेणाभिवादयते

anumantritā guruṃ gotreṇābhivādayate

Sanskrit only: no published translation is held for this verse.

सोऽस्या वाग्विसर्गः

so'syā vāgvisargaḥ

Sanskrit only: no published translation is held for this verse.

तावुभौ तत्प्रभृति त्रिरात्रमक्षारलवणाशिनौ ब्रह्मचारिणौ भूमौ सह शयीयाताम्

tāvubhau tatprabhṛti trirātramakṣāralavaṇāśinau brahmacāriṇau bhūmau saha śayīyātām

Sanskrit only: no published translation is held for this verse.

अत्रार्घ्यमित्याहुः

atrārghyamityāhuḥ

Sanskrit only: no published translation is held for this verse.

आगतेष्वित्येके

āgateṣvityeke

Sanskrit only: no published translation is held for this verse.

हविष्यमन्नं प्रथमं परिजपितं भुञ्जीत

haviṣyamannaṃ prathamaṃ parijapitaṃ bhuñjīta

Sanskrit only: no published translation is held for this verse.

श्वो भूते वा समशनीयं स्थालीपाकं कुर्वीत

śvo bhūte vā samaśanīyaṃ sthālīpākaṃ kurvīta

Sanskrit only: no published translation is held for this verse.

तस्य देवता अग्निः प्रजापतिर्विश्वे देवा अनुमतिरिति

tasya devatā agniḥ prajāpatirviśve devā anumatiriti

Sanskrit only: no published translation is held for this verse.

उद्धृत्य स्थालीपाकं व्यूह्यैकदेशं पाणिनाभिमृशेदन्नपाशेन मणिनेति

uddhṛtya sthālīpākaṃ vyūhyaikadeśaṃ pāṇinābhimṛśedannapāśena maṇineti

Sanskrit only: no published translation is held for this verse.

भुक्त्वोच्छिष्टं वध्वै प्रदाय यथार्थम्

bhuktvocchiṣṭaṃ vadhvai pradāya yathārtham

Sanskrit only: no published translation is held for this verse.

गौर्दक्षिणा

gaurdakṣiṇā

Sanskrit only: no published translation is held for this verse.