Gobhila Gṛhya-sūtra 2.8

जननाद्यस्तृतीयो ज्यौत्स्नस्तस्य तृतीयायां प्रातः सशिरस्कं कुमारमाप्लाव्यास्तमिते वीते लोहितिम्न्यञ्जलिकृतः पितोपतिष्ठते

jananādyastṛtīyo jyautsnastasya tṛtīyāyāṃ prātaḥ saśiraskaṃ kumāramāplāvyāstamite vīte lohitimnyañjalikṛtaḥ pitopatiṣṭhate

Sanskrit only: no published translation is held for this verse.

अथ माता शुचिना वसनेन कुमारमाच्छाद्य दक्षिणत उदञ्चं पित्रे प्रयच्छत्युदक्शिरसम्

atha mātā śucinā vasanena kumāramācchādya dakṣiṇata udañcaṃ pitre prayacchatyudakśirasam

Sanskrit only: no published translation is held for this verse.

अनुपृष्ठं परिक्रम्योत्तरतोऽवतिष्ठते

anupṛṣṭhaṃ parikramyottarato'vatiṣṭhate

Sanskrit only: no published translation is held for this verse.

अथ जपति यत्ते सुसीम इति यथायं न प्रमीयेत पुत्रो जनित्र्या अधीति

atha japati yatte susīma iti yathāyaṃ na pramīyeta putro janitryā adhīti

Sanskrit only: no published translation is held for this verse.

उदञ्चं मात्रे प्रदाय यथार्थम्

udañcaṃ mātre pradāya yathārtham

Sanskrit only: no published translation is held for this verse.

अथ येऽत ऊर्ध्वं ज्यौत्स्नाः प्रथमोद्दिष्ट एव तेषु पितोपतिष्ठतेऽपामञ्जलिं पूरयित्वाभिमुखश्चन्द्र मसम्

atha ye'ta ūrdhvaṃ jyautsnāḥ prathamoddiṣṭa eva teṣu pitopatiṣṭhate'pāmañjaliṃ pūrayitvābhimukhaścandra masam

Sanskrit only: no published translation is held for this verse.

यददश्चन्द्र मसीति सकृद्यजुषा द्विस्तूष्णीमुत्सृज्य यथार्थम्

yadadaścandra masīti sakṛdyajuṣā dvistūṣṇīmutsṛjya yathārtham

Sanskrit only: no published translation is held for this verse.

जननाद्दशरात्रे व्युष्टे शतरात्रे संवत्सरे वा नामधेयकरणम्

jananāddaśarātre vyuṣṭe śatarātre saṃvatsare vā nāmadheyakaraṇam

Sanskrit only: no published translation is held for this verse.

अथ यस्तत्करिष्यन्भवति पश्चादग्नेरुदगग्रेषु दर्भेषु प्राङुपविशति

atha yastatkariṣyanbhavati paścādagnerudagagreṣu darbheṣu prāṅupaviśati

Sanskrit only: no published translation is held for this verse.

अथ माता शुचिना वसनेन कुमारमाच्छाद्य दक्षिणत उदञ्चं कर्त्रे प्रयच्छत्युदक्शिरसम्

atha mātā śucinā vasanena kumāramācchādya dakṣiṇata udañcaṃ kartre prayacchatyudakśirasam

Sanskrit only: no published translation is held for this verse.

अनुपृष्ठम्परिक्रम्योत्तरत उपविशत्युदगग्रेष्वेव दर्भेषु

anupṛṣṭhamparikramyottarata upaviśatyudagagreṣveva darbheṣu

Sanskrit only: no published translation is held for this verse.

अथ जुहोति प्रजापतये तिथये नक्षत्राय देवताया इति

atha juhoti prajāpataye tithaye nakṣatrāya devatāyā iti

Sanskrit only: no published translation is held for this verse.

तस्य मुख्यान्प्राणान्संमृशन्कोऽसि कतमोऽसीत्येतं मन्त्रं जपति

tasya mukhyānprāṇānsaṃmṛśanko'si katamo'sītyetaṃ mantraṃ japati

Sanskrit only: no published translation is held for this verse.

आहस्पत्यं मासं प्रविशासावित्यन्ते च मन्त्रस्य घोषवदाद्यन्तरन्तस्थं दीर्घाभिनिष्ठानान्तं कृतं नाम दध्यात्

āhaspatyaṃ māsaṃ praviśāsāvityante ca mantrasya ghoṣavadādyantarantasthaṃ dīrghābhiniṣṭhānāntaṃ kṛtaṃ nāma dadhyāt

Sanskrit only: no published translation is held for this verse.

एतदतद्धितम्

etadataddhitam

Sanskrit only: no published translation is held for this verse.

अयुग्दान्तं स्त्रीणाम्

ayugdāntaṃ strīṇām

Sanskrit only: no published translation is held for this verse.

मात्रे चैव प्रथमं नामधेयमाख्याय यथार्थम्

mātre caiva prathamaṃ nāmadheyamākhyāya yathārtham

Sanskrit only: no published translation is held for this verse.

गौर्दक्षिणा

gaurdakṣiṇā

Sanskrit only: no published translation is held for this verse.

कुमारस्य मासि मासि संवत्सरे सांवत्सरिकेषु वा पर्वस्वग्नीन्द्रौ द्यावापृथिवी विश्वान्देवाँ श्च यजेत

kumārasya māsi māsi saṃvatsare sāṃvatsarikeṣu vā parvasvagnīndrau dyāvāpṛthivī viśvāndevā~ śca yajeta

Sanskrit only: no published translation is held for this verse.

दैवतमिष्ट्वा तिथिं नक्षत्रं च यजेत

daivatamiṣṭvā tithiṃ nakṣatraṃ ca yajeta

Sanskrit only: no published translation is held for this verse.

विप्रोष्य ज्येष्ठस्य पुत्रस्योभाभ्यां पाणिभ्यां मूर्धानं परिगृह्य जपेद्यदा वा पिता म इति विद्यादुपेतस्य वाङ्गादङ्गात्सस्रवसीति

viproṣya jyeṣṭhasya putrasyobhābhyāṃ pāṇibhyāṃ mūrdhānaṃ parigṛhya japedyadā vā pitā ma iti vidyādupetasya vāṅgādaṅgātsasravasīti

Sanskrit only: no published translation is held for this verse.

पशूनां त्वा हिङ्कारेणाभिजिघ्रामीत्यभिजिघ्र्य यथार्थम्

paśūnāṃ tvā hiṅkāreṇābhijighrāmītyabhijighrya yathārtham

Sanskrit only: no published translation is held for this verse.

एवमेवावरेषाम्

evamevāvareṣām

Sanskrit only: no published translation is held for this verse.

यथाज्येष्ठं यथोपलम्भं वा

yathājyeṣṭhaṃ yathopalambhaṃ vā

Sanskrit only: no published translation is held for this verse.

स्त्रियास्तूष्णीं मूर्धन्यभिजिघ्रणं मूर्धन्यभिजिघ्रणम्

striyāstūṣṇīṃ mūrdhanyabhijighraṇaṃ mūrdhanyabhijighraṇam

Sanskrit only: no published translation is held for this verse.