Harivaṃśa (critical edition) 10

वैशंपायन उवाच सत्यव्रतस् तु भक्त्या च कृपया च प्रतिज्ञया । विश्वामित्रकलत्रं तद् बभार विनये स्थितः

vaiśaṃpāyana uvāca satyavratas tu bhaktyā ca kṛpayā ca pratijñayā / viśvāmitrakalatraṃ tad babhāra vinaye sthitaḥ

Sanskrit only: no published translation is held for this verse.

हत्वा मृगान् वराहांश् च महिषांश् च वनेचरान् । विश्वामित्राश्रमाभ्याशे मांसं तद् अवबन्धत

hatvā mṛgān varāhāṃś ca mahiṣāṃś ca vanecarān / viśvāmitrāśramābhyāśe māṃsaṃ tad avabandhata

Sanskrit only: no published translation is held for this verse.

उपांशुव्रतम् आस्थाय दीक्षां द्वादशवार्षिकीम् । पितुर् नियोगाद् अवसत् तस्मिन् वनगते नृपे

upāṃśuvratam āsthāya dīkṣāṃ dvādaśavārṣikīm / pitur niyogād avasat tasmin vanagate nṛpe

Sanskrit only: no published translation is held for this verse.

अयोध्यां चैव राष्ट्रं च तथैवान्तःपुरं मुनिः । याज्योपाध्यायसंयोगाद् वसिष्ठः पर्यरक्षत

ayodhyāṃ caiva rāṣṭraṃ ca tathaivāntaḥpuraṃ muniḥ / yājyopādhyāyasaṃyogād vasiṣṭhaḥ paryarakṣata

Sanskrit only: no published translation is held for this verse.

सत्यव्रतस् तु बाल्याद् वा भाविनो ऽर्थस्य वा बलात् । वसिष्ठे ऽभ्यधिकं मन्युं धारयाम् आस नित्यदा

satyavratas tu bālyād vā bhāvino 'rthasya vā balāt / vasiṣṭhe 'bhyadhikaṃ manyuṃ dhārayām āsa nityadā

Sanskrit only: no published translation is held for this verse.

पित्रा तु तं तदा राष्ट्रात् परित्य्क्तं प्रियं सुतम् । न वारयाम् आस मुनिर् वसिष्ठः कारणेन हि

pitrā tu taṃ tadā rāṣṭrāt parityktaṃ priyaṃ sutam / na vārayām āsa munir vasiṣṭhaḥ kāraṇena hi

Sanskrit only: no published translation is held for this verse.

पाणिग्रहणमन्त्राणां निष्ठा स्यात् सप्तमे पदे । न च सत्यव्रतस् तस्माद् धृतवान् सप्तमे पदे

pāṇigrahaṇamantrāṇāṃ niṣṭhā syāt saptame pade / na ca satyavratas tasmād dhṛtavān saptame pade

Sanskrit only: no published translation is held for this verse.

जानन् धर्मं वसिष्ठस् तु न मां त्रातीति भारत । सत्यव्रतस् तदा रोषं वसिष्ठे मनसाकरोत्

jānan dharmaṃ vasiṣṭhas tu na māṃ trātīti bhārata / satyavratas tadā roṣaṃ vasiṣṭhe manasākarot

Sanskrit only: no published translation is held for this verse.

गुणबुद्ध्या तु भगवान् वसिष्ठः कृतवांस् तदा । न च सत्यव्रतस् तस्य तम् उपांशुम् अबुध्यत

guṇabuddhyā tu bhagavān vasiṣṭhaḥ kṛtavāṃs tadā / na ca satyavratas tasya tam upāṃśum abudhyata

Sanskrit only: no published translation is held for this verse.

तस्मिन्न् अपरितोषो यः पितुर् आसीन् महात्मनः । तेन द्वादश वर्षाणि नावर्षत् पाकशासनः

tasminn aparitoṣo yaḥ pitur āsīn mahātmanaḥ / tena dvādaśa varṣāṇi nāvarṣat pākaśāsanaḥ

Sanskrit only: no published translation is held for this verse.

कुलस्य निष्कृतिस् तात कृता सा वै भवेद् इति

kulasya niṣkṛtis tāta kṛtā sā vai bhaved iti

Sanskrit only: no published translation is held for this verse.

न तं वसिष्ठो भगवान् पित्रा त्यक्तं न्यवारयत् । अभिषेक्ष्याम्य् अहं पुत्रम् अस्येत्य् एवं मतिर् मुनेः

na taṃ vasiṣṭho bhagavān pitrā tyaktaṃ nyavārayat / abhiṣekṣyāmy ahaṃ putram asyety evaṃ matir muneḥ

Sanskrit only: no published translation is held for this verse.

अविद्यमाने मांसे तु वसिष्ठस्य महात्मनः । सर्वकामदुहां दोग्ध्रीं ददर्श स नृपात्मजः

avidyamāne māṃse tu vasiṣṭhasya mahātmanaḥ / sarvakāmaduhāṃ dogdhrīṃ dadarśa sa nṛpātmajaḥ

Sanskrit only: no published translation is held for this verse.

तां वै क्रोधाच् च मोहाच् च श्रमाच् चैव क्षुधान्वितः । दशधर्मगतो राजा जघान जनमेजय

tāṃ vai krodhāc ca mohāc ca śramāc caiva kṣudhānvitaḥ / daśadharmagato rājā jaghāna janamejaya

Sanskrit only: no published translation is held for this verse.

त च मांसं स्वयं चैव विश्वामित्रस्य चात्मजान् । भोजयाम् आस तच् छ्रुत्वा वसिष्ठो ऽप्य् अस्य चुक्रुधे

ta ca māṃsaṃ svayaṃ caiva viśvāmitrasya cātmajān / bhojayām āsa tac chrutvā vasiṣṭho 'py asya cukrudhe

Sanskrit only: no published translation is held for this verse.

वसिष्ठ उवाच पातयेयम् अहं क्रूर तव शङ्कुम् अयस्मयम् । यदि ते द्वाव् इमौ शङ्कू न स्यातां वै कृतौ पुनः

vasiṣṭha uvāca pātayeyam ahaṃ krūra tava śaṅkum ayasmayam / yadi te dvāv imau śaṅkū na syātāṃ vai kṛtau punaḥ

Sanskrit only: no published translation is held for this verse.

पितुश् चापरितोषेण गुरोर् दोग्ध्रीवधेन च । अप्रोक्षितोपयोगाच् च त्रिविधस् ते व्यतिक्रमः

pituś cāparitoṣeṇa guror dogdhrīvadhena ca / aprokṣitopayogāc ca trividhas te vyatikramaḥ

Sanskrit only: no published translation is held for this verse.

एवं त्रीण्य् अस्य शङ्कूनि तानि दृष्ट्वा महातपाः । त्रिशङ्कुर् इति होवाच त्रिशङ्कुस् तेन स स्मृतः

evaṃ trīṇy asya śaṅkūni tāni dṛṣṭvā mahātapāḥ / triśaṅkur iti hovāca triśaṅkus tena sa smṛtaḥ

Sanskrit only: no published translation is held for this verse.

विश्वामित्रस् तु दाराणाम् आगतो भरणे कृते । तेन तस्मै वरं प्रादान् मुनिः प्रीतस् त्रिशङ्कवे । छन्द्यमानो वरेणाथ गुरुं वव्रे नृपात्मजः

viśvāmitras tu dārāṇām āgato bharaṇe kṛte / tena tasmai varaṃ prādān muniḥ prītas triśaṅkave / chandyamāno vareṇātha guruṃ vavre nṛpātmajaḥ

Sanskrit only: no published translation is held for this verse.

मिषतां देवतानां च वसिष्ठस्य च कौशिकः

miṣatāṃ devatānāṃ ca vasiṣṭhasya ca kauśikaḥ

Sanskrit only: no published translation is held for this verse.

तस्य सत्यरथा नाम पत्नी केकयवंशजा । कुमारं जनयाम् आस हरिश्चन्द्रम् अकल्मषम्

tasya satyarathā nāma patnī kekayavaṃśajā / kumāraṃ janayām āsa hariścandram akalmaṣam

Sanskrit only: no published translation is held for this verse.

स वै राजा हरिश्चन्द्रस् त्रैशङ्कव इति स्मृतः । आहर्ता राजसूयस्य स सम्राड् इति विश्रुतः

sa vai rājā hariścandras traiśaṅkava iti smṛtaḥ / āhartā rājasūyasya sa samrāḍ iti viśrutaḥ

Sanskrit only: no published translation is held for this verse.

रोहितस्य वृकः पुत्रो वृकाद् बाहुस् तु जज्ञिवान्

rohitasya vṛkaḥ putro vṛkād bāhus tu jajñivān

Sanskrit only: no published translation is held for this verse.

हेहयास् तालजङ्घाश् च निरस्यन्ति स्म तं नृपम् । नात्यर्थं धार्मिकश् तात स हि धर्मयुगे ऽभवत्

hehayās tālajaṅghāś ca nirasyanti sma taṃ nṛpam / nātyarthaṃ dhārmikaś tāta sa hi dharmayuge 'bhavat

Sanskrit only: no published translation is held for this verse.

सगरस् तु सुतो बाहोर् जज्ञे सह गरेण वै । और्वस्याश्रमम् आसाद्य भार्गवेणाभिरक्षितः

sagaras tu suto bāhor jajñe saha gareṇa vai / aurvasyāśramam āsādya bhārgaveṇābhirakṣitaḥ

Sanskrit only: no published translation is held for this verse.

आग्नेयम् अस्त्रं लब्ध्वा च भार्गवात् सगरो नृपः । जिगाय पृथिवीं हत्वा तालजङ्घान् सहेहयान्

āgneyam astraṃ labdhvā ca bhārgavāt sagaro nṛpaḥ / jigāya pṛthivīṃ hatvā tālajaṅghān sahehayān

Sanskrit only: no published translation is held for this verse.

शकानां पह्लवानां च धर्मं निरसद् अच्युतः । क्षत्रियाणां कुरुश्रेष्ठाः पारदानां च धर्मवित्

śakānāṃ pahlavānāṃ ca dharmaṃ nirasad acyutaḥ / kṣatriyāṇāṃ kuruśreṣṭhāḥ pāradānāṃ ca dharmavit

Sanskrit only: no published translation is held for this verse.

जनमेजय उवाच कथं स सगरो जातो गरेणैव सहाच्युतः । किमर्थं च शकादीनां क्षत्रियाणां महौजसाम्

janamejaya uvāca kathaṃ sa sagaro jāto gareṇaiva sahācyutaḥ / kimarthaṃ ca śakādīnāṃ kṣatriyāṇāṃ mahaujasām

Sanskrit only: no published translation is held for this verse.

धर्मं कुलोचितं क्रुद्धो राजा निरसद् अच्युतः । एतन् मे सर्वम् आचक्ष्व विस्तरेण तपोधन

dharmaṃ kulocitaṃ kruddho rājā nirasad acyutaḥ / etan me sarvam ācakṣva vistareṇa tapodhana

Sanskrit only: no published translation is held for this verse.

वैशंपायन उवाच बाहोर् व्यसनिनस् तात हृतं राज्यम् अभूत् किल । हेहयैस् तालजङ्घैश् च शकैः सार्धं विशां पते

vaiśaṃpāyana uvāca bāhor vyasaninas tāta hṛtaṃ rājyam abhūt kila / hehayais tālajaṅghaiś ca śakaiḥ sārdhaṃ viśāṃ pate

Sanskrit only: no published translation is held for this verse.

एते ह्य् अपि गणाः पञ्च हेहयार्थे पराक्रमन्

ete hy api gaṇāḥ pañca hehayārthe parākraman

Sanskrit only: no published translation is held for this verse.

हृतराज्यस् तदा राजा स वै बाहुर् वनं ययौ । पत्न्या चानुगतो दुःखी वने प्राणान् अवासृजत्

hṛtarājyas tadā rājā sa vai bāhur vanaṃ yayau / patnyā cānugato duḥkhī vane prāṇān avāsṛjat

Sanskrit only: no published translation is held for this verse.

पत्नी तु यादवी तस्य सगर्भा पृष्ठतो ऽन्वगात् । सपत्न्या च गरस् तस्या दत्तः पूर्वम् अभूत् किल

patnī tu yādavī tasya sagarbhā pṛṣṭhato 'nvagāt / sapatnyā ca garas tasyā dattaḥ pūrvam abhūt kila

Sanskrit only: no published translation is held for this verse.

सा तु भर्तुश् चितां कृत्वा वने ताम् अभ्यरोहत । और्वस् तां भार्गवस् तात कारुण्यात् समवारयत्

sā tu bhartuś citāṃ kṛtvā vane tām abhyarohata / aurvas tāṃ bhārgavas tāta kāruṇyāt samavārayat

Sanskrit only: no published translation is held for this verse.

तस्याश्रमे च तं गर्भं गरेणैव सहाच्युतम् । व्यजायत महाबाहुं सगरं नाम पार्थिवम्

tasyāśrame ca taṃ garbhaṃ gareṇaiva sahācyutam / vyajāyata mahābāhuṃ sagaraṃ nāma pārthivam

Sanskrit only: no published translation is held for this verse.

और्वस् तु जातकर्मादी तस्य कृत्वा महात्मनः । अध्याप्य वेदशास्त्राणि ततो ऽस्त्रं प्रत्यपादयत् । आग्नेयं तं महाभागाम् अमरैर् अपि दुःसहम्

aurvas tu jātakarmādī tasya kṛtvā mahātmanaḥ / adhyāpya vedaśāstrāṇi tato 'straṃ pratyapādayat / āgneyaṃ taṃ mahābhāgām amarair api duḥsaham

Sanskrit only: no published translation is held for this verse.

स तेनास्त्रबलेनाजौ बलेन च समन्वितः । हेहयान् निजघानाशु क्रुद्धो रुद्रः पशून् इव । आजहार च लोकेषु कीर्तिं कीर्तिमतां वरः

sa tenāstrabalenājau balena ca samanvitaḥ / hehayān nijaghānāśu kruddho rudraḥ paśūn iva / ājahāra ca lokeṣu kīrtiṃ kīrtimatāṃ varaḥ

Sanskrit only: no published translation is held for this verse.

ततः शकान् स यवनान् काम्बोजान् पारदांस् तथा । पह्लवांश् चैव निःशेषान् कर्तुं व्यवसितो नृपः

tataḥ śakān sa yavanān kāmbojān pāradāṃs tathā / pahlavāṃś caiva niḥśeṣān kartuṃ vyavasito nṛpaḥ

Sanskrit only: no published translation is held for this verse.

ते वध्यमाना वीरेण सगरेण महात्मना । वसिष्ठं शरणं गत्वा प्रणिपेतुर् मनीषिणम्

te vadhyamānā vīreṇa sagareṇa mahātmanā / vasiṣṭhaṃ śaraṇaṃ gatvā praṇipetur manīṣiṇam

Sanskrit only: no published translation is held for this verse.

वसिष्ठस् त्व् अथ तान् दृष्ट्वा समयेन महाद्युतिः । सगरं वारयाम् आस तेषां दत्त्वाभयं तदा

vasiṣṭhas tv atha tān dṛṣṭvā samayena mahādyutiḥ / sagaraṃ vārayām āsa teṣāṃ dattvābhayaṃ tadā

Sanskrit only: no published translation is held for this verse.

सगरः स्वां प्रतिज्ञां च गुरोर् वाक्यं निशम्य च । धर्मं जघान तेषां वै वेषान्यात्वं चकार ह

sagaraḥ svāṃ pratijñāṃ ca guror vākyaṃ niśamya ca / dharmaṃ jaghāna teṣāṃ vai veṣānyātvaṃ cakāra ha

Sanskrit only: no published translation is held for this verse.

अर्धं शकानां शिरसो मुण्डयित्वा व्यसर्जयत् । यवनानां शिरः सर्वं काम्बोजानां तथैव च

ardhaṃ śakānāṃ śiraso muṇḍayitvā vyasarjayat / yavanānāṃ śiraḥ sarvaṃ kāmbojānāṃ tathaiva ca

Sanskrit only: no published translation is held for this verse.

पारदा मुक्तकेशास् तु पह्लवाः श्मश्रुधारिणः । निःस्वाध्यायवषट्काराः कृतास् तेन महात्मना

pāradā muktakeśās tu pahlavāḥ śmaśrudhāriṇaḥ / niḥsvādhyāyavaṣaṭkārāḥ kṛtās tena mahātmanā

Sanskrit only: no published translation is held for this verse.

शका यवनकाम्बोजाः पारदाश् च विशां पते । कोलिसर्पा माहिषका दर्वाश् चोलाः सकेरलाः

śakā yavanakāmbojāḥ pāradāś ca viśāṃ pate / kolisarpā māhiṣakā darvāś colāḥ sakeralāḥ

Sanskrit only: no published translation is held for this verse.

सर्वे ते क्षत्रियास् तात धर्मस् तेषां निराकृतः । वसिष्ठवचनाद् राजन् सगरेण महात्मना

sarve te kṣatriyās tāta dharmas teṣāṃ nirākṛtaḥ / vasiṣṭhavacanād rājan sagareṇa mahātmanā

Sanskrit only: no published translation is held for this verse.

स धर्मविजयी राजा विजित्येमां वसुंधराम् । अश्वं विचारयाम् आस वाजिमेधाय दीक्षितः

sa dharmavijayī rājā vijityemāṃ vasuṃdharām / aśvaṃ vicārayām āsa vājimedhāya dīkṣitaḥ

Sanskrit only: no published translation is held for this verse.

स तं देशं तदा पुत्रैः खानयाम् आस पार्थिवः

sa taṃ deśaṃ tadā putraiḥ khānayām āsa pārthivaḥ

Sanskrit only: no published translation is held for this verse.

आसेदुस् ते ततस् तत्र खन्यमाने महार्णवे । तम् आदिपुरुषं देवं हरिं कृष्णं प्रजापतिम् । विष्णुं कपिलरूपेण स्वपन्तं पुरुषं तदा

āsedus te tatas tatra khanyamāne mahārṇave / tam ādipuruṣaṃ devaṃ hariṃ kṛṣṇaṃ prajāpatim / viṣṇuṃ kapilarūpeṇa svapantaṃ puruṣaṃ tadā

Sanskrit only: no published translation is held for this verse.

तस्य चक्षुःसमुत्थेन तेजसा प्रतिबुध्यतः । दग्धाः सर्वे महाराज चत्वारस् त्व् अवशेषिताः

tasya cakṣuḥsamutthena tejasā pratibudhyataḥ / dagdhāḥ sarve mahārāja catvāras tv avaśeṣitāḥ

Sanskrit only: no published translation is held for this verse.

बर्हकेतुः सुकेतुश् च तथा भारद्रथो नृपः । शूरः पञ्चजनश् चैव तस्य वंशकरा नृपा

barhaketuḥ suketuś ca tathā bhāradratho nṛpaḥ / śūraḥ pañcajanaś caiva tasya vaṃśakarā nṛpā

Sanskrit only: no published translation is held for this verse.

सगराय महाराज । *ह्व् १०।५१अ*२१६:२ ।* पुत्रं समुद्रं च विभुः स्वर्गे वासं तथाक्षयम्

sagarāya mahārāja | *HV 10.51a*216:2 |* putraṃ samudraṃ ca vibhuḥ svarge vāsaṃ tathākṣayam

Sanskrit only: no published translation is held for this verse.

समुद्रश् चार्घ्यम् आदाय ववन्दे तं महीपतिम् । सागरत्वं च लेभे स कर्मणा तेन तस्य ह

samudraś cārghyam ādāya vavande taṃ mahīpatim / sāgaratvaṃ ca lebhe sa karmaṇā tena tasya ha

Sanskrit only: no published translation is held for this verse.

तं चाश्वमेधिकं सो ऽश्वं समुद्राद् उपलब्धवान् । आजहाराश्वमेधानां शतं स सुमहायशाः । पुत्राणां च सहस्राणि षष्टिस् तस्येति नः श्रुतम्

taṃ cāśvamedhikaṃ so 'śvaṃ samudrād upalabdhavān / ājahārāśvamedhānāṃ śataṃ sa sumahāyaśāḥ / putrāṇāṃ ca sahasrāṇi ṣaṣṭis tasyeti naḥ śrutam

Sanskrit only: no published translation is held for this verse.

जनमेजय उवाच सगरस्यात्मजा वीराः कथं जाता महाबलाः । विक्रान्ताः षष्टिसाहस्रा विधिना केन वा द्विज

janamejaya uvāca sagarasyātmajā vīrāḥ kathaṃ jātā mahābalāḥ / vikrāntāḥ ṣaṣṭisāhasrā vidhinā kena vā dvija

Sanskrit only: no published translation is held for this verse.

और्वस् ताभ्यां वरं प्रादात् तन् निबोध नराधिप

aurvas tābhyāṃ varaṃ prādāt tan nibodha narādhipa

Sanskrit only: no published translation is held for this verse.

षष्टिं पुत्रसहस्राणि गृह्णात्व् एका तरस्विनाम् । एकं वंशधरं त्व् एका यथेष्टं वरयत्व् इति

ṣaṣṭiṃ putrasahasrāṇi gṛhṇātv ekā tarasvinām / ekaṃ vaṃśadharaṃ tv ekā yatheṣṭaṃ varayatv iti

Sanskrit only: no published translation is held for this verse.

तत्रैका जगृहे पुत्रांल् लुब्धा शूरान् बहूंस् तथा । एकं वंशधरं त्व् एका तथेत्य् आह ततो मुनिः

tatraikā jagṛhe putrāṃl lubdhā śūrān bahūṃs tathā / ekaṃ vaṃśadharaṃ tv ekā tathety āha tato muniḥ

Sanskrit only: no published translation is held for this verse.

राजा पञ्चजनो नाम बभूव सुमहाबलः । इतरा सुषुवे तुम्बं बीजपूर्णाम् इति श्रुतिः

rājā pañcajano nāma babhūva sumahābalaḥ / itarā suṣuve tumbaṃ bījapūrṇām iti śrutiḥ

Sanskrit only: no published translation is held for this verse.

तत्र षष्टिसहस्राणि गर्भास् ते तिलसंमिताः । संबभूवुर् यथाकालं ववृधुश् च यथासुखम्

tatra ṣaṣṭisahasrāṇi garbhās te tilasaṃmitāḥ / saṃbabhūvur yathākālaṃ vavṛdhuś ca yathāsukham

Sanskrit only: no published translation is held for this verse.

घृतपूर्णेषु कुम्भेषु तान् गर्भान् निदधुस् ततः । धात्रीश् चैकैकशः प्रादात् तावतीः पोषणे नृप

ghṛtapūrṇeṣu kumbheṣu tān garbhān nidadhus tataḥ / dhātrīś caikaikaśaḥ prādāt tāvatīḥ poṣaṇe nṛpa

Sanskrit only: no published translation is held for this verse.

ततो दशसु मासेषु समुत्तस्थुर् यथाक्रमम् । कुमारास् ते यथाकालं सगरप्रीतिवर्धनाः

tato daśasu māseṣu samuttasthur yathākramam / kumārās te yathākālaṃ sagaraprītivardhanāḥ

Sanskrit only: no published translation is held for this verse.

षष्टिः पुत्रसहस्राणि तस्यैवम् अभवन् नृप । शुक्राद् अलाबूमध्याद् वै जातानि पृथिवीपतेः

ṣaṣṭiḥ putrasahasrāṇi tasyaivam abhavan nṛpa / śukrād alābūmadhyād vai jātāni pṛthivīpateḥ

Sanskrit only: no published translation is held for this verse.

तेषां नारायणं तेजः प्रविष्टानां महात्मनाम् । एकः पञ्चजनो नाम पुत्रो राजा बभूव ह

teṣāṃ nārāyaṇaṃ tejaḥ praviṣṭānāṃ mahātmanām / ekaḥ pañcajano nāma putro rājā babhūva ha

Sanskrit only: no published translation is held for this verse.

सुतः पञ्चजनस्यासीद् अंशुमान् नाम वीर्यवान् । दिलीपस् तस्य तनयः खट्वाङ्ग इति विश्रुतः

sutaḥ pañcajanasyāsīd aṃśumān nāma vīryavān / dilīpas tasya tanayaḥ khaṭvāṅga iti viśrutaḥ

Sanskrit only: no published translation is held for this verse.

येन स्वर्गाद् इहागत्य मुहूर्तं प्राप्य जीवितम् । त्रयो ऽभिसंधिता लोका बुद्ध्या सत्येन चानघ

yena svargād ihāgatya muhūrtaṃ prāpya jīvitam / trayo 'bhisaṃdhitā lokā buddhyā satyena cānagha

Sanskrit only: no published translation is held for this verse.

समुद्रम् आनयच् चैनां दुहितृत्वे त्व् अकल्पयत्

samudram ānayac caināṃ duhitṛtve tv akalpayat

Sanskrit only: no published translation is held for this verse.

भगीरथसुतो राजा श्रुत इत्य् अभिविश्रुतः । नाभागस् तु श्रुतस्यासीत् पुत्रः परमधार्मिकः

bhagīrathasuto rājā śruta ity abhiviśrutaḥ / nābhāgas tu śrutasyāsīt putraḥ paramadhārmikaḥ

Sanskrit only: no published translation is held for this verse.

अम्बरीषस् तु नाभागिः सिन्धुद्वीपपिताभवत् । अयुताजित् तु दायादः सिन्धुद्वीपस्य वीर्यवान्

ambarīṣas tu nābhāgiḥ sindhudvīpapitābhavat / ayutājit tu dāyādaḥ sindhudvīpasya vīryavān

Sanskrit only: no published translation is held for this verse.

अयुताजित्सुतस् त्व् आसीद् ऋतपर्णो महायशाः । दिव्याक्षहृदयज्ञो वै राजा नलसखो बली

ayutājitsutas tv āsīd ṛtaparṇo mahāyaśāḥ / divyākṣahṛdayajño vai rājā nalasakho balī

Sanskrit only: no published translation is held for this verse.

ख्यातः कल्माषपादो वै नाम्ना मित्रसहो ऽभवत्

khyātaḥ kalmāṣapādo vai nāmnā mitrasaho 'bhavat

Sanskrit only: no published translation is held for this verse.

कल्माषपादस्य सुतः सर्वकर्मेति विश्रुतः । अनरण्यस् तु पुत्रो ऽभूद् विश्रुतः सर्वकर्मणः

kalmāṣapādasya sutaḥ sarvakarmeti viśrutaḥ / anaraṇyas tu putro 'bhūd viśrutaḥ sarvakarmaṇaḥ

Sanskrit only: no published translation is held for this verse.

अनरण्यसुतो निघ्नो निघ्नपुत्रौ बभूवतुः । अनमित्रो रघुश् चैव पार्थिवर्षभसत्तमौ

anaraṇyasuto nighno nighnaputrau babhūvatuḥ / anamitro raghuś caiva pārthivarṣabhasattamau

Sanskrit only: no published translation is held for this verse.

अनमित्रस् तु धर्मात्मा विद्वान् दुलिदुहो ऽभवत् । दिलीपस् तस्य तनयो रामस्य प्रपितामहः । दीर्घबाहुर् दिलीपस्य रघुर् नाम्नाभवत् सुतः

anamitras tu dharmātmā vidvān duliduho 'bhavat / dilīpas tasya tanayo rāmasya prapitāmahaḥ / dīrghabāhur dilīpasya raghur nāmnābhavat sutaḥ

Sanskrit only: no published translation is held for this verse.

अजस् तु राघुतो जज्ञे तथा दशरथो ऽप्य् अजात् । रामो दशरथाज् जज्ञे धर्मारामो महायशाः

ajas tu rāghuto jajñe tathā daśaratho 'py ajāt / rāmo daśarathāj jajñe dharmārāmo mahāyaśāḥ

Sanskrit only: no published translation is held for this verse.

रामस्य तनयो जज्ञे कुश इत्य् अभिविश्रुतः । अतिथिस् तु कुशाज् जज्ञे निषधस् तस्य चात्मजः

rāmasya tanayo jajñe kuśa ity abhiviśrutaḥ / atithis tu kuśāj jajñe niṣadhas tasya cātmajaḥ

Sanskrit only: no published translation is held for this verse.

निषधस्य नलः पुत्रो नभः पुत्रो नलस्य तु । नभसः पुण्डरीकस् तु क्षेमधन्वा ततः स्मृतः

niṣadhasya nalaḥ putro nabhaḥ putro nalasya tu / nabhasaḥ puṇḍarīkas tu kṣemadhanvā tataḥ smṛtaḥ

Sanskrit only: no published translation is held for this verse.

अहीनगोस् तु दायादः सहस्वान् नाम पार्थिवः

ahīnagos tu dāyādaḥ sahasvān nāma pārthivaḥ

Sanskrit only: no published translation is held for this verse.

नलौ द्वाव् एव विख्यातौ पुराणे भरतर्षभ । वीरसेनात्मजश् चैव यश् चेक्ष्वाकुकुलोद्वहः

nalau dvāv eva vikhyātau purāṇe bharatarṣabha / vīrasenātmajaś caiva yaś cekṣvākukulodvahaḥ

Sanskrit only: no published translation is held for this verse.

इक्ष्वाकुवंशप्रभवाः प्राधान्येनेह कीर्तिताः । एते विवस्वतो वंशे राजानो भूरितेजसः

ikṣvākuvaṃśaprabhavāḥ prādhānyeneha kīrtitāḥ / ete vivasvato vaṃśe rājāno bhūritejasaḥ

Sanskrit only: no published translation is held for this verse.

पठन् सम्यग् इमां सृष्टिम् आदित्यस्य विवस्वतः । श्राद्धदेवस्य देवस्य प्रजानां पुष्टिदस्य च । प्रजानान् एति सायुज्यम् आदित्यस्य विवस्वतः

paṭhan samyag imāṃ sṛṣṭim ādityasya vivasvataḥ / śrāddhadevasya devasya prajānāṃ puṣṭidasya ca / prajānān eti sāyujyam ādityasya vivasvataḥ

Sanskrit only: no published translation is held for this verse.