Harivaṃśa (critical edition) 102

अर्जुन उवाच सुमुहूर्तेन तु वयं तं ग्रामं प्राप्य भारत । विश्रान्तवाहनाः सर्वे वासायोपगतास् तदा

arjuna uvāca sumuhūrtena tu vayaṃ taṃ grāmaṃ prāpya bhārata / viśrāntavāhanāḥ sarve vāsāyopagatās tadā

Sanskrit only: no published translation is held for this verse.

ततो ग्रामस्य मध्ये ऽहं निविष्टः कुरुनन्दनः । समन्ताद् वृष्णिसैन्येन परिक्षित्य जनव्रजम्

tato grāmasya madhye 'haṃ niviṣṭaḥ kurunandanaḥ / samantād vṛṣṇisainyena parikṣitya janavrajam

Sanskrit only: no published translation is held for this verse.

ततः शकुनयो दीप्ता मृगाश् च क्रूरभाषिणः । दीप्तायां दिशि वाशन्तो भयम् आवेदयन्ति मे

tataḥ śakunayo dīptā mṛgāś ca krūrabhāṣiṇaḥ / dīptāyāṃ diśi vāśanto bhayam āvedayanti me

Sanskrit only: no published translation is held for this verse.

संध्यारागो जपावर्णो भानुमांश् चैव निष्प्रभः । पपात महती चोल्का पृथिवी चाप्य् अकम्पत

saṃdhyārāgo japāvarṇo bhānumāṃś caiva niṣprabhaḥ / papāta mahatī colkā pṛthivī cāpy akampata

Sanskrit only: no published translation is held for this verse.

तान् समीक्ष्य महोत्पातान् दारुणांल् लोमहर्षणान् । योगम् आज्ञापयं तत्र जनस्योत्सुकचेतसः

tān samīkṣya mahotpātān dāruṇāṃl lomaharṣaṇān / yogam ājñāpayaṃ tatra janasyotsukacetasaḥ

Sanskrit only: no published translation is held for this verse.

युयुधानपुरोगाश् च वृष्ण्यन्धकमहारथाः । सर्वे युक्तरथाः सज्जाः स्वयं चाहं तथाभवम्

yuyudhānapurogāś ca vṛṣṇyandhakamahārathāḥ / sarve yuktarathāḥ sajjāḥ svayaṃ cāhaṃ tathābhavam

Sanskrit only: no published translation is held for this verse.

गते ऽर्धरात्रसमये ब्राह्मणो भयविक्लवः । उपागम्य भयाद् अस्मान् इदं वचनम् अब्रवीत्

gate 'rdharātrasamaye brāhmaṇo bhayaviklavaḥ / upāgamya bhayād asmān idaṃ vacanam abravīt

Sanskrit only: no published translation is held for this verse.

कालो ऽयं समनुप्राप्तो ब्राह्मण्याः प्रसवस्य मे । यत्ता भवन्तस् तिष्ठन्तु न भवेद् वञ्चना यथा

kālo 'yaṃ samanuprāpto brāhmaṇyāḥ prasavasya me / yattā bhavantas tiṣṭhantu na bhaved vañcanā yathā

Sanskrit only: no published translation is held for this verse.

मुहूर्ताद् इव चाश्रौषं कृपणं रुदितस्वनम् । तस्य विप्रस्य भवने ह्रियते ह्रियते इति

muhūrtād iva cāśrauṣaṃ kṛpaṇaṃ ruditasvanam / tasya viprasya bhavane hriyate hriyate iti

Sanskrit only: no published translation is held for this verse.

अथाकाशे पुनर् वाचम् अश्रौषं बालकस्य वै । हाहेति ह्रियमाणस्य न च पश्यामि राक्षसम्

athākāśe punar vācam aśrauṣaṃ bālakasya vai / hāheti hriyamāṇasya na ca paśyāmi rākṣasam

Sanskrit only: no published translation is held for this verse.

ततो ऽस्माभिस् तदा तात शरवर्षैः समन्ततः । विष्टम्भिता दिशः सर्वा हृत एव स बालकः

tato 'smābhis tadā tāta śaravarṣaiḥ samantataḥ / viṣṭambhitā diśaḥ sarvā hṛta eva sa bālakaḥ

Sanskrit only: no published translation is held for this verse.

ब्रह्मणो ऽऽर्तस्वरं कृत्वा हृते तस्मिन् कुमारके । वाचः स परुषास् तीव्राः श्रावयाम् आस मां तदा

brahmaṇo ''rtasvaraṃ kṛtvā hṛte tasmin kumārake / vācaḥ sa paruṣās tīvrāḥ śrāvayām āsa māṃ tadā

Sanskrit only: no published translation is held for this verse.

वृष्णयो हतसंकल्पास् तथाहं नष्टचेतनः । माम् एव हि विशेषेण ब्राह्मणः पर्यभाषत

vṛṣṇayo hatasaṃkalpās tathāhaṃ naṣṭacetanaḥ / mām eva hi viśeṣeṇa brāhmaṇaḥ paryabhāṣata

Sanskrit only: no published translation is held for this verse.

रक्षिष्यामीति चोक्तं ते न च रक्षसि मे सुतम् । शृणु वाक्यम् इदं शेषं यत् त्वम् अर्हसि दुर्मते

rakṣiṣyāmīti coktaṃ te na ca rakṣasi me sutam / śṛṇu vākyam idaṃ śeṣaṃ yat tvam arhasi durmate

Sanskrit only: no published translation is held for this verse.

वृथा त्वं स्पर्धसे नित्यं कृष्णेनामितबुद्धिना । यदि स्याद् इह गोविन्दो नैतद् अत्याहितं भवेत्

vṛthā tvaṃ spardhase nityaṃ kṛṣṇenāmitabuddhinā / yadi syād iha govindo naitad atyāhitaṃ bhavet

Sanskrit only: no published translation is held for this verse.

यथा चतुर्थं धर्मस्य रक्षिता लभते फलम् । पापस्यापि तथा मूढ भागं प्राप्नोत्य् अरक्षिता

yathā caturthaṃ dharmasya rakṣitā labhate phalam / pāpasyāpi tathā mūḍha bhāgaṃ prāpnoty arakṣitā

Sanskrit only: no published translation is held for this verse.

रक्षिष्यामीति चोक्तं ते न च शक्नोषि रक्षितुम् । मोघं गाण्डीवम् एतत् ते मोघं वीर्यं यशश् च ते

rakṣiṣyāmīti coktaṃ te na ca śaknoṣi rakṣitum / moghaṃ gāṇḍīvam etat te moghaṃ vīryaṃ yaśaś ca te

Sanskrit only: no published translation is held for this verse.

अकिंचिद् उक्त्वा तं विप्रं ततो ऽहं प्रस्थितस् तदा । सह वृष्ण्यन्धकसुतैर् यत्र कृष्णो महाद्युतिः

akiṃcid uktvā taṃ vipraṃ tato 'haṃ prasthitas tadā / saha vṛṣṇyandhakasutair yatra kṛṣṇo mahādyutiḥ

Sanskrit only: no published translation is held for this verse.

ततो द्वारवतीं गत्वा दृष्ट्वा मधुनिघातिनम् । व्रीडितः शोकसंतप्तो गोविन्देनोपलक्षितः

tato dvāravatīṃ gatvā dṛṣṭvā madhunighātinam / vrīḍitaḥ śokasaṃtapto govindenopalakṣitaḥ

Sanskrit only: no published translation is held for this verse.

इति संभाष्य मां स्नेहात् । *ह्व् १०२।२०अ*११२७:१६ ।* सान्त्वयित्वा च तं विप्रम् इदं वचनम् अब्रवीत्

iti saṃbhāṣya māṃ snehāt | *HV 102.20a*1127:16 |* sāntvayitvā ca taṃ vipram idaṃ vacanam abravīt

Sanskrit only: no published translation is held for this verse.

सुग्रीवं चैव शैब्यं च मेघपुष्पबलाहकौ । योजयाश्वान् इति तदा दारुकं प्रत्यभाषत

sugrīvaṃ caiva śaibyaṃ ca meghapuṣpabalāhakau / yojayāśvān iti tadā dārukaṃ pratyabhāṣata

Sanskrit only: no published translation is held for this verse.

आरोप्य ब्राह्मणं कृष्णस् त्व् अवरोप्य च दारुकम् । माम् उवाच ततः शौरिः सारथ्यं क्रियताम् इति

āropya brāhmaṇaṃ kṛṣṇas tv avaropya ca dārukam / mām uvāca tataḥ śauriḥ sārathyaṃ kriyatām iti

Sanskrit only: no published translation is held for this verse.

ततः समास्थाय रथं कृष्णो ऽहं ब्राह्मणः स च । प्रयाताः स्म दिशं सौम्याम् उदीचीं कौरवर्षभ

tataḥ samāsthāya rathaṃ kṛṣṇo 'haṃ brāhmaṇaḥ sa ca / prayātāḥ sma diśaṃ saumyām udīcīṃ kauravarṣabha

Sanskrit only: no published translation is held for this verse.