Harivaṃśa (critical edition) 103

अर्जुन उवाच ततः पर्वतजालानि सरितश् च सरांसि च । अपश्यं समतिक्रम्य सागरं मकरालयम्

arjuna uvāca tataḥ parvatajālāni saritaś ca sarāṃsi ca / apaśyaṃ samatikramya sāgaraṃ makarālayam

Sanskrit only: no published translation is held for this verse.

ततो ऽर्घ्यम् उदधिः साकाद् उपनिन्ये जनार्दने । प्राञ्जलिः समुपस्थाय किं करोमीति चाब्रवीत्

tato 'rghyam udadhiḥ sākād upaninye janārdane / prāñjaliḥ samupasthāya kiṃ karomīti cābravīt

Sanskrit only: no published translation is held for this verse.

प्रतिगृह्य तु तां पूजां तम् उवाच जनार्दनः । रथपन्थानम् इच्छामि दत्तं नदनदीपते

pratigṛhya tu tāṃ pūjāṃ tam uvāca janārdanaḥ / rathapanthānam icchāmi dattaṃ nadanadīpate

Sanskrit only: no published translation is held for this verse.

अथाब्रवीत् समुद्रस् तं प्राञ्जलिर् गरुडध्वजम् । प्रसीद भगवन् मैवम् अन्यो ऽप्य् एवं गमिष्यति

athābravīt samudras taṃ prāñjalir garuḍadhvajam / prasīda bhagavan maivam anyo 'py evaṃ gamiṣyati

Sanskrit only: no published translation is held for this verse.

त्वयैव स्थापितः पूर्वम् अगाधो ऽस्मि जनार्दन । त्वया प्रवर्तिते गाधे यास्यामि गमनीयताम्

tvayaiva sthāpitaḥ pūrvam agādho 'smi janārdana / tvayā pravartite gādhe yāsyāmi gamanīyatām

Sanskrit only: no published translation is held for this verse.

अन्ये ऽप्य् एवं गमिष्यन्ति राजानो दर्पमोहिताः । एवं निश्चित्य गोविन्द यत् क्षमं तत् समाचर

anye 'py evaṃ gamiṣyanti rājāno darpamohitāḥ / evaṃ niścitya govinda yat kṣamaṃ tat samācara

Sanskrit only: no published translation is held for this verse.

वासुदेव उवाच ब्राह्मणार्थे मदर्थे च कुरु सागर मद्वचः । माम् ऋते न पुमान् कश्चिद् अन्यस् त्वां धर्षयिष्यति

vāsudeva uvāca brāhmaṇārthe madarthe ca kuru sāgara madvacaḥ / mām ṛte na pumān kaścid anyas tvāṃ dharṣayiṣyati

Sanskrit only: no published translation is held for this verse.

अथाब्रवीत् समुद्रस् तु पुनर् एव जनार्दनम् । अभिशापभयाद् भीतो बाढम् एवं भविष्यति

athābravīt samudras tu punar eva janārdanam / abhiśāpabhayād bhīto bāḍham evaṃ bhaviṣyati

Sanskrit only: no published translation is held for this verse.

शोषयाम्य् एष मार्गं ते येन त्वं तात यास्यसि । रथेन सहसूतेन सध्वजेन च केशव

śoṣayāmy eṣa mārgaṃ te yena tvaṃ tāta yāsyasi / rathena sahasūtena sadhvajena ca keśava

Sanskrit only: no published translation is held for this verse.

वासुदेव उवाच मया दत्तवरः पूर्वं न शोषं त्वम् इहार्हसि । मानुषास् ते न जानीयुर् विविधान् रत्नसंचयान्

vāsudeva uvāca mayā dattavaraḥ pūrvaṃ na śoṣaṃ tvam ihārhasi / mānuṣās te na jānīyur vividhān ratnasaṃcayān

Sanskrit only: no published translation is held for this verse.

जलं स्तम्भय साधो त्वं ततो यास्याम्य् अहं रथी । न हि कश्चित् प्रमाणं ते रत्नानां वेत्स्यते नरः

jalaṃ stambhaya sādho tvaṃ tato yāsyāmy ahaṃ rathī / na hi kaścit pramāṇaṃ te ratnānāṃ vetsyate naraḥ

Sanskrit only: no published translation is held for this verse.

सागरेण तथेत्य् उक्ते प्रस्थिताः स्म जलेन वै । स्तम्भितेन यथा भूमौ मणिवर्णेन भास्वता

sāgareṇa tathety ukte prasthitāḥ sma jalena vai / stambhitena yathā bhūmau maṇivarṇena bhāsvatā

Sanskrit only: no published translation is held for this verse.

ततो ऽर्णवं समुत्तीर्य कुरून् अप्य् उत्तरान् वयम् । क्षणेन समतिक्रान्ता गन्धमादनम् एव च

tato 'rṇavaṃ samuttīrya kurūn apy uttarān vayam / kṣaṇena samatikrāntā gandhamādanam eva ca

Sanskrit only: no published translation is held for this verse.

ततस् तु पर्वताः सप्त केशवं समुपस्थिताः । जयन्तो वैजयन्तश् च नीलो रजतपर्वतः

tatas tu parvatāḥ sapta keśavaṃ samupasthitāḥ / jayanto vaijayantaś ca nīlo rajataparvataḥ

Sanskrit only: no published translation is held for this verse.

महामेरुः सकैलास इन्द्रकूटश् च नामतः । वर्णरूपाणि बिभ्रन्तो विविधान्य् अद्भुतानि च

mahāmeruḥ sakailāsa indrakūṭaś ca nāmataḥ / varṇarūpāṇi bibhranto vividhāny adbhutāni ca

Sanskrit only: no published translation is held for this verse.

उपस्थाय च गोविन्दं किं कुर्मेत्य ब्रवंस् तदा । तांश् चापि प्रतिजग्राह विधिवन् मधुसूदनः

upasthāya ca govindaṃ kiṃ kurmetya bravaṃs tadā / tāṃś cāpi pratijagrāha vidhivan madhusūdanaḥ

Sanskrit only: no published translation is held for this verse.

तान् उवाच हृषीकेशः प्रणामावनतान् स्थितान् । विवरं गच्छतो मे ऽद्य रथमार्गः प्रदीयताम्

tān uvāca hṛṣīkeśaḥ praṇāmāvanatān sthitān / vivaraṃ gacchato me 'dya rathamārgaḥ pradīyatām

Sanskrit only: no published translation is held for this verse.

ते कृष्णस्य वचः श्रुत्वा प्रतिगृह्य च पर्वताः । प्रददुः कामतो मार्गं गच्छतो भरतर्षभ

te kṛṣṇasya vacaḥ śrutvā pratigṛhya ca parvatāḥ / pradaduḥ kāmato mārgaṃ gacchato bharatarṣabha

Sanskrit only: no published translation is held for this verse.

तत्रैवान्तर्हितास् ते च तद् आश्चर्यतरं मम । असक्तं च रथो याति मेघजालेष्व् इवांशुमान्

tatraivāntarhitās te ca tad āścaryataraṃ mama / asaktaṃ ca ratho yāti meghajāleṣv ivāṃśumān

Sanskrit only: no published translation is held for this verse.

ततः कदा चिद् दुःखेन रथम् ऊहुस् तुरंगमाः । पङ्कभूतं हि तिमिरं स्पर्शाद् विज्ञायते ऽनघ

tataḥ kadā cid duḥkhena ratham ūhus turaṃgamāḥ / paṅkabhūtaṃ hi timiraṃ sparśād vijñāyate 'nagha

Sanskrit only: no published translation is held for this verse.

तद् आसाद्य हया राजन् निष्प्रयत्नास् ततः स्थिताः

tad āsādya hayā rājan niṣprayatnās tataḥ sthitāḥ

Sanskrit only: no published translation is held for this verse.

ततश् चक्रेण गोविन्दः पाटयित्वा तु तत् तमः । आकाशं दर्शयाम् आस रथपन्थानम् ऊत्तमम्

tataś cakreṇa govindaḥ pāṭayitvā tu tat tamaḥ / ākāśaṃ darśayām āsa rathapanthānam ūttamam

Sanskrit only: no published translation is held for this verse.

निष्क्रम्य तमसस् तस्माद् आकाशे दर्शिते तदा । भविष्यामीति संज्ञा मे भयं च विगतं मम

niṣkramya tamasas tasmād ākāśe darśite tadā / bhaviṣyāmīti saṃjñā me bhayaṃ ca vigataṃ mama

Sanskrit only: no published translation is held for this verse.

ततस् तेजः प्रज्वलितम् अपश्यं वदतां वर । सर्वलोकं समाविश्य स्थितं पुरुषविग्रहम्

tatas tejaḥ prajvalitam apaśyaṃ vadatāṃ vara / sarvalokaṃ samāviśya sthitaṃ puruṣavigraham

Sanskrit only: no published translation is held for this verse.

तं प्रविष्टो हृषीकेशो दीप्तं तेजोनिधिं तदा । रथ एव स्थितश् चाहं स च ब्राह्मणसत्तमः

taṃ praviṣṭo hṛṣīkeśo dīptaṃ tejonidhiṃ tadā / ratha eva sthitaś cāhaṃ sa ca brāhmaṇasattamaḥ

Sanskrit only: no published translation is held for this verse.

स मुहूर्तात् ततः कृष्णो निश्चक्राम तदा प्रभुः । चतुरो बालकान् गृह्य ब्राह्मणस्यात्मजांस् तदा

sa muhūrtāt tataḥ kṛṣṇo niścakrāma tadā prabhuḥ / caturo bālakān gṛhya brāhmaṇasyātmajāṃs tadā

Sanskrit only: no published translation is held for this verse.

प्रददौ ब्राह्मणायाथ पुत्रान् सर्वाञ् जनार्दनः । त्रयः पूर्वं हृता ये च सद्योजातश् च बालकः

pradadau brāhmaṇāyātha putrān sarvāñ janārdanaḥ / trayaḥ pūrvaṃ hṛtā ye ca sadyojātaś ca bālakaḥ

Sanskrit only: no published translation is held for this verse.

प्रहृष्टो ब्राह्मणस् तात पुत्रान् दृष्ट्वा पुनः प्रभो । अहं च परमप्रीतो विस्मितश् चाभवं नृप

prahṛṣṭo brāhmaṇas tāta putrān dṛṣṭvā punaḥ prabho / ahaṃ ca paramaprīto vismitaś cābhavaṃ nṛpa

Sanskrit only: no published translation is held for this verse.

ततो वयं पुनः सर्वे ब्राह्मणस्य च ते सुताः । यथागता निवृत्ताः स्म तथैव भरतर्षभ

tato vayaṃ punaḥ sarve brāhmaṇasya ca te sutāḥ / yathāgatā nivṛttāḥ sma tathaiva bharatarṣabha

Sanskrit only: no published translation is held for this verse.

ततः स्म द्वारकां प्राप्ताः क्षणेन नृपसत्तम । असंप्राप्ते ऽर्धदिवसे विस्मितो ऽहं ततः पुनः

tataḥ sma dvārakāṃ prāptāḥ kṣaṇena nṛpasattama / asaṃprāpte 'rdhadivase vismito 'haṃ tataḥ punaḥ

Sanskrit only: no published translation is held for this verse.

सपुत्रं भोजयित्वा तं द्विजं कृष्णो महायशाः । धनेन तर्पयित्वा च गृहं प्रास्थापयत् तदा

saputraṃ bhojayitvā taṃ dvijaṃ kṛṣṇo mahāyaśāḥ / dhanena tarpayitvā ca gṛhaṃ prāsthāpayat tadā

Sanskrit only: no published translation is held for this verse.