Library·Harivaṃśa (critical edition)·107
वैशंपायन उवाच क्रीडाविहारोपगतः कदाचिद् अभवद् भवः । देव्या सह नदीतीरे रम्ये श्रीमति स प्रभुः
vaiśaṃpāyana uvāca krīḍāvihāropagataḥ kadācid abhavad bhavaḥ / devyā saha nadītīre ramye śrīmati sa prabhuḥ
Sanskrit only: no published translation is held for this verse.
शतानि तत्राप्सरसां चिक्रीडुश् च समन्ततः । सर्वर्तुकवने रम्ये गन्धर्वपतयस् तथा
śatāni tatrāpsarasāṃ cikrīḍuś ca samantataḥ / sarvartukavane ramye gandharvapatayas tathā
Sanskrit only: no published translation is held for this verse.
कुसुमैः पारिजातस्य पुष्पैः संतानकस्य च । गन्धोद्दामम् इवाकाशं नदीतीरं च सर्वशः
kusumaiḥ pārijātasya puṣpaiḥ saṃtānakasya ca / gandhoddāmam ivākāśaṃ nadītīraṃ ca sarvaśaḥ
Sanskrit only: no published translation is held for this verse.
वेणुवीणामृदङ्गैश् च पणवैश् च सहस्रशः । वाद्यमानैः स शुश्राव गीतम् अप्सरसां तदा
veṇuvīṇāmṛdaṅgaiś ca paṇavaiś ca sahasraśaḥ / vādyamānaiḥ sa śuśrāva gītam apsarasāṃ tadā
Sanskrit only: no published translation is held for this verse.
सूतमागधकल्पैश् चाप्य् अस्तुवन्न् अप्सरोगणाः । देवदेवं सुवपुषं स्रग्विणं रक्तवाससम्
sūtamāgadhakalpaiś cāpy astuvann apsarogaṇāḥ / devadevaṃ suvapuṣaṃ sragviṇaṃ raktavāsasam
Sanskrit only: no published translation is held for this verse.
ततस् तु देव्या रूपेण विक्रलेखा वराप्सराः । भवं प्रसादयाम् आस देवी च प्राहसत् तदा
tatas tu devyā rūpeṇa vikralekhā varāpsarāḥ / bhavaṃ prasādayām āsa devī ca prāhasat tadā
Sanskrit only: no published translation is held for this verse.
ततो देव्यास् तु रूपेण लीलया वदनेन च । देवी प्रहासं मुमुचे ताश् चैवाप्सरसस् तदा
tato devyās tu rūpeṇa līlayā vadanena ca / devī prahāsaṃ mumuce tāś caivāpsarasas tadā
Sanskrit only: no published translation is held for this verse.
ततः किलिकिलाशब्दः प्रादुर्भूतः समन्ततः । प्रहर्षम् अतुलं चापि लेभे प्रीतमना भवः
tataḥ kilikilāśabdaḥ prādurbhūtaḥ samantataḥ / praharṣam atulaṃ cāpi lebhe prītamanā bhavaḥ
Sanskrit only: no published translation is held for this verse.
बाणस्य दुहिता कन्या तत्रोषा नाम भामिनी । देवं प्रक्रीडितं दृष्ट्वा देव्या सह नदीगतम्
bāṇasya duhitā kanyā tatroṣā nāma bhāminī / devaṃ prakrīḍitaṃ dṛṣṭvā devyā saha nadīgatam
Sanskrit only: no published translation is held for this verse.
उषा मनोरथं चक्रे पार्वत्याः संनिधौ तदा । धन्या हि भर्तृसहिता रम्यन्त्य् एवं समागताः
uṣā manorathaṃ cakre pārvatyāḥ saṃnidhau tadā / dhanyā hi bhartṛsahitā ramyanty evaṃ samāgatāḥ
Sanskrit only: no published translation is held for this verse.
विज्ञाय तम् अभिप्रायम् उषायाः पर्वतात्मजा । प्राह देवी ततो वाक्यम् उषां हर्षयती शनैः
vijñāya tam abhiprāyam uṣāyāḥ parvatātmajā / prāha devī tato vākyam uṣāṃ harṣayatī śanaiḥ
Sanskrit only: no published translation is held for this verse.
उषे शीघ्रं त्वम् अप्य् एवं भर्त्रा सह रमिष्यसि । यथा देवो मया सार्धं शंकरः शत्रुसूदनः
uṣe śīghraṃ tvam apy evaṃ bhartrā saha ramiṣyasi / yathā devo mayā sārdhaṃ śaṃkaraḥ śatrusūdanaḥ
Sanskrit only: no published translation is held for this verse.
एवम् उक्ते तदा देव्या वाक्ये चिन्ताविलेक्षणा । उषा भावं हृदा चक्रे भर्त्रा रंस्ये कदा सह
evam ukte tadā devyā vākye cintāvilekṣaṇā / uṣā bhāvaṃ hṛdā cakre bhartrā raṃsye kadā saha
Sanskrit only: no published translation is held for this verse.
ततो हैमवती वाक्यं संप्रहस्येदम् अब्रवीत् । उषे शृणुष्व कल्याणि यदा संयोगम् एष्यसि
tato haimavatī vākyaṃ saṃprahasyedam abravīt / uṣe śṛṇuṣva kalyāṇi yadā saṃyogam eṣyasi
Sanskrit only: no published translation is held for this verse.
वैशाखे मासि हर्म्यस्थां द्वादश्यां त्वां दिनक्षये । धर्षयिष्यति यः स्वप्ने स ते भर्ता भविष्यति
vaiśākhe māsi harmyasthāṃ dvādaśyāṃ tvāṃ dinakṣaye / dharṣayiṣyati yaḥ svapne sa te bhartā bhaviṣyati
Sanskrit only: no published translation is held for this verse.
एवम् उक्ता दैत्यसुता कन्यागणसमावृता । अपाक्रामत हर्षेण रममाणा यथासुखम्
evam uktā daityasutā kanyāgaṇasamāvṛtā / apākrāmata harṣeṇa ramamāṇā yathāsukham
Sanskrit only: no published translation is held for this verse.
गते ऽहनि पुनः सर्वास् ता नार्यो जग्मुर् अद्भुताः
gate 'hani punaḥ sarvās tā nāryo jagmur adbhutāḥ
Sanskrit only: no published translation is held for this verse.
काश् चिद् अश्वैस् तथा यानैर् गजैर् अन्यास् तथा रथैः । पुरं प्रविविशुर् हृष्टाः काश्चिद् आकाशम् आस्थिताः
kāś cid aśvais tathā yānair gajair anyās tathā rathaiḥ / puraṃ praviviśur hṛṣṭāḥ kāścid ākāśam āsthitāḥ
Sanskrit only: no published translation is held for this verse.
ततो हर्म्ये शयानां तु वैशाखे मासि भामिनीम् । द्वादश्यां शुक्लपक्षस्य सखीगणवृतां तदा
tato harmye śayānāṃ tu vaiśākhe māsi bhāminīm / dvādaśyāṃ śuklapakṣasya sakhīgaṇavṛtāṃ tadā
Sanskrit only: no published translation is held for this verse.
यथोक्तः पुरुषः स्वप्ने धर्षयाम् आस ताम् उषाम् । विवेष्टमानां रुदतीं देव्या वचनचोदितः
yathoktaḥ puruṣaḥ svapne dharṣayām āsa tām uṣām / viveṣṭamānāṃ rudatīṃ devyā vacanacoditaḥ
Sanskrit only: no published translation is held for this verse.
सा स्वप्ने धर्षिता तेन स्त्रीभावं चापि लम्भिता । शोणिताक्ता प्ररुदती सहसैवोत्थिता निशि
sā svapne dharṣitā tena strībhāvaṃ cāpi lambhitā / śoṇitāktā prarudatī sahasaivotthitā niśi
Sanskrit only: no published translation is held for this verse.
तां तथा रुदतीं दृष्ट्वा सखी भयसमन्विताम् । चित्रलेखा वचः स्निग्धम् उवाच परम् आद्भुतम्
tāṃ tathā rudatīṃ dṛṣṭvā sakhī bhayasamanvitām / citralekhā vacaḥ snigdham uvāca param ādbhutam
Sanskrit only: no published translation is held for this verse.
उषे मा भैः किम् एवं त्वं रुदती परितप्यसे । बलेः सुतसुता च त्वं प्रख्याता किं भयान्विता
uṣe mā bhaiḥ kim evaṃ tvaṃ rudatī paritapyase / baleḥ sutasutā ca tvaṃ prakhyātā kiṃ bhayānvitā
Sanskrit only: no published translation is held for this verse.
न भयं विद्यते लोके तव सुभ्रु विशेषतः । भयदस् तव वामोरु पिता देवान्तको रणे
na bhayaṃ vidyate loke tava subhru viśeṣataḥ / bhayadas tava vāmoru pitā devāntako raṇe
Sanskrit only: no published translation is held for this verse.
उत्तिष्ठोत्तिष्ठ भद्रं ते विषादं मा कृथाः शुभे । नैवंविधेषु वासेषु भयम् अस्ति वरानने
uttiṣṭhottiṣṭha bhadraṃ te viṣādaṃ mā kṛthāḥ śubhe / naivaṃvidheṣu vāseṣu bhayam asti varānane
Sanskrit only: no published translation is held for this verse.
असकृद् देवसहितः शचीभर्ता सुरेश्वरः । अप्राप्त एव नगरं पित्रा ते मृदितो रणे । अयं देवसमूहस्य भयदस् ते पिता रणे
asakṛd devasahitaḥ śacībhartā sureśvaraḥ / aprāpta eva nagaraṃ pitrā te mṛdito raṇe / ayaṃ devasamūhasya bhayadas te pitā raṇe
Sanskrit only: no published translation is held for this verse.
उषोवाच एवं संदूषिता साध्वी कथं जीवितुम् उत्सहे । पितरं किं नु वक्ष्यामि देवशत्रुम् अरिंदमम्
uṣovāca evaṃ saṃdūṣitā sādhvī kathaṃ jīvitum utsahe / pitaraṃ kiṃ nu vakṣyāmi devaśatrum ariṃdamam
Sanskrit only: no published translation is held for this verse.
एवं संदूषणकरी वंशस्यास्य महौजसः । श्रेयो हि मरणं मन्ये न मे श्रेयो ऽद्य जीवितम्
evaṃ saṃdūṣaṇakarī vaṃśasyāsya mahaujasaḥ / śreyo hi maraṇaṃ manye na me śreyo 'dya jīvitam
Sanskrit only: no published translation is held for this verse.
कथम् एवं कृता नाम कन्या जीवितुम् उत्सहे । कुलोपक्रोशनकरी कुलाङ्गारा निराश्रेया । जीवितुं स्पृहयेन् नारी साध्वीनाम् अग्रतः स्थिता
katham evaṃ kṛtā nāma kanyā jīvitum utsahe / kulopakrośanakarī kulāṅgārā nirāśreyā / jīvituṃ spṛhayen nārī sādhvīnām agrataḥ sthitā
Sanskrit only: no published translation is held for this verse.
इत्य् एवं बाष्पपूर्णाक्षी सखीजनवृता तदा । विललाप चिरं कालम् उषा कमललोचना
ity evaṃ bāṣpapūrṇākṣī sakhījanavṛtā tadā / vilalāpa ciraṃ kālam uṣā kamalalocanā
Sanskrit only: no published translation is held for this verse.
अनाथवत्तां रुदतीं सख्यः सर्वा विचेतसः । ऊचुर् अश्रुपरीताक्ष्य उषां सर्वाः समागताः
anāthavattāṃ rudatīṃ sakhyaḥ sarvā vicetasaḥ / ūcur aśruparītākṣya uṣāṃ sarvāḥ samāgatāḥ
Sanskrit only: no published translation is held for this verse.
दुष्टेन मनसा देवि शुभं यदि वासुभम् । क्रियते न च ते सुभ्रु कच्चिद् दुष्टं मनस् तव
duṣṭena manasā devi śubhaṃ yadi vāsubham / kriyate na ca te subhru kaccid duṣṭaṃ manas tava
Sanskrit only: no published translation is held for this verse.
स्वप्नयोगेन कल्याणि व्रतलोपो न विद्यते । व्यभिचारेण ते देवि नास्ति कश्चिद् व्यतिक्रमः
svapnayogena kalyāṇi vratalopo na vidyate / vyabhicāreṇa te devi nāsti kaścid vyatikramaḥ
Sanskrit only: no published translation is held for this verse.
मनसा चैव वाचा च कर्मणा च विशेषतः । दुष्टा या त्रिभिर् एतैस् तु पापा सा प्रोच्यते भुवि
manasā caiva vācā ca karmaṇā ca viśeṣataḥ / duṣṭā yā tribhir etais tu pāpā sā procyate bhuvi
Sanskrit only: no published translation is held for this verse.
न व ते दुष्यते भीरु मनः प्रजवितं सदा । कथं त्वं दोषदुष्टा वै नियता ब्रह्मचारिणी
na va te duṣyate bhīru manaḥ prajavitaṃ sadā / kathaṃ tvaṃ doṣaduṣṭā vai niyatā brahmacāriṇī
Sanskrit only: no published translation is held for this verse.
यदि सुप्ता सती साध्वी शुद्धभावा मनस्विनी । इमाम् अवस्थां नीता त्वं नैव धर्मो विलुप्यते
yadi suptā satī sādhvī śuddhabhāvā manasvinī / imām avasthāṃ nītā tvaṃ naiva dharmo vilupyate
Sanskrit only: no published translation is held for this verse.
यस्या दुष्टं मनः पूर्वं कर्मणा चोपपादितम् । ताम् आहुर् असतीं नाम सती त्वम् असि भामिनि
yasyā duṣṭaṃ manaḥ pūrvaṃ karmaṇā copapāditam / tām āhur asatīṃ nāma satī tvam asi bhāmini
Sanskrit only: no published translation is held for this verse.
कुलजा रूपसंपन्ना नियता ब्रह्मचारिणी । इमाम् अवस्थां नीतासि कालो हि दुरतिक्रमः
kulajā rūpasaṃpannā niyatā brahmacāriṇī / imām avasthāṃ nītāsi kālo hi duratikramaḥ
Sanskrit only: no published translation is held for this verse.
इत्य् एवं उक्तां रुदतीं बाष्पेणावृतलोचनाम् । कुम्भाण्डदुहिता वाक्यं परमं त्व् इदम् अब्रवीत्
ity evaṃ uktāṃ rudatīṃ bāṣpeṇāvṛtalocanām / kumbhāṇḍaduhitā vākyaṃ paramaṃ tv idam abravīt
Sanskrit only: no published translation is held for this verse.
उषे यद् उक्ता देव्यासि भर्तारं ध्यायती तदा । समीपे देवदेवस्य स्मर भामिनि तद् वचः
uṣe yad uktā devyāsi bhartāraṃ dhyāyatī tadā / samīpe devadevasya smara bhāmini tad vacaḥ
Sanskrit only: no published translation is held for this verse.
द्वादश्यां शुक्लपक्षस्य वैशाखे मासि यो निशि । हर्म्ये शयानां रुदतीं स्त्रीभावम् उपनेष्यति
dvādaśyāṃ śuklapakṣasya vaiśākhe māsi yo niśi / harmye śayānāṃ rudatīṃ strībhāvam upaneṣyati
Sanskrit only: no published translation is held for this verse.
भविता स हि ते भर्ता शूरः शत्रुनिबर्हणः । इत्य् उवाच ततो हृष्टा देवी तव मनोगतम्
bhavitā sa hi te bhartā śūraḥ śatrunibarhaṇaḥ / ity uvāca tato hṛṣṭā devī tava manogatam
Sanskrit only: no published translation is held for this verse.
न हि तद् वचनं मिथ्या पार्वत्या यद् उदाहृतम् । तत्त्वं किम् इदम् अत्यर्थं रोदिषीन्दुनिभानने
na hi tad vacanaṃ mithyā pārvatyā yad udāhṛtam / tattvaṃ kim idam atyarthaṃ rodiṣīndunibhānane
Sanskrit only: no published translation is held for this verse.
इत्य् एवम् उक्ता वचनं स्मृत्वा देवीवचस् ततः । अभवन् नष्टशोका सा बाणपुत्री शुभेक्षणा
ity evam uktā vacanaṃ smṛtvā devīvacas tataḥ / abhavan naṣṭaśokā sā bāṇaputrī śubhekṣaṇā
Sanskrit only: no published translation is held for this verse.
उषोवाच स्मरामि भामिनि वचो देव्याः क्रीडागते भवे । यथोक्तं सर्वम् अखिलं प्राप्तं हर्म्यतले मया
uṣovāca smarāmi bhāmini vaco devyāḥ krīḍāgate bhave / yathoktaṃ sarvam akhilaṃ prāptaṃ harmyatale mayā
Sanskrit only: no published translation is held for this verse.
भर्ता तु मम यद्य् एष लोकनाथस्य भार्यया । व्यादिष्टः स कथं ज्ञेयस् तत्र कार्यं विधीयताम्
bhartā tu mama yady eṣa lokanāthasya bhāryayā / vyādiṣṭaḥ sa kathaṃ jñeyas tatra kāryaṃ vidhīyatām
Sanskrit only: no published translation is held for this verse.
इत्य् एवम् उक्ते वचने कुम्भाण्डदुहिता पुनः । व्याजहार यथान्यायम् अर्थतत्त्वविशारदा
ity evam ukte vacane kumbhāṇḍaduhitā punaḥ / vyājahāra yathānyāyam arthatattvaviśāradā
Sanskrit only: no published translation is held for this verse.
न हि तस्य कुलं देवि न कीर्तिर् नापि पौरुषम् । कश्चिज् जानाति तत्त्वेन किम् इदं त्वं विहन्यसे
na hi tasya kulaṃ devi na kīrtir nāpi pauruṣam / kaścij jānāti tattvena kim idaṃ tvaṃ vihanyase
Sanskrit only: no published translation is held for this verse.
अदृष्टश् चाश्रुतश् चैव दृष्टः स्वप्ने त्वयानघे । कथं ज्ञेयो भवेद् भीरु सो ऽस्माभी रतितस्करः
adṛṣṭaś cāśrutaś caiva dṛṣṭaḥ svapne tvayānaghe / kathaṃ jñeyo bhaved bhīru so 'smābhī ratitaskaraḥ
Sanskrit only: no published translation is held for this verse.
येन त्वम् असितापाङ्गे मत्तकाशिनि विक्रमात् । रुदती प्रसभं भुक्ता प्रविश्यान्तःपुरं सखि
yena tvam asitāpāṅge mattakāśini vikramāt / rudatī prasabhaṃ bhuktā praviśyāntaḥpuraṃ sakhi
Sanskrit only: no published translation is held for this verse.
न ह्य् अयं प्राकृतः कश्चिद् यः प्रविष्टः प्रसह्य नः । नगरं लोकविख्यातम् एकः शत्रुनिबर्हणः
na hy ayaṃ prākṛtaḥ kaścid yaḥ praviṣṭaḥ prasahya naḥ / nagaraṃ lokavikhyātam ekaḥ śatrunibarhaṇaḥ
Sanskrit only: no published translation is held for this verse.
आदित्या वसवो रुद्रा अश्विनौ च महौजसौ । न शक्ताः शोणितपुरं प्रवेष्टुं भीमविक्रमाः
ādityā vasavo rudrā aśvinau ca mahaujasau / na śaktāḥ śoṇitapuraṃ praveṣṭuṃ bhīmavikramāḥ
Sanskrit only: no published translation is held for this verse.
सो ऽयम् एतैः शतगुणो विशिष्टः शत्रुसूदनः । प्रविष्टः शोणितपुरं बाणम् आक्रम्य मूर्धनि
so 'yam etaiḥ śataguṇo viśiṣṭaḥ śatrusūdanaḥ / praviṣṭaḥ śoṇitapuraṃ bāṇam ākramya mūrdhani
Sanskrit only: no published translation is held for this verse.
यस्या नैवंविधो भर्ता भवेद् युद्धविशारदः । कस् तस्या जीवितेनार्थो भोगैर् वा स्याच् छुभेक्षणे
yasyā naivaṃvidho bhartā bhaved yuddhaviśāradaḥ / kas tasyā jīvitenārtho bhogair vā syāc chubhekṣaṇe
Sanskrit only: no published translation is held for this verse.
धन्यास्य् अनुगृहीतासि यस्यास् ते पतिर् ईदृशः । प्राप्तो देव्याः प्रसादेन पार्वत्या मत्तकाशिनि
dhanyāsy anugṛhītāsi yasyās te patir īdṛśaḥ / prāpto devyāḥ prasādena pārvatyā mattakāśini
Sanskrit only: no published translation is held for this verse.
इदं तु ते कार्यतमं शृणु त्वं वै मयेरितम् । विज्ञेयो यस्य पुत्रस् तु यन् नामा यत् कुलश् च सः
idaṃ tu te kāryatamaṃ śṛṇu tvaṃ vai mayeritam / vijñeyo yasya putras tu yan nāmā yat kulaś ca saḥ
Sanskrit only: no published translation is held for this verse.
उवाच कुम्भाण्डसुतां कथं ज्ञास्यामहे सखि
uvāca kumbhāṇḍasutāṃ kathaṃ jñāsyāmahe sakhi
Sanskrit only: no published translation is held for this verse.
ततः सा चिन्तयाविष्टा वचनं प्राह दुर्वचः । चित्रलेखाम् अप्सरसं प्रणयात् तां सखीं सखी
tataḥ sā cintayāviṣṭā vacanaṃ prāha durvacaḥ / citralekhām apsarasaṃ praṇayāt tāṃ sakhīṃ sakhī
Sanskrit only: no published translation is held for this verse.
परमं शृणु मे वाक्यं यत् त्वां वक्ष्यामि भामिनि । भर्तारं यदि मे ऽद्य त्वं नानयिष्यसि मत्प्रियम्
paramaṃ śṛṇu me vākyaṃ yat tvāṃ vakṣyāmi bhāmini / bhartāraṃ yadi me 'dya tvaṃ nānayiṣyasi matpriyam
Sanskrit only: no published translation is held for this verse.
कान्तं पद्मपलाशाक्षं मत्तमातङ्गविक्रमम् । त्यक्ष्याम्य् अहं प्रियान् प्राणांस् ततः कमललोचने
kāntaṃ padmapalāśākṣaṃ mattamātaṅgavikramam / tyakṣyāmy ahaṃ priyān prāṇāṃs tataḥ kamalalocane
Sanskrit only: no published translation is held for this verse.
विक्रलेखाब्रवीद् वाक्यम् उषां तां हसती शनैः । नैषो ऽर्थः शक्यते ऽस्माभिर् वेत्तुं भामिनि सुव्रते
vikralekhābravīd vākyam uṣāṃ tāṃ hasatī śanaiḥ / naiṣo 'rthaḥ śakyate 'smābhir vettuṃ bhāmini suvrate
Sanskrit only: no published translation is held for this verse.
किं तु शक्यम् इदं कार्यं बुद्धिपूर्वं मया सखि । प्राप्तुं तच् छृणु मे वाक्यं यथा कामम् अवाप्स्यसि
kiṃ tu śakyam idaṃ kāryaṃ buddhipūrvaṃ mayā sakhi / prāptuṃ tac chṛṇu me vākyaṃ yathā kāmam avāpsyasi
Sanskrit only: no published translation is held for this verse.
उषां हर्षयती शनैः । *ह्व् १०७।६२अब्च्*११८२:१ ।* यथा च शक्यते ऽस्माभिर् । *ह्व् १०७।६२अब्च्*११८२:२ ।* देवदानवयक्षाणां गन्धर्वोरगरक्षसाम् । ये विशिष्टाः प्रभावेन रूपेणाभिजनेन च
uṣāṃ harṣayatī śanaiḥ | *HV 107.62abc*1182:1 |* yathā ca śakyate 'smābhir | *HV 107.62abc*1182:2 |* devadānavayakṣāṇāṃ gandharvoragarakṣasām / ye viśiṣṭāḥ prabhāvena rūpeṇābhijanena ca
Sanskrit only: no published translation is held for this verse.
यथाप्रधानांस् तान् सर्वान् आलिखिष्याम्य् अहं सखि । मनुष्यलोके ये चापि प्रवरा लोकविश्रुताः
yathāpradhānāṃs tān sarvān ālikhiṣyāmy ahaṃ sakhi / manuṣyaloke ye cāpi pravarā lokaviśrutāḥ
Sanskrit only: no published translation is held for this verse.
सप्तरात्रेण ते भीरु दर्शयिष्यामि तान् अहम् । ततो विज्ञाय पट्टस्थं भर्तारं प्रतिलप्स्यसे
saptarātreṇa te bhīru darśayiṣyāmi tān aham / tato vijñāya paṭṭasthaṃ bhartāraṃ pratilapsyase
Sanskrit only: no published translation is held for this verse.
इत्य् उक्त्वा सप्तरात्रेण कृत्वालेख्यगतांस् तु तान् । चित्रपट्टगतान् मुख्यान् आनयाम् आस शोभना
ity uktvā saptarātreṇa kṛtvālekhyagatāṃs tu tān / citrapaṭṭagatān mukhyān ānayām āsa śobhanā
Sanskrit only: no published translation is held for this verse.
उषाया दर्शयाम् आस सखीनां च विशेषतः
uṣāyā darśayām āsa sakhīnāṃ ca viśeṣataḥ
Sanskrit only: no published translation is held for this verse.
एते देवेषु ये मुख्यास् तथा दानववंशजाः । किं नरोरगयक्षाणां राक्षसानां च सर्वशः
ete deveṣu ye mukhyās tathā dānavavaṃśajāḥ / kiṃ naroragayakṣāṇāṃ rākṣasānāṃ ca sarvaśaḥ
Sanskrit only: no published translation is held for this verse.
मनुष्याणां च सर्वेषां ये विशिष्टतमा नराः । तद् एतान् पश्य सर्वांस् त्वं यथाभिलिखितान् मया
manuṣyāṇāṃ ca sarveṣāṃ ye viśiṣṭatamā narāḥ / tad etān paśya sarvāṃs tvaṃ yathābhilikhitān mayā
Sanskrit only: no published translation is held for this verse.
यस् ते भर्ता यथारूपो यथाभिलषितः सखि । तं त्वं प्रत्यभिजानीहि स्वप्ने यं दृष्टवत्य् असि
yas te bhartā yathārūpo yathābhilaṣitaḥ sakhi / taṃ tvaṃ pratyabhijānīhi svapne yaṃ dṛṣṭavaty asi
Sanskrit only: no published translation is held for this verse.
अतीत्य च यदून् सर्वान् ददर्श यदुनन्दनम्
atītya ca yadūn sarvān dadarśa yadunandanam
Sanskrit only: no published translation is held for this verse.
तत्रानिरुद्धं दृष्ट्वा सा विस्मयोत् फुल्ललोचना । अब्रवीच् चित्रलेखां ताम् अयं चोरः स वै सखि
tatrāniruddhaṃ dṛṣṭvā sā vismayot phullalocanā / abravīc citralekhāṃ tām ayaṃ coraḥ sa vai sakhi
Sanskrit only: no published translation is held for this verse.
येनाहं दूषिता पूर्वं स्वप्ने हर्म्यगता सती । सो ऽयं विज्ञातरूपो मे कुतस्त्यस् तस्करः शुभे
yenāhaṃ dūṣitā pūrvaṃ svapne harmyagatā satī / so 'yaṃ vijñātarūpo me kutastyas taskaraḥ śubhe
Sanskrit only: no published translation is held for this verse.
चित्रलेखे वदस्वैनं तत्त्वतो मम शोभने । गुणशीलाभिजनतो नाम किं चास्य भामिनि
citralekhe vadasvainaṃ tattvato mama śobhane / guṇaśīlābhijanato nāma kiṃ cāsya bhāmini
Sanskrit only: no published translation is held for this verse.
भर्ता तव विशालाक्षि प्राद्युम्निर् भीमविक्रमः
bhartā tava viśālākṣi prādyumnir bhīmavikramaḥ
Sanskrit only: no published translation is held for this verse.
न ह्य् अस्य त्रिषु लोकेषु सदृशो ऽस्ति पराक्रमे । उत्पाट्य पर्वतान् एष पर्वतैर् एव शातयेत्
na hy asya triṣu lokeṣu sadṛśo 'sti parākrame / utpāṭya parvatān eṣa parvatair eva śātayet
Sanskrit only: no published translation is held for this verse.
धन्यास्य् अनुगृहीतासि यस्यास् ते यदुपुंगवः । त्र्यक्षपत्न्या समादिष्टः सदृशः सज्जनः पतिः
dhanyāsy anugṛhītāsi yasyās te yadupuṃgavaḥ / tryakṣapatnyā samādiṣṭaḥ sadṛśaḥ sajjanaḥ patiḥ
Sanskrit only: no published translation is held for this verse.
अद्य नानयसि क्षिप्रं प्राणांस् त्यक्ष्याम्य् अहं शुभे
adya nānayasi kṣipraṃ prāṇāṃs tyakṣyāmy ahaṃ śubhe
Sanskrit only: no published translation is held for this verse.
उषाया वचनं श्रुत्वा चित्रलेखाब्रवीद् वचः । श्रोतुम् अर्हसि कल्याणि वचनं मे शुचिस्मिते
uṣāyā vacanaṃ śrutvā citralekhābravīd vacaḥ / śrotum arhasi kalyāṇi vacanaṃ me śucismite
Sanskrit only: no published translation is held for this verse.
यथा बाणस्य नगरं रक्ष्यते देवि सर्वतः । द्वारकापि तथा भीरु दुराधर्षा विशेषतः
yathā bāṇasya nagaraṃ rakṣyate devi sarvataḥ / dvārakāpi tathā bhīru durādharṣā viśeṣataḥ
Sanskrit only: no published translation is held for this verse.
आत्मानं मां च रक्षस्व पितरं च विशेषतः
ātmānaṃ māṃ ca rakṣasva pitaraṃ ca viśeṣataḥ
Sanskrit only: no published translation is held for this verse.
यद्य् अहं तं न पश्यामि यास्यामि यमसादनम्
yady ahaṃ taṃ na paśyāmi yāsyāmi yamasādanam
Sanskrit only: no published translation is held for this verse.
यदि त्वं मे विजानासि सख्यं प्रेम्णा च भाषितम् । क्षिप्रम् आनय मे कान्तं प्राणांस् त्यक्ष्यामि वा प्रियान्
yadi tvaṃ me vijānāsi sakhyaṃ premṇā ca bhāṣitam / kṣipram ānaya me kāntaṃ prāṇāṃs tyakṣyāmi vā priyān
Sanskrit only: no published translation is held for this verse.
भर्तारम् आनयाम्य् अद्य तव वृष्णिकुलोद्वहम्
bhartāram ānayāmy adya tava vṛṣṇikulodvaham
Sanskrit only: no published translation is held for this verse.
उक्त्वा चान्तर्हिता क्षिप्रं चित्रलेखा मनोजवा
uktvā cāntarhitā kṣipraṃ citralekhā manojavā
Sanskrit only: no published translation is held for this verse.
क्षणेन समनुप्राप्ता द्वारकां कृष्णपालिताम्
kṣaṇena samanuprāptā dvārakāṃ kṛṣṇapālitām
Sanskrit only: no published translation is held for this verse.
कैलासशिखराकारैः प्रासादैर् उपशोभिताम् । ददर्श द्वारकां चैव दिवि तारेव संस्थिताम्
kailāsaśikharākāraiḥ prāsādair upaśobhitām / dadarśa dvārakāṃ caiva divi tāreva saṃsthitām
Sanskrit only: no published translation is held for this verse.