Library·Harivaṃśa (critical edition)·110
वैशम्पायन उवाच ततस् तूर्यनिनादैश् च शङ्खानां च महास्वनैः । बन्दिमागधसूतानां सर्वैश् चापि सहस्रशः
vaiśampāyana uvāca tatas tūryaninādaiś ca śaṅkhānāṃ ca mahāsvanaiḥ / bandimāgadhasūtānāṃ sarvaiś cāpi sahasraśaḥ
Sanskrit only: no published translation is held for this verse.
स तून्मुखैर् जयाशीर्भिः स्तूयमानो हि मानवैः । बभार रूपं सोमार्क+ +शक्राणां सदृशं हरिः
sa tūnmukhair jayāśīrbhiḥ stūyamāno hi mānavaiḥ / babhāra rūpaṃ somārka+ +śakrāṇāṃ sadṛśaṃ hariḥ
Sanskrit only: no published translation is held for this verse.
अतीव शुशुभे रूपं तस्य चाभ्युत्पतिष्यतः । वैनतेयस्य भद्रं ते बृंहितं हरितेजसा
atīva śuśubhe rūpaṃ tasya cābhyutpatiṣyataḥ / vainateyasya bhadraṃ te bṛṃhitaṃ haritejasā
Sanskrit only: no published translation is held for this verse.
अथाष्टबाहुः कृष्णस् तु पर्वताकारसंनिभः । विबभौ पुण्डरीकाक्षो विकाङ्क्षन् बाणसंक्षयम्
athāṣṭabāhuḥ kṛṣṇas tu parvatākārasaṃnibhaḥ / vibabhau puṇḍarīkākṣo vikāṅkṣan bāṇasaṃkṣayam
Sanskrit only: no published translation is held for this verse.
असिचक्रगदाबाणा दक्षिणं पार्श्वम् आस्थिताः । चर्म शार्ङ्गं तथा चापं शङ्खं चैवास्य वामतः
asicakragadābāṇā dakṣiṇaṃ pārśvam āsthitāḥ / carma śārṅgaṃ tathā cāpaṃ śaṅkhaṃ caivāsya vāmataḥ
Sanskrit only: no published translation is held for this verse.
शीर्षाणां वै सहस्रं तु विहितं शार्ङ्गधन्वना । सहस्रं चैव कायानां वहन् संकर्षणस् तदा
śīrṣāṇāṃ vai sahasraṃ tu vihitaṃ śārṅgadhanvanā / sahasraṃ caiva kāyānāṃ vahan saṃkarṣaṇas tadā
Sanskrit only: no published translation is held for this verse.
श्वेतप्रहरणो ऽधृष्यः कैलास इव शृङ्गवान् । आस्थितो गरुडं राम उद्यन्न् इव निशाकरः
śvetapraharaṇo 'dhṛṣyaḥ kailāsa iva śṛṅgavān / āsthito garuḍaṃ rāma udyann iva niśākaraḥ
Sanskrit only: no published translation is held for this verse.
सनत्कुमारस्य वपुः प्रादुर् आसीन् महात्मनः । प्रद्युम्नस्य महाबाहोः संग्रामे विक्रमिष्यतः
sanatkumārasya vapuḥ prādur āsīn mahātmanaḥ / pradyumnasya mahābāhoḥ saṃgrāme vikramiṣyataḥ
Sanskrit only: no published translation is held for this verse.
स पक्षबलविक्षेपैर् विधुन्वन् पर्वतान् बहून् । जगाम मार्गं बलवान् वातस्य प्रतिषेधयन्
sa pakṣabalavikṣepair vidhunvan parvatān bahūn / jagāma mārgaṃ balavān vātasya pratiṣedhayan
Sanskrit only: no published translation is held for this verse.
अति वायोर् अथ गतिम् आस्थाय गरुडस् तदा । सिद्धचारणसंघानां शुभं मार्गम् अवातरत्
ati vāyor atha gatim āsthāya garuḍas tadā / siddhacāraṇasaṃghānāṃ śubhaṃ mārgam avātarat
Sanskrit only: no published translation is held for this verse.
अथ रामो ऽब्रवीद् वाक्यं कृष्णम् अप्रतिमम् रणे । स्वाभिः प्रभाभिर् हीनाः स्मः कृष्ण कस्माद् अपूर्ववत्
atha rāmo 'bravīd vākyaṃ kṛṣṇam apratimam raṇe / svābhiḥ prabhābhir hīnāḥ smaḥ kṛṣṇa kasmād apūrvavat
Sanskrit only: no published translation is held for this verse.
सर्वे कनकवर्णाभाः संवृत्ताः स्म न संशयः । किम् इदं ब्रूहि नस् तत्त्वं किं मेरोः पार्श्वगा वयम्
sarve kanakavarṇābhāḥ saṃvṛttāḥ sma na saṃśayaḥ / kim idaṃ brūhi nas tattvaṃ kiṃ meroḥ pārśvagā vayam
Sanskrit only: no published translation is held for this verse.
अग्नेर् आहवनीयस्य प्रभया स्म समाहताः । तेन नो वर्णवैरूप्यम् इदं जातं हलायुध
agner āhavanīyasya prabhayā sma samāhatāḥ / tena no varṇavairūpyam idaṃ jātaṃ halāyudha
Sanskrit only: no published translation is held for this verse.
राम उवाच यदि स्म संनिकर्षस्था यदि निष्प्रभतां गताः । तद् विधत्स्व स्वयं बुद्ध्या यद् अत्रानन्तरं हितम्
rāma uvāca yadi sma saṃnikarṣasthā yadi niṣprabhatāṃ gatāḥ / tad vidhatsva svayaṃ buddhyā yad atrānantaraṃ hitam
Sanskrit only: no published translation is held for this verse.
भगवान् उवाच कुरुष्व वैनतेय त्वं यन् नः कार्यम् अनन्तरम् । त्वया विधाने विहिते करिष्याम्य् अहम् उत्तरम्
bhagavān uvāca kuruṣva vainateya tvaṃ yan naḥ kāryam anantaram / tvayā vidhāne vihite kariṣyāmy aham uttaram
Sanskrit only: no published translation is held for this verse.
गङ्गाम् उपागमत् तूर्णं वैनतेयस् ततो बली
gaṅgām upāgamat tūrṇaṃ vainateyas tato balī
Sanskrit only: no published translation is held for this verse.
गृहीत्वा सलिलं तत्र तम् अग्निम् अभिषेचयत् । अग्निर् आहवनीयस् तु ततः शान्तिम् उपागमत्
gṛhītvā salilaṃ tatra tam agnim abhiṣecayat / agnir āhavanīyas tu tataḥ śāntim upāgamat
Sanskrit only: no published translation is held for this verse.
त्रयस् त्रयाणां लोकानां पर्याप्ता इति मे मतिः । कृष्णः संकर्षणश् चैव प्रद्युम्नश् च महाबलः
trayas trayāṇāṃ lokānāṃ paryāptā iti me matiḥ / kṛṣṇaḥ saṃkarṣaṇaś caiva pradyumnaś ca mahābalaḥ
Sanskrit only: no published translation is held for this verse.
ततः प्रशान्ते दहने संप्रतस्थे स पक्षिराट् । स्वपक्षबलविक्षेपैः कुर्वन् घोरं महास्वनम्
tataḥ praśānte dahane saṃpratasthe sa pakṣirāṭ / svapakṣabalavikṣepaiḥ kurvan ghoraṃ mahāsvanam
Sanskrit only: no published translation is held for this verse.
आस्थिता गरुडं ह्य् एते नानारूपा भयावाहाः । किम् अर्थम् इह संप्राप्ताः के वापीमे जनास् त्रयः
āsthitā garuḍaṃ hy ete nānārūpā bhayāvāhāḥ / kim artham iha saṃprāptāḥ ke vāpīme janās trayaḥ
Sanskrit only: no published translation is held for this verse.
निश्चयं नाध्यगच्छन्त ते गिरिव्रजवह्नयः । प्रावर्तयंश् च संग्रामं तैस् त्रिभिः सह यादवैः
niścayaṃ nādhyagacchanta te girivrajavahnayaḥ / prāvartayaṃś ca saṃgrāmaṃ tais tribhiḥ saha yādavaiḥ
Sanskrit only: no published translation is held for this verse.
अथाज्ञप्तस् तु बाणेन पुरुषो वै मनोजवः । दृष्ट्वा तत् सर्वम् आगच्छे+ +त्युक्तः प्रह्वस् ततस् त्वरन्
athājñaptas tu bāṇena puruṣo vai manojavaḥ / dṛṣṭvā tat sarvam āgacche+ +tyuktaḥ prahvas tatas tvaran
Sanskrit only: no published translation is held for this verse.
तथेत्य् उक्त्वा स तद् युद्धं वर्तमानम् अवैक्षत । अग्नीनां वासुदेवेन संसक्तानां महामृधे
tathety uktvā sa tad yuddhaṃ vartamānam avaikṣata / agnīnāṃ vāsudevena saṃsaktānāṃ mahāmṛdhe
Sanskrit only: no published translation is held for this verse.
ते जातवेदसः सर्वे कल्माषः खसृमस् तथा । दहनः शोषणश् चैव तपनश् च महाबलः । स्वधाकारस्य विषये प्रख्याताः पञ्च वह्नयः
te jātavedasaḥ sarve kalmāṣaḥ khasṛmas tathā / dahanaḥ śoṣaṇaś caiva tapanaś ca mahābalaḥ / svadhākārasya viṣaye prakhyātāḥ pañca vahnayaḥ
Sanskrit only: no published translation is held for this verse.
पटरः पतगः स्वर्णो अगाधो भ्राज एव च । स्वाहाकाराश्रया पञ्च अयुध्यंस् ते ऽपि चाग्नयः
paṭaraḥ patagaḥ svarṇo agādho bhrāja eva ca / svāhākārāśrayā pañca ayudhyaṃs te 'pi cāgnayaḥ
Sanskrit only: no published translation is held for this verse.
ज्योतिष्टोमहविर्भागौ वषट्काराश्रयौ पुनः । द्वाव् अग्नी संप्रयुध्येतां महात्मानौ महाद्युती । तयोर् मध्ये ऽङ्गिराश् चैव महर्षिर् विबभौ प्रभुः
jyotiṣṭomahavirbhāgau vaṣaṭkārāśrayau punaḥ / dvāv agnī saṃprayudhyetāṃ mahātmānau mahādyutī / tayor madhye 'ṅgirāś caiva maharṣir vibabhau prabhuḥ
Sanskrit only: no published translation is held for this verse.
स्थितम् अङ्गिरसं दृष्ट्वा स्यन्दने पुरुषोत्तमः । कृष्णः प्रोवाच वचनं स्मयन्न् इव पुनः पुनः
sthitam aṅgirasaṃ dṛṣṭvā syandane puruṣottamaḥ / kṛṣṇaḥ provāca vacanaṃ smayann iva punaḥ punaḥ
Sanskrit only: no published translation is held for this verse.
तिष्ठध्वम् अग्नयो यूयम् एष वो विदधे भयम् । ममास्त्रतेजसा दद्घा दिशो यास्यथ विक्षताः
tiṣṭhadhvam agnayo yūyam eṣa vo vidadhe bhayam / mamāstratejasā dadghā diśo yāsyatha vikṣatāḥ
Sanskrit only: no published translation is held for this verse.
अथाङ्गिरास् त्रिशूलेन दीप्तेन समधावत । आददान इव क्रोधात् कृष्णप्राणान् मधामृधे
athāṅgirās triśūlena dīptena samadhāvata / ādadāna iva krodhāt kṛṣṇaprāṇān madhāmṛdhe
Sanskrit only: no published translation is held for this verse.
त्रिशूलं तस्य तद् दीप्तं चिच्छेद परमेषुभिः । अर्धचन्द्रैस् तथा तीक्ष्णैर् यमान्तकनिभैर् युधि
triśūlaṃ tasya tad dīptaṃ ciccheda parameṣubhiḥ / ardhacandrais tathā tīkṣṇair yamāntakanibhair yudhi
Sanskrit only: no published translation is held for this verse.
स्थूणाकर्णेन चास्त्रेण दीप्तेन सुमहायशाः । विव्याधान्तकतुल्येन वक्षस्य् एनम् अथो ऽनदत्
sthūṇākarṇena cāstreṇa dīptena sumahāyaśāḥ / vivyādhāntakatulyena vakṣasy enam atho 'nadat
Sanskrit only: no published translation is held for this verse.
रुधिरौघप्लुतैर् गात्रैस् तदाग्निर् चिह्वलन्न् इव । विष्टब्धगात्रः सहसा पपात धरणीतले
rudhiraughaplutair gātrais tadāgnir cihvalann iva / viṣṭabdhagātraḥ sahasā papāta dharaṇītale
Sanskrit only: no published translation is held for this verse.
शेषास् ततो ऽग्नयः सर्वे चत्वारो ब्रह्मणः सुताः । आवाहयंस् तदा शीघ्रं बाणस्य पुरम् अन्तिकात्
śeṣās tato 'gnayaḥ sarve catvāro brahmaṇaḥ sutāḥ / āvāhayaṃs tadā śīghraṃ bāṇasya puram antikāt
Sanskrit only: no published translation is held for this verse.
वायुवेगेन तं दध्मौ मेघश् चन्द्रम् इवोद्गिरन्
vāyuvegena taṃ dadhmau meghaś candram ivodgiran
Sanskrit only: no published translation is held for this verse.
प्रविवेश पुरं कृष्णो बाणस्याद्भुतकर्मणः
praviveśa puraṃ kṛṣṇo bāṇasyādbhutakarmaṇaḥ
Sanskrit only: no published translation is held for this verse.
ततः शङ्खप्रणादेन भेरीणां च महास्वनैः । बाणानीकानि सहसा समनह्यन्त सर्वशः
tataḥ śaṅkhapraṇādena bherīṇāṃ ca mahāsvanaiḥ / bāṇānīkāni sahasā samanahyanta sarvaśaḥ
Sanskrit only: no published translation is held for this verse.
ततः किंकरसैन्यं तद् अभ्यागात् समरे महत् । कोटिशश् चापि बहुधा दीप्तप्रहरणं तदा
tataḥ kiṃkarasainyaṃ tad abhyāgāt samare mahat / koṭiśaś cāpi bahudhā dīptapraharaṇaṃ tadā
Sanskrit only: no published translation is held for this verse.
तद् असंख्येयम् एकस्थं महाभ्रघनसंनिभम् । नीलाञ्जनचयप्रख्यम् अप्रमेयं तथाक्षयम्
tad asaṃkhyeyam ekasthaṃ mahābhraghanasaṃnibham / nīlāñjanacayaprakhyam aprameyaṃ tathākṣayam
Sanskrit only: no published translation is held for this verse.
ते प्रदीप्तप्रहरणा दैत्यदानवराक्षसाः । प्रमाथगणमुख्याश् च ते ऽयुध्यन् कृष्णसंगताः
te pradīptapraharaṇā daityadānavarākṣasāḥ / pramāthagaṇamukhyāś ca te 'yudhyan kṛṣṇasaṃgatāḥ
Sanskrit only: no published translation is held for this verse.
आपीयत तदा रक्तं चतुर्णाम् अपि संयुगे
āpīyata tadā raktaṃ caturṇām api saṃyuge
Sanskrit only: no published translation is held for this verse.
कृष्ण कृष्ण महाबाहो विधत्स्वैषां महद् भयम्
kṛṣṇa kṛṣṇa mahābāho vidhatsvaiṣāṃ mahad bhayam
Sanskrit only: no published translation is held for this verse.
इति संचोदितः कृष्णो बलभद्रेण धीमता । तेषां वधार्थम् आग्नेयं जग्राह पुरुषोत्तमः । अस्त्रम् अस्त्रविदां श्रेष्ठो यमान्तकसमप्रभम्
iti saṃcoditaḥ kṛṣṇo balabhadreṇa dhīmatā / teṣāṃ vadhārtham āgneyaṃ jagrāha puruṣottamaḥ / astram astravidāṃ śreṣṭho yamāntakasamaprabham
Sanskrit only: no published translation is held for this verse.
स विधूयासुरगणान् क्रव्यादान् अस्त्रतेजसा । प्रययौ त्वरया युक्तो यतो ऽदृश्यत तद्बलम्
sa vidhūyāsuragaṇān kravyādān astratejasā / prayayau tvarayā yukto yato 'dṛśyata tadbalam
Sanskrit only: no published translation is held for this verse.
शूलपट्टिसशक्त्यृष्टि+ +पिनाकपरिघायुधम् । प्रमाथगणभूयिष्ठं बलं तद् अभवत् क्षितौ
śūlapaṭṭisaśaktyṛṣṭi+ +pinākaparighāyudham / pramāthagaṇabhūyiṣṭhaṃ balaṃ tad abhavat kṣitau
Sanskrit only: no published translation is held for this verse.
वाहनैः संघशः सर्वे योधास् तत्रावतस्थिरे । वातोद्धूतैर् इव घनैर् विप्रकीर्णैर् इवाचलैः
vāhanaiḥ saṃghaśaḥ sarve yodhās tatrāvatasthire / vātoddhūtair iva ghanair viprakīrṇair ivācalaiḥ
Sanskrit only: no published translation is held for this verse.
वैनतेयगतो रामस् तान् दृष्ट्वा कृष्णम् अब्रवीत् । कृष्ण कृष्ण महाबाहो यद् एतद् दृश्यते बलम् । एतैः सह रणे योद्धुम् इच्छामि पुरुषोत्तम
vainateyagato rāmas tān dṛṣṭvā kṛṣṇam abravīt / kṛṣṇa kṛṣṇa mahābāho yad etad dṛśyate balam / etaiḥ saha raṇe yoddhum icchāmi puruṣottama
Sanskrit only: no published translation is held for this verse.
एभिः सह समागन्तुम् इच्छेयं युद्धदुर्मदैः
ebhiḥ saha samāgantum iccheyaṃ yuddhadurmadaiḥ
Sanskrit only: no published translation is held for this verse.
युध्यतः प्राङ्मुखस्यास्तु सुपर्णो वै ममाग्रतः । सव्ये पार्श्वे च प्रद्युम्नस् तथा मे दक्षिणे भवान्
yudhyataḥ prāṅmukhasyāstu suparṇo vai mamāgrataḥ / savye pārśve ca pradyumnas tathā me dakṣiṇe bhavān
Sanskrit only: no published translation is held for this verse.
रक्षितव्यम् अथान्योन्यम् अस्मिन् घोरे महामृधे । एवं ब्रुवन्तस् ते ऽन्योन्यम् अधिरूढाः खगोत्तमम्
rakṣitavyam athānyonyam asmin ghore mahāmṛdhe / evaṃ bruvantas te 'nyonyam adhirūḍhāḥ khagottamam
Sanskrit only: no published translation is held for this verse.
गिरिशृङ्गनिभैर् युद्धे गदामुसललाङ्गलैः । युध्यतो रौहिणेयस्य रौद्रं रूपम् अभूत् तदा । युगान्ते सर्वभूतानि कालस्येव दिधक्षतः
giriśṛṅganibhair yuddhe gadāmusalalāṅgalaiḥ / yudhyato rauhiṇeyasya raudraṃ rūpam abhūt tadā / yugānte sarvabhūtāni kālasyeva didhakṣataḥ
Sanskrit only: no published translation is held for this verse.
आकृष्य लाङ्गलाग्रेण मुसलेन व्यपोथयत् । चरत्य् अतिबलो युद्धे युद्धमार्गविशारदः
ākṛṣya lāṅgalāgreṇa musalena vyapothayat / caraty atibalo yuddhe yuddhamārgaviśāradaḥ
Sanskrit only: no published translation is held for this verse.
प्रद्युम्नः शरजालैस् तान् समन्तात् प्रत्यवारयत् । दानवान् पुरुषव्याघ्रो युद्यमानान् सहस्रशः
pradyumnaḥ śarajālais tān samantāt pratyavārayat / dānavān puruṣavyāghro yudyamānān sahasraśaḥ
Sanskrit only: no published translation is held for this verse.
स्निग्धाञ्जनचयप्रख्यः शङ्खचक्रगदाधरः । प्रध्माप्य बहुशः शङ्खम् अयुध्यत जनार्दनः
snigdhāñjanacayaprakhyaḥ śaṅkhacakragadādharaḥ / pradhmāpya bahuśaḥ śaṅkham ayudhyata janārdanaḥ
Sanskrit only: no published translation is held for this verse.
पक्षप्रहाराभिहतांस् तुण्डाग्रनखविक्षतान् । अकरोत् समरे शत्रून् वैनतेयः प्रतापवान्
pakṣaprahārābhihatāṃs tuṇḍāgranakhavikṣatān / akarot samare śatrūn vainateyaḥ pratāpavān
Sanskrit only: no published translation is held for this verse.
तैर् हन्यमानं दैत्यानाम् अनीकं भीमविक्रमैः । अभज्यत तदा संख्ये बाणवर्षसमाहतम्
tair hanyamānaṃ daityānām anīkaṃ bhīmavikramaiḥ / abhajyata tadā saṃkhye bāṇavarṣasamāhatam
Sanskrit only: no published translation is held for this verse.
ज्वरस् त्रिपादस् त्रिशिरास् तदा समरदुर्जयः
jvaras tripādas triśirās tadā samaradurjayaḥ
Sanskrit only: no published translation is held for this verse.
भस्मप्रहरणो घोरः कालान्तकयमोपमः । नदन् मेघसहस्रस्य तुल्यनिर्घातनिस्वनः
bhasmapraharaṇo ghoraḥ kālāntakayamopamaḥ / nadan meghasahasrasya tulyanirghātanisvanaḥ
Sanskrit only: no published translation is held for this verse.
किम् एवं बलमत्तो ऽसि न मां पश्यसि संयुगे । तिष्ठ तिष्ठ न मे जीवन् मोक्ष्यसे रणमूर्धनि
kim evaṃ balamatto 'si na māṃ paśyasi saṃyuge / tiṣṭha tiṣṭha na me jīvan mokṣyase raṇamūrdhani
Sanskrit only: no published translation is held for this verse.
इत्य् एवम् उक्त्वा प्रहसन् हलायुधम् अभिद्रवत् । युगान्ताग्निनिभैर् घोरैर् मुष्टिभिर् जनयन् भयम्
ity evam uktvā prahasan halāyudham abhidravat / yugāntāgninibhair ghorair muṣṭibhir janayan bhayam
Sanskrit only: no published translation is held for this verse.
चरतस् तस्य संग्रामे मण्डलानि सहस्रशः । रौहिणेयस्य शैघ्र्येण नावस्थानम् अदृश्यत
caratas tasya saṃgrāme maṇḍalāni sahasraśaḥ / rauhiṇeyasya śaighryeṇa nāvasthānam adṛśyata
Sanskrit only: no published translation is held for this verse.
तस्य भस्म तदा क्षिप्तं ज्वरेणाप्रतिमौजसा । शैघ्र्याल् लक्ष्ये निपतितं शरीरे पर्वतोपमे
tasya bhasma tadā kṣiptaṃ jvareṇāpratimaujasā / śaighryāl lakṣye nipatitaṃ śarīre parvatopame
Sanskrit only: no published translation is held for this verse.
तद् भस्म वक्षसस् तस्य मेरोः शिखरम् आगतम् । प्रदीप्तं पतितं तत् तु गिरिशृङ्गं व्यदारयत्
tad bhasma vakṣasas tasya meroḥ śikharam āgatam / pradīptaṃ patitaṃ tat tu giriśṛṅgaṃ vyadārayat
Sanskrit only: no published translation is held for this verse.
रोषेणाभिप्रजज्वाल भस्मना कृष्णपूर्वजः । निःश्वसञ् जृम्भमाणश् च निद्रान्विततनुर् मुहुः
roṣeṇābhiprajajvāla bhasmanā kṛṣṇapūrvajaḥ / niḥśvasañ jṛmbhamāṇaś ca nidrānvitatanur muhuḥ
Sanskrit only: no published translation is held for this verse.
नेत्रयोर् आकुलत्वं च मुहुः कुर्वन् भ्रमंस् तदा । संहृष्टलोमा ग्लानाक्षः क्षिप्तचित्त इव श्वसन्
netrayor ākulatvaṃ ca muhuḥ kurvan bhramaṃs tadā / saṃhṛṣṭalomā glānākṣaḥ kṣiptacitta iva śvasan
Sanskrit only: no published translation is held for this verse.
ततो हलधरो मत्तः कृष्णम् आह विचेतनः । कृष्ण कृष्ण महाबाहो प्रदीप्तो ऽस्म्य् अभयंकर । दह्यामि सर्वतस् तात कथं शान्तिर् भवेन् मम
tato haladharo mattaḥ kṛṣṇam āha vicetanaḥ / kṛṣṇa kṛṣṇa mahābāho pradīpto 'smy abhayaṃkara / dahyāmi sarvatas tāta kathaṃ śāntir bhaven mama
Sanskrit only: no published translation is held for this verse.
न भेतव्यम् इतीत्युक्त्वा । *ह्व् ११०।६६अ*१३२३:३ ।* कृष्णेन परमस्नेहात् ततो दाहात् प्रमुच्यत
na bhetavyam itītyuktvā | *HV 110.66a*1323:3 |* kṛṣṇena paramasnehāt tato dāhāt pramucyata
Sanskrit only: no published translation is held for this verse.
एह्य् एहि ज्वर युध्यस्व या ते शक्तिर् महामृधे । तां दर्शयस्व समरे मयि युद्धविशारद
ehy ehi jvara yudhyasva yā te śaktir mahāmṛdhe / tāṃ darśayasva samare mayi yuddhaviśārada
Sanskrit only: no published translation is held for this verse.
सव्येतराभ्यां बाहुभ्याम् एवम् उक्तो ज्वरस् तदा । चिक्षेप चैनं तद् भस्म ज्वालागर्भं महागदः
savyetarābhyāṃ bāhubhyām evam ukto jvaras tadā / cikṣepa cainaṃ tad bhasma jvālāgarbhaṃ mahāgadaḥ
Sanskrit only: no published translation is held for this verse.
ततः प्रदीप्तस् तु विभुर् मुहूर्तम् अभवत् तदा । कृष्णः प्रहरतां श्रेष्ठः शमं चाग्निर् गतः पुनः
tataḥ pradīptas tu vibhur muhūrtam abhavat tadā / kṛṣṇaḥ praharatāṃ śreṣṭhaḥ śamaṃ cāgnir gataḥ punaḥ
Sanskrit only: no published translation is held for this verse.
ततस् तैर् भुजगाकारैर् बाहुभिस् तु त्रिभिस् तदा । जघान कृष्णं ग्रीवायां मुष्टिनैकेन चोरसि
tatas tair bhujagākārair bāhubhis tu tribhis tadā / jaghāna kṛṣṇaṃ grīvāyāṃ muṣṭinaikena corasi
Sanskrit only: no published translation is held for this verse.
स संप्रहारस् तुमुलस् तयोः पुरुषसिंहयोः । ज्वरस्य च महान् आसीत् कृष्णस्य च महात्मनः । पर्वतेषु पतन्तीनाम् अशनीनाम् इव स्वनः
sa saṃprahāras tumulas tayoḥ puruṣasiṃhayoḥ / jvarasya ca mahān āsīt kṛṣṇasya ca mahātmanaḥ / parvateṣu patantīnām aśanīnām iva svanaḥ
Sanskrit only: no published translation is held for this verse.
कृष्णज्वरभुजप्राणैर् युद्धम् आसीत् सुदारुणम् । नैवम् एवं प्रहर्तव्यम् इति तत्राभवत् स्वनः । मुहूर्तम् अभवद् युद्धम् अन्योन्यं सुमहात्मनोः
kṛṣṇajvarabhujaprāṇair yuddham āsīt sudāruṇam / naivam evaṃ prahartavyam iti tatrābhavat svanaḥ / muhūrtam abhavad yuddham anyonyaṃ sumahātmanoḥ
Sanskrit only: no published translation is held for this verse.
ततो ज्वरं कनकविचित्रभूषणं न्यपीडयद् भुजवलयेन संयुगे । यम् अक्षयं समुपनयञ् जगत्पतिः शरीरधृग् गगनचरं महामृधे
tato jvaraṃ kanakavicitrabhūṣaṇaṃ nyapīḍayad bhujavalayena saṃyuge / yam akṣayaṃ samupanayañ jagatpatiḥ śarīradhṛg gaganacaraṃ mahāmṛdhe
Sanskrit only: no published translation is held for this verse.