Harivaṃśa (critical edition) 111

वैशम्पायन उवाच मृत इत्य् अभिविज्ञाय ज्वरं शत्रुनिषूदनः । कृष्णो भुजबलाभ्यां तं चिक्षेपाथ महीतले

vaiśampāyana uvāca mṛta ity abhivijñāya jvaraṃ śatruniṣūdanaḥ / kṛṣṇo bhujabalābhyāṃ taṃ cikṣepātha mahītale

Sanskrit only: no published translation is held for this verse.

मुक्तमात्रस् तु बाहुभ्यां कृष्णदेहं विवेश सः । अमुक्त्वा विग्रहं तस्य कृष्णस्याप्रतिमौजसः

muktamātras tu bāhubhyāṃ kṛṣṇadehaṃ viveśa saḥ / amuktvā vigrahaṃ tasya kṛṣṇasyāpratimaujasaḥ

Sanskrit only: no published translation is held for this verse.

स ह्य् आविष्टस् तदा तेन ज्वरेणाप्रतिमौजसा । कृष्णः स्खलन्न् इव मुहुः क्षितौ समभिवर्तत

sa hy āviṣṭas tadā tena jvareṇāpratimaujasā / kṛṣṇaḥ skhalann iva muhuḥ kṣitau samabhivartata

Sanskrit only: no published translation is held for this verse.

जृम्भते च तदा कृष्णः पुनश् च स्खलते भृशम् । रोमाञ् चोत्थितगात्रस् तु निद्रया चाभिभूयते

jṛmbhate ca tadā kṛṣṇaḥ punaś ca skhalate bhṛśam / romāñ cotthitagātras tu nidrayā cābhibhūyate

Sanskrit only: no published translation is held for this verse.

ज्वराभिमृष्टम् आत्मानं विज्ञाय पुरुषोत्तमः । सो ऽसृजज् ज्वरम् अन्यं तु पूर्वज्वरविनाशनम्

jvarābhimṛṣṭam ātmānaṃ vijñāya puruṣottamaḥ / so 'sṛjaj jvaram anyaṃ tu pūrvajvaravināśanam

Sanskrit only: no published translation is held for this verse.

व्याविध्यमाने तु तदा ज्वरे तेनामितौजसा । अशरीरा ततो वाणी तम् उवाचान्तरिक्षगा

vyāvidhyamāne tu tadā jvare tenāmitaujasā / aśarīrā tato vāṇī tam uvācāntarikṣagā

Sanskrit only: no published translation is held for this verse.

कृष्ण कृष्ण महाबाहो यदूनां नन्दिवर्धन । मा वधीर् ज्वरम् एतं वै रक्षणीयस् त्वयानघ । इत्य् एवम् उक्ते वचने तं मुमोच हरिः स्वयम्

kṛṣṇa kṛṣṇa mahābāho yadūnāṃ nandivardhana / mā vadhīr jvaram etaṃ vai rakṣaṇīyas tvayānagha / ity evam ukte vacane taṃ mumoca hariḥ svayam

Sanskrit only: no published translation is held for this verse.

तव प्रसादान् नान्यः स्याज् ज्वरः समितिशोभन

tava prasādān nānyaḥ syāj jvaraḥ samitiśobhana

Sanskrit only: no published translation is held for this verse.

यो ऽयं मया ज्वरो सृष्टो मय्य् एवैष प्रलीयताम्

yo 'yaṃ mayā jvaro sṛṣṭo mayy evaiṣa pralīyatām

Sanskrit only: no published translation is held for this verse.

ज्वर उवाच धन्यो ऽस्म्य् अनुगृहीतो ऽस्मि यत् त्वया मत्प्रियं क्र्टं । आज्ञापय प्रिअं किं ते चक्रायुध करोम्य् अहम्

jvara uvāca dhanyo 'smy anugṛhīto 'smi yat tvayā matpriyaṃ krṭaṃ / ājñāpaya priaṃ kiṃ te cakrāyudha karomy aham

Sanskrit only: no published translation is held for this verse.

भगवान् उवाच महामृधे तव मम च द्वयोर् इमं पराक्रमं भुजबलकेवलास्त्रयोः । प्रणम्य माम् एकमनाः पठेत् तु यः स वै भवेज् ज्वर विगतज्वरो नरः

bhagavān uvāca mahāmṛdhe tava mama ca dvayor imaṃ parākramaṃ bhujabalakevalāstrayoḥ / praṇamya mām ekamanāḥ paṭhet tu yaḥ sa vai bhavej jvara vigatajvaro naraḥ

Sanskrit only: no published translation is held for this verse.

प्रणम्य शिरसा कृष्णम् अपक्रान्तस् ततो रणात्

praṇamya śirasā kṛṣṇam apakrāntas tato raṇāt

Sanskrit only: no published translation is held for this verse.