Harivaṃśa (critical edition) 112

महेश्वर उवाच निराहाराः क्षमायुक्ताः सत्यार्जवपरायणाः । मद्भक्ता ये हि नृत्यन्ति तेषाम् एवं भविष्यति

maheśvara uvāca nirāhārāḥ kṣamāyuktāḥ satyārjavaparāyaṇāḥ / madbhaktā ye hi nṛtyanti teṣām evaṃ bhaviṣyati

Sanskrit only: no published translation is held for this verse.

बाण उवाच चक्रपाटनजा घोरा रुजा तीव्रा हि या मम । वरेण सा तृतीयेन शान्तिं गच्छतु मे भव

bāṇa uvāca cakrapāṭanajā ghorā rujā tīvrā hi yā mama / vareṇa sā tṛtīyena śāntiṃ gacchatu me bhava

Sanskrit only: no published translation is held for this verse.

महेश्वर उवाच एवं भवतु भद्रं ते न रुजा प्रभविष्यति । अक्षतं तव गात्रं च स्वस्थावस्थं भविष्यति

maheśvara uvāca evaṃ bhavatu bhadraṃ te na rujā prabhaviṣyati / akṣataṃ tava gātraṃ ca svasthāvasthaṃ bhaviṣyati

Sanskrit only: no published translation is held for this verse.

चतुर्थं ते वरं दद्मि वृणीष्वासुर काङ्क्षितं । न ते ऽहं विमुखस् तात प्रसादसुमुखो ह्य् अहम्

caturthaṃ te varaṃ dadmi vṛṇīṣvāsura kāṅkṣitaṃ / na te 'haṃ vimukhas tāta prasādasumukho hy aham

Sanskrit only: no published translation is held for this verse.

बाण उवाच प्रमाथगणवंशस्य प्रथमः स्याम् अहं विभो । महाकाल इति ख्यातः ख्यातिं गच्छेयम् ईश्वर

bāṇa uvāca pramāthagaṇavaṃśasya prathamaḥ syām ahaṃ vibho / mahākāla iti khyātaḥ khyātiṃ gaccheyam īśvara

Sanskrit only: no published translation is held for this verse.

तं तं वृणीष्व भद्रं ते यद् इच्छसि महासुर

taṃ taṃ vṛṇīṣva bhadraṃ te yad icchasi mahāsura

Sanskrit only: no published translation is held for this verse.

बाण उवाच वैरूप्यम् अङ्गजं किं चिन् मा भून् मे देवसत्तम । द्विबाहुत्वे ऽपि मे देहो न विरूपो भवेद् भव

bāṇa uvāca vairūpyam aṅgajaṃ kiṃ cin mā bhūn me devasattama / dvibāhutve 'pi me deho na virūpo bhaved bhava

Sanskrit only: no published translation is held for this verse.

ततो ऽब्रवीन् महादेवो बाणं स्थितम् अथान्तिके । एवं भविष्यते बाण यत् त्वया समुदाहृतम्

tato 'bravīn mahādevo bāṇaṃ sthitam athāntike / evaṃ bhaviṣyate bāṇa yat tvayā samudāhṛtam

Sanskrit only: no published translation is held for this verse.

एतावद् उक्त्वा भगवांस् त्रिनेत्रो गणसंवृतः । पश्यतां सर्वभूतानां तत्रैवान्तर् अधीयत

etāvad uktvā bhagavāṃs trinetro gaṇasaṃvṛtaḥ / paśyatāṃ sarvabhūtānāṃ tatraivāntar adhīyata

Sanskrit only: no published translation is held for this verse.