Harivaṃśa (critical edition) 113

शररूपा महासर्पा वेष्टयित्वा तनुं स्थिताः

śararūpā mahāsarpā veṣṭayitvā tanuṃ sthitāḥ

Sanskrit only: no published translation is held for this verse.

ते सर्वे सहसा देहात् तस्य निःसृत्य भोगिनः । क्षितिं सर्वे ऽभ्यधावन्त प्रकृत्यावस्थिताः शराः

te sarve sahasā dehāt tasya niḥsṛtya bhoginaḥ / kṣitiṃ sarve 'bhyadhāvanta prakṛtyāvasthitāḥ śarāḥ

Sanskrit only: no published translation is held for this verse.

दृष्टः स्पृष्टश् च कृष्णेन सो ऽनिरुद्धो महात्मना । स्थितिः प्रीतिमना भूत्वा प्राञ्जलिर् वाक्यम् अब्रवीत्

dṛṣṭaḥ spṛṣṭaś ca kṛṣṇena so 'niruddho mahātmanā / sthitiḥ prītimanā bhūtvā prāñjalir vākyam abravīt

Sanskrit only: no published translation is held for this verse.

देवदेव सदा युधे जेता त्वम् असि कस् तव । शक्तो वै प्रमुखे स्थातुं साक्षाद् अपि शतक्रतुः

devadeva sadā yudhe jetā tvam asi kas tava / śakto vai pramukhe sthātuṃ sākṣād api śatakratuḥ

Sanskrit only: no published translation is held for this verse.

भगवान् उवाच आरोह गरुडं तूर्णं गच्छाम द्वारकां पुरीम् । इत्युक्तः सो ऽधिरूढस् तु सह दानवकन्यया

bhagavān uvāca āroha garuḍaṃ tūrṇaṃ gacchāma dvārakāṃ purīm / ityuktaḥ so 'dhirūḍhas tu saha dānavakanyayā

Sanskrit only: no published translation is held for this verse.

ततस् ते दीर्घम् अध्वानं प्रययुः पुरुषर्षभाः । चक्रायुधो गृह्य तदानिरुद्धं । *ह्व् ११३।६*१४८९:१ ।* निघ्नं चक्रे बाणम् उदीर्णचक्रम् । *ह्व् ११३।६*१४८९:२ ।* छित्त्वा तु बाणस्य स बाहुचक्रं । *ह्व् ११३।६*१४८९:३ ।* चक्रायुधो गृह्य तदानिरुद्धम् । *ह्व् ११३।६*१४८९:४ ।* पुरो महाबाणम् उदीर्णचक्र+ । *ह्व् ११३।६*१४८९:५ ।* +निपातिते बाहुविशीर्णगात्रे । *ह्व् ११३।६*१४८९:६ ।* आरुह्य गरुडं सर्वे जित्वा बाणं महासुरम्

tatas te dīrgham adhvānaṃ prayayuḥ puruṣarṣabhāḥ / cakrāyudho gṛhya tadāniruddhaṃ | *HV 113.6*1489:1 |* nighnaṃ cakre bāṇam udīrṇacakram | *HV 113.6*1489:2 |* chittvā tu bāṇasya sa bāhucakraṃ | *HV 113.6*1489:3 |* cakrāyudho gṛhya tadāniruddham | *HV 113.6*1489:4 |* puro mahābāṇam udīrṇacakra+ | *HV 113.6*1489:5 |* +nipātite bāhuviśīrṇagātre | *HV 113.6*1489:6 |* āruhya garuḍaṃ sarve jitvā bāṇaṃ mahāsuram

Sanskrit only: no published translation is held for this verse.

वेलावनविचारिण्यो नानावर्णाः सहस्रशः

velāvanavicāriṇyo nānāvarṇāḥ sahasraśaḥ

Sanskrit only: no published translation is held for this verse.

निशम्य बाणगावस् तु तासु चक्रे मनस् तदा । आस्थितो गरुडं देवः सर्वलोकादिर् अव्ययः

niśamya bāṇagāvas tu tāsu cakre manas tadā / āsthito garuḍaṃ devaḥ sarvalokādir avyayaḥ

Sanskrit only: no published translation is held for this verse.

आह मां सत्यभामा च बाणगावो ममानय । यासां पीत्वा किल क्षीरं न जीर्यन्ति महासुराः

āha māṃ satyabhāmā ca bāṇagāvo mamānaya / yāsāṃ pītvā kila kṣīraṃ na jīryanti mahāsurāḥ

Sanskrit only: no published translation is held for this verse.

ता ममानय भद्रं ते यदि कार्यं न लुप्यते । अथ कार्यनिरोधः स्यान् नैव तासु मनः कृथाः

tā mamānaya bhadraṃ te yadi kāryaṃ na lupyate / atha kāryanirodhaḥ syān naiva tāsu manaḥ kṛthāḥ

Sanskrit only: no published translation is held for this verse.

दृश्यन्ते गाव एतास् ता मां दृष्ट्वा वरुणालयम् । विशन्ति सहिताः सर्वाः कार्यम् अत्र विधीयताम्

dṛśyante gāva etās tā māṃ dṛṣṭvā varuṇālayam / viśanti sahitāḥ sarvāḥ kāryam atra vidhīyatām

Sanskrit only: no published translation is held for this verse.

तथेत्य् उक्त्वा तु गरुडः पक्षवातेन सागरम् । सो ऽवगाढो हि सहसा वरुणालयम् अन्तिकात्

tathety uktvā tu garuḍaḥ pakṣavātena sāgaram / so 'vagāḍho hi sahasā varuṇālayam antikāt

Sanskrit only: no published translation is held for this verse.

ततस् तु वारुणं सैन्यम् अभियातं सुदारुणम् । प्रमुखे वासुदेवस्य नानाप्रहरणोद्यतम्

tatas tu vāruṇaṃ sainyam abhiyātaṃ sudāruṇam / pramukhe vāsudevasya nānāpraharaṇodyatam

Sanskrit only: no published translation is held for this verse.

ते भग्नाः सहसा यान्ति तम् एव वरुणालयम्

te bhagnāḥ sahasā yānti tam eva varuṇālayam

Sanskrit only: no published translation is held for this verse.

षष्टिं रथसहस्राणि षष्टिं रथशतानि च । वरुणेन प्रयुक्तानि दीप्तशस्त्राणि संयुगे

ṣaṣṭiṃ rathasahasrāṇi ṣaṣṭiṃ rathaśatāni ca / varuṇena prayuktāni dīptaśastrāṇi saṃyuge

Sanskrit only: no published translation is held for this verse.

तद् बलं कृष्णबाणौघैर् दह्यमानं समन्ततः । भग्नं वरुणम् आश्रित्य नैव स्थानम् अविन्दत

tad balaṃ kṛṣṇabāṇaughair dahyamānaṃ samantataḥ / bhagnaṃ varuṇam āśritya naiva sthānam avindata

Sanskrit only: no published translation is held for this verse.

ऋषिभिर् देवगन्धर्वैस् तथैवाप्सरसां गणैः । संस्तूयमानो बहुधा वरुणः पर्यवस्थितः

ṛṣibhir devagandharvais tathaivāpsarasāṃ gaṇaiḥ / saṃstūyamāno bahudhā varuṇaḥ paryavasthitaḥ

Sanskrit only: no published translation is held for this verse.

छत्रेण ध्रियमाणेन पाण्डुरेण वपुष्मता । सलिलस्राविणा श्रेष्ठं चापम् उद्यम्य विष्ठितः

chatreṇa dhriyamāṇena pāṇḍureṇa vapuṣmatā / salilasrāviṇā śreṣṭhaṃ cāpam udyamya viṣṭhitaḥ

Sanskrit only: no published translation is held for this verse.

अपां पतिर् अभिक्रुद्धः पुत्रपौत्रबलान्वितः । आह्वयन्न् इव युद्धे स विस्फारितमहाधनुः

apāṃ patir abhikruddhaḥ putrapautrabalānvitaḥ / āhvayann iva yuddhe sa visphāritamahādhanuḥ

Sanskrit only: no published translation is held for this verse.

स तु प्रध्मापयञ् शङ्खं वरुणः समधावत । हरिं हर इव क्रोधाद् बाणजालैः समावृणोत्

sa tu pradhmāpayañ śaṅkhaṃ varuṇaḥ samadhāvata / hariṃ hara iva krodhād bāṇajālaiḥ samāvṛṇot

Sanskrit only: no published translation is held for this verse.

ततः प्रध्माय जलजं पाञ्चजन्यं महाबलः । बाणवर्षाकुलाः सर्वा दिशश् चक्रे जनार्दनः

tataḥ pradhmāya jalajaṃ pāñcajanyaṃ mahābalaḥ / bāṇavarṣākulāḥ sarvā diśaś cakre janārdanaḥ

Sanskrit only: no published translation is held for this verse.

ततः शरौघैर् बहुधा वरुणः पीडितो रणे । स्मयन्न् इव तदा कृष्णं वरुणः प्रत्ययुध्यत

tataḥ śaraughair bahudhā varuṇaḥ pīḍito raṇe / smayann iva tadā kṛṣṇaṃ varuṇaḥ pratyayudhyata

Sanskrit only: no published translation is held for this verse.

ततो ऽस्त्रं वैष्णवं घोरम् अभिमन्त्र्याहवे स्थितः । वासुदेवो ऽब्रवीद् वाक्यं प्रमुखे तस्य संस्थितः

tato 'straṃ vaiṣṇavaṃ ghoram abhimantryāhave sthitaḥ / vāsudevo 'bravīd vākyaṃ pramukhe tasya saṃsthitaḥ

Sanskrit only: no published translation is held for this verse.

इदम् अस्त्रं महाघोरं वैष्णवं शत्रुमर्दनम् । मयोद्यतं वधार्थं ते तिष्ठेदानीं स्थिरो भव

idam astraṃ mahāghoraṃ vaiṣṇavaṃ śatrumardanam / mayodyataṃ vadhārthaṃ te tiṣṭhedānīṃ sthiro bhava

Sanskrit only: no published translation is held for this verse.

ततस् तद् वरुणो देवो ह्य् अस्त्रं वैष्णवम् उद्यतम् । वारुणास्त्रेण संयोज्य ननाद स महाबलः

tatas tad varuṇo devo hy astraṃ vaiṣṇavam udyatam / vāruṇāstreṇa saṃyojya nanāda sa mahābalaḥ

Sanskrit only: no published translation is held for this verse.

तस्यास्त्रवितता ह्य् आपो वरुणास्याभिनिःसृताः । वैष्णवास्त्रस्य शमने वर्तन्ते समितिंजय

tasyāstravitatā hy āpo varuṇāsyābhiniḥsṛtāḥ / vaiṣṇavāstrasya śamane vartante samitiṃjaya

Sanskrit only: no published translation is held for this verse.

दह्यन्ते वारुणाः सर्वे ततो ऽस्त्रे ज्वलिते पुनः । वैष्णवे तु महावीर्ये दिशो भीताः प्रदुद्रुवुः

dahyante vāruṇāḥ sarve tato 'stre jvalite punaḥ / vaiṣṇave tu mahāvīrye diśo bhītāḥ pradudruvuḥ

Sanskrit only: no published translation is held for this verse.

तांस् तु प्रज्वलतो दृष्ट्वा वरुणो वाक्यम् अब्रवीत् । स्मर तां प्रकृतिं पूर्वाम् अव्यक्तां व्यक्तलक्षणां । तमो जहि महाभाग रजसा मुह्यसे कथम्

tāṃs tu prajvalato dṛṣṭvā varuṇo vākyam abravīt / smara tāṃ prakṛtiṃ pūrvām avyaktāṃ vyaktalakṣaṇāṃ / tamo jahi mahābhāga rajasā muhyase katham

Sanskrit only: no published translation is held for this verse.

सत्त्वस्थो नित्यम् आसीत् त्वं योगीश्वर महामते । पञ्चभूताश्रयान् दोषान् अहंकारं च संत्यज

sattvastho nityam āsīt tvaṃ yogīśvara mahāmate / pañcabhūtāśrayān doṣān ahaṃkāraṃ ca saṃtyaja

Sanskrit only: no published translation is held for this verse.

येयं ते वैष्णवी मूर्तिस् तस्या ज्येष्ठो ह्य् अहं तव । ज्येष्ठभावेन मान्यस् ते किं मां दग्धुम् इच्छसि

yeyaṃ te vaiṣṇavī mūrtis tasyā jyeṣṭho hy ahaṃ tava / jyeṣṭhabhāvena mānyas te kiṃ māṃ dagdhum icchasi

Sanskrit only: no published translation is held for this verse.

नाग्निर् विक्रमते ह्य् अग्नौ त्यज कोपं युधां वर । त्वयि न प्रभविष्यन्ति जगतः प्रभवो ह्य् असि

nāgnir vikramate hy agnau tyaja kopaṃ yudhāṃ vara / tvayi na prabhaviṣyanti jagataḥ prabhavo hy asi

Sanskrit only: no published translation is held for this verse.

पूर्वं हि या त्वया सृष्टा प्रकृतिर् विकृतात्मिका । धर्मिणी बीजभावेन पूर्वधर्मसमाश्रिता

pūrvaṃ hi yā tvayā sṛṣṭā prakṛtir vikṛtātmikā / dharmiṇī bījabhāvena pūrvadharmasamāśritā

Sanskrit only: no published translation is held for this verse.

आग्नेयं चैव सौम्यं च प्रकृत्यैवेदम् आदितः । त्वया सृष्टं जगद् इदं स कथं मन्यसे मयि

āgneyaṃ caiva saumyaṃ ca prakṛtyaivedam āditaḥ / tvayā sṛṣṭaṃ jagad idaṃ sa kathaṃ manyase mayi

Sanskrit only: no published translation is held for this verse.

अजेयः शाश्वतो नित्यं स्वयंभूर् भूतभावनः । अक्षयश् चाव्ययश् चैव भवान् एव महाद्युते

ajeyaḥ śāśvato nityaṃ svayaṃbhūr bhūtabhāvanaḥ / akṣayaś cāvyayaś caiva bhavān eva mahādyute

Sanskrit only: no published translation is held for this verse.

रक्ष मां रक्षणीयो ऽहं त्वयानघ नमो ऽस्तु ते । आदिकर्तासि लोकस्य त्वयैव बहुलीकृतम्

rakṣa māṃ rakṣaṇīyo 'haṃ tvayānagha namo 'stu te / ādikartāsi lokasya tvayaiva bahulīkṛtam

Sanskrit only: no published translation is held for this verse.

किं क्रीडसि महादेव बालः क्रीडनकैर् इव । न ह्य् अहं प्रकृतिद्वेषी नाहं प्रकृतिदूषकः

kiṃ krīḍasi mahādeva bālaḥ krīḍanakair iva / na hy ahaṃ prakṛtidveṣī nāhaṃ prakṛtidūṣakaḥ

Sanskrit only: no published translation is held for this verse.

प्रकृतिर् या विकारेषु वर्तते पुरुषोत्तम । तस्या विकारशमने वर्तसे त्वं यथाविधि

prakṛtir yā vikāreṣu vartate puruṣottama / tasyā vikāraśamane vartase tvaṃ yathāvidhi

Sanskrit only: no published translation is held for this verse.

विकारो ऽसि विकाराणां विकारायतने ऽनघ । तान् अधर्मविदो मन्दान् भवान् विकुरुते सदा

vikāro 'si vikārāṇāṃ vikārāyatane 'nagha / tān adharmavido mandān bhavān vikurute sadā

Sanskrit only: no published translation is held for this verse.

इयं हि प्रकृतिर् दोषैस् तमसा युज्यते सदा । रजसा वापि संदुष्टा ततो मोहः प्रवर्तते

iyaṃ hi prakṛtir doṣais tamasā yujyate sadā / rajasā vāpi saṃduṣṭā tato mohaḥ pravartate

Sanskrit only: no published translation is held for this verse.

परावरज्ञः सर्वज्ञ ऐश्वर्यविधिम् आस्थितः । किं मोहयसि नः सर्वान् प्रजापतिर् इव स्वयम्

parāvarajñaḥ sarvajña aiśvaryavidhim āsthitaḥ / kiṃ mohayasi naḥ sarvān prajāpatir iva svayam

Sanskrit only: no published translation is held for this verse.

इत्येवमुक्तः प्रहसन् कृष्णो वचनम् अब्रवीत् । गाः संप्रयच्छ मे देव शान्त्यर्थं भीमविक्रम

ityevamuktaḥ prahasan kṛṣṇo vacanam abravīt / gāḥ saṃprayaccha me deva śāntyarthaṃ bhīmavikrama

Sanskrit only: no published translation is held for this verse.

वरुण उवाच बाणेन सार्धं समयो मया देव पुरा कृतः । कथं च समयं कृत्वा कुर्यां विफलम् अन्यथा

varuṇa uvāca bāṇena sārdhaṃ samayo mayā deva purā kṛtaḥ / kathaṃ ca samayaṃ kṛtvā kuryāṃ viphalam anyathā

Sanskrit only: no published translation is held for this verse.

जीवन् नाहं प्रदास्यामि गावो वै वृषभेक्षण । हत्वा मां नय गावस् त्वम् एष मे समयः कृतः

jīvan nāhaṃ pradāsyāmi gāvo vai vṛṣabhekṣaṇa / hatvā māṃ naya gāvas tvam eṣa me samayaḥ kṛtaḥ

Sanskrit only: no published translation is held for this verse.

प्रययौ द्वारकां चापि शक्राद्यैर् अमरैर् वृतः

prayayau dvārakāṃ cāpi śakrādyair amarair vṛtaḥ

Sanskrit only: no published translation is held for this verse.

अनुगच्छन्ति विश्वेशं सर्वभूतादिम् अव्ययम्

anugacchanti viśveśaṃ sarvabhūtādim avyayam

Sanskrit only: no published translation is held for this verse.

आयान्तम् अनुगच्छन्ति यशसा विजयेन च

āyāntam anugacchanti yaśasā vijayena ca

Sanskrit only: no published translation is held for this verse.

दुराद् एव तु तां दृष्ट्वा द्वारकां द्वारमालिनीम् । पाञ्चजन्यस्य निर्घोषं चक्रे चक्रगदाधरः

durād eva tu tāṃ dṛṣṭvā dvārakāṃ dvāramālinīm / pāñcajanyasya nirghoṣaṃ cakre cakragadādharaḥ

Sanskrit only: no published translation is held for this verse.

देवानुयात्रनिर्घोषं पाञ्चजन्यस्य निस्वनम् । श्रुत्वा द्वारवती सर्वा प्रहर्षम् अतुलं गता

devānuyātranirghoṣaṃ pāñcajanyasya nisvanam / śrutvā dvāravatī sarvā praharṣam atulaṃ gatā

Sanskrit only: no published translation is held for this verse.

वैनतेयसमासीनं नीलाञ्जनचयोपमम् । अवन्दन्यादवाः कृष्णं श्रिया परमया युतम्

vainateyasamāsīnaṃ nīlāñjanacayopamam / avandanyādavāḥ kṛṣṇaṃ śriyā paramayā yutam

Sanskrit only: no published translation is held for this verse.

ऋषिभिर् देवगन्धर्वैश् चारणैश् च समन्ततः । संस्तूयमानो गोविन्दो द्वारकोपरि विष्ठितः

ṛṣibhir devagandharvaiś cāraṇaiś ca samantataḥ / saṃstūyamāno govindo dvārakopari viṣṭhitaḥ

Sanskrit only: no published translation is held for this verse.

बाणं जित्वा महादेवम् आयान्तं पुरुषोत्तमम्

bāṇaṃ jitvā mahādevam āyāntaṃ puruṣottamam

Sanskrit only: no published translation is held for this verse.

द्वारकावासिनां वाचश् चरन्ति बहुधा तदा । प्राप्ते कृष्णे महाभागे सात्वतानां महारथे

dvārakāvāsināṃ vācaś caranti bahudhā tadā / prāpte kṛṣṇe mahābhāge sātvatānāṃ mahārathe

Sanskrit only: no published translation is held for this verse.

धन्याः स्मो ऽनुगृहीताः स्मो येषां नो जगतः पतिः । रक्षिता चापि गोप्ता च दीर्घबाहुर् जनार्दनः

dhanyāḥ smo 'nugṛhītāḥ smo yeṣāṃ no jagataḥ patiḥ / rakṣitā cāpi goptā ca dīrghabāhur janārdanaḥ

Sanskrit only: no published translation is held for this verse.

वैनतेयं समारुह्य बाणं जित्वा सुदुर्जयम् । प्राप्तो ऽयं पुण्डरीकाक्षो मनांस्य् आह्लादयन्न् इव

vainateyaṃ samāruhya bāṇaṃ jitvā sudurjayam / prāpto 'yaṃ puṇḍarīkākṣo manāṃsy āhlādayann iva

Sanskrit only: no published translation is held for this verse.

एवं कथयताम् एव द्वारकावासिनां तदा । वासुदेवगृहं देवा विविशुस् ते महारथाः

evaṃ kathayatām eva dvārakāvāsināṃ tadā / vāsudevagṛhaṃ devā viviśus te mahārathāḥ

Sanskrit only: no published translation is held for this verse.

तानि तेषां विमानानि दिवि संचरतां तदा । स्थितान्य् एव प्रदृश्यन्ते नानारूपाणि सर्वशः

tāni teṣāṃ vimānāni divi saṃcaratāṃ tadā / sthitāny eva pradṛśyante nānārūpāṇi sarvaśaḥ

Sanskrit only: no published translation is held for this verse.

सिंहर्षभमृगैर् नागैर् वाजिसारसबर्हिणैः । भास्वन्ति तानि दृश्यन्ते विमानानि सहस्रशः

siṃharṣabhamṛgair nāgair vājisārasabarhiṇaiḥ / bhāsvanti tāni dṛśyante vimānāni sahasraśaḥ

Sanskrit only: no published translation is held for this verse.

एते रुद्रास् तथादित्या वसवो ऽथाश्विनाव् अपि । साध्या देवास् तथान्ये चाप्य् अवन्दंस् तान् यथाक्रमम्

ete rudrās tathādityā vasavo 'thāśvināv api / sādhyā devās tathānye cāpy avandaṃs tān yathākramam

Sanskrit only: no published translation is held for this verse.

अहो वै महद् आश्चर्यं वासुदेवस्य संश्रयात् । प्राप्यते यद् इहास्माभिर् इति वाचश् चरन्ति हि

aho vai mahad āścaryaṃ vāsudevasya saṃśrayāt / prāpyate yad ihāsmābhir iti vācaś caranti hi

Sanskrit only: no published translation is held for this verse.

ततश् चन्दनचूर्णैश् च पुष्पवर्षैश् च सर्वशः । किरन्ति पौराः सर्वांस् तान् पूजयन्तो दिवौकसः

tataś candanacūrṇaiś ca puṣpavarṣaiś ca sarvaśaḥ / kiranti paurāḥ sarvāṃs tān pūjayanto divaukasaḥ

Sanskrit only: no published translation is held for this verse.

लाजैः प्रणामैर् धूपैश् च वाग्बुद्धिनियतास् तथा । द्वारकावासिनः सर्वे पूजयन्ति दिवौकसः

lājaiḥ praṇāmair dhūpaiś ca vāgbuddhiniyatās tathā / dvārakāvāsinaḥ sarve pūjayanti divaukasaḥ

Sanskrit only: no published translation is held for this verse.

आहुकं वसुदेवं च साम्बं च यदुनन्दनम् । सात्यकिं चोल्मुकं चैव विपृथुं च महाबलम्

āhukaṃ vasudevaṃ ca sāmbaṃ ca yadunandanam / sātyakiṃ colmukaṃ caiva vipṛthuṃ ca mahābalam

Sanskrit only: no published translation is held for this verse.

अन्धकं च शुभाक्षं च ततो वचनम् अब्रवीत्

andhakaṃ ca śubhākṣaṃ ca tato vacanam abravīt

Sanskrit only: no published translation is held for this verse.

वासवः सात्वतान् सर्वान् एष वो यदुनन्दनः । योजयित्वा रणे चैव यशसा पौरुषेण च

vāsavaḥ sātvatān sarvān eṣa vo yadunandanaḥ / yojayitvā raṇe caiva yaśasā pauruṣeṇa ca

Sanskrit only: no published translation is held for this verse.

महादेवस्य मिषतो गुहस्य च तथैव च । एष बाणं रणे जित्वा द्वारकां पुनर् आगताः

mahādevasya miṣato guhasya ca tathaiva ca / eṣa bāṇaṃ raṇe jitvā dvārakāṃ punar āgatāḥ

Sanskrit only: no published translation is held for this verse.

सहस्रबाहोर् बाहूनां कृत्वा क्षयम् अनुत्तमम् । स्थापयित्वा द्विबाहुत्वे प्राप्तो ऽयं स्वपुरीं हरिः

sahasrabāhor bāhūnāṃ kṛtvā kṣayam anuttamam / sthāpayitvā dvibāhutve prāpto 'yaṃ svapurīṃ hariḥ

Sanskrit only: no published translation is held for this verse.

यदर्थं जन्म कृष्णस्य मानुषेषु महात्मनः । तद् अप्य् अवसितं कृत्स्नं नष्टशोका वयं कृताः

yadarthaṃ janma kṛṣṇasya mānuṣeṣu mahātmanaḥ / tad apy avasitaṃ kṛtsnaṃ naṣṭaśokā vayaṃ kṛtāḥ

Sanskrit only: no published translation is held for this verse.

पिबन्तो मधुमाध्वीकं रंस्यामः प्रीतिसंयुताः । कालो यास्यत्य् अविरतं विषयेष्व् एव सज्जताम्

pibanto madhumādhvīkaṃ raṃsyāmaḥ prītisaṃyutāḥ / kālo yāsyaty avirataṃ viṣayeṣv eva sajjatām

Sanskrit only: no published translation is held for this verse.

बाहूनां संश्रयात् सर्वे वयम् अस्य महात्मनः । प्रनष्टशोका रंस्यामः सर्व एवामराः सुखम्

bāhūnāṃ saṃśrayāt sarve vayam asya mahātmanaḥ / pranaṣṭaśokā raṃsyāmaḥ sarva evāmarāḥ sukham

Sanskrit only: no published translation is held for this verse.

द्वारकां प्राप्य कृष्णस् तु रेमे यदुगणैर् वृतः

dvārakāṃ prāpya kṛṣṇas tu reme yadugaṇair vṛtaḥ

Sanskrit only: no published translation is held for this verse.

एवम् एषो ऽवतीइर्णो वै पृथिव्यां पृथिवीपते । विष्णुर् यदुकुलश्रेष्ठो वासुदेवेति विश्रुतः

evam eṣo 'vatīirṇo vai pṛthivyāṃ pṛthivīpate / viṣṇur yadukulaśreṣṭho vāsudeveti viśrutaḥ

Sanskrit only: no published translation is held for this verse.

एतैश् च कारणैः श्रीमान् वसुदेवकुले प्रभुः । जातो वृष्णिषु देवक्यां यन् मां त्वं परिपृच्छसि

etaiś ca kāraṇaiḥ śrīmān vasudevakule prabhuḥ / jāto vṛṣṇiṣu devakyāṃ yan māṃ tvaṃ paripṛcchasi

Sanskrit only: no published translation is held for this verse.

निवृत्ते नारदप्रश्ने मयोक्तं ते समासतः । उक्तास् ते विस्तराः सर्वे पूर्वं ये जनमेजय

nivṛtte nāradapraśne mayoktaṃ te samāsataḥ / uktās te vistarāḥ sarve pūrvaṃ ye janamejaya

Sanskrit only: no published translation is held for this verse.

विष्णोस् तु माथुरे कल्पे यत्र ते संशयो महान् । वासुदेवगतिश् चैव सा मया समुदाहृता

viṣṇos tu māthure kalpe yatra te saṃśayo mahān / vāsudevagatiś caiva sā mayā samudāhṛtā

Sanskrit only: no published translation is held for this verse.

आश्चर्यश् चैव नान्यो ऽस्ति कृष्णश् चाश्चर्यसंनिधिः । सर्वेष्व् आश्चर्यकल्पेषु नास्त्य् आश्चर्यम् अवैष्णवम्

āścaryaś caiva nānyo 'sti kṛṣṇaś cāścaryasaṃnidhiḥ / sarveṣv āścaryakalpeṣu nāsty āścaryam avaiṣṇavam

Sanskrit only: no published translation is held for this verse.

स एव धन्यो धनिनां धन्यकृद् धन्यभावनः । देवेष्व् अपि सदैत्येषु नास्ति धन्यतरो ऽच्युतात्

sa eva dhanyo dhanināṃ dhanyakṛd dhanyabhāvanaḥ / deveṣv api sadaityeṣu nāsti dhanyataro 'cyutāt

Sanskrit only: no published translation is held for this verse.

आदित्या वसवो रुद्रा अश्विनौ मरुतस् तथा । गगनं भूर् दिशश् चैव सलिलं ज्योतिर् एव च

ādityā vasavo rudrā aśvinau marutas tathā / gaganaṃ bhūr diśaś caiva salilaṃ jyotir eva ca

Sanskrit only: no published translation is held for this verse.

जगच् च सर्वं देवेशस् तं नमस् कुरु भारत

jagac ca sarvaṃ deveśas taṃ namas kuru bhārata

Sanskrit only: no published translation is held for this verse.

इत्युक्तं बाणयुद्धं ते माहात्म्यं केशवस्य च । वंशप्रतिष्ठां अतुलां श्रवणादेव लप्स्यसे

ityuktaṃ bāṇayuddhaṃ te māhātmyaṃ keśavasya ca / vaṃśapratiṣṭhāṃ atulāṃ śravaṇādeva lapsyase

Sanskrit only: no published translation is held for this verse.

ये चेदं धारयिष्यन्ति बाणयुद्धम् अनुत्तमम् । केशवस्य च माहात्म्यं नाधर्मस् तान् भजिष्यति

ye cedaṃ dhārayiṣyanti bāṇayuddham anuttamam / keśavasya ca māhātmyaṃ nādharmas tān bhajiṣyati

Sanskrit only: no published translation is held for this verse.

एषा ते वैष्णवी चर्या मया कार्त्स्न्येन कीर्तिता । पृच्छतस् तात यज्ञे ऽस्मिन् निवृत्ते जनमेजय

eṣā te vaiṣṇavī caryā mayā kārtsnyena kīrtitā / pṛcchatas tāta yajñe 'smin nivṛtte janamejaya

Sanskrit only: no published translation is held for this verse.

नाशुभं प्राप्नुयात् किंचिद् दीर्घम् आयुर् अवाप्नुयात्

nāśubhaṃ prāpnuyāt kiṃcid dīrgham āyur avāpnuyāt

Sanskrit only: no published translation is held for this verse.

सूत उवाच इति पारिक्षितो राजा वैशंपायनभाषितम् । श्रुतवान् अमलो भूत्वा हरिवंशं द्विजर्षभाः

sūta uvāca iti pārikṣito rājā vaiśaṃpāyanabhāṣitam / śrutavān amalo bhūtvā harivaṃśaṃ dvijarṣabhāḥ

Sanskrit only: no published translation is held for this verse.

प्रोक्ता वै सर्ववंशास् ते किं भूयः कथयामि ते

proktā vai sarvavaṃśās te kiṃ bhūyaḥ kathayāmi te

Sanskrit only: no published translation is held for this verse.