Harivaṃśa (critical edition) 114

कस्मिन् प्रतिष्ठितो वंशः पाण्डवानां महात्मनाम्

kasmin pratiṣṭhito vaṃśaḥ pāṇḍavānāṃ mahātmanām

Sanskrit only: no published translation is held for this verse.

सूत उवाच पारिक्षितस्य काश्यायां द्वौ पुत्रौ संबभूवतुः । चन्द्रापीडश् च नृपतिः सूर्यापीडश् च मोक्षवित्

sūta uvāca pārikṣitasya kāśyāyāṃ dvau putrau saṃbabhūvatuḥ / candrāpīḍaś ca nṛpatiḥ sūryāpīḍaś ca mokṣavit

Sanskrit only: no published translation is held for this verse.

चन्द्रापीडस्य पुत्राणां शतम् उत्तमधन्विनाम् । जनमेजय इत्य् एव क्षत्रं भुवि परिश्रुतम्

candrāpīḍasya putrāṇāṃ śatam uttamadhanvinām / janamejaya ity eva kṣatraṃ bhuvi pariśrutam

Sanskrit only: no published translation is held for this verse.

तेषां ज्येष्ठस् तु राजासीत् पुरे वारणसाह्वये । सत्यकर्णो महाबाहुर् यज्वा विपुलदक्षिणः

teṣāṃ jyeṣṭhas tu rājāsīt pure vāraṇasāhvaye / satyakarṇo mahābāhur yajvā vipuladakṣiṇaḥ

Sanskrit only: no published translation is held for this verse.

सत्यकर्णस्य दायादः श्वेतकर्णः प्रतापवान् । अपुत्रः स तु धर्मात्मा प्रविवेश तपोवनम्

satyakarṇasya dāyādaḥ śvetakarṇaḥ pratāpavān / aputraḥ sa tu dharmātmā praviveśa tapovanam

Sanskrit only: no published translation is held for this verse.

तस्माद् वनगताद् गर्भं यादवी प्रत्यपद्यत । सुचारोर् दुहिता सुभ्रूर् मालिनी भ्रातृमालिनि

tasmād vanagatād garbhaṃ yādavī pratyapadyata / sucāror duhitā subhrūr mālinī bhrātṛmālini

Sanskrit only: no published translation is held for this verse.

स त्व् अजन्मनि गर्भस्य श्वेतकर्णः प्रजेश्वरः । अन्वगच्छत तं पूर्वैर् महाप्रस्थानम् अच्युतम्

sa tv ajanmani garbhasya śvetakarṇaḥ prajeśvaraḥ / anvagacchata taṃ pūrvair mahāprasthānam acyutam

Sanskrit only: no published translation is held for this verse.

सा दृष्ट्वा संप्रयातं तं मालिनी पृष्ठतो ऽन्वगात् । पथि सा सुषुवे सुभ्रूर् वने राजीवलोचनम्

sā dṛṣṭvā saṃprayātaṃ taṃ mālinī pṛṣṭhato 'nvagāt / pathi sā suṣuve subhrūr vane rājīvalocanam

Sanskrit only: no published translation is held for this verse.

तम् अपाश्य च तत्रैव राजानं सान्वगच्छत । पतिव्रता महाभागा द्रौपदीव पुरा पतीन्

tam apāśya ca tatraiva rājānaṃ sānvagacchata / pativratā mahābhāgā draupadīva purā patīn

Sanskrit only: no published translation is held for this verse.

सुकुमारः कुमारो ऽसौ गिरिकुञ्जे रुरोद ह । दयार्थं तस्य मेघास् तु प्रादुरासन् महात्मनः

sukumāraḥ kumāro 'sau girikuñje ruroda ha / dayārthaṃ tasya meghās tu prādurāsan mahātmanaḥ

Sanskrit only: no published translation is held for this verse.

श्रविष्ठायाश् च पुत्रौ द्वौ पैप्पलादौ च तौ द्विजौ । दृष्ट्वा कृपान्वितौ गृह्य तं प्रक्षालयतां जले

śraviṣṭhāyāś ca putrau dvau paippalādau ca tau dvijau / dṛṣṭvā kṛpānvitau gṛhya taṃ prakṣālayatāṃ jale

Sanskrit only: no published translation is held for this verse.

विघृष्टे तस्य ते पार्श्वे खेलेन रुधिरस्रवे । अजश्यामौ च पार्श्वौ ताव् उभाव् अपि समाहितौ

vighṛṣṭe tasya te pārśve khelena rudhirasrave / ajaśyāmau ca pārśvau tāv ubhāv api samāhitau

Sanskrit only: no published translation is held for this verse.

ततो ऽजपार्श्व इति तौ चक्राते तस्य नाम ह

tato 'japārśva iti tau cakrāte tasya nāma ha

Sanskrit only: no published translation is held for this verse.

स तु वेमकशालायां उभाभ्याम् अभिवर्धितः

sa tu vemakaśālāyāṃ ubhābhyām abhivardhitaḥ

Sanskrit only: no published translation is held for this verse.

वेमक्याः स तु पुत्रो ऽभूद् ब्राह्मणौ सुचिवौ च तौ

vemakyāḥ sa tu putro 'bhūd brāhmaṇau sucivau ca tau

Sanskrit only: no published translation is held for this verse.

तेषां पुत्राश् च पौत्राश् च युगपत् तुल्यजीविनः । स एष पौरवो वंशः पाण्डवानां प्रतिष्ठितः

teṣāṃ putrāś ca pautrāś ca yugapat tulyajīvinaḥ / sa eṣa pauravo vaṃśaḥ pāṇḍavānāṃ pratiṣṭhitaḥ

Sanskrit only: no published translation is held for this verse.

श्लोको ऽपि चात्र गीतो ऽयं नाहुषेण ययातिना । जरासंक्रमणे पूर्वं तदा प्रीतेन धीमता

śloko 'pi cātra gīto 'yaṃ nāhuṣeṇa yayātinā / jarāsaṃkramaṇe pūrvaṃ tadā prītena dhīmatā

Sanskrit only: no published translation is held for this verse.

अचन्द्रार्कग्रहा भूमिर् भवेद् अपि न संशयः । अपौरवा न तु मही भविष्यति कदाचन

acandrārkagrahā bhūmir bhaved api na saṃśayaḥ / apauravā na tu mahī bhaviṣyati kadācana

Sanskrit only: no published translation is held for this verse.