Harivaṃśa (critical edition) 116

जनमेजय उवाच आसन्नं विप्रकृष्टं वा यदि कालं न विद्महे । तस्माद् द्वापरविध्वंसाद् युगान्तं स्पृहयाम्य् अहम्

janamejaya uvāca āsannaṃ viprakṛṣṭaṃ vā yadi kālaṃ na vidmahe / tasmād dvāparavidhvaṃsād yugāntaṃ spṛhayāmy aham

Sanskrit only: no published translation is held for this verse.

प्राप्ता वयं हि तं कालम् अनया धर्मतृष्णया । प्राप्ता वयं च धर्मं स्वं सुखम् अल्पेन कर्मणा

prāptā vayaṃ hi taṃ kālam anayā dharmatṛṣṇayā / prāptā vayaṃ ca dharmaṃ svaṃ sukham alpena karmaṇā

Sanskrit only: no published translation is held for this verse.

प्रनष्टधर्मं धर्मज्ञ निमित्तैर् वक्तुम् अर्हसि

pranaṣṭadharmaṃ dharmajña nimittair vaktum arhasi

Sanskrit only: no published translation is held for this verse.

युगान्ते पूर्वरूपाणि भगवान् अब्रवीत् तदा

yugānte pūrvarūpāṇi bhagavān abravīt tadā

Sanskrit only: no published translation is held for this verse.

व्यास उवाच अरक्षितारो हर्तारो बलिभागस्य पार्थिवाः । युगान्ते प्रभविष्यन्ति स्वरक्षणपरायणाः

vyāsa uvāca arakṣitāro hartāro balibhāgasya pārthivāḥ / yugānte prabhaviṣyanti svarakṣaṇaparāyaṇāḥ

Sanskrit only: no published translation is held for this verse.

अक्षत्रियाश् च राजानो विप्राः शूद्रोपजीविनः । शूद्राश् च ब्राह्मणाचारा भविष्यन्ति युगक्षये

akṣatriyāś ca rājāno viprāḥ śūdropajīvinaḥ / śūdrāś ca brāhmaṇācārā bhaviṣyanti yugakṣaye

Sanskrit only: no published translation is held for this verse.

काण्डपृष्ठाः श्रोत्रियाश् च हवींषि भरतर्षभ । एकपङ्क्त्याम् अशिष्यन्ति युगान्ते जनमेजय

kāṇḍapṛṣṭhāḥ śrotriyāś ca havīṃṣi bharatarṣabha / ekapaṅktyām aśiṣyanti yugānte janamejaya

Sanskrit only: no published translation is held for this verse.

भार्यामित्रा भविष्यन्ति युगान्ते जनमेजय

bhāryāmitrā bhaviṣyanti yugānte janamejaya

Sanskrit only: no published translation is held for this verse.

राजवृत्ते स्थिताश् चोरा राकानश् चोरशीलिनः । भृत्या अनिर्विष्टभुजो भविष्यन्ति युगक्षये

rājavṛtte sthitāś corā rākānaś coraśīlinaḥ / bhṛtyā anirviṣṭabhujo bhaviṣyanti yugakṣaye

Sanskrit only: no published translation is held for this verse.

अकुत्सना च पतिते भविष्यति युगक्षये

akutsanā ca patite bhaviṣyati yugakṣaye

Sanskrit only: no published translation is held for this verse.

प्रनष्टचेतना मर्त्या मुक्तकेशा विचूलिनः । उनषोडशवर्षाश् च प्रजास्यन्ति नरास् तदा

pranaṣṭacetanā martyā muktakeśā vicūlinaḥ / unaṣoḍaśavarṣāś ca prajāsyanti narās tadā

Sanskrit only: no published translation is held for this verse.

अट्टशूला जनपदाः शिवशूलाश् चतुष्पथाः । प्रमदाः केशशूलाश् च भविष्यन्ति युगक्षये

aṭṭaśūlā janapadāḥ śivaśūlāś catuṣpathāḥ / pramadāḥ keśaśūlāś ca bhaviṣyanti yugakṣaye

Sanskrit only: no published translation is held for this verse.

सर्वे ब्रह्म वदिष्यन्ति सर्वे वाजसनेयिनः । शूद्रा भोवादिनश् चैव भविष्यन्ति युगक्षये

sarve brahma vadiṣyanti sarve vājasaneyinaḥ / śūdrā bhovādinaś caiva bhaviṣyanti yugakṣaye

Sanskrit only: no published translation is held for this verse.

तपोयज्ञार्थवेदानां विक्रेतारो द्विजातयः । ऋतवश् च भविष्यन्ति विपरीता युगक्षये

tapoyajñārthavedānāṃ vikretāro dvijātayaḥ / ṛtavaś ca bhaviṣyanti viparītā yugakṣaye

Sanskrit only: no published translation is held for this verse.

शुक्लदन्ताजिताक्षाश् च मुण्डाः काषायवाससः । शूद्रा धर्मं चरिष्यन्ति शाक्यबुद्धोपजीविनः

śukladantājitākṣāś ca muṇḍāḥ kāṣāyavāsasaḥ / śūdrā dharmaṃ cariṣyanti śākyabuddhopajīvinaḥ

Sanskrit only: no published translation is held for this verse.

श्वापदप्रचुरत्वं च गवां चैव परिक्षयः । स्वादूनां विनिवृत्तिश् च विद्याद् अन्तगते युगे

śvāpadapracuratvaṃ ca gavāṃ caiva parikṣayaḥ / svādūnāṃ vinivṛttiś ca vidyād antagate yuge

Sanskrit only: no published translation is held for this verse.

अन्त्या मध्ये निवत्स्यन्ति मध्याश् चान्तावसायिनः । यथानिम्नं प्रजाः सर्वा गमिष्यन्ति युगक्षये

antyā madhye nivatsyanti madhyāś cāntāvasāyinaḥ / yathānimnaṃ prajāḥ sarvā gamiṣyanti yugakṣaye

Sanskrit only: no published translation is held for this verse.

तथा द्विहायना दम्यास् तथा पल्वलकर्षकाः । चित्रवर्षी च पर्जन्यो युगे क्षीणे भविष्यति

tathā dvihāyanā damyās tathā palvalakarṣakāḥ / citravarṣī ca parjanyo yuge kṣīṇe bhaviṣyati

Sanskrit only: no published translation is held for this verse.

न ते धर्मं चरिष्यन्ति मानवा निर्गते युगे । ऊषराबहुला भूमिः पन्थानो नगरान्तरा । सर्वे वाणिजकाश् चैव भविष्यन्ति कलौ युगे

na te dharmaṃ cariṣyanti mānavā nirgate yuge / ūṣarābahulā bhūmiḥ panthāno nagarāntarā / sarve vāṇijakāś caiva bhaviṣyanti kalau yuge

Sanskrit only: no published translation is held for this verse.

पितृकृत्यानि देयानि विधमन्तः सुतास् तदा । हरणाय प्रपत्स्यन्ते लोभानृतविरोधिताः

pitṛkṛtyāni deyāni vidhamantaḥ sutās tadā / haraṇāya prapatsyante lobhānṛtavirodhitāḥ

Sanskrit only: no published translation is held for this verse.

सौकुमार्ये तथा रूपे रत्ने चोपक्षयं गते । भविष्यन्ति युगस्यान्ते नार्यः केशैर् अलंकृताः

saukumārye tathā rūpe ratne copakṣayaṃ gate / bhaviṣyanti yugasyānte nāryaḥ keśair alaṃkṛtāḥ

Sanskrit only: no published translation is held for this verse.

निर्विहारस्य भीतस्य गृहस्थस्य भविष्यति । युगान्ते समनुप्राप्ते नान्या भार्यासमा रतिः

nirvihārasya bhītasya gṛhasthasya bhaviṣyati / yugānte samanuprāpte nānyā bhāryāsamā ratiḥ

Sanskrit only: no published translation is held for this verse.

कुशीलानार्यभूयिष्ठं वृथारूपसमावृतम् । पुरुषाल्पं बहुस्त्रीकं तद् युगान्तस्य लक्षणम्

kuśīlānāryabhūyiṣṭhaṃ vṛthārūpasamāvṛtam / puruṣālpaṃ bahustrīkaṃ tad yugāntasya lakṣaṇam

Sanskrit only: no published translation is held for this verse.

राजचोरादिदण्डार्तो जनः क्षयम् उपैष्यति

rājacorādidaṇḍārto janaḥ kṣayam upaiṣyati

Sanskrit only: no published translation is held for this verse.

सस्यनिष्पत्तिर् अफला तरुणा वृद्धशीलिनः । ईहयासुखिनो लोका भविष्यन्ति गते युगे

sasyaniṣpattir aphalā taruṇā vṛddhaśīlinaḥ / īhayāsukhino lokā bhaviṣyanti gate yuge

Sanskrit only: no published translation is held for this verse.

वर्षासु वाताः पुरुषा नीचाः शर्करवर्षिणः । संदिग्धः परलोकश् च भविष्यति युगक्षये

varṣāsu vātāḥ puruṣā nīcāḥ śarkaravarṣiṇaḥ / saṃdigdhaḥ paralokaś ca bhaviṣyati yugakṣaye

Sanskrit only: no published translation is held for this verse.

वैश्याचाराश् च राजन्या धनधान्योपजीविनः । युगापक्रमणे पूर्वं भविष्यन्ति द्विजातयः

vaiśyācārāś ca rājanyā dhanadhānyopajīvinaḥ / yugāpakramaṇe pūrvaṃ bhaviṣyanti dvijātayaḥ

Sanskrit only: no published translation is held for this verse.

अप्रवृत्ताः प्रपत्स्यन्ते समयाः शपथास् तथा । ऋणं च विनयभ्रंशो युगे क्षीणे भविष्यति

apravṛttāḥ prapatsyante samayāḥ śapathās tathā / ṛṇaṃ ca vinayabhraṃśo yuge kṣīṇe bhaviṣyati

Sanskrit only: no published translation is held for this verse.

भविष्यत्य् अफलो हर्षः क्रोधश् च सफलो नृणाम् । अजाश् चैवोपयोक्ष्यन्ते पयसो ऽर्थे युगक्षये

bhaviṣyaty aphalo harṣaḥ krodhaś ca saphalo nṛṇām / ajāś caivopayokṣyante payaso 'rthe yugakṣaye

Sanskrit only: no published translation is held for this verse.

शास्त्रोक्तस्याप्रवक्तारो भविष्यन्ति युगक्षये

śāstroktasyāpravaktāro bhaviṣyanti yugakṣaye

Sanskrit only: no published translation is held for this verse.

सर्वः सर्वं विजानाति वृद्धान् अनुपसेव्य च । न कश्चिद् अकविर् नाम युगान्ते प्रत्युपस्थिते

sarvaḥ sarvaṃ vijānāti vṛddhān anupasevya ca / na kaścid akavir nāma yugānte pratyupasthite

Sanskrit only: no published translation is held for this verse.

न क्षत्राणि नियोक्ष्यन्ति विकर्मस्था द्विजातयः । चोरप्रायाश् च राजानो युगान्ते प्रत्युपस्थिते

na kṣatrāṇi niyokṣyanti vikarmasthā dvijātayaḥ / coraprāyāś ca rājāno yugānte pratyupasthite

Sanskrit only: no published translation is held for this verse.

कुण्डा वृषा नैकृतिकाः सुरापा ब्रह्मवादिनः । अश्वमेधेन यक्ष्यन्ति युगान्ते जनमेजय

kuṇḍā vṛṣā naikṛtikāḥ surāpā brahmavādinaḥ / aśvamedhena yakṣyanti yugānte janamejaya

Sanskrit only: no published translation is held for this verse.

अयाज्यान् याजयिष्यन्ति तथाभक्ष्यस्य भक्षिणः । ब्राह्मणा धनतृष्णार्ता युगान्ते समुपस्थिते

ayājyān yājayiṣyanti tathābhakṣyasya bhakṣiṇaḥ / brāhmaṇā dhanatṛṣṇārtā yugānte samupasthite

Sanskrit only: no published translation is held for this verse.

भोगार्थम् अभिपत्स्यन्ते न च कश्चित् पठिष्यति । एकशङ्खास् तथा नार्यो गवेधुकपिनद्धकाः

bhogārtham abhipatsyante na ca kaścit paṭhiṣyati / ekaśaṅkhās tathā nāryo gavedhukapinaddhakāḥ

Sanskrit only: no published translation is held for this verse.

नक्षत्राणि विहीनानि विपरीता दिशस् तथा । संध्यारागो ऽथ दिग्दाहो भविष्यत्य् अपरे युगे

nakṣatrāṇi vihīnāni viparītā diśas tathā / saṃdhyārāgo 'tha digdāho bhaviṣyaty apare yuge

Sanskrit only: no published translation is held for this verse.

वियोनिषु चरिष्यन्ति प्रमदासु नरास् तदा

viyoniṣu cariṣyanti pramadāsu narās tadā

Sanskrit only: no published translation is held for this verse.

अकृताग्राणि भोक्ष्यन्ति नराश् चैवाग्निहोत्रिणः । भिक्षां बलिम् अदत्त्वा च भोक्ष्यन्ति पुरुषाः स्वयम्

akṛtāgrāṇi bhokṣyanti narāś caivāgnihotriṇaḥ / bhikṣāṃ balim adattvā ca bhokṣyanti puruṣāḥ svayam

Sanskrit only: no published translation is held for this verse.

पतीन् सुप्तान् वञ्चयित्वा गमिष्यन्ति स्त्रियो अण्यतः । पुरुषाश् च प्रसुप्तासु भार्यासु च परस्त्रियम्

patīn suptān vañcayitvā gamiṣyanti striyo aṇyataḥ / puruṣāś ca prasuptāsu bhāryāsu ca parastriyam

Sanskrit only: no published translation is held for this verse.

नाव्यधितो नाप्य् अरुजो जनः सर्वो ऽभ्यसूयकः । न कृतप्रतिकर्ता च काले क्षीणे भविष्यति

nāvyadhito nāpy arujo janaḥ sarvo 'bhyasūyakaḥ / na kṛtapratikartā ca kāle kṣīṇe bhaviṣyati

Sanskrit only: no published translation is held for this verse.